( ابشركم انخطبت )

[hope]

اسمعوا قصتي..

كنت قاعدة أتفرج عالتلفزيون ... متابعة مسلسل ..



وجاء مشهد زواج وحدة من الشخص اللي تحبه من زمااااان ...



غيرت القناة على قناة ثانيه ...



شفت عرض أزياء فساتين عرايس...



غيرت القناة .. شفت خطوات وضع مكياج العروس ...



طفيت التلفزيون وجريت الونة " تنهيدة كبيرة " تشقق الصدر



التفت علىّ أبوي اللي نسيت تماما انه كان جنبي ... قال لي أبوي :

خير إن شاء الله يا بنيتي ؟! وش فيك ؟! عسى ماشر ؟!



أني تلخبطت ساعتها وولعت له التلفزيون وقعدت ساكتة ...



إيه أكيد بسكت وش أقول ؟ أقول له ودي أعرس ؟؟؟ ( يعني أتزوج بالعربي ) ...



أقول له إن صاحباتي اغلبهم تزوجوا ؟؟؟



وإلا أقول له إني تمنيت أكون مكان بنت خالي في كوشتها وفي الزفة ليلة الجمعة اللي فاتت ؟




أوف والله غثى .. يا بخت جداتنا ماتطق الوحدة العشر سنين إلا هي مخطوبة ..



وعلى الثنعش عرست ..



وان وصلت البنت ثمنطعش ما عرست قالوا عانس !!!



هذوليك البنات اللي عايشين صح مو حنا اللي نعجز ونوصل سن اليأس ما عرسنا ...



أخخخ .. يُبه الله يفتح عليك وتخليني اعرس ... وتفكني من الدراسة ...



وساعة أنا غارقة في قاع هذي الهواجيس ويرن التلفون ويقطع حبل أفكاري ...



طالع الرقم أبوي وقال رقم غريب ... رد بلهجة رسميه :



- وعليكم السلام .....



الله يسلمك .....



الحمد لله بخير .....



ايه أنا أبوفلانة ...



لا منت غلطان انا هو ...



ماعليك زود الله يسلمك ...



من معاي ياخوي ماعرفتك ...



والنعم .... تفضل وش السالفة اللي تبيني فيها ؟....



لا ماني مشغول ...



لهالدرجة الموضوع مهم ؟!...



تفضل تكلم شغلتني ...



والتفت أبوي علي وعطاني نظرة غريبة ..



أنا ساعتها قرصني قلبي مو من ردود أبوي بس من نظراته الغريبة ..



رد أبوي على المتصل : وش فيها زود طيب ؟...



لا بس مافيها أي ميزات عن الباقي ...



رد ابوي على المتصل : طيب وبعدين ... أيوه ....



طيب وش اسمك الكامل؟


وش تشتغل بالضبط؟


طيب من دلك علي وعطاك رقمنا ؟



لا الموضوع يا ابني مو بهالبساطة ....



العملية مش بيع وشرى وبس ...



الواحد لازم يسأل كثير ويحرص قبل يقدم على أي خطوة ...



لا موضوع انك تجي لبيتنا خليها بعدين ...



لين أسأل عن كل صغيرة وكبيرة ...



لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..



أنا كنت أتابع حركات أبوي وأنا متشققة من الفرحة ...



أخيرا انخطبت وبتزوج مثلي مثل غيري ...





يوووووه أخيرا بلبس فستان أبيض منفووووووش

أخيرا بطلع أجهز واتقضى للزواج ...


بسوي زواج كبير مررررررة



وبحط زفة وطرحتي مابيها خليجية بخليها مبتكرة ...



ساروووووه ماني عازمتنها هي وخواتها .. ماعزموني السنة اللي فاتت على عرسهم ...


وبشتري أغراض واشيل واحط واخطط ... بيصدع راسي بس ولو لذيذ هالصداع ...



يوم قفل الخط ابوي التفت علي وهو مبتسم ابتسامة تعجب وهو ساكت ... قلت :



- هاه يبه ؟ متى بيجي يشوفني ؟



- منهو



- هذا اللي خطبني



وشو؟!



- خطيبي اللي تو



- تموووووونين انتي ووجهك صار خطيبك على طول ماعندك وقت ..



- ايه يبه ترا بقولك هالمرة لا تطير العريس .. مثل ماطيرت ولد أم محمد العام الماضي .

للحين تراها حازة في نفسي ..

ترا هالمرة بضرب عن الدراسة ...

والا الاكل مقدر اضرب عنه ...



يبه بعنس ترى راح عمري



والرسول حث على تزويج من ترضون دينه وخلقه ...



وهذا الخاطب قايل قلبي انه أجودي .. ترى ما اعرفه بس اتوقع انه كذا...



وترى العرس أهم من الدراسة عشان الجنس البشري ماينقرض >>>>> خخخخ حلوة..مو ....



وبعدين من قال لك اني ماني مكملة دراستي والله بكمل



حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .



- هي انتي وين رحتي ... حدك حدك لا تتشققين!!!



- وش اشقق ؟!



هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة



- أي عريس وأي هم؟؟!!



انتي مصخنة ؟؟



هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..



قومي نامي يابنيتي .. ولا تكثرين قعده قدام التلفزيون ... الحين بس عرفت ليه سكرتيه تو...



أنا لا تسألون عن وجهي ...



الله يقطع أم العجلة اللي تعرفونها ....



مشكلتي إني أجزم على طوووووول قبل أتأكد



استروا ما واجهتوا


.................................................. ........

ههههههههه وش رايـــكم بالبنت

منقووووووول

[المومياءة]

ههههههههههههههههههههههه
مسكينة البنت
الحين طول عمرها راح تكه هالمكنسة خخخخ
مشكووورة اختي حور العين

[hope]

دوووم الضحــكه


العفوو حبيبتي

تسلمين ع المــرور


تحيــاتي

[محبه]

الصراحه حلوه خاصة بينقر ض خخخخخخخخخخخخخخخخخخ ومساكين بناتنا يتحلمو بس من هذا الزمان وبس يسلموا اختي

[ولد الشيوخ]

هههههههههههههههههههههههههههههه
ويلي على هالبنت
تصدقين عاد
والله افتكرتك انتي الا بالقصه
حت كسرتي خاطري
<<< يارقيق

يعطيك العافيه ع الموضوع
لاخلا ولاعدم

تحياتي

ولد الشيوخ

[hope]

تسلمين حبيبتي محبه على التواجد
دمتي

[hope]

مالت عليك يالشيوخ << امزح مو تعصب

الحين هاذي اني ههههههههههههههههههههه كركرتني ضحك لما شفت ردك

الله يسامحك بس

يسلموو على التواجد

دمت

[حنونة صغيرة]

يسلمـــــو

[زهور الامل]

هههههههههه
اكيد مستعجله ع الزوااااج
مسكينه كسرت خااااااااطري
يعطيك العافيه خيتوو
حور العين

[hope]

العفوو حنونه

تسلمين على المرور

دمتي بخير..

تحياتي

[hope]

العفوو


ومسكينه البنت مستعجله مااتدري الزواج هــم ومشاكل وبلاوي << لا والله ؟ حلفي ؟


تسلمين غفوور على المرور والرد

تقبلي تحيااتي العطره ..

حوروه

[تاج]

هههههههههههههههههههههههههههههه

الله يعينها المسكينه ..
كسرت خاطري ..

[دمعه حزن]

ههههههههههههههه
ويييي مسكينه وجها طاح بالقاع ..
ألف شكر لك .. حور العين .. ع المشاركة الحلوة ..
الله يعطيك ألف صحه وعافيه يارب ..
بانتظار كل ما هو جديد ..
دمتي بخير ..

تحياتي
دمعه حزن

[hope]

تـــاج

يسلموو حبيبتي على المرورو ..

يعطيك ربي العافية

[hope]

دمعة حزن

العــفو يالغالية

اشكرك ع التواجد الرائـع

دمتي بكل خير ..

تحياتي
حوور