والله آسفين البنت محجوزة ..!

[أمل الظهور]

السلام عليكم

ارفض الحجز اذا كان اكثر من سنة دون ملكة ...

لكن احيانا نضطر للحجز فقط ..مثلا الشاب يكون متعلق بالفتاة ولايريد غيرها

ووثقنا بأن نيته سليمه وفعلا متمسك فيها وظروفه مثلا مااشتغل او راتبه قليل ..

اسأل بنتي او اختي ..فلان رايدك ومتمسك فيك بس اذا تصبري الى ان تسمح له ظروفه ...

اذا كان البنت موافقة وماعندها اعتراض اوكي ...

بس بشرط ...اذا تقدم لخطبتها شخص اخر لاارفضه لانها محجوزة حالا ...

بس استفسر من الاثنين الفتاة والشاب الحاجز اذا كان مازال متمسك فيها ...ليه مااجمع قلوبهم واروح افرق بينهم

هو فعلا له مساويء مثل تغيير الرأي سواء عند البنت او الولد ...لكن يعتمد على الاختيار الصحيح والنصيب ...

لكن ارفض بشدة حجز وهم اطفال والبنت ترسم احلام والولد يرسم امال ..في النهاية ينصدم واحد منهم

انه تخلى عنه واختار غيره ...والبنت تبقى تحت ظل العنوسة بسببه ...

واحيانا سبحان الله تقبل البنت ويقبل الولد ولكن مشيئة الله ويكون

مافيه نصيب ويتفارقون مثلا تحليل ماقبل الزواج ...ووو

اايد الحجز ولكن بشروط اتأكد من النوايا اهم شيء واجري التحليل وافضل شيء اكتم على الخبر واذا فيه

احد خطبها ارفضه بدون مااخبره عن الحجز بعد التأكد من تمسك الحاجز لابنتي ...

والعمر للاثنين على الاقل البنت بعد 17 والولد بعد 22سنة

لأني عايشت حالة حجز ..اخوي لبنت عمي ، كان متعلق فيها كثير ورايدها ...ونحن نرفض ونقول مازلت ماتشتغل

وهو يترجى ويترجى ...لدرجة انه يوم انخطبت اختها الاكبر منها بغى يذبحنا الا تحجزوها لي ...

استسلمنا وحجزناها له تقريبا اربع سنين او اكثر ....الى ان اشتغل وربي وفقه وتزوجها ..

اتخيل لو رفضنا نحجزها له وانخطبت لاحد غيره كان ويش سوى فينا ...واحنا السبب .

واهم شيء جمعنا قلوبهم بالحلال ...

موفق اخوي

ويعطيك العافية