مواقف ماانساه كثيرة
لما أبوي دخل في غيبوبة بسبب هبوط سكر مفاجىء والحمد لله الله قومه بالسلامه
حادث قوي صار لي في الرياض وانا في صف رابع ابتدائي كنت رايحه انا وثنتين من خواتي مع واحد من اعمامي حق نتبرع لولد عمي بنخاع
وللاسف ماتوافقنا وبعدها بسنتين توفي ولد عمي وعمره 10 سنوات
وموقف يضحك أو يفشل بكيفج انتي أحكمي عليه من نفسج
مره رايحين السوق انا وخواتي صادف بعدها صلاة المغرب ولا خلصنا
قلنا بننتظر لين يفتحوا المحلات
واحنا جالسين ننتظر
قمت وقلت لخواتي يلا يلا تعالوا فتحوا
المحلات
ورحت بدخل المحل وكان كله زجاج أمشي وأمشي ( الثقة زينه) الا أصقع براسي بجامة المحل
طلع مسكر اساسا بعده مايفتح
وصار اهتزاز قوي مره من الناحيتين
في راسي وفي زجاج المحل
خواتي ماتوا ضحك ومن فشلتهم تباعدوا عني وهربوا والناس يمكن بعضهم ضحكمادري ماطالعت
وبعضهم تعاطفوا معاي جات لي كم بنت تقولي عسى ماتعورتي والله وهي حاطه يدها على كتفي
( وانا تعورت وايد لأني واثقه ان المحل مفتوح )
لكني بنفس الوقت عورني بطني من الضحك اللي سويته
مشكورة أختي حور الجنان
يعطيج الف عافية
أختك
عيون لاتنام
رد مع اقتباس
المفضلات