سعد : لالالا ليش الدموع حبيبي؟ يلا امسحيييهم
غلا : ولهت عليك حيييييييل عمي
سعد :وانا اكثر حبيبتي (يقعدها على الكرسي) ،، قولي لي شخبارج؟ شلون السفره شلونج مع عيال عمج؟ ولطيفه؟
غلا بين عليها انها متظايقه حيل مو شوي
غلا وهي ترجع خصله ورا اذنها: حمدلله
سعد يرفع ويهها من حنجها: شفيج يبا؟ حد مظايقج؟
غلا حطت راسها فحظنه وتمت تصيح من كل قلبها وتمت تصيح وتشهق وتمسح دموعها وعمها يمسح على شعرها وهي تحس انها كانت محتاجه لهلحنان ترتوي منه مره ثانيه بعد مافقدته ..

رفعت راسها وعيونها مولعه ..
سعد يوخر الشعر عن ويهها
سعـد: قولي لي كل شي.. شسوت لطيفه؟
غلا :مااااادري عمي فجأه قلبت علي وصارت تقط كلام وتفشلني جدام عيالها (تصيح)..........
سعد: يابعد عمري والله ، حبيبتي استحمليها
غلا: عمي مابي اعيش وياها عمي اصلآ مو حلوه بيتها كله صبيان تكفــــــــــى
سعد : ولايهمج ياضوى عمج انا اليوم اكلم سعود مره ثانيه عشان خاطررج ،آمري بعد!
غلا تلمه بقوووووووووووووووه : عمي لااتخليني بروحي .
سعد: افا انا مايوخرني عن بنتي غير تراب قبري
غلا: لاتقول جي عمي بسم الله عليك، الله يخليك لي انشالله ،، ياريت ياعمي لوكان ابوي حي، تتوقع شكان بيسوي فهاللحظه؟
سعد طرى عليه اخوه وسكت
بعد سكوتهم ,,
سعد : يلا غلااي ماتبين تقعدين وياهم
غلا: حاضر عمي
وطلعوا لهم وقعدوا يسولوفون ووزعت غلا الصوغه وقعدت حذا عمها وهو يفتح الي شاريته له

سعد :الله الله شهالريحه الحلوه
غلا: هههه عجبتك عمي؟
سعد : اكيييييد
غلا : =)
سعد يفتح شي مغلف ,,
سعد: ها؟؟ شنو هاي؟
غلا: هههههههه هاي جي عمي تفتحه والعلبه من داخل ترتفع وتطلع منها ساعه
سعد : يه يه يه شهالزيييين والله ياغلوي منتي هينه
غلا: ههههه شفت شلون عمي
سعد: يخليج لي والله ياغلوي كبرتي يالخايسه
غلا تبتسم وهي طالعه تجنن : ههههههههههه

..: بعد العشـا :..

لطيفه تطالع الساعه كانت عشر ونص

لطيفه : يلا غلا ماتبين تردين؟
غلا: أي انشالله بس البس عباتي
لطيفه: يلا خالد بيمر علينا
تغريد: خالد ولاشفناه سلم هو واخوه وراحو
لطيفه: يختي شنسوي هاي حالتهم
تغريد تبتسم لها ..
غلا : يمه ماشفتي شنطتي؟
تغريد: كاهي حبيبتي
(( صيح لهم خالد هرن من بره ))

لطيفه : يلا غلا كاهو خالد جا ،، مع السلامه تغريد .
تغريد : الله يسلمج ونستونا والله ..
لطيفه : الله يخليج
تغريد: انتبهي على نفسج غلا ( غلا تحب راس عمتها)
غلا : انشالله عمتي ،، سلمي على يدتي وايد قولي لها لاتنام من وقت ههه وعمي سعد وايد وايد وايد
تغريد: انشالله ( وهم يمشون حتى يوصلون الباب وتغريد توصلهم)
غلا: وفاطمه بعد وعطوها صوغتها وخلودي وعلاوي بوسيهم عممممممممتي
تغريد: انشالله حبيبتي ..
غلا : مع السلامه ..
تغريد: الله وياج (وهي تسكر الباب)

خالد فالسياره ..
خالد: ها يمه شلون الجو هناك؟
لطيفه : استانسنا والله يحليلها تغريد ماقصرت
خالد : على راسي طنط توته
غلاا ظحكت وانتبه لها خالد
خالد: اوه اوه اوه وانا اقول من يظحك غير غلا؟
غلا: ههههههههههههههه
خالد: ها شخباره عمي سعد؟؟
غلا: تمااااام طيب
خالد: يحليله عمي والله استانس وياه.. ماقال متى بيخطب؟؟
غلا: هههههه لا والله ماعلم
خالد: أهاا
(بعد سكوت)
خالد: يلا بوديكم نشتري عصير ههه على حسابي
وداهم خالد وشرى لهم عصير ورجعوا البيت ..

غلا كانت تحس بنفس تعب العيد ..


تعرفونه؟
لما تردون من بيت اهلكم يوم العيد بالليل وانتوا مانمتوا الظهر وقت كافي وقايمين من الصبح وتعدل وشطه وتردون جسمكم مكسر يااااادوب تخلصون الدري وساعات ننام باللبس ونقوم بعد نص ساعه نغير
ههه صراحه هاي شعوري..

وجي حستت غلا متكسره ..
لطيفه وخالد قعدوا يدورون فالحوش خالد يكلم امه عن الشغل وجي وغلا راحت تبي تناام

فتحت الباب مالقت حد فالبيت والليتات شبه مطفيه بس اضائه خفيفه راحت صوب اللفت عيزانه تركب الدرج ولقت عمر طالع من المطبخ يشرب عصير

عمر: وخر عن المقفلين
غلا: هههههههههههههه
عمر: رووحي نامي من سنه مو نايمه جنه
غلا: أي والله ،، تصبح على خير

غلا ماعرفت شتسوي تبي تشيل المكياج بس عيزانه ومالها بارض تتسبح مسحته بسرعه وغسلت بدلت ملابسها ولبست قميص نوم قصير شوي وملابسها وكل شي على الكرسي
فتحت شعرها وسيده نامت بالتعب اللي سكنها اليوم .,.,.,.,.


°¨*~¤¦ الفصل الثــــــالـث ¦¤*~¨°


مر على هالكلام اسبوعين ومن بعدها كان ماباقي شي على الدوامات ..

الساعه كانت 6 ونص ..
بدار عمر ..
ملابس عمر على ممشاه بكل مكان ..
فوطته ..
ملابسه ..
ثوبه ..

عمر كان واقف جدام المنظره لابس ثوب عادي ويمشط شعره توه متسبح
كان قبلها قاعد مع غلا ..
عمر كان بينزل يقول لأمه عنه وعن غلا ..
تعطر عمر وعدل شكله ..
نزل لامه لقاها فالدار..

لطيفه وهي كانت واقفه جدام المنظره فجناحهم الكبيييير
مشت لين السرير وقعد..

لطيفه : ها حبيبي شفيك؟
عمر: لا ولاشي يمه .. (يرفع عيونه للسقف يطالع والاف ملايين الكلمات تطلع من عيونه من غير ترتيب)
عمر كانت فمخه الف فكره وكلمه وجمله يبي يستعملها بس وقف جدام امه حسها تبعثرت ظاع كل شي مو عارف شيقول؟؟؟؟

لطيفه: قول حبيبي شعندك
عمر: يمه انا بقولج شي وصدقيني هالشي اذا ماوافقتو عليه روحي بتروح
لطيفه: بسم الله شنو ذي؟
عمر: يمه انا،،،،،،،،،،،،،،، يمه انا نويت ،،،، يمه بتزوج!!
لطيفه: تتزوج من؟
عمر وهو يطالعها: بتزوج غلا بنت عمي ,,
لطيفه وجنه شي طاح على راسها مصيبه ولدها دلوعها اللي عمرها ماتمنت حد غير بنات خواتها ياخذهم هالمره ياخذ غلا لا والف لاا لو على قص رقبتي لفت رقبتها وبكل برود

لطيفه : ياحبيبــي غلا انخطبت ..
عمر: شنوووووووووووووووووووووووووووو؟؟؟؟؟؟؟؟؟ (بعصبيه شديده) انخطبت من متى ولمن وشلون محد دررررى؟
لطيفه : لخالد اخوك ..
عمر فتح حلجه وطاح على ركبه وجنه انشل عيونه بدت تلامع جنهم كرستال

لطيفه لفت على جنب وشافت ولدها من طرف عينها وانكسر قلبها من داخل الف قطعه ولدها بهالحال؟؟

عمر: لا يمه خالد يدري(تطيح دموعه) يدري عني
لطيفه: شسوي انا خطبناها وخلاي
عمر صوته صار يعلى ومسك على ريل امه بيبوسها
عمر: يممممه والله حرام عليييييييج يمه انا ابي غلا حرام اللي تسوووووونه والله حرام انتو قاعدين تنهوني من على الدنيا ، انا ولدج شلون اهون عليييييييج تكفيييييين ابي غلا لاتعذبيني يمه وغلاتي عندج لاتطيرين عقلي خالد يدري عني وعن غلا وهو قالي بيمشي وياي بهالسالفه

لطيفه: اانا شسوي عمر خلاص يه سكر السالفه
عمر يفتح عيونه على تشطيب امه لطلبه وتسكيره بالرفض
طلع من دارها وهو ماسك الباب لف عليها
عمر: يمه روحي ماتت
لطيفه غمظت عينها
عمر وهو فنص الصاله وبصوت عالي: حرااااااااااااااااااااااااااااااااااام عليـــــــــــــــــــــــــــــــــــــــــــــــ ج

غلا كانت طالعه وبدارها تنشف شعرها سمعت صرخة عمر وقلبها طار حست الدم فعروقها وقف
غلا حطت شيلتها وفتحت الباب ماوعت الا عمر فويها
عمر دخل الدار

عمر: ليش خاشه علي خظبتج
غلا بتعجب وخوف وصوت مليان رجفه : أي خطبه؟ شتقول؟
عمر: لاخوي خالد
غلا: شنووووووووووووووووووو؟
عمر: توني رايح لامي وقالت هالكلام
غلا: لا لا لااا مستحيل خالد اخوي اصلآ ( تنزل على الدرج بسرعه وتوقف عند نهايته وهي ماسكه فيه لان لطيفه عند الدرج تحت )


غلا: خالتي ( لاحظوا ماقالت لها يمه !! ) انا من متى لخالد؟
لطيفه والتردد فكلامها: أأ ...... أصلاًً عمج قال لي امس وانا ماشفت فرصه اقولكم فيها

غلا : لاااا ، انا مابي
لطيفه : لا بكيفي وكيفج كلمة عمج ماتتثنى
غلا: لاااا حرام عليكم خالد مثل اخوي انتوا شتقولون؟؟؟؟؟؟؟؟؟؟؟؟؟؟؟؟؟
غلا تصيح وتشهق وتصرخ وهي تتكلم
خالد دخل البيت على هالمنظر وغلا من شافته كل نظرات الحقد واجهته فيها وطلعت لدارها لفت على الدرج
غلا: انا مااااابيه حرام عليكم.........
عمر كان فوق طايح ومسند نفسه ..
غلا تقعد عنده بس ماكانو يشوفونها وبصوت واطي
غلا: عمر عمر حبيبيي انا مابي خالد تكفى لاتخليني انت بعد كلهم خلوني لاتخليني
عمر دمعه من عينه طاحت ومسحها
عمر وحنجه يتراقل : غـ ،، غـلا انا مابي اخليج غلا فرقونااا هم وهم اللي جمعونا مو حرام؟
غلا حست ان عمر كلش مو مجمع خافت صاير فيه شي
غلا تصيح ودخلت دارها قعدت تصيح وتصيح وتصيح وتصيح ...
خالد من قالت له طنقر

لطيفه : كلام ابوك بتكسره؟؟؟؟؟؟؟؟؟
خالد : يمه انتي شتخربطين الله يهداج ؟ وحده اخوي يبيها؟ شلون اخذها؟ والله لو اشوف الناس تحفر قبري ماخذت شي بخاطر اخوي انتي قاعده تذبحينا ، ذكري ربج يايمه واوعي للي تسوينه
لطيفه : انا ماعندي غير هالكلام غلا لك وانت لها وبس
دخلت دارها ونفس الجمله صرخ فيها خالد وصفق باب داره ..