سلام على اعزائي .. سلام على متابعين هدرتي. . بدون مقدمات قرقريه نخش في الموضوع...

ـــ امااااااااااااااااااااااااااااااااااااااااااااااه. ..
ــ امي بعد ابوي...
ــ الحقي على عمرررري..
ــ سمت على عمرك الزهرا ام الحسن وحسين.. ويش فيك ..؟؟.
ــ حسدوووني .. رسبت !!! <<<<< اساسا كان ما يذااكر... .
ــ ويي .. على عمري .. حسبي الله على من حسدك يا عساه ما يربح .. تعال اشببك
ويبتدي مشوار الدخاان
ــ كححححح كح كح اماااه فطست
ــ اسسسسسكت هذا هي طلعت العيوووون .... يااا علي.. ويلي عليك يا ولدي كبيرره خلني افقعها بس << أي كبيره ليش هو صايدتنه عين اساسا ؟؟
ــ أي والله اماااه " ويتميرض بس هروبا من واقع رسوبه" .. صدق صدق حسدوووووني .. اااه .. اااه ...

حاله اخرى
ــ ويلي يا ابو فلان... بنتك ما جاها نصيب للحين بنت خالتها اصغر منها بـ 5 سنوات تسهلت وبنتك للحين بتعنس..
ــ هذا نصيبها يا ام فلان و يش بتسوي بعد
ــ أي نصيب أي بطيخ .. بنيتي محسوووده <<< محسوده على ويش ياااحسره... نصيب وما جا ...؟؟؟
يبغى لي اوديها لفلانه تدرع ليها وتكشف ليها ويش صار ....
يروحوا لفلانه تدرع

ــ جيبي غطا بنتش .. وبلوزه <<<<والا أي صاقعه من عندها خخخ
ويقوم الهف .. وحاله .. بعدين...
قرقر بربر قرقر بربر .... بسم الله الرحمن... هدرة اغلبها فاضيه .. وللي يصدق راح يمرض من الهدره على خرطي
الزبده ...
ــ اخذي بيضه وكيس طحين وملعقتين خميره >>>>خخخخخخخخ طبخه
امزح..
اخذي بيضه واكسريها هناك
وماي رشيه هنا...
وهذا خلها تلبسه ..
وبكره الرجال بيتحذفوا على بتنش << كر كر كر ياااويلي والله حااااااله.....!!!!



ويا كثر الحالات.... اكيد مرت عليكم انوااع اخرى

الزبده ..,,, <<< ياكثر الزبده في مواضيعي .. بفتح مصنع.. وامحق من زبده..خخخ تتبعها هدره كح
المهم
اغلب الناااس ... الأوادم .. خلق الله... اذا القدر ما جا على المزاج.. صرخوا محسودين
اذا فشلوا في شي وهم السبب .. صرخوا محسودين...
الحسد ومااا ادراهم مالحسد...قال الرب جل جلاله" ومن شر حاسد اذا حسد"
الحاسد شره يصيب .. اصناف... مثلا انسان طول عمره ناجح فجأه انتكس... ولازم قبل لا نقول محسود نرجع لأسباب هالنكسه ممكن يكون شي خارجي صابه... اما اذا كان عامل نفسي ... انسدت نفسه عن الدراسه مثلا .. وكل ما يبغى يفتح كتاب كنه عزرائيل يادافع مخيم عليه ...خخخ صابتني هالحاله هالسنه .. المرجع لله .. ماعلينا ..
يقول حزتها محسود.. ويقروا عليه قرآن ... الشبه بعد زينه وليها فوايد بس مو بكل حاله نسوي حرايق ونقوم الدخان ...
اما اللي تدرع احسها استغفر الله سيم سيم مشعوذ...
طيب ناس تقول : تدرع بالقرآن ... طيب بالقران وبالنهايه اكسري واخلطي ... بدل لا تقول ليها اقري وصلي مثلا ؟؟؟!!!
شرايكم بهالحالات في مجتمعنا .. حالات من يظنوا نفسهم محسودين دوم... من العلاج بالشبه ..والتدريع ...
هل مررتم بكذا حاله .. وويش كان الحل ..؟؟؟
اتمنى القى تفاعلكم وبعض المواقف مما سمعتم او مر عليكم

وسلملم...
دمتم بحفظ الرحمن