لطيفه : طرشي له حد يستعجله

غلا : يمكن عندهم رجال فشله خله على راحته

لطيفه : ماعمري قلت لج شي وقلتي انشالله

تغريد : شفيج عليها لطيفه الله يهداج كلامها صح

لطيفه : ماقلنا شي بس لين متى بنتم !!

دخل عليهم خالد ..

خالد : السلااام عليكم

الكل : وعليكم السلام

الكل لاحظو ان خالد وغلا ماكلمو بعض وايد وشكلهم زعلانين ..

خالد : ها عمتي شلونج؟؟

تغريد : طيبه

خالد : مرتي وينها؟

تغريد : بالدار تلبس عباتها

لطيفه : يلا لاتبطون ..

خالد : انشالله ..

دخل خالد على غلا وهي ماعطته ظهرها تسكر عباتها ..

غلا سمعت ان حد دش بس شافت ظل خالد .. ماتحركت

خالد : غـــلا ؟

غلا ماسوت شي حركت شعرها على ورى ولمته ..

خالد نزل عينه ( لين الحين زعلانه علي بغبااااااائي انا الخبل )

خالد : اكلمج غلا ردي علي

غلا بصوت واطي حيـل وهي تشيل شنطتها وشيلتها : انا خلصت بنطرك بره

مشت ويودها خالد بقووو من يدها وسكرت عينها بين عليها انها تعورت من مسكته

خالد : رحمينـي غلا

غلا طاحت دموعها من عينها : افففف خالد لاتسوي جذي ويالله خل نمشي

نفظت يد خالد ومشت عنه لفت شيلتها وطلعت من الباب اللي ورا

لطيفه : وين مرتك ؟؟

خالد وهو مستعجل : سبقتنا

لطيفه : يالله مع السلامه ياام علي

تغريد توصلهم لين الباب : الله وياكم ..

وبعدها جا ريل تغريد وردوا لبيتهم

وفضى البيت العود

دخله سعد ولقى امه نايمه

ظاق خلقـــــــــه

محد وياه ، ياربي متى اعرس بس افف

=========================

دخلت غلا البيت قبلهم

وراحت لطابقهم وهي تمشي على الدرج

تحس بشي يظعف حيلها ماتقدر تكمل الدرج

بس غصبت روحها وكملته ..

وصلت لين الدار وقطت روحها على اقرب كرسي

حطت راسها على يدينها على الكرسي وهي مدنعه من عوار فيها ..

دخل خالد وجنه كان يدورها ..

خالد تخرع : شفيج غلا ! شي يعورج ؟؟

غلا تقوم على حيلها : مافيني شي مافينيييييييييي

خالد سبقها ووقف بويهها : وين بتروحين غلا ، قعدي معاي ابيج شوي

غلا تجتفت : شتبـي مني؟ مو انا صاير كلامي ثقيـل عليكم كلكم

انت وامك و حتى عمي مادري ليـش !

شتبي مني الحين اقعد واغثك بكلامي ؟؟؟

خالد تنرفز : لاتقولين جذذذذذذي

غلا : شتبيني اقول عيل خالد ، انت اللي قولي شقلبك علي؟؟

خالد : ماقلبني شي مافيني شي بس كنت تعبان وماعرف شيطلع مني

غلا : ........ ( ماردت عليه )

خالد : غلااي تكفين انتي اللي شفيييييج والله مو غلا اللي اعرفها قولي شفيج

غلا بس سمعت هالكلمتين من خالد

طاحت على الكرسي تشاهق وهي تصيح

خالد تخرع : غلا شفيج ، ليش تصيحين (يهزها) ، غلا تحجي

غلا ترفع راسها .. : خالد بذمتك قولـي

انت لو بمكاني تستحمل معاملتي لك بنفس معاملتك لي

بتستحمل معاملة امك لي !!

انا ماقدر خلااص والله احس بموووووووت خالد

تكفى اذا لي عندي غلاه عندك طلعني من هنـــــــــي

تعبت هالبيت خلاص بكبره صار يتعبني هو وبهله الله يخلييييك

خالد تذكر انه كان عازمها على الشاليهات ونســـــــى

شلون راحت عن باله وهي ماذكرته كلــــش انا شلون نسيييييييييت

افففففففففففففففففففففففف صج اني ثوووووووووووووووووووووووووو
ووووووووووووووووووووووووووووووووووو
وووووووووووووووووووووووووووووووووو
ووووووووووووووووور ..

خالد : غلا خلاص انا آسف اوعدج ماعيدها وانا اسف على وعدي

انا بنطلع مع بعض ونسيت وغلاتج يالغلا مادري شلون راح عن بالي

خلاص من باجر احنا بره هالبيت زين ؟؟

غلا وهي لين الحين تصيح : يصير خير

خاالد : لاتصييحين ، عشاني غلا

غلا سكتت شوي وقامت عنه

خالد بعذوبه : وين رايحه عني !!!!!

غلا : راسـي مصدع خالــد ماقدر اقعد ..

خالد : اللي تشوفينه ، تصبحين على خير ..

غلا : وانت من اهله

راحت غلا تسبحت يمكن شوي ترتـاح

وطلعت لقت خالد بالصاله يدخـن

تنرفزت وصلت ركعتيـن رتبت الغرفه وعطرتها ونامت ..