لن أتزوج

[صدفة البحر]

لن أتزوج ..

قصة واقعية حدثت لفتاة من السعودية وبالأخص منطقة أبها .... عندما يكون الأب مديوناً يتاجر بأثمن سلعة مهما كانت .. ولكن نهايتها دائماً تعيسة ..
قصتنا هنا مفرحة وصغتها لكم بطريقة الشعر ..

دعونا نرى

الأب :
الله يستر يا بنتي على الجميع ويزوجهم بأحلى الشباب طيب ومؤمن لطيف .. بس أنا مضطر وأكيد بتعذريني سألني رجال عاقل وغني ونظيف إن كنتِ متوفرة أو تنتظري في الطريق
قلت إله : عاد اقبل يالحبيب البيت بيتك وأنا تراني موافق والله يجعله من النصيب
ترى الرجال عنده بيتٍ كبير والله يعينك عنده أولاد كبار نوره وأحمد وبشير
بس عن شكله إذا ودك تسألين :
يشبهني في الوسامة عنده كرش ومتين ولكن المشكلة إذا قلت له يمين يآخذ شمال ما يخالف عنده في عيونه حول بسيط ..

يالله يابنتي روحي تجهزي ..

البنت تصرخ بأعلى صوتها :
مابيه هالرجال مابيه
الرجال مخرف وكبير أبغي شاب حلو وصغير
و ما أبغي أعيل أولاده نورة وأحمد وبشير
الرجال داخل السبعين يعني فنقش
الزواج مو غصب الزواج قسمة ونصيب ...

سكر الأب الباب في وجهها وتزوجت رغماً عنها ولكن .. في ليلة الزفاف

الرجال :
غطي وجهك يا مره ماودّي أشوفك اليوم
أنا تعبان و باحط راسي على المخذه وبنام ..
إيه هذا اللي ناقص أحط عيني في عينك واقعد أتغزل أنا رجال في السبعين وما عندي هالكلام ..

البنت :
نام ياجدي نام .. ويش عليك مو أنت متزوج جماد ..

سمعت شخيره توجهت نحو الغرفة المقابلة ونامت ولكن في اليوم التالي عند منتصف الليل ..

الرجال :
يا مره اقبلي خلني أشوف وجهك
يمكن تشبهين أبوك وأقوم أرجعك ..

البنت :
أنا يا حبيبي أشبه أمي
والله لو تشوفك يمي
تقول : توقعته خووووووووش رجال بس خاب ظني
يشبه الوحش في صورته ... لا ... يشبه جني
شوف عمرك أنت في السبعين وأنا في العشرين وهذا سني
شوف الرشاقة وشوف الجمال ما تملك ذرة مني
وشوف هالشعر المموج لونه بني
يا ربي هذا حظي بس من أشوفك يجري همي
يالله بس روح وخر عني

الرجال وهو يسقط على الأرض مذهولًا :
يا ربي أيش هالجمال ولا جمال يوسف
يا بنت أنا مقدر على الكلام ولا الوقوف وشكله قرب موتي وخسارة ما تزودت من هالجمال بس هم عندي كلام ... لا تفرحين لأنك بتصيري أرملة ووداعِ أنا آسف يا بنت الحلال ..

وبعدها مات الرجل والحمد لله