هل أسم الفتاة عورة ؟؟ ,,

[وعود]

السلام عليكم ورحمة الله وبركاته ,,,


هل أسم الفتاة عورة ؟؟؟


مثلآ يعني اوقات اشوف بنت تنادي على اختها او صديقتها او اي بنت بأسمها تضايق البنت وتقول ليها .. سكتي ولاتقولي أسمي في الطريق .. فيا ترى شنو سبب هذا الشي ؟؟؟


بانتظار ردودكم ووجهة نظركم حول الموضوع



تحياتي
وعــــــــود

[القلب المرح]

الحيا هو سبب ذلك
ولا اظن اسم البنت عورة
تحياتي لك بالتوفيق..

[عبدالله بومحمد]

السلام عليكم
اختي وعود لكل انسان اسم يحمله ليكون رمزا له ولا اعتقد ان ذكر اسم المرأة عورة اسوة بذكر اسماء رموز اسلامية نسائية بالقرآن الكريم كالسيدة مريم وتسمية السورة باسمها والسيدة فاطمة الزهراء ام ابيها في السيرة النبوية وامها خديجة عليهما السلام

[حمد حسن]

طبعآ ليس بعورة ولكن نحن نعيش وسط مجتمع يقيدنا بالتقاليد والأعراف فمنذ أن تفتحت عيوننا على الدنيا ونحن نرى ونسمع من كل الناس أنهم يخجلون من ذكر أسماء النساء وعمومآ هذا موروث أجتماعي وليس ديني يعني أجتماعيآ يعتبر ذكر أسم المرأة عورة

يسلمو على الموضوع

[حزن العمر]

والله ماأدري عورة والا لا ،، بس بالنسبة لي ما أحب أحد
ينادني قدام الرجال باسمي اتضايق وااااااااااااااااااااااااااااايد
خصوصا بالجامعة ادا البنات ينادوني اعصب من قمة راسي
واقول لهم سموني باسمي المستعار ،، مو لأن استحي من اسمي
بالعكس اسم عادي بس المشكلة مو حلوة قدام الرجال
تجي لك بنت تنادي عليك باسمك والله احراج ماهي حلوة ،،

خيتو وعود
الله يعطيك العافية على
الموضوع الجميل والسؤال
الرائع للمناقشة ،،

تحيتي العطرة لك
حزن العمر

[نور الولاية]

طبعآ ليس بعورة ولكن نحن نعيش وسط مجتمع يقيدنا بالتقاليد والأعراف فمنذ أن تفتحت عيوننا على الدنيا ونحن نرى ونسمع من كل الناس أنهم يخجلون من ذكر أسماء النساء وعمومآ هذا موروث أجتماعي وليس ديني يعني أجتماعيآ يعتبر ذكر أسم المرأة عورة..

نفس الرأي وأتفق مع الاخ الكريم

[نور الهدى]

طبعآ ليس بعورة ولكن نحن نعيش وسط مجتمع يقيدنا بالتقاليد والأعراف فمنذ أن تفتحت عيوننا على الدنيا ونحن نرى ونسمع من كل الناس أنهم يخجلون من ذكر أسماء النساء وعمومآ هذا موروث أجتماعي وليس ديني يعني أجتماعيآ يعتبر ذكر أسم المرأة عورة

يسلمو على الموضوع

نفس رأي الاخ حمد حسن

مشكورة خيتو وعود

وعساك على القوة

[همسات وله]

الله يعطيك العافيه خيتي وعود
واسم البنت ماهو عوره
بس احنا عندنا عادات وتقاليد مجبورين نتقيد بها
وهي مو حلوه ان انادي بعض وبصوت عالي في الاماكن العامه
وخصوصا امام الرجال تدرين هالايام الحجايج واجد وبعضهم يبي الشاره بس علشان يتعلف

تحياتي لك
خيتك همسات وله

[واحد فاضي]

اسم البنت مو عوره لكن
الاعراف والتقاليد هي السبب

وبالنسبة لي أنا بصراحه اذا رحت السوق مع ام زين

اناديها بـــ -- اززززززززززززززززز

مو لأنه عيب بس علشان اذا كانت في محل زحمه

تعرف اني انا اللي انادي مهوب واحد ثاني

والحين فيه رجال وااااااااااايد نعرفهم باسماء بناتهم

أبو الزهراء
أبو زينب وغيرررررررررررررهم كثير


تسلمي اختي وعود على الموضوع الرائع

[وعود]

مشكورين على التوااجد الروعة ..

[ام باسم]

اني اشوف ان ما فيه اي شي اذا الناس عرفوا اسم فلانه والا علانه ..

واذا كان اسم البنت عوره ..
ما كان ذكر لنا القرآن

[Princess]

اسامينا مهي عوره
بس مهي حلوه بحق الوحده وهي بالشارع ماره على رجال واحد يناديها بإسمها
تحس نفسها منحرجه ومستحيه مهي مستعيره منه .. ابدا
عن نفسي عادي بس بصوت واطي مو فضايح
ابوي عادي في المستشفى مثلا اذا بنتظار النساء ويبغى يناديني ... يناديني بإسمي اذا كنت ناسيه الجوال
خواتي بالسوق ينادوني بصوت واطي طبعا
بس بخربوطه يعني فلانووه خخخ
الحيا مثل ما قال خيي القلب المرح
هو اللي يخلي البنت ما تحب احد يعرف اسمها
كأني قرقرت واايد
خخ
يللا
ننسحب
ويسلموو خيتي وعود على هالطرح حلو ومن واقع نعيشه
دمتي بحفظ الرحمن

[الفتى_الحزين]

الله يعطيك العافيه أختي وعود
واسم البنت ماهو عوره

[تاج]

بلا منازع اسم البنت مو عورة ولا حتى صوت البنت
عورة " اللي ذبحونا وهم يقولون صوت البنت عورة "
وبالنسبة لي عادي جدا مافي احراج ابوي ينادينا
باسمائنا في اي مكان عادي , بس اخوتي بعضهم لا ,
ومتعصبين شوي في هالسالفة , واذا على العادات والتقاليد
فولت وانتهت وما بقى منها إلا الأصيل اللي ما يخالف التعاليم
الاسلامية ..
وشكرا على الموضوع الرائع ..

[عماد علي]

اسم البنت ليس عورة ... ربما الخجل هو سبب هذه الحالة...