غلا (رواايه تجنن لاتفوتكم)

[العبرات الدامية]

قام خالد ثاني يوم الصبح وهو موصل حده ..

ولا حتى قوم غلا ..

تسبح ولبس ملابسه وطلع من البيت راح الشغل

ماتريق ولا كل شي على لحم بطنه ..

وصل لشغله وهو يمشي بكل عصبيه يتهاوش مع ذبان وجهه ..

وصل لمكتبه ووقف ،، جتف يده ورفع خشمه ويكلمها ..

خالد : آخرتها معااج !

السكرتيره : صباح الخير أستاز خالد ..

خالد رضخ بيده على المكتب : لاتجييييييييييبين اسمي على لسانج ومن اليوم ، الا من هالساعه

مابيج جدام وجهيييي ، شيلي اغراضج والله معاااااااج

السكرتيره : لييش استاز شز صاير

خالد : من غير نقاش لما يجيج امر مني تنفذينه ، يلا مع السلاااامه

وبيتي ان دقيتي عليه ولا على الجوال وررررربي لاانهيج من العالم

السكرتيره تخرعت شاللي سوته وصله لهالحد

مثور جنه بركان معصب وموصل حده

شالت اغراضها من المكتب وهي تصيح وطلعت ..

خالد ماعرف يشتغل ولايسوي شي ..

غلا فالبيت جاتها رفيجتها على الضحـى ..


عاليه : غلوي والله انتي ظلمتيه شدعوى خاينج مره وحده ، حرام عليج

اذا انتي تقولين حتى ربعه مايشوفهم مثل قبل ولا يطلع وايد ، متى زين!

غلا : اففففف مادري علوي انا حارتني قاهرتني تخيلي يوم اتصله وهو فالبحرين

ردت على موبايله ،، موباااااااايله!!! علوي بموووووووووت

طاحت على الكرسي تصيح

عاليه : لاتسويييين جذي غلوي السالفه ماتستاهل دموعج ، مافي شي كبير ياغلا ياعمري


روحي اتصلي فيه الحين وسوي روحج بس تسألين عنه

غلا : ليش؟ نايمه وانا زعلانه ..

عاليه : حرام عليج الرجال طيب حيل وياج حرام علييج غلوي والله انج حيوانه

غلا : اوهوووووووووووووووووووووووووووووو

عاليه : ويعه زين وووووويعه ، غلوي من صجي انتي ظالمته صدقينييييييي

غلا : اففف ، مادري غلوي مادري !! . . .

بعد ماقعدت معاها وطلعت عنها ..

وصل خالد للبيت ..

دخل والجو مكهرب قعد على الكرسي ..

خالد : شلونج اليوم!!

غلا : زينه

خالد : عيالي وين !

غلا : سعد نايم ..

خالد : وفيصل؟

غلا : قاعد ..

خالد : بروح له ..

قام خالد ووقفت غلا مسكته من يده ..

خالد كان ينطر هالموقف من زماان

خالد : غلاا حرااااااااااااااااااام عليج ، وربي مابيبي وبينها شي

غلا : شتبي فيك هييي

خالد : كلبه ، طردتها والله طردتها ، مالها مكان عندي ، صدقيني غلا .. انتي ام فيصل شلون يجي فبالج

انتي ااشوف غيرج؟؟

غلا نزلت راسها : لاني احبك حرتني

خالد : خلاص مابيج تقولين شي ، انسي كل اللي صاار

غلا : انشالله

خالد : زين يقولون في حلاوه للصلحه ،، وينها حلاوة صلحتنا

غلا : ههههه داخل

خالد : وين

راحت غلا وجابت فيصل ..

خالد شاله من عندها ولمممه بقوووو ،،
رفعه وطاح مهاده ..

باس راسه : يااااااخلف هلي انت ، محلو الكلب شهالخدووود

غلا : ههههه عافيه عافيه

خالد : أي والله هاا!! (يطالعه) بس طالع حلو على ابوه

غلا : ههههههههههه أي والله
يــوم التخــرج

عمر وجاسم كانو يتكشخون

عمر : جسوم بخاطري اشوف شكلي

جاسم بلع ريجه : مب طبيعي ، تجنن عمور

عمر : اييه الله كريم

قعد جاسم يكشخ عمر ويمشط له شعره

عمر :

ولوهو في حسن يوسف
كسف بالنور نور ضياه
واختمـــها
عسى ربٍ بلاني بـه
يقوينـــــــــــي

جاسم : آميين ويفكك وتنساها ..


عمر : هـــــه

حلفت بنور عيني لو يطول البعد انا مانساه
انا وشلون ابيع اللي من العرضان
شاريني؟

جاسم : شالسالفه اسألك ترد باغنيه ، عمور جد انساها وفك قلبك من طاريها ، تتعب عمرك على ولاشي!

اللي تحبها راحت منك صارت لغييرك افهمممم

عمر :

تصبر ياخفوقٍ صار داه اليوم وسط رداه
على رجو أن رب العرش
يدنيهم ويدنيني


جاسم يهز راسه : الله يهداك بس .


عمر : يهدى الجمييع انشالله ، ماقلت لي وتاليتها وياك انت وهالغاليه؟؟

جاسم : لا خلاص انشالله قريب حتفرحوا فينا

عمر : صج والله!!

[العبرات الدامية]

جاسم : هاهاهاي

عمر : ماينخاف الا من الساكت يالهيس

جاسم : هههههه اعجبك

عمر : هههههه مبروك مقدمآ حبيب قلبـي

جاسم : يبارك فحياتك انشالله

عمر : خلصني الله يخليك مب شعر ذيه اللي من مساعه تمشطه خلاص لو هو شعر نعيه خلص

جاسم : ههههه شحقه تشبه روحك بالنعيه قلت التشابيه

عمر : شسوي شبيهتي هههه

جاسم : ههههه



غلا و خالد كانوا بالفندق وصلوا من يومين

خالد : اااخ كسرتينا بهالسوق الله يسامحج

غلا :هههه والله هاي كان شرطي

خالد : يبييي لج ضرب ههههههه

غلا : لا والله

خالد : يالله يا إمرأه خلصي لبس خنروح

غلا : شلبس خالد

خالد : دفتج زينه

غلا : لا والله دفه بامريكا

خالد : لا فالمريخ ، أي بامريكا

غلا : شكلها جذي

كشخت غلا من تحت العباه بتنوره تايجر وبلوزه سودا وكشخت بخاتم شاريه خالد والساعه

لبست عباتها وخلصت

خالد لبس بدله رسميه جاكيت اسود والبلوزه بيضا

غلا : ياسلام ، يالله خل تعشقك امريكيه

خالد : أيه وان زعلتي اقول لها تراها من الارهابيين

غلا : افا تبيعني عشانها ، الله يسامحك

خالد : اخسي والله انا ، قلبي غلا لحقيييه

غلا : هههههه خالد لاتقول جذي الله يخليك

خالد : شسوي احبج !

غلا سكتت ماقالت شي

بعدها

غلا : خالد!

خالد : عيونـه

غلا : عمر يدري ان احنا هني؟

خالد : لا مفاجأه .

غلا نزلت راسها : بس شلون بيشوفنا؟

خالد :ها؟؟ ، يالله مافكرت فيها ..(قعد على الكرسي) ، غلا ليش ذكرتيني ، تصدقين ماشتهي اروح

غلا : شدعووى خالد والله ماقصدت

خالد : لا مب منج ، اصلآ السالفه لو ماذكرتيني انا بذكرها ، بس من اذكر سالفته

يظييق صــدري واحس . شاقول ياربي حسبي الله ونعم الوكيل

غلا : ماعليه ياعمري احنا شنقدر نسوي ، اللي صار صار ! بس . انا سمعت في علاج للعمى

خالد : الله كريم

غلا ابتسمت له وراحت تكمل اخررر لبسها

خالد مب قادر يروح علامات الحزن من ملامحه

غلا لمت شعرها ولبست شيلتها ، خذت شنطتها وطلعوا من الفندق

خذوا السياره اللي اجرها خالد وقالوا للسواق يوصلهم

وبعد الحفله بياخذون عمر معاهم عشان يردون قطـــــــر

وصلوا للجامعه والشباب كانوا يلبسون روب التخرج والكبابييس

عمر : الله والله شعور حلو ياريتني مفتح بخاطري اشوفكم

جاسم : حلايا هالشيف شتشوف فينا نلوع الجبد

عمر : جسوم قلبي فيه شي احس حد هنييييي تكفى طالع

جاسم : محد هنيي صدقني

عمر : اخ شفيك ياقلبي لاتجذب على روحك بعد ، بســك

قعدوا الشباب على الكراسي المخصصه لهم

وخالد وغلا بعد

جاسم انتبه على خالد بس ماعرفه عدل لانه متغير بالبدله ماركز عليه عدل

الحفل كان طويل فالبدايه شوي

وبعدها بدت مراسم التخرج

يقرون الاسامي ويسلمون الشهادات

خالد و غلا كانوا بالصف الثالث ..

الحفله كانوا مسوينها بره الجامعه لان عددهم كان كبير ..

غلا كانت فرحانه لولد عمها

وحزينه على حالته

ياريتك تفهم اني ماعدت حبيبتك ياااريت

عمر كان فباله الف سؤال عن غلا !

انا تخرجت تدرين عني ولا نسيتني من كل قلبـج .؟

معقوله يضيع الحب وامانينا تصير اوهام ؟

هاي اللي كان يدور فباله

جا دور اسم عمر وخالد فز يمسكه

خالد اشر لجاسم انه يسكت

عمر مانتبه من مسكه ..

سلموه الشهاده وسلم ،، نزل من على المنصه ولمه خالد و كل وريد بجسمه متفـجر شوق لاخوه ..

عمر : خالد؟؟

خالد خانقته العبره : أي خاالد ياطوايف هلي ، ،سامحني يالغلي سامحني

عمر يوخر عن حضنه ودموعه طايحه من عينه بس مب مبينه من النظاره ..

عمر : لا ياخوي لاتقول جذي (يبي يحب يده بس خالد يسحبها ، لمه عمر بقو وصاح )

خالد : لاتسوي بروحك جذي حبيبي ياعمر ، الله يخلييك

عمر: وينكم عني !

خالد : احنا هني حبيبي، عمير يأشرون لك لازم تقعد الحين

عمر : لاتروح خالد

خالد : انشالله حبيبي انا جاي لك شلون اروح؟

عمر ماقال شي وقعده خالد على الكرسـي ..

الشباب كلهم باركوا لبعض وبعدها وقفوا وفروا الكبابيس

وابتدى التبووس والتلممم من بينهم ..

عمر : جسوم ودني حق خاالد

جاسم : انشالله تعال

مسكه جاسم ووقف يوم شاف غلا ماعرفها ، رفع حاجب ..

ابتسم وتخرع يوم شاف خالد .. عرف انها مرته

جاسم ( شهالحظوظ ، والله صاج عمور وين تنسي ؟ ) ..

خالد : مرحبا بالشيووووخ

جاسم : هههههه هلا والله ..

سلم جاسم على خالد وغلا وبعدها خلاهم

طبعآ قعد يتربص احسن الفرص ويكلم غاليه ويخطفها من بين رفيجاتها

جاسم : الف مبروك

غاليه : يبارك فيك ، مبروك عليك وعلى عمر ..

جاسم : يبارك فحياتج ، ها متى ؟

غاليه : صبررر جاسم ، مو الحين نرد الديره ويصير خير

جاسم : يصير خير

غاليه : تقدر تقول

جاسم : مافهمتج

غاليه : شوف جاسم انا عندي شرط ان قدرت كان بها وان ماقدرت كل منا فدرب ..

جاسم : شنو الشرط؟

غاليه : شوف انا شرطي واحد ياانا ياعمر .. ااذا تبيني تنساه خله لهله وعده واحد من ابعد ربعك ..

جاسم انصدم : عمر؟؟؟ حرام عليج ، هذا اخووووي

غاليه : خلاص عيل انساني ..

جاسم : قعدي مكانـج

غاليه : شتبي خل رفيجك ينفعك

جاسم : لاتقولين جذي ، خلاص احنا لما نرد قطر اكيد بيلهى عني مع هله

غاليه : بس مرده بيرد لك ، انا مابيك ترافجه وهذا شرطي ، فكر فيه وقولي ،، عن أذنك ..

--------------------------------------------------------------------------------

خلته غاليه وراحت لصديقاتها ..



غاليه : نفذت الوعـــــــد ياريما ، والولد شبه موافق

ريما : صصصصج ،، يعني برتاح بعرف ان قلبه بيحترق

غاليه : ههههه طبعآآآآآ ،، مو هو اللي يطنش ريما

ريما رفعت حاجب جنها منتصره بحرب ..

و عمر للي ماكان يدري عن ولاشي باللي بينهل عليه فالايام الجايه ..

كان بغمــــــرة افراحه مع اخوه وبنت عمـه ..


عمر : مشتااااق للدوحه برد لها ، رجعوني باجر ..

خالد : هههه انشالله .. من هالعين قبل هالعين

عمر : والله من صجي ابي ارجع خلاص اففف الحين صج عرفت ان احنا بنعمــه ..

خالد : حمدلله ، يلا ياعمير احنا بنرد الفندق هني شكلهم بيسوون حفله مادري شهالعفسه

عمر : خيااااااس بيسوون حفلة رقص وطفاس ، برد وياكم واللللله لي مكان؟

خالد : افا عليييييك عيوني وين راحت انا؟

عمر : مااتقصر خلاص بس ودني اسلم على ربعي ..

خالد : انشالله ،، غلا تنتظرين هني ولاتجين ويانا؟؟

غلا : لافشله اروح بنتظر ..

خالد : خلاص عيل مانتأخر لاتروحين مكان بروحج ..

غلا : انشالله ..

مشى خالد وهو ماسك عمر ووصله عند ربعه ..

سلم عليه وعاتبوه ..

تامر : انا قلت انت بتغني لنا اليوووووم ، وين راااااايح؟؟

عمر : لا خلااااص من بعد هاليوم مافي اغاني

تامر : لييش يبا؟

عمر : هههه جذي ، يالله نشووفكم على خيير ياشباب ..

تامر : لا والله بنزعل علييييييك ، ودااعيه ..

عمر : لالالا الله يخلييك

تامر : عاد انا حلفت

عمر يلف على خالد ..

خالد : لاترد ربعك ،، خلك وياهم وانا شوي وبرد لك ..

عمر : خلاص ، بس لاتتأخر ..

خالد : لاتحاتي ..

قعد عمر معاهم شوي ..

تامر : يلا عاد بتنشف ريجنا غـن ..

عمر : انشالله ،،، ( سكت شوي ) ..

ووو ..

لي بنت عمٍ
ماوطت درب الادناس
مادَنِست يوم النسا
يَدنسنِ
ضربتها وانا احسب الضرب
نومـاس
طلقتها يوم اخفت العقل منـي
لو ينشكي حب على الذيب سرحان
يسرح مع الطليان ولا يجفلني
لو ينشكي حبي على الطير
ماطــار ...


كلهم سكتوا لان الخبر بان مرت اخوه بنت عمه الوحيده انتشـر من وصلت

لان السؤال عنها ماوقف ..

البنات والشباب كلهم صارو يسألون من ذي ..

لانها الوحيده اللي بالعبايه والوحيده الحلوه :P خخخخخ


خلص عمر وقام من وسط هالصمت بصمت ..

قام ووقف على حيله مشى شوي وجاسم راح بعييد عنـه ..

مانتبهت له الا غلا

التفت تدور خالد ماحصلته

غلا (ياربي شلون بمسكه الحين والله فشله ، عييب وينه خالد بعد وين راح)

عمر يمشي ويتخرطف ..

غلا جدمت وراحت له والعيون كلهاا عليها وعلى عمر ..

غلا : عمــر ..!

عمر مثل كل مره كل مايسمع اسمه على لسانها قلبه يعوره من اول مانطقته ..

عمر : هـ هلا غلا !

غلا : حاسب شوي شوي

عمر : انشالله ..

غلا : ماتدري وين خالد ؟؟

عمر : لا والله قال بيروح وبيرد لي ماجاج؟

غلا : بلا بس بعد انا قالي بيروح وبيرد

عمر صخ وماعلق ...

عمر : شلونــج غـلا؟

غلا شكثر تخاف من هالسؤال ماتقدر : انا طيبه

عمر : عيال اخوي حلوين !

غلا ابتسمت : على ابوهم


تامر وهو مار على عمر : أي ياشيخ من قدُُك

عمر : هههه

غلا ابتسمت ونزلت عيونها وهم يتكلمون ..

غلا : الله يهداه خالد نبي نطلع من هني

عمر : زهقناج يابنت عمي ، حقج علي

غلا : لالالالا مب عن جذي بس المكان كله رجال ، وانا شكلي غلط بينهم هههه

عمر : افااا مايوحشج الغلط يابنت عمي

غلا سكتت ، استحت من كلامه ..

[العبرات الدامية]

نست كل شي نست الدنيا وكل شي صاير

حست انها رجعت بنت عاديه لا متزوجه ولا وراها عيال وبيت وريل

توها تحب عمر .. بس رفعت عينها ، لفت وشافت خالد جاي

حست انها تبي تروح بعيد عنهم كلهمــــــ

بعيد عن كل هالناس تروح لمكان تطلع فيه كل المشاعر اللي كابتتها داخل صدرها ..

تحس الظييق ساكن صدرها من صغرتها وفي يوم بيجي لازم تطلعه وماتخليه اكثر

تعبـانه وماتعرف شتسوي ..

ماتعرف تكلم من والا تشرح لمن ولا تعلم من

بين كل هالأفكار واللي يجي على بالها طيف عمها مر عليها وارتوى قلبها

حسته معاهم لفت يمين يسار جنها تدور حد

خالد انتبه لها وهو يشرب العصير : من تدورين ؟؟

غلا : ها لا ولاشي ..

رجع يكمل ..

خالد : يالله عمير ماتبي تمشي تعبنا واحنا واقفين

عمر : بلا يلا ..

طلعوا من الجامعه وغلا فواادي ثاني . ..

طلعوا من الجامعه وعمر سمع ريما تقوله By عمر ..

مارد عمر .. وطلعوا من الجامعه وهو فباله احلى ذكريات لسنه عاشها بعيد عن هله

وصلوا لشقة عمر وخالد ماخلاه يتم بالشقه بروحه

وهو وغلا شالوا كل اغراضه عشان يشحنونها ..

وعمر كان قاعد بالصاله ..

غلا فصخت عباتها وشيلتها ..

وقعدت تشيل وتحط بالاغراض هي وخالد ..


عمر : 1 2 3 خالد ياحياتي

خالد : ههههههههه شايفني بالملعب انا

عمر : ههههههههههه

عمر :

المشاعر في غيابك
ذاب فيها كل صوت
والليالي من عذابك
عذبت فيني السكوت
صرت خايف لاتجيني
لحظه يذبل فيها قلبي
وكل اوراقي تموت

ماهو بس انا حبيـبــــــــي
الاماكن كلها
مشتاقه
لك ..


غلا كانت توها بتشيل الكتب المحطوطه و هدتهم ..

تدري ان اللي يقوله لها

خالد اللي طلع من الدار وشافهم !

تدرون شسوى!












مب قايله ..





انتظروني