ولا يهمك امورة انا هنا

وجايية من طريق ومنتفخ رأسي وبنفخ رأسك مواقف خخخ


شوفي ياطويلة العمر الحسد والعين هذول شيء واقعي طبعا يالغلا ...<<ماجبت شيء جديد ..


ومواقف حصلت لي مع ولدي مسكين كله سكات عين تجيه ..

بس اللي عمري ماانساه موقف حرق قلبي وقطعه تقطيع ....

هو والله مايستاهل حسد عليه بس ويش تقولي للناس ...

المهم شوفي ياامورة ...

مرة من المرات احنا رايحين نقضي اغراض البيت تونا جايين من اجازة والبيت مصفر ...


شرينا انواع عصاير كثيرة ...عبود كان لسى عمره سنة ونصف تقريبا ...


صفيتها بالثلاجة طبعا ...


في اليوم الثاني دقت واحدة من قرايبنا <<<الله يستر بس لايكون معا نا بالمنتدى ولا ادري عنها واتوهق

بس يلا بقولها واللي فيها فيها ....


قالت انها بتجي عندي ..فقلت لها تعالي حياك ..

وجات ...عاد ياجماعه الضيف احيانا يستحي وما يدخل المطبخ ولا يدخل الغرف ..الصالة وبس ..

بس هي دخلت المطبخ <<ينقال عنها تساعدني وانا افترضت حسن النية مع وجهي ...

وتفتح في الثلاجة وتحوس ومدري ويش ...

المهم انه عبود من بعد ذاك اليوم ظل شهر واشوي دوم تكرمي اسهال وتطريش ...

وحتى المستشفيات مو عارفين له ......

وانا ابد والله ماجاء على بالي حسد او شيء دوم افكر فيروسات الجو ...


بعد فترة رحت عندها انا في البيت عاد انا احم احم ماشاء الله علي عاقلة ولا اروح احوس ..

اذا بساعد تغسيل صحون واجد عليها خخخخ<<عين قوية ..

المهم واحنا جالسين قالت الي كلمة هزتني من جد وربي ...














كان جبتي لنا عصيرات من العصاير اللي معبيه ثلاجتكم منها




واصلا ماصار موضوع علشان اقول انه تذكرت او شيء الكلمة طلعت منها لحالها ..


اول ماقالتها لي كح كح كح ..تذكرت العبابيدووو ومعاناته قلت والله زين ماراح فيها


اذا مانست ثلاجتنا وعصيراتها <<< مااقول الا الله يسامحها بس عورت قلبي والله ...


وخلاص خذتها عادة من تدق تقول بتجي عندي ..تقولي ثلاجتنا مهجورة واشيل كل اللي فيها


او اني اقفلها واخش عنها المفتاح مثل اليهالوه ....


وعلى فكرة ولدي نفس سالفة اخو زهرة البنفسج ترى رجوله دوم مراهم وهذا لي ثلاث سنين


وانا من مرهم لمرهم ...بس هالمرة مااكتشفت منو حاسده ولا كان وريتها شغل الله <<لايكون انت امور ها اعترفي

الله يعينا بس من عيو ن الناس اللي ماترحم ...

والحين قامت تحاربنا بعد العيون مو علشان ضعف او سمنه حتى الملابس والكلام والمشية ووووو

وييه ماصارت ...


بس الحمد لله على كل حال ولو اقول من اليوم لبكرة عن قصص الحسادين اللي اسمعها كان ماانتهينا ...


لا لا لا لا لا



بس بقول لكم عن هذه من جد قطعت قلبي تقطيع ...


هذا الله يسلمكم بنوته صغيرة من قرايبنا قاعده تخطي ياحليلاتها واختها الكبيرة كانت والد ..

جات حرمة تزورها وتتحمد لها السلامة ...


شافت البنت الصغيرة وبنت االا خت قالت للأم ويييه هذا انت وبنتك تجيبون مع بعض ...

ياادوب طلعت والبنت تغيرت احوالها واصيبت بالشلل ...

وبعد فترة توفت ....


وييه كل ماتذكرت موقف والله يقشعر شعر بدني ..والمشكلة الحسد مايجيك الا من القرايب ...


الحمد لله على كل حال ...


بس على اللي يصير واذا حسيت بعين حارة صوبتني حدي شبة ....


وبعد مو كل شيء اقول عنه عين يعني بعضهم الله يهداهم مثل ماقلتي اي حاجة قالوا حسد ..

مثل مسألة الزواج والرسوب يتروالي بعضهم حتى الانفلونزا يقولوا عين ...


خافيين من قاموسهم مسألة فايروس او مرض ,,,


ربك يعين بس ...





امورتنا تسلمي يالغلا على الهذرة الحلوة والعسولة ....

سلمت يداك