غلا (رواايه تجنن لاتفوتكم)

[وعود]

جاتها بنت خالتها الصغيره وجايبه موبايل غلا معاها تقول لها انه كان يرن

شافته غلا لقت 5 مسد كولز من خالد

ظحكت غلا مب غريبه عليه حيييييييل

ساعات توصل العشر وطاالع ..

اتصلت له غلا وهو معصب

خالد : لا والله زين رديتي وافتكرتي فيني

غلا : ههههههه عمري شسوي كنت البس

بنات خالتها يسمعونها ويتناقزون .. خخخ

خالد : حلفي غلا ، مافتكرتي بريلج شدعوى!!!

غلا : خالــــــد ..

خالد : آآخ ،، ياويل خالد والله ..

غلا : وينك الحين

خالد : مادري

غلا : شنو



خالد : هههه وين يعني حبيبتي بمجلس الرجال ولايعه جبدي ابيج

غلا : انطر حبيبي انطر ، تو الناس حييييييل ترا

خالد : لااااااااااا مالي شغغغغغغغل ترا بدش وياعمي وخل اشوفج انتفج

غلا : أي أي تسويها هههههه

خالد: احبج احبج احبج

غلا سكتت ووجها احمر ماعرفت شتقول بنات خالتها حذاها ..

خالد : الوو ؟

غلا : وياك

خالد : ليش ساكته الحبيبه؟؟

غلا: ههههههههههههه

خالد : قولي احبك يالخايسه

غلا : هه خااالد عاد

خالد : قوليها ولا ترا والله ازعل صج عليج اطرها انا

غلا : اسكت

خالد : اوكي سكت

غلا بعد صمت : زين أحبك

بنات خالتها فتحوا عيونهم وهم يتسمعون

ويتظحكوون

خالد : ووووح عليج يالخايسه

غلا : وعلييييييك

خالد : شكرآ يازوجتي العزيزه

غلا : العفو يازوجي العزيز

خالد : ههه يلا حبيبي انا بخليج ، ديري بالج على عمرج

غلا : انشالله وانت بعد ..

خالد : تاااااامرني المدام

غلا طنقرت : بااااااي

ورقعت التليفون

خالد طرش مسج

مدام مدام مدام مدام مدام مدام
مدام مدام مدام مدام مدام
مدام مدام مدام مدام
مدام مدام مدام
مدام مدام
مدام

غلا شافته وفقعت ظحك عليـه ..

قعدوا مع الناس سوالف وجذي ..

بعد صلاة المغرب

زفوا العروس على أقبلت ..

الليتات موطيه ومركز ليت عليها وهي تدخل

كانت ناعمـــــه حيـــــل

لابسه فستان سكري

وعليه شك على البطن بالذهبـي

وعي علاقات اليد

ومن شك الصدر طايحه سلاسل ..

وبالذيل نفس الشي

والظهر كله طايحه سلاسل لين تحت

وشعرها سوته جنان

مرفوع من الجنبين ومن تحت الشعر طايحه هم سلاسل

ومرشوش عليه لمعه خفييفه ..

عمر كان مغتص مايدري ليش

يمكن طرت عليه خطوبة اخوه وجـذي ..

غلا هم من الجهه الثانيه كان مبين عليها ان فيها شي

بس كانت تبتسم وطول الوقت مع مرت عمها ..

قعدوا يمكن ربع ساعه وبعدها دخل سعد

غلا لبست عباتها

كان خلقها خفيف لاعراس يعني وتتسكر من جدام بس يعني اللي تحت يبين

حطت شيلتها وغطت وجهها

سلموا الشباب على سعد وطلعوا تم سعود وسعد وخالد وخوالهم ..

طبعآ غلا قطت عباتها وركبت للكوشه وخالد تحرك لها لما شافها ومسك يدها يركبها ..

والبنات يشوفونهم ومنقهرين خخخخخخخخ مراهقات كيكيككيييي


وقفت غلا وحبت عمها سعد ولمته

ووقفت حذا خالد وعيونها تدمع غصب

خالد : يوه غلا بعد صياح

غلا : افففففففف خالد شفيك عليييي

خالد ماكان قصده مثل اللي فهمته كل يقصد فرحانين الا انتي تصيحين

باس راسها خالد : لاتصيرين دلوعه جذي

غلا : كيفي زين

خالد : كيفي زين
قعدوا معاهم شوي وصوروا وابتعدت الناس عنهم شوي وخلوهم بروحهم ..

[وعود]

عمر وخالد وسعد وسعود والبقيــه من الرجال

كانو قاعدين بالصاله يسولفون قبل لاتجي موعد طيارتهم عشان يرجعون للدوحـه ..


خالد وهو شوي معصب : انزين وشقالك ابوي؟؟

عمر منغص : ماقال شي ، هزأني وطردنـي ..

خالد : مارد عليك يعني !!

عمر : لا والله لين اليوم لا

خالد : خلاص حبيبـي ، سفرتك خلها علـي

عمر : لالا شهالكلام ياخالد ، ابوي الملزوم مو انت

خالد : انت شعليك يبا كيفيييي مو كيفك

عمر : خالد الله يخليك خنشوف ابوي شيقول واذا مارضى يصير الف خير

خالد : يعني انت ماتعرف ابوي ووو .......

يقاطعهم عمهم سعـد

سعد : نعم نعم شتقولون؟؟

خالد : اههههه ،، لا والله نسولف عن دراسة عمـر

عمر فتح عينه ليش يقول الحين ابوي بيقول رايح تتشكى لاخوك ومادري شنو

خالد : ها يبا شقلت !!

سعود : كل خير انشالله

خالد : يعني موافق ولا

سعود : نرد الدوحه ونتفاهم

عمر يفتن بعيونه لخالد يعني ليش تقول ومادري شنو

وخالد يظحك بس بقهر

(( ابوي و امي ليش صارو جــذي؟؟ ماكانو جـذي! شاللي عفسهم علينا؟؟ ))



تغدوا وبعد الغدا مشوا للمـطار ..

خالد كان ساكت ماسولف وياغلا ولانكت بس شلونج وشسويتوا اليوم وبـــس ..

غلا استغربت شفيه خالد ؟؟

ركبوا الطياره وخالد بعد ساكت ..

كانت غلا فالنـص ويمينها خالد ويسارهـا لطيـفه ..

وصلت الطياره للدوحه

ونزلت لطيفه وراها سعود ووراه خالد

واللي صدم غلا ان وراها عمـر

كان قلبها يدق بكل ثانيه زود عن اللي قبلها ..

نزلوو للمطار وكان ريل تغريد فاستقبالهم لانه حضر الخطوبه ورد قطر لشغله ..

بعد 3 ساعات ..

غلا كانت طالعـه من الحمام (وانتوا بكرامه) متسبحـه ..

خالد كان منسدح ويدخــن ..

قعدت حذاه غلا ..

غلا : شفيـك اليوم خالـد؟؟

خالد : مافيني شي !

غلا : مب على طبيعتك ، صاير شي؟

خالد : لاا مافيني شي يتراوالج ، انا مثل كل يوم

غلا : اوكـي

وقامت نشفت شعرها ومشطته ونامت لما شافت خالد سبقها ونـام ..




.* مر على هالكــلام 3 أشهــــر *.

عمر كان بداره مع خالد يسولفون ويتظحكون

طقت Dwana الباب

Dwana: mr. Omar Your friend Turki is waiting you In the Majlees

عمر : Ok I'll come now

خالد : خلاص عيل روح له وسلم عليه

عمر : مايصير جذي فشله انزل سلم واطع

خالد : اخ شسوي ياربي معشوق الجماهير اناا ادري ادري

عمر : ههههه خف عليناااااااااااااا

خالد : هههههههههههههه يلا يلا امش

عمر مشى وياخالد لين تحت وشافو غلا طالعـه

غلا ظحكت لهم وهي منزله عينها

وخالد بالعماله يبطىء مشيته

ويمد يده لها وهي تمشي ويحطها على خصرها وهي تدزها ..

خالد : مو تشردين رااد

غلا وخرت عنـه وراحت فوق ..

عمر سوى روحه ماشاف الموقـف اللي حرق قلـبه

دخلوا المجلس وسلمو على تركي وقعد شوي خالد سولف وياهم وطلع لغلا .

لانها بروحها ومايبيها تقعد مع امه عشان ماتنغــث .

دخل خالد وقط غترته اللي لبسها عشان يسلم على تركي

وفتح طقاق ثوبه ..

غلا كانت طالعه من غرفة التبديل وقعدت على كرسيين قراب من السريـر ..

خالد :

[وعود]

خالد :


يامســــا العيد يالحسن الفريد
يامسا الورد ياعطر الزهور
يامسا من سنا وجهك يزيد
من محياك الجميل ازداد نــور..

غلا تظحك له : ههه هلا حبيبــي

خالد : عيووووووووون حبيبج انتييي

غلا : الله الله شهالحب

خالد : افا افا (يحط يده على قلبه) قتلتيني ياغلا ، مش آدر لالا بنتحررر

غلا : ههههههه ،، خاااااالد

خالد : زعلـت

غلا : ليييش

خالد يرفع عينه للسما : زعلااااااان زعلاان

غلا اونها ماتدري : مسكين زعلان

خالد : أي مسكييين و زعلان شوفي عيوني ،، كسرت خاطرج؟؟

غلا تمثل اونها بتصييح يوم شافت عينه : وااااااااااي ،، لا كلش ماكسرت خاطري

خالد : صج غلوووي !

غلا : Yea

خالد : شكرآ جزيلآ

غلا : العفوو حبيبي

خالد قام عنها ووقف فالبلكونـه يدخـن ..

غلا وقفت وهي منترسه ظحـك ..

مانتبه لها ومسكت يده ومشته للدار ..

غلا : ههه حبيبي مو لايق الزعل

خالد : مو زعلان عااادي

غلا تبوس خده بقوووووووووووووووووووووووووووو

غلا : وجذي

خالد : اممم تقدرين تقولين لين الحين زعلان

غلا : ههههههههه (ترد تبووس خده) وجذي؟؟

خالد : غلا خلاص مابي اكلمج زعلان حدي

غلا : ههههه خااااالد

خالد : ههههههههه عمر خالد انتي

بعد يومين كانو متجمعين بعد الغدا ..

سعود / لطيفه / خالد / غلا / عمـر ..

غلا كانت تلعب بكراكيش شيلتها وخالد يسولف مع عمـر ..

سعود: اقول ياعمــــــــــر .!

عمر : سم يبا

سعود يبي يفرحـه : شنطتك جاهزه !

عمر مستغرب هو شوي نسى سالفة دراسته : حق شنو ؟

سعود : حق امريكا !

غلا لفت عليهم وخالد بفرح : مبرووووووووووووووووك تستاااااااااااااااااااااااااااهل

عمر عينه لمعت مو يبي يصيح مايدري ليش وظحك : صج يبا؟؟

سعود : أي يبا صج

عمر حب راس ابوه : الله يخليييييييييك لي يبااااااااا

سعود : احسنـت ، بس ها ابيك تجيني بالشهاده اللي ترفع راسـي

عمر : ابشـــــر ياابو خالد

سعود ظحك له وعمر لم خالد بقووووووووووووووووووووووه مو طبيعيه

رن موبايل خالد وراح يتكلم بعيد وسعود ولطيفه شوي بعدوو ..

عمر : مالي مبروك؟؟

غلا بحزن : الـف مبروك ياعمر ، موفق انشالله

عمر : ماتقصرين ياغلاا ، دعواتـج لي

غلا وهي تطالع الارض: أكيد . .

خالد يرجع له : ها حبيب قلبـي اوصف شعورك

عمر : مشتاق

خالد فتح عينه وخفف من لمته : شنو؟؟؟
عمر : مشتاق امسك الكتاب واكررره

خالد : اااها .. يلا غلا مشينا

وراحو لطابقهم وعمر تحسف شقال هو شلون طلعت منه هالكلمه ؟؟

قعدت غلا وهي مكتأبه ماتدري من شنو !!

خالد بدل ولبس بجامه كحليــه .


عمر كان بداره لان كلمه وابوه وقاله السفره بقى عليها 3 اسابيع

فـ بدى يجهز ملابسه وكل اغراضه ويغنـي..



وافـي وكل وفا
ياغدرك الوافي
عافك وعف وعفـا
واعفى ولك عافـي ..
ولافك ولف ولفى
والفاك له لافي
بهبك وبك به جفا
لاهلك ولك جافـي






رن تليفونه وكان تركي

عمر : هلا حبيب قلبي

تركي : هلا هلا عمور شخبارك ؟

عمر : الله يسلمك ننشد عنك

تركي : الله يخلييك ، ها مبروك مبروك سمعنا اشاعه عنك انك بتشرد بره قطر

عمر : تشوت والله هههههههههه

تركي : ههههههههههههههههههههههه خلاص الحقك انا

عمر : جد والله ! بتجي وياي؟

تركي : أي شعاد بوصلك وبرد قطر

عمر : يالله كنت ابيك وياي لكن مالله كاتب

تركـي : انشالله بردتك ماني مفارقك يابوسّعود

عمر : ماعليك زود يالطيب

تركي : يلا يبا مانعطلك بس حبيت ابارك لك

عمر : الله يسلمك والله ، عشت ماتقصـر ..

تركي : ماعليك زود ، يلا مع السلامه

عمر : فمان الله ..



سكر منه وقعد يغني بصوته الحزيـن


تفنن في طروق الحب
شرقني وغربني
معك يازيين دوخات الهوى
ياحلوو مشواره
وغرد في سما سمعي
ابي تحكي وتطربني
سواليفك مطر عمري
ربيعي ظحكة ازهارره ..



آخ يابختك ياخوي ، غلا تحبك ولك الله يهنيكـــــــم انشالله ,.,.

قعد يرتب اغراضه وخلصهم وسكر الشنطه حطها تحت السرير ..


فهالـ3 اسابيع عمر شرى كل اللي لازمه وزود ..

كان راد عمر من جمعة ربعه وباجر سفرتـه .. ويسمـع ويغني معاه ..



هـــذاك اللي تبي لـه الخيــر ..
عشـق غيـرك ..
وصـار للغيــر ..
ياقلبــــي ابتعـد وارحــــــل ..
ياقلبــي عنـــه لاتســـأل ..
كـفــاك تعـيـــد ..
وهـو بعــيــد ..
غــلاك لا خـبـر لا خـيـر ..

عمر خانته عينـه ونزلت دموعه من تحت نظارته بس مسحهم

لكن غصب عنه تمت تدمع ..


قـدر يـصـبر عـن عـيـونـك
ويـزيـد اكـثـر مـن ظـنونـك
تحسـب انـه يبـي عونـك
وهـو تغيـر كثير كثـير
ياقلبــــي ابتعـد وارحــــــل ..
ياقلبــي عنـــه لاتســـأل ..
كـفــاك تعـيـــد ..
وهـو بعــيــد ..
غــلاك لا خـبـر لا خـيـر ..
تنـاسـى حـبـه وطـاريـه
وبـلاش اكـثـر تـفكـر فـيـه
وشـاللي تقـدر تــسويـه
مدامـــه مهتـــــــني (بالغـير)..
ياقلبــــي ابتعـد وارحــــــل ..
ياقلبــي عنـــه لاتســـأل ..
كـفــاك تعـيـــد ..
وهـو بعــيــد ..
غــلاك لا خـبـر لا خـيـر ..



رجع للبيت ولقى غلا بالصاله واستغرب

غلا صارت نادر ماتقعد بالصاله التحتيه من عرست

دايمآ مع خالد او بطابقهم ..

شمسهرها؟؟؟

شدعوووووووى!! تنطرني!!

يمكن خالد

ماوصل

بسسسس

سيارته كاهي بره

[وعود]

عمر : مسـاء الخير بنت عمـي

غلا وقف قلبها : مساء النور .

عمر : تنطرين حد؟؟

غلا : أي؟

عمر وقف قلبه (هاا) : اها

غلا : انطر خالد ماشفته ؟؟

عمر : آه خالد ، سيارته بره ليش تنطرينه اكيد فالبيت

غلا انقهرت من اسلوبه : خالد طلع مع عمي وعمي رد وخالد لين الحين

عمر : جان سألتي ابوي

غلا : سالته ويقول قال بيرد مع ربعه ولين الحين ماوصل

عمر يكلمها باسلوب جنه يقولها شهالغباء؟؟ : زين اتصلي .

غلا تلف عنه : اتصلت حاط الـAnswer machine

عمر : نطريه عيـل

غلا ماردت عليه وجاتها الصيحه شفيهههههم كل اللي فالبيت انقلبو عـلي

اول مره تحس عمرها غريبـه ..

اتصلت لعمها سعد بدخلة خالد وسكرت قبل لايرن

خالد متصرقع : غلاا !!

غلا : تصدق عاد !

خالد : شمسهرج؟

غلا : تبيني انام بعد ؟

خالد : أي؟

غلا : وين كنت !!

خالد : سهران مع ربعي وراح علي الوقت

غلا : اها اوكي ، خساره تميت انطرك وقلبي متخرع عليك وانت مستانس ولامفتكر ،،، تصبح على خيـر .

وراحت عنه وهو يناديها يوقفها وهي ماتسمع له ونامت

خالد : قومي غلا مانمتي ادري

غلا ماترد عليه وتم يجادل فيها

تم سهران لين الفجر واذن وراح صلى ولما رد شاف غلا قايمه .

خالد : صباح النور

غلا ماردت

خالد : اكلمج انا

غلا : نعم؟

خالد : بفهم شمزعلج ممكن !

غلا : لا ليش ازعل وعلى شنو ازعل اصلآ

خالد : يوه غلا تكلممممي تكفين لاتتمين ساكته جذي انا اموت

غلا : بذمتك خالد تسوي ان قلبك على وانت مو مفتكر فيني

من العصر وانت مع عمي ولا ادري عنك وترد لي اخر الليل وانا متخرعه عليك

وبكل جمود تقولي سهران مع ربعي وراح علي الوقت !!

خالد ينزل راسه : انا اسف

غلا عورها قلبها : ماله داعي تتأسف ماقلت هالكلام عشان تقولي اسف عشان ابين لك بس ليش انا محتره

خالد يحك قفاه : ماعيدها

غلا : ماصار شي

خالد : سامحينيييي

غلا : عادي خالد والله عادي ..

خالد يبوس يدها وراح ينام وهي تمت شوي ونامت وراه ..

ثاني يوم الصبـح قام خالد وغلا

وتريقوا كلهم مع بعض والساعه 10 ونص تجمعوا اهلهم كلهم فبيت سعود يودعون عمر

وعلى الساعه 12 خالد وعمر وسعود وسعد راحو المطار يوصلون عمر .

وصلوا للمطار وسلمو على عمر وودعوه ووصوه على عمره ..

باس راس ابوه ولم اخوه وحبه ولم عمه وحب راسه وسافـر عنهم ..

كانت غلا تزاحم شوي من افكاره ..

طارت طيارته وهو وحيد مسافر للغربـه عشان ينسا هوى بنت عمه اللي ظيعه ودمره

يمكن بهالسفر اقدر اتحرر من غلا وانسى حبها اللي ساكنـي ..

آآآخ الله يقدرني انشالله .

بعد العشا خالد وغلا طلعوا يتعشون بـره ..

خالد : غلا عمري، افتح البوكسي بتلاقين علبه هاتيها

غلا فتحت ولقتها ..

العلبه حمـره وملفوفه بشريطه سودا ..

غلا : كاهي

خالد : فتحيها ..

غلا فتحتها ولقت شريط وورقه ..

غلا : شنو هاي؟

خالد : مادري عمر وصاني اشوفه قال لج ولي ..

غلا طار قلبها تخرعت (( شالسااااااااااااالفه !! ))

فتحت الورقه وكانت مكتوبه بخط يد عمر .. تعرف هي هالخط ..



.*.*.*.*.*.*.*.*.*.*.*.*.*.*.*.*.*.*.*.*.*.*. *.*.* .*.*.*.*.*.


. بسم الله الرحمـن الرحيـم .

الغالـي خالد ، وبنت عمـي غلا ..

اتمنـى محد منكم يكون شايل بقلبه شي علـي

وان كان شايل يسامحني ، انا اليوم ودعتكم والله وحده العالم

ان كان في امل مثل ماودعتوني مسافر ترحبون فيني راجع ..

دعواتكم لي بالتوفيق ودعواتي لكم بالسعاده طول عمركم ..

هالشريط فيه اهداء مني لكم كنت خاشه ليوم عرسكم

بس الاحراج منعني وماعرف ليش

اتمنى تعجبكم واتمنى عمر اخوكم مايغيب عنكـم

اذكروني بكل الخيـر مثل ماانا راح اطريكـم

بشتاق لكم واحد واحد وبتعذب على بعدكم

الغربه اللي اسمع عنها بجربها وبعيشها بروحـي ..

لاتبخلون علي بالسؤال واي شي تبونه انا حاظر

وياخالد وصيتك بنت عمي حطها بعينك وداريها

وياغلا وصيتج اخوي لاتزعلينه وهالله الله فيه


سلمو على الكـل وخصوصآ ابــوي

والله يحفظكـــم


أخوكـم ..

عمر بن سعـود

(وكاتب التاريخ)..

[وعود]

غلا كانت تحس بشي وقف فبلعومها ..


عيونها دمعت وخالد شافها تصيـح بس ماقال شي هو يدري انها ماتداني الفراق ..

واصلآ كلام عمر يهز جبال من قوته ..

مبين عليه حزين ومكتأب بس الله يفرج عليـه

خالد : غلااي طولي بالج ..

غلا : ماكو شي والله بس كلامه يعور القلب

خالد : ادري ، الله يوفقه انشالله ..

غلا : انشالله

خالد : ظحكي عاد

غلا ابتسمت ابتسامه منكسره ..

ومشوا ..

خالد : هاتي الشريط نسمعـه ..

عطته وحط الـcd

خالد استغرب

شوفــوا ..

الالحان العذبه انصبت باذنهم واستاغت السمع

كان عمر مغني لهم اغنيه بصوته هـو

موسيقى هاديه وصدى بآخر الكلمات

جنااااااان

سمعوووو قصدي اقروو خخخ


.*.*.*.*.*.*.*.*.*.*.*.*.*
----------------------------------





يا (خالد) جيتك لأني

قبل ابارك لك واهني

شفت هذا الكون كلـه؟؟

من الفرح وده يغنـي ..

كيف مايطرَب مسانا؟

واجمل ثنين معانـا؟؟

كيف مايضوي و (غلا)

زادت النــور بسمـانا؟

يامسـا الاحساس كلـه

والزهـر روزه وفلـه

يامسـا العز اللي يسمـو

فـي زمانـه و في محلـه ..

يالفرح لو جيت دارك

ويش ابهدي ؟

وكيف ابارك؟

ليله فيها مو بعيـده

يحضـر البدر ويشارك ..

يا(خالـد) يسلم لي كونـك

يحفظك ربـي ويصونك

ماأوصيك الوصايـه

حط (غلانا) في عيونـك

وانتي يا (الغلا) أمانه

لاجل غاليـك وعشانـه

هالله الله فـ(خالد)

لاحرمك الله حنانــه ..




.*.*.*.*.*.*.*.*.*.*.*.*.*
----------------------------------


خالد وغلا كانو طول الوقت يطالعون بعـض

وغلا عيونها تلمع وخالد مبتسم ووده يضم اخوه وعلى راسه يحطـه

حس كثر ماكان يحب عمر اخوه صار يحب اكثــــــــــر

اخوه الوحيد جذي فرحان فيني وانا ماخذ حبه مننننننه

اخ لو اقدر اطير له

شاف عمر الساعه لكن عمر لين الحين فالجوووو

غلا صارت تشهق وخالد انتبه لها

خالد : عمري طولي بالج ، بالعكس الاغنيه وايد حلوه

غلا : ادري خالد لكن

خالد ماقال شي وتمت غلا تصيـح وكنسوا العشا

راحو لمكان هااااااادي

كانت حديقه توها جديده

والوقت كان متأخر محد فيها والجووو حلووو هوا وبراد

نزلت غلا وانقلب مودها صارت كله تبتسم

ودها تلم خالد وتقوله اسفه عن كل حركه ظايقتك

تبي تسوي اشيا وايد بس تستحي منه


غلا مشت وخالد يطالعها ..

غلا: شيـل عيوووووووونك

خالد : ماقدر ، هالجمال تهقين ينعاف؟؟؟

غلا : اوووش

خالد : هاهاهي ظحكتيني كركركرركرررر

غلا : ههههههههههههههههههههههه

تم خالد ويا غلا يتمشون والهوا حلوووووووو

خالد : عجبتج الاغنيه ؟!

غلا وهي تقوي من مسكة يدها لخالد : حييييييييل

خالد : والله بوله علييييه

غلا ماعلقت ..

خالد : الله يوفقه انشالله ، يالله حياتي نرد ؟؟

غلا : اللي تشوفه ..

وركبوا السياره


وردوا للبيت وابوهم كان بالمجلس وامهم بدارها ..

نزلو هم يسوون العشـا ..

غلا : هههههههه مو تسمنيييييي يوييلك

خالد : افا اف افا انا اسم حياتيييييييييي ، ياويييييييحكِ ياغلا

غلا : ههههههههههههههههههههه

سوو لهم اكله خفييفه وقعدوا ياكلووونها ..

خلصوا العشا وطلعوا قعدوا بصاله مسكره

خالد راح جاب له اسكريم

غلا : ولاتعزم الله يسامحك

خالد يقرب منها : افا عليج انا لج مو العسكريم

غلا : ههههههههههههههههههههههههههههههههههههههههههههه ههههه ههههههه

خالد : هههههههههه أي أي مشيها

غلا : شسمه حبيبي

خالد : عسكريمه بعد ههههههههههههههه

غلا : ههههههههههه

خالد يذوقها شوي من اسكريمه وتحط يدها على يده وتشيل الاسكريم من عنده

خالد : ماشي ياغلاااااااااا الاسكريم وراعي الاسكريم كلهممممم لج

غلا : هههههههههه

دخلت عليهم لطيفه وسط ظحكهم

لطيفه : ها خير شهالظحك اخر الليل؟؟

خالد : شسوي يمه احبهااااااااا احبهاا

لطيفه ماقالت شي وسبلت بعيونها وقامت ..

لطيفه : المجلس كله ربع ابوك قصرو صوتكم وانتي طلعي داركم

غلا فتحت عينها وطالعت خالد وهو مثلها

خالد : شفيج يمه شنو تطلع دارها شهالكلام

لطيفه : عشان مايشوفونها ربع ابوك

خالد : اجل انتي بعد روحي عشان مايشوفونج

لطيفه : شهالاسلوب بعد ياخويلد

خالد : شسوي والله اللي يكلم غلا يكلمني اناا

لطيفه : انا امك
خالد : وانا ولدج وسمعي يمااااا انا اقولج هالكلام جدامج وجدام غلا اللي يمس غلا يمسني

وكل ماتشوفين غلا تذكري انها مرتي وانا ريلها

لطيفه ماقالت شي وطلعت عنهم وخلتهم ..

غلا كانت لين الحين منصدمه من كلام امه

غلا مشت عن خالد وخالد يود يدها

وهي بقوه نفضت يده وطلعت للدار

وقعدت تصيييح

ليش تكلمني جذذذذذذي؟؟؟

انا شسويت لهااا؟؟






هاا شتتوقعون يصير فالاجزاء الجايـه بين غلا وخالد؟؟

خالد بيحتمل عيشته بعد ؟؟

بيطلقها؟؟

وعمــــــــــر !!

بيوصل امريكا؟؟

الله اعلم

كله هذي الاشياء بتعرفونها في البارت الجديد

[وعود]

¨*~¤¦ الفصل التاســـع ¦¤*~¨°


خالد دخل عليها وقعد يكلمها بشويش لين ماهدت وسكتت

مرت على هالسالفـه يوميـن ..

غلا كان كلامها جدآ قليـل ..

بعد صلاة العصـر فالبيت الكبيــــــــــــــر الشبه فاضي من الناس كانت غلا مستنده تطالع

من الدريشه تنتظر خالد من يرد من الصلاه ..

شافته داخل للبيت بمشيته الرهيبـه ووقف قلبها ..

وقفت ودخل خالد وهو مبتسم ويفصخ النظاره ..

خالد : السلام عليكـم

غلا بنص ابتسامه : وعليكم السلاام ، اخيرآآ

خالد : هههه بتفهميني انج ولهتي علي

غلا : حيــــــــل

خالد : آه منج ، ودي اصدقج بس ماقدر

غلا تلف عنه : افا ياخالد تجذبنييي !!

خالد : يييييه اخسسسسسسسسسسسي اناااا ..

غلا : لاتقول جذي عن عمرك ..

خالد : مش آدر مش آدر ، بحبـــــــــــك

غلا : ههههه ، أي صج حبيبي جاتك مكالمه وانا مارديت خفـت يكون حد يبيك بالشغل وضروري وانت محد

خالد : بوووووه لايكون عمر (يلقف التليفون ويشوف المكالمه)

غلا : عمر!

خالد : أي اكيد اليوم وصـل ... ( واتصل ونطر لين مالقط الخط ) ..

يكمـل : لقط اخيرآ ،،،،،،، " يرن يرن يرن ... "

غلا : رد ؟؟

خالد : لين الحين .. ،، هلاااااااااااا والللللللللللللللللللللله

عمر : هلا ومرحبااااااااااا ، هلا بالشييييييخ ، شلووووونك؟؟

خالد : الله يسلمممك بخيير كلنا طمنا عليك شلونك وشلون رحلتك انشالله ماتعبت؟؟؟

عمر : لا حبيبــي كل شي تماام بس فاقدكم والللله

خالد : ماتفقد الغالي انشالله ، شلون البلاد ووينك الحين ؟؟

عمر : انا الحين رايح مع الدريول اشوف الشقه اللي خذناها .

خالد : أي شغل عدل يبا شرو لك شقه لو ادري جان خذت لي امريكيه

غلا تطالعه وهي متخصرررررررره ..

عمر : ههههههههههههههههه ، دام عندك الغلا مالك ومال الامريكااان ههههههه

خالد : ههههههههههههههههههههههههههههههههههههههه صح لسانك، صاير شاعر امريكي اشوف

عمر : هههههههههههههه افا علييك حاظرين

خالد : خلاص عيل حبيبي بس توصل للشقه اتصل وعطنا ارقامك واسم جامعتك والعنوان

عمر : حاظر وماطلبت يالغالي ، سلم على ابوي وامي والكل ..

خالد : يبلغ انشالله ، خل بالك على رووحك .

عمر : لاتوصـي ،، فمان الله حبيبي

خالد : الله يحفظك ....

وسكرووووو ..

عمر حط التليفون بجيب البنطلوون ..

هـه خالد يقولي ماتفقد الغالي انشالله ..

فاقده من زمــــــــــــــان ياخالد لكن شنسوي ..

يبا انا جاي انساها مو اتعلق زياده ..

السواق : Hello , Mr. we arrived

عمر انتبه انه يكلمه : Oh sorry, thank you very much

وحاسبه عمـر ..

ونزل شناطه ..

ساعده السواق واستحى منه عمار عطاه كم دولار يبخششه خخخ

دخل عمر الشقه وكانت مناسبه له ..

كانت شقق فندقيه وفيها خدمه وكان فيها عرب بس شكلهم جايين فتره وبيروحون ..

ارتاح عمر كان متخيل المكان بيكون كأيب بس حمدلله عكس توقاعته ..

الشقه تطل على مكان مخضـر يوسع الصدر

سحب الشنط لين الدار ..

وفتحهم اول ماطلع المسجل وبوكس الاشرطـه ..

حطه فالصالـه وحط شريط قرآن للشيـخ احمد العجمـي ..

طلع ملابسه وحطهم ورتبهم وشاف الشقه كلها ..

خالد انتهز الفرصـه وقال مثل هو ماسوى لي انا اسوي

اتصل لواحد من ربعه يبي يعرف اذا يسجل اغنيه شلون تتطرش

وعلمــه ..

فـــــــ قرر يسوي له مثل اللي سواه ..

ووو


بالسلامه تعود لاحبابك ،،
بالسلامه تعود يالغالـي ،،
ياعسـى مايطول غيابـك ،،
ياسفر ذا المنـزل العالـي ،،
زاد فينا الشوق باسبابك ،،
يالغلا ياطيب الفالـي ،،
مانتحمل ننظر لبابك ،،
دام رحت ومنزلك خالـي ،،
بوسّعود يسأل عن اطيابك !
عن نسيم البن والهالي ،،
فاقدٍ صوتك وترحابك ،،
ويتخطر عنك ويسآلـي ،،
دارك اللي دوم تزهى بك ،،
تنتظرك بشوق وآمالي ،،
بالسلامه تعود لاحبابك ،،
بالسلامه تعود عمــاري ..

عمر كان هالحزه يطل من الدريشه يشوف عوايل امريكيه بالحديقه تلاعب عيالها

وشاف ماكدونالز قريب من الفندق وماجذب خبر ..

دخل تسبـح وطلع يلبس ،،

[وعود]

الجو كان بارد لبس بنطلون جينز اسود وهاي نك اسود عليه بالطو اسود من الجلد

مشى لماكدونالز وهو مسكر يده من البرد ..

ماسمع المسج اللي وصله من حشرة الناس

طلب العشا وخذه لطاوله بعيده عن حشرتهم

وتم ياكـل بروحـه

خلص الاكل وقام قطـه وطلع يتمشى بالحديقه ويطلع منها على المجمع السكني ..


قعد يغني والهوا البارد يلعب فشعره اللي قصره شوي ..


شـرقٍ مشيت

وغرب وقتي مشى بـك

والقلب ماله ! لايمٍ فيك لون

طويتني طي الورق في كتابك

حتى معاليق الحشا لك تطون ..


وقفه شاب خليجي ..

الصبـي : عربـي ؟؟

عمر : أي نعم

الصبـي : الشيخ احنا مظيعين الفندق وياريتك اذا تعرف تدلينا

عمر انحرج حيـل خصوصآ ان معاه خواته ويهال صغار : والله اخوي انا اليوم واصل ومادل بهالمنطقه

الصبـي يلف عليهم جنه يقول مابيدي حيله ..

عمر : طيب ليش ماتوقف تاكسي؟؟

الصبـي وجهه احمرررر : آآ،، والله يالطيب توهم سرقوني وخواتي ماجابو فلوس ..

عمر : افا علييك ، ولايهمك خلاص امش معاي وانا اوصلك

الصبي : لالالالا تسلم تسلم احنا بننتظر هني حد يجينا

عمر : لالالا عيب عليك هالكلام ، امش وياي

البنات انحرجووووو خصوصآ ان عمر وسيم وهالموقف يثبت رجولته على وسااامته << خخ

الصبي : لا يالطيب صدقني مافي مشكله بننطر

عمر : والله تمشوون

الصبـي : لا اله الا الله

عمر : يلاا انا اروح اوقف التاكسي

راح عمر وقف التاكسي ونطرهم وجو وركبوا ..

كانو 8

4 بنات و 4 صبيان

عمر : من وين من الخليج ؟؟

الصبـي : من قطـر .

عمر : الله الله ، الله حيهم عيال قطرر ، انا قطري بعد

البنات تشققو عرفو نص الخطه خخخخخخخخخخخخخخخخخخخخخخخخ

عمر : ماعرفنا شسمك ؟؟

الصبـي : انا جابر وهذا اخوي احمد وجبر وعلي ..

عمر : عااااشت الاسامي والله ، وانا عمـر ..

جابر : عاشت ايامك ..

عمر : شكله فندقكم بعيد !

جابر : أي والله شنسوي ، مايبون غير ماكدونالز . وهذا اقرب واحد

عمر : ههههه ،، ( بعد شوي) سياحه ولا !

جابر: أي والله السياحه ،، وانت ؟

عمر : جاي دراسه .

جابر : اااها ، بالتوفيق انشالله ..

عمر : الله يسلمك ..

جابر : والله مفتشل منك ياعمر ، بس ها مردوده انشالله .

عمر : لا افا عليك شهالكلام ، الدنيا لين الحين بخيـر ، واحنا اخوان الله يسلمك ، عيب هالكلام ..

جابر: مااعليك زود والله ..

ونزلوو

عمر ينادي جابر وهو ماشي ورا خواته للفندق ..

عمر : اقووول جابـر !!

جابر : هلااا ....!

عمر : تفضل الشيخ هذا رقمـي ، ولايردك الا لسانك اذا تبي أي شي بس قولي ترا لي معارف وايد هني

جابر وجهه احمـر : ماتقصر والله ، اخجلتنا بطيبتك ياعمر ..

عمر : لا خجل ولا شي ،، يالله فمان الله .

جابر : الله وياك

دخل جابر وقال لابوه السالفه وكلهم حبوا عمر من فعلته قبل لايشوفونـه ..

رجع عمر للفندق وكان موطي راسه يشوف المسج اللي واصله فالموبايل

مايوعى الا يخبط بجتف حد

رفع عينه شافها بنت لا وخليجيه بعد

وراك وراك هل الخليج خخخ

عمر نسف اغراضها اللي بالجيس كلها

عمر لونه انخطف ولون الفشيله غطاه وحس وجهه يحترق شسوووووووووى !!

عمر وهو يلم الاغراض : اسف اسف اختي مانتبهت لج والله

البنت فكرته يغازلها : هذي شنو حركه جديده للمغازل !!

عمر لم الاغراض وحطهم فالجيس وحطهم على مكان عشان مايلمس يدها ..

عمر : استغفر الله (وهو ماشي عنها) ..

البنت استغربت معقوله ظلمتـه بس واحد بهالجمال ويسوي حركه جذي شقصده ؟؟

معقوووله ظلمته !!!!! ..

عمر قهرته كلمة البنت وكان وده يرد ويلعن خيرها لكن مو عوايده يرفع صوته على غرب

وحريـم ..

ظرب زر الاصنصير ووصل ..

ركب وفتح باب الشقه ودخل على صوت القرآن

انشرررح صـدره وبدل ملابسه

ولبس بجامه وتدلغ خخ من البرد

ظبط المنبه والموبايل بعد عشان يقوم من الصبح

ويروح يأكد التسجيل ويشوف مكان الجامعه ويعرف حاله ..

شغل المسج واشتغلت الاغنيـه

طفى القرآن قبلها طبعآ ..

وفرح كثـــــــير لمى سمع صوت خالد اخوه

والكلمات حزنته وفرحتـه

.*.*.*.*.*.*.*.*.*.*.

فقطـــــــــــــــــــــــــــــــــر ..

بعد العشــا

غلا كانت تمشي بكل برود تحس شوي بتهمد على الارض ..

ماكلت شي ولا لها نفس تاكل ..

من تشوف شكل لطيفه تنغث ..

رن التليفون ..

وشالته غلا وكانت تلم شعرها بس هدته لما رن ..

غلا بصوتها الناعـم : الووو !!

تغريد : الو ، هلا غلا ..

غلا : اهلييين عمتي ، شلونج؟؟

تغريد : بخيرر حبيبتي انتي شلونج ، شخبارج؟

غلا : حمدلله عمتي من زمان ماشفناج وينج عنا؟

تغريد : ههه والله موجوده انتي اللي من خذج ولد سعود وانتي مختفيه

غلا افتشلت : ههههههه ، الا بايقج منا علاوي

تغريد : ههههههه أي والله مع حنة مدرسته والدراسه ، انهد حيلي القاها منه ولا من الشغل بس

غلا : يعطيييج الف عافيه عمـتي

تغريد : ويعافيج انشالله .،. الا وينها لطيفه عنج ؟؟

غلا تعوووج بوزها : موجوده دقيقه

غلا حولت الخط على دارهم ورن عندها وشالته

[وعود]

ردت غلا فوق وبدلت الجلابيه ولبست بجامة نوم ونامت ..

خالد رد من بره وهو جايب معاه هديه

كان شايف خاتم بالمجله غلا كانت تطالعه من ( الشّـعار)

وخالد ماجذب خبـر

طلبه بالخش وطرشوه لـه ..

وصل طابقهم ..

دخل الصاله ..

محد

شاف المطبخ هم محد

دخل غرفتهم ..

شاف الليتات موطيتها على آآآآخر شي والمكان بااارد

وشعرها منتثر على المخده

آآه نايمـه ! حسافه كنت ابيج تشوفينها

حطها على الكمدينه

ودخل غرفة التبديل بشويش يبدل ..

قعد بالصالـه وشغل التلفزيون

شاف الاخبار وانسدت نفسـه ..

دخل الغرفـه

وشال من على الطاوله تفاحه وقرمها

غلا فتحت عينـها ..

رفعت جسمها شوي شوي ..

شافت خالد ..

غلا بخمول : انت وصـــلت؟؟

خالد : ها حياتي،، شقعدج؟؟

غلا : متى وصلت؟

خالد : قبل شوي

(يقعد على السرير )

غلا : مو جنك تأخرت اليوم !

خالد : والله العظيم لا حتى رفيجي يسلم على رديت السلام ومشيت عنه

غلا : هههههه ،، شطوررر

خالد : شفتييي ،، هاج خودي لك أدمه ( يعني اخذي لج قضمه بالمصري )

غلا ظحكت وقرمت :: امممممممم حلووه

خالد : هههههه مو تفاحتي اكيد حلوه هههههههه

غلا : ههههههههه وييي

خالد : ههههههههه وييي

غلا سكتت ولفت عينها يمين يسارررر ...

خالد : هاااا بدينا شناويه عليه؟؟

غلا تتل المخده الصغيره

خالد يجرها من يدها : لالالا معركه لا

غلا تسند جسمها : ههههههههههههه ، عشان تحررررم

خالد : جايب لج هديـه

غلا : خااللد ، اشوفك متولع بالهداياااا !

خالد بأسف : اعذررريني يالهداااااايا لو هملتك فالزواياااااااااا

غلا : هههههههههههه

خالد : ماني متحمل اشوفك ،، وووووووووووووع ، شيليييييييييهممممم

غلا : هههههههههههههههههههههههههههههههه خااااااااااااالد

خالد : يقرب منها : غلاا خالـــــــــــــد انتـي

غلا نزلت راسها وخالد حط الهديه بين يديها

غلا حطت شعرها على جنب وقعدت تفتحها وخالد يطالع شعرها وراسه على صوب ..

غلا : وااااو رووووووووووووووووووعه خااالد

خالد : ........

غلا : تجنن وايد حلوه ( تلبس الخاتم )

خالد : ........

غلا : ليش ماترررد ؟؟ ( تشوف عينه على شعرها ) ،، ههههههه خالد اكلمك انا (تهزه)

خالد : هاا؟ هلا هلا !

غلا : حلو صح

خالد : يفرقـع

غلا : بسم الله خالد شهالتعبيير؟؟؟

خالد : ههههههههههههههه شفيج يبا تعبير حده ناعم خخخ

غلا : ههههههه صح

.*.*.*.*.*.*.*.*.*.

سعد كان يشوف اللسته اللي خذها من غلا باسامي المحلات الي يقدر يشتري منها اطقم لدزة عليا ..

شطووولها ..

سعد : الله يسامحج تبين تفرين راسي ، انتقام اهووووو

شاف الساعه /: يوهو اكيد سكرووو ، مافي غير باجر امر عليها واروح وياها

راح سعد وقعد عند امه قبل لاتنام ويسولف معاها ويقولها اللي صار وياه ..

حب راس امه وخلاها تنام وراح داره ..

فتح الكبت

وطلع كل البومات الصور

وتم يطالع فصورهم

هو وغلا وسعود وفيصل وتغريد و عيالهم ..

الله ياريت هالايام تـرد

ونتجمع مثل قبل

قعد يتذكر قبل كانو كل جمعه يتجمعون على الغدا فهالبيت ..

لكن ظروف وايد نستهم هالشي ..

امهم الكبيره شوي فاقده ذاكرتها ، وسعد شاب صغير يعني يلهى مع ربعه مو دايمآ فاضي

والعتب يبقى على سعود اخوه الكبير راعي الواجب ..

سعود يكلم خالد بتليفون البيت : ماكلمك عمـر ؟؟

خالد : امبلا يبا كلمته اول ماوصل وقلت له اول مايظبط جامعته وكل شي يتصل ولين الحين مااتصل

سعود : خلاص اول مايكلمك عطوني خبر انا تحت .

خالد : انشالله يبا .

سعود : يالله . ورقع الخط

خالد :بــــــــــل عليه دادي

غلا : هههههههه ليش

خالد : تخيلي ساعه يودعني

غلا : صح صح

خالد فيه الظحكـه : والله مشكله ابهات هالجيل ياشيخ

غلا : ابهات هالجيل اللي لهم عيال هالجيـل ! و عمي سعود مو منهم من جيل قبلهم

خالد : ياخطييييير ياللي تحلل

غلا : هههههه

خالد : وانا متى بصير ابو؟


غلا وقف قلبها (شهالسؤال؟؟) : ......

ظحك لها بخبث ونزل لابوه : حياتي بتجين معاي؟

غلا : امك تحت عدل؟

خالد نزل راسه ورفعه : أي روحي تحت

غلا تاشر بيدها : لا خلاص حبيبي روح انت انا راسي يعورنيردت غلا فوق وبدلت الجلابيه ولبست بجامة نوم ونامت ..

خالد رد من بره وهو جايب معاه هديه

كان شايف خاتم بالمجله غلا كانت تطالعه من ( الشّـعار)

وخالد ماجذب خبـر

طلبه بالخش وطرشوه لـه ..

وصل طابقهم ..

دخل الصاله ..

محد

شاف المطبخ هم محد

دخل غرفتهم ..

شاف الليتات موطيتها على آآآآخر شي والمكان بااارد

وشعرها منتثر على المخده

آآه نايمـه ! حسافه كنت ابيج تشوفينها

حطها على الكمدينه

ودخل غرفة التبديل بشويش يبدل ..

قعد بالصالـه وشغل التلفزيون

شاف الاخبار وانسدت نفسـه ..

دخل الغرفـه

وشال من على الطاوله تفاحه وقرمها

غلا فتحت عينـها ..

رفعت جسمها شوي شوي ..

شافت خالد ..

غلا بخمول : انت وصـــلت؟؟

خالد : ها حياتي،، شقعدج؟؟

غلا : متى وصلت؟

خالد : قبل شوي

(يقعد على السرير )

غلا : مو جنك تأخرت اليوم !

خالد : والله العظيم لا حتى رفيجي يسلم على رديت السلام ومشيت عنه

غلا : هههههه ،، شطوررر

خالد : شفتييي ،، هاج خودي لك أدمه ( يعني اخذي لج قضمه بالمصري )

غلا ظحكت وقرمت :: امممممممم حلووه

خالد : هههههه مو تفاحتي اكيد حلوه هههههههه

غلا : ههههههههه وييي

خالد : ههههههههه وييي

غلا سكتت ولفت عينها يمين يسارررر ...

خالد : هاااا بدينا شناويه عليه؟؟

غلا تتل المخده الصغيره

خالد يجرها من يدها : لالالا معركه لا

غلا تسند جسمها : ههههههههههههه ، عشان تحررررم

خالد : جايب لج هديـه

غلا : خااللد ، اشوفك متولع بالهداياااا !

خالد بأسف : اعذررريني يالهداااااايا لو هملتك فالزواياااااااااا

غلا : هههههههههههه

خالد : ماني متحمل اشوفك ،، وووووووووووووع ، شيليييييييييهممممم

غلا : هههههههههههههههههههههههههههههههه خااااااااااااالد

خالد : يقرب منها : غلاا خالـــــــــــــد انتـي

غلا نزلت راسها وخالد حط الهديه بين يديها

غلا حطت شعرها على جنب وقعدت تفتحها وخالد يطالع شعرها وراسه على صوب ..

غلا : وااااو رووووووووووووووووووعه خااالد

خالد : ........

غلا : تجنن وايد حلوه ( تلبس الخاتم )

خالد : ........

غلا : ليش ماترررد ؟؟ ( تشوف عينه على شعرها ) ،، ههههههه خالد اكلمك انا (تهزه)

خالد : هاا؟ هلا هلا !

غلا : حلو صح

خالد : يفرقـع

غلا : بسم الله خالد شهالتعبيير؟؟؟

خالد : ههههههههههههههه شفيج يبا تعبير حده ناعم خخخ

غلا : ههههههه صح

.*.*.*.*.*.*.*.*.*.

سعد كان يشوف اللسته اللي خذها من غلا باسامي المحلات الي يقدر يشتري منها اطقم لدزة عليا ..

شطووولها ..

سعد : الله يسامحج تبين تفرين راسي ، انتقام اهووووو

شاف الساعه /: يوهو اكيد سكرووو ، مافي غير باجر امر عليها واروح وياها

راح سعد وقعد عند امه قبل لاتنام ويسولف معاها ويقولها اللي صار وياه ..

حب راس امه وخلاها تنام وراح داره ..

فتح الكبت

وطلع كل البومات الصور

وتم يطالع فصورهم

هو وغلا وسعود وفيصل وتغريد و عيالهم ..

الله ياريت هالايام تـرد

ونتجمع مثل قبل

قعد يتذكر قبل كانو كل جمعه يتجمعون على الغدا فهالبيت ..

لكن ظروف وايد نستهم هالشي ..

امهم الكبيره شوي فاقده ذاكرتها ، وسعد شاب صغير يعني يلهى مع ربعه مو دايمآ فاضي

والعتب يبقى على سعود اخوه الكبير راعي الواجب ..

سعود يكلم خالد بتليفون البيت : ماكلمك عمـر ؟؟

خالد : امبلا يبا كلمته اول ماوصل وقلت له اول مايظبط جامعته وكل شي يتصل ولين الحين مااتصل

سعود : خلاص اول مايكلمك عطوني خبر انا تحت .

خالد : انشالله يبا .

سعود : يالله . ورقع الخط

خالد :بــــــــــل عليه دادي

غلا : هههههههه ليش

خالد : تخيلي ساعه يودعني

غلا : صح صح

خالد فيه الظحكـه : والله مشكله ابهات هالجيل ياشيخ

غلا : ابهات هالجيل اللي لهم عيال هالجيـل ! و عمي سعود مو منهم من جيل قبلهم

خالد : ياخطييييير ياللي تحلل

غلا : هههههه

خالد : وانا متى بصير ابو؟


غلا وقف قلبها (شهالسؤال؟؟) : ......

ظحك لها بخبث ونزل لابوه : حياتي بتجين معاي؟

غلا : امك تحت عدل؟

خالد نزل راسه ورفعه : أي روحي تحت

غلا تاشر بيدها : لا خلاص حبيبي روح انت انا راسي يعورني

[وعود]

خالد فهم : اوكــي ماني مطول

نزل خالد وقعد مع ابوه وامه كل شوي تقط نغزه ليش غلا مانزلت ..

وخالد يتجنب يرد عليـها ..

قعد ربع ساعه معاهم وشاف ابوه يبي ينام

حب راسه وراس امه وطلع لغلا ..

خالد : مسـاء الخيـر والاحساس والطيبــه ، مساءٍ ما يليق الا بأحبابي

غلا ظحكت له بعذوبه : هلا حياتـــي

خالد : تدرين ؟؟

غلا : عــن شنو ؟؟

خالد : معك عفت الخود بالكلي ماليَ في غيركـم خانــه

غلا بخجل من حطة يد خالد على خصرها : صـج

خالد : لو أقول أحبج توفـــــــــــي؟؟؟؟؟؟

غلا : وتكفـي بعد ، دامها منـك

خالد : آآخ شنو هذا ، عمي شجاااااااب بعرف .. !

غلا : جابني انااا ههه شجاب بعد

خالد : يخليييييييييييييج لي انتي

غلا : ويخليييك لي ..

.*.*.*.*.*.*.*.*.*.*.

قام عمر على عرس جراسة المنبه بعد ماكفخ المنبه ورقعه بالطوفه هههه

قام وتسبح عشان ينشط اكثر ..

حلق وطلع ..

لبس تيشيرت أبيض والكاروهات بالأحمر فوقه تيشيرت نص كم لونه زيني على بيج

وعليه اشارات واسهم بجينز ألوان مخيط عليه .. اصفر واحمر وازرق ,,, الخ

ولبس بنطلون جينـز

لبس الشوز وساعته وحط فلوس يحتاجها بمخباته ولبس هالبنطلون من بعد اللي سمعه من جابر امس

الجيبون كلها عليها سحابات خخخ ..

حط شوية جل يرتب شعره وتعطر بعطر لاليك غرشة العطر شكلها كان عجيب حصان وايد حلوه ..

المهم ..

خذ اللي يحتاجه معاه ..

قعد يدور شنطه شاريها من Gucci تصلح للجامعه

بس مالقها بوسط عفسة داره ..

شال اغراضه وهو طالع من المجمع شاف محل يبيع اشيا

وشاف شنطة تنشال على الظهر بس على جنب ولونها اسود

خذها وحط اوراقه واغراضه ..

وقف ينطر تاكسي ووقف له واحد

وركب معاه وطلع الورقه اللي فيها اسم الجامعه وعطاها الدريول ووصله لين الجامعه

نزل للجامعه حلوه الارض خضرااا والمبنـى أبيــــــــــــــض ..

مشى وراح وخذ السكاجول ودخل

شاف الجامعه فيها بنات خليجيات وشباب خليجين وانجليز ..

البنات كانت عيونهم تتلاقط على عمـر وهو موطي راسه يمشي

من صغرته حرج اول يوم دوام مايفارقه لو في أي مكان ..

قعد على كراسي ينتظر المحاضره تبدى

طرش مسج لخالد وكتب فيه رقم الشقه ورقم تليفونها واسم جامعته وكل شي ..

وقال له انه بيطلع خط له فأمريكا بس يفضى ويطرش له الرقم ..

قرا اسامي الطلاب اللي معاه ..

ولقى كم اسم خليجي وعرف كم واحد ووحده لانهم من عوايل معروفه ..

قعد فكرسي بالنص وحذاه اجبني و حذاه خليجي ..

هذا كان اول يوم لعمر فغربته

مسالم حيـل وماله علاقه بأي حد ..

انتظرني بالجزء القادم عشان تعرفون

شبيصير لعمر لما يطلع من الكلاس !!

من بيشوووووووف !!

شبيصير لــه ؟؟

تحياتيخالد فهم : اوكــي ماني مطول

نزل خالد وقعد مع ابوه وامه كل شوي تقط نغزه ليش غلا مانزلت ..

وخالد يتجنب يرد عليـها ..

قعد ربع ساعه معاهم وشاف ابوه يبي ينام

حب راسه وراس امه وطلع لغلا ..

خالد : مسـاء الخيـر والاحساس والطيبــه ، مساءٍ ما يليق الا بأحبابي

غلا ظحكت له بعذوبه : هلا حياتـــي

خالد : تدرين ؟؟

غلا : عــن شنو ؟؟

خالد : معك عفت الخود بالكلي ماليَ في غيركـم خانــه

غلا بخجل من حطة يد خالد على خصرها : صـج

خالد : لو أقول أحبج توفـــــــــــي؟؟؟؟؟؟

غلا : وتكفـي بعد ، دامها منـك

خالد : آآخ شنو هذا ، عمي شجاااااااب بعرف .. !

غلا : جابني انااا ههه شجاب بعد

خالد : يخليييييييييييييج لي انتي

غلا : ويخليييك لي ..

.*.*.*.*.*.*.*.*.*.*.

قام عمر على عرس جراسة المنبه بعد ماكفخ المنبه ورقعه بالطوفه هههه

قام وتسبح عشان ينشط اكثر ..

حلق وطلع ..

لبس تيشيرت أبيض والكاروهات بالأحمر فوقه تيشيرت نص كم لونه زيني على بيج

وعليه اشارات واسهم بجينز ألوان مخيط عليه .. اصفر واحمر وازرق ,,, الخ

ولبس بنطلون جينـز

لبس الشوز وساعته وحط فلوس يحتاجها بمخباته ولبس هالبنطلون من بعد اللي سمعه من جابر امس

الجيبون كلها عليها سحابات خخخ ..

حط شوية جل يرتب شعره وتعطر بعطر لاليك غرشة العطر شكلها كان عجيب حصان وايد حلوه ..

المهم ..

خذ اللي يحتاجه معاه ..

قعد يدور شنطه شاريها من Gucci تصلح للجامعه

بس مالقها بوسط عفسة داره ..

شال اغراضه وهو طالع من المجمع شاف محل يبيع اشيا

وشاف شنطة تنشال على الظهر بس على جنب ولونها اسود

خذها وحط اوراقه واغراضه ..

وقف ينطر تاكسي ووقف له واحد

وركب معاه وطلع الورقه اللي فيها اسم الجامعه وعطاها الدريول ووصله لين الجامعه

نزل للجامعه حلوه الارض خضرااا والمبنـى أبيــــــــــــــض ..

مشى وراح وخذ السكاجول ودخل

شاف الجامعه فيها بنات خليجيات وشباب خليجين وانجليز ..

البنات كانت عيونهم تتلاقط على عمـر وهو موطي راسه يمشي

من صغرته حرج اول يوم دوام مايفارقه لو في أي مكان ..

قعد على كراسي ينتظر المحاضره تبدى

طرش مسج لخالد وكتب فيه رقم الشقه ورقم تليفونها واسم جامعته وكل شي ..

وقال له انه بيطلع خط له فأمريكا بس يفضى ويطرش له الرقم ..

قرا اسامي الطلاب اللي معاه ..

ولقى كم اسم خليجي وعرف كم واحد ووحده لانهم من عوايل معروفه ..

قعد فكرسي بالنص وحذاه اجبني و حذاه خليجي ..

هذا كان اول يوم لعمر فغربته

مسالم حيـل وماله علاقه بأي حد ..

انتظروني بالجزء القادم عشان تعرفون

شبيصير لعمر لما يطلع من الكلاس !!

من بيشوووووووف !!

شبيصير لــه ؟؟

[وعود]

~®§§][][الجـزء الرابـع ][][§§®~



خلصت أول محاضره له وقامو الطلاب

قعد يشيل هو اغراضه الكتاب والنوتـه واقلامه

وشال عمـره ..

طلـع من القاعـه وقعد على كرسي دعس اغراضه بالشنطه

وطلع السكاجول شاف عنده بعد 3 كلاسات وبعدها راحه وبعدها كلاسين ..

راح حط فلوس بالمكينه وطلع له كولا وقعد يشربها وهو يقرا السكاجول واوراق ماعطينه ..

رفـع عينه شاف 3 بنات يتناقزون وكاش يتكلموون عنـه ..

عمر نزل عينـه وتم يقرا ويشرب ..

رن تليفونه وشافه رقم السواق اللي وصله عطاه رقمه وتوهق عمر وياه

مارد عليه وطنشـه ..

فقطـــر ،،

غلا كانت قاعده فالبيت العود مع عمانها الـ2 سعود و سعد ..

خالد وصلها وقال بيروح عنده شغل بسرعه يخلصه ويرد ..

دخلت عمتها تغريد وريلها قعد شوي سلم وراح ..

غلا كانت مع خالد الصغير تلعبه وتظحكــه وهي جانه عليــه ..

صاير يجنن متبتب وخدوده محمـــــــــــــــــــــــــــرررين ..

تغريد : سعود ،، وينها مرتك؟؟

سعود : لطيفه هني، يمكن داخل راحت تصلي الحين تجي

تغريد : اااي ..

سعد : الا شخبار عمر ماكلمكم؟

سعود : امبلا حاجانا

سعد : لالا وشخباره شلون امريكا لقا له شقرا زوينه

سعود : اههههههه ، طيب طيب

غلا : عمتي مسكي ولدج بروح لخالد انا ..

تغريد : ويي هااتيه يما منج ماخذته تصبيره يعنييي

غلا : هههههههه لا عمتييي ، بس خالد بره ويستحي يدخل بروحـه .

فاطمـه : يمااا خليهاا

تغريد تلم بنتها : واااي يزين بنتييي ،، بليييده

فاطمه تظحك بفشيله : مااام ماسمح لج

تغريد وبنتها كانو جنهم رفيجات خخخ ..

غلا : ويي ، انا اروح لخالد احسن

راحت له غلا وفتحت الباب وهي بكــل دلع متسنده على الباب ..

كانت لابسه فستان فوشي مخصر على جسمها وعلى جنب بالفولك الاسود المربع رسم

وعلى يدها الثانيه رسم ..

كان شكله غرريب بس فنــــــــــان

كانت ناصفه شعرها وهو مرول وطالعه قمــر ،، كان مكياجها نااعم بس كحلتها

ذبحـت خالدد قطعت قلبه ،،

خالد يتـل نظارته وبكل خبث: مســا العصـر ..

غلا تبي تظحك بس مسكت عمرها : مســـا النووور ، حياك

دخل خالد وسكرت غلا الباب ومشوا فالممر لانه دخل من باب صالة النسوان

لانه استحى يدخل من الباب الرئيسي ..

خالد وقف من المشي وقعد على الكرسي ..

غلا : ليش ماتبي تقعد وياهم

خالد : انقطع قلبي

غلا : من شنو

[وعود]

خالد : تخيلي ، وقفت السياره عند باب الصاله وجيب امشي لين هالباب

غلا : هههههه شهالذكاء خااااااالد !

خالد : شسوووي ! مادري والله احس مخي وقف وتوه رد اشتغل ؟

غلا : بسم الله عليييك قووم اقعد وياهم ترد حاسيتك

خالد : ليش لا يجوز والله

غلا : ههههههههههههههههههه

خالد بكل عذووبه : افـااا ! غلااي يظحك عليي ؟!

غلا (واااااااااااااااي) : لااا

خالد : ظحكتيي توج

غلا : اسسسفه

خالد : اممم والله اسفه جي حاف ماتنقبل

غلا عرفت شقصده : ههه لا والله !

خالد : Yes baby

غلا مسكت يده وتلته معاها للصاله

خالد كان يطالعها بنظرات شرانيه ..

وو من بعد صلاة المغرب الرجال تجمعوا فالمجلس

والنسوان تموو داخل البيـت ..

لطيفه كانت كل شوي تذكر عمر وتنغص ..

.* بعـد مروور اسبوووع *.

عمر كان قاعد على طاولة الاكل فالشقه والكتب موزعه والاوراق والقلامه

ويحل الـهووم وورك وكل شوي يفتح القاموس الناطق ويجييك على الكلمات ..

كان عنده فوق الخمس هوم ووركات وكان هذا بالنسبه له راحه

لان واجباته كانت تزيد عن العشـر مرات ..

خلص اربعه وبقى له واحد

كان وصف ومايقل عن 300 كلمـه ..

قعد عمر يعصر مخه يمين يسار يلف ..

كان الموضوع ماعطينه اياه باول الايام

يكتبه عن أي شي

فكر يمين يسار ماعرف شيسوي مب عارف عن شنو يكتب .!.!.!.

طفى المسجل اللي كان على طول حاطه على القرآن

راح وكل له شوي ورجع يكمل..

قعد يغني بصوته الحلووووووووووووووووووووووو

وكل كلمه تطلع من قلبـه وهو يمد فيها...


لا سلام ولا وداع ولا عليك
لا اتصال ولا هموم ولا سؤال
بـخت قلبك حظ جفنك يهتويك
يا أريش العينين برموشٍ ظلال
يالـ(غلا) وينك ووين الشوق فيك؟؟
في حشــا يوفي من الشوق اشتعــــاال



غلا بعد فهاللحظه كانت ترتب ملابسها وتدندن على هالاغنيه


عمر قطع عليه طقة الباب وتأفف

ياربي من عندي هني عشان يطق بالله !!

فتح عمر الباب وشكله يجنننننننننن

لابس جينز ديرتي وقميص اسود مشمر الاكمام وشعره مبهدل

رفع عينه شافهم 3 بنات !!!

عمر ماعرف شيقول ..

البنات : هاي عمـر

عمر: عليكم السلام ، شبغيتوو ؟؟

البنات زاحموو عمر ودخلو الشقه وعمر منصدم ..

البنات : جايين ندرس ويااك ، مانعرف ونبي حد يشرح لنا

عمر (هاا. ) : ليش يبا وين قاعدين احنا؟؟

البنات بكل جديه : فشقتك؟؟

عمر : اسف والله مادخل بنات ..

البنات احترقت وجييهم : بس احنا جايين ندرس

عمر : كان على عيني بس انا ابي اللي يشرح لي وانا الحين بطلع

البنات بكل مرح : خلاااااص ، نطلع وياك

عمر (اعوووذ بالله) : بطلع بجمعة شبااب

البنات : كول ، نتعرف على اصدقائك ..

عمر : لو سمحتواا اذا عندكم كلام نكمله بره الشقه

البنات طلعو وماصدق عمر قالهم مع السلامه ورقع الباب

تم عمر يفكر شلون جذي البنات ذولا !! انا الرجال استحييت اعوووذ بالله

وتم يظحك كانو جديين بيطلعون يعني عادي مافي أي مشكله ..

تم عمر يعيد ويزيد على مقطع الاغنيه

ولمعت فراسه الفكرره

كتب عن قصته هو وغلا بس غير فاسامي الشخصيات

خلصه ورتب العفسه ..

دخل الغرفه متملل شيسوووي؟؟؟

لقيتها .!.

اروح لي مجمع ولا مكان ..

وقف شاف نفسه بالمنظره

بس بس القميص متصارع معاه فصخه وقعد يكويه

تكشخ وتعطر وخذ كل اللي يبيه وطلع ..

قعد يتمشى فالمجمع متملل

قعد على طاولات الاكل وطلب له كالعاده من ماكدونالزز

شوي الا قعد حذاه خليجي ..

الصبي : مرحبا عمر

عمر وهو يبتسم : مرحبتين ياهلا ..

الصبـي : ماتذكرني؟

عمر : اسمح لي والله ، من ؟؟

الصبي : انا جاسم زميلك بالجامعه ..

عمر : اييي أي ،، تذكررتك ، هلا والله شحالك يالغالي ؟؟

جاسم : يسررك الحال ، ها شتسوي هنـي!

عمر : والله شسوي زهقت من الشقه .

جاسم فتح عينه : تقعد بالشقه !!

عمر باستغراب: أي والله ارد من الجامعه ماطلع ..

جاسم : بربـك!! طول يومك يعني

عمر وهو يظحك : أي والله

جاسم : انا ادخل اقط اللي علي واطلع ولا اعرف السكن شلوووونه

عمر : هههههههه ، ماعندي حد والله

جاسم : افا عليك من اليوم اعتبرني اخووك ..

عمر تذكر اخوه خالد : تسللمممم

جاسم : تحب اعرفك على باقي ربعي ولا وقت ثاني؟؟

عمر : لا عادي موجودين !

جاسم : لا احنا نتجمع فبيت لواحد من الربع

عمر : اها لا وقت ثاني انشالله ..

جاسم : هههه لا تخاف مافينا واحد يدخن نتجمع على كل خير انشالله

عمر ارتاح : ههههههههههه لا شدعوى بس وقت ثاني انشالله

جاسم : خلاص عيل تبيني اقعد ولا اروح ؟

عمر : ههه اكيد تقعد من لي غيرررك انا

جاسم : هههه مشكور مشكور

قعدوا تعشوا وراحو تمشو وردوا لشقة عمر قعد جاسم شوي

وبعدها راح عنه وقال له باجر يجيه ويروحون الجامعه مع بعض ..

..*.*.*.*.*.*.*.*.*.*.*..


دخل خالد الدار وغلا كانت قاعده وتصيح بس غيرت ملامحها من شافت خالد ..

خالد تخرع : شفييج غلا؟

غلا : هلا عمري

خالد : قولي شفيج ؟

غلا : مافيني شي

خالد : ليش تصيحين

غلا وهي تاخذ ملابس خالد غترته والباقي عشان تعلقهم منه ..

غلا : ولاشي طرت علي امي وابوي ، لاتهتم .. ، وين رحت اليوم (وهي تعلق ملابسه )

خالد : ولا مكان حبيبي (يسكر باب الكبت وهو متسند ) : بس ولهان عليييييييج

غلا تظحك له ..

خالد : انتي شسويتي ، شكلج ماطلعتي

غلا : يعني بطلع بدون ماقولك ، مارحت مكان (تتنهد) فالبييت

خالد : زين شفيج من صوتج احس فيج شي

غلا : مافيني شي والله

خالد : امي قالت لج شي؟؟

غلا : لا .

خالد : اممم ،، زين ماتبين تعشينا هههه

غلا : ههه دققيييقه بس

راحت غلا وحطت العشا والطاوله مرتبه شحلاتها ..



قعد خالد يتعشى مع غلا ويسولف لها ويظحكوون ..


بعدها الخدامه جاتهم تقولهم ان لطيفه تبيهم تحت !!




ياااترى لطيفه شتبـي منهم؟؟؟؟؟؟؟

وعمر بيرافج جاسم ؟؟؟؟؟؟

غلا ليش كانت تصيح؟؟؟؟؟

وعليااا ؟؟؟؟؟؟؟؟

[وعود]

¨*~¤¦ الفصل الأول ¦¤*~¨°



خالد يخلي الاكل ويتنهد : بتنزلين معاي غلا؟؟

غلا : أي بنزل ..

خالد : يلا عيل

نزلت غلا مع خالد ويوم خلصو خالد قالها شي وظحكها ..

لطيفه : حمدلله على السلاامه ، ساعه وانا انطر !!!!

خالد هو لين الحين باينه عليه علامات الظحك ..

خالد : كنا نتعشى

لطيفه : مب طاير عشاكم ياعصافير الحب

خالد : شبغيتي منا يمه ؟؟ آمري !

لطيفه : اقعد انت وياها

غلا تطالع خالد على لهجة امه ..

لطيفه : بيت هلي زعلانين عليكم ، ماتزورونهم ولاشي

خالد : يمه تونا معاريس

لطيفه : أي معاريس اللي مثلك الحين عيالهم فحظنهم

خالد يمسك يد غلا ..

خالد : عاجبني وظعـي حيـــــــــــــــل ومرتاح والله موضروري العيال دامني متهني مع مرتي ..

لطيفه تجتف يدها : ماعلي منك ، اسمع مب كل يوم طاقين شلالتكم ورايحين بيت اهلها

لاتنسيك هلك بسسسس

غلا : انا ماضربته على يده ، والراي رايه يقدر يقولي لا مامنعته عن حد انااا

لطيفه : ياسلاام (تلف وترجع لهم) ،، ترادد مرتك بعد ، هذي اللي مهنيتك ..

خالد يقرب غلا منه : ماغلطت يمه ، انتي اللي مادري شفيج عليها ، ماقالت شي

لطيفه : بعد صرت بصفها علي اناا

خالد : يمه انا بصف الحق والف مره قايل اللي يحاجي مرتي يحاجيني انا

لطيفه : ماقول الاا .................

خالد يطالعها وهو مرفع حاجب : يما لاتنسين تراني ولدج كفاييييييه خسرتي واحد

لطيفه : لاتقووووووووول جذي

خالد : مب قايل خلاص ، اخلييج ،، يلا غلا . تصبحين على خير ..

راحو لطابقهم ..

دخلت غلا الدار وخالد قط روحه على كرسي الصاله

(( اففففففف امي ليش انقلبت جذي ، يعني حرام عليها ماترأف بهاليتيمه والله تقطع القلب ))

غلا بحزن تحاول ماتبينه لخالد : خالد ، ماتبي تكمل عشاك؟

خالد : لاعمري شبعت

غلا : براحتك ..

خالد : قعدي معاي ، شدعوى يبا ، حنييي علينا

غلا تظحك له : ثانيه بس بخليهم ينزلون العشا

خالد : مو تتأخريين علي بحسب الثانيه

غلا : ههه انشالله ..

راحت غلا وهي تحاول تحبس دموووعها

خالد حييييييييل طيب ياربي ماقدر على جذي اففففف ..

ولع زقارته خالد ..

جات الخدامه لغلا وقالت لها تنزل العشا ..

مشت غلا لين الصاله وقبل لاتدخل شافت عمرها بالمنظره

وعدلت شكلها على السريع وراحت لخالد ..

خالد يطفي زقارته : هلا هلا ، هلا والله

غلا : وانت ماتبت من الزقاير

خالد جتف يده وقعد يسمعها ..

غلا : لاتسوي جذي انا من صجي اكلمك

خالد : انزين . مو سالفتنا الزقاير

غلا ترجع شعرها على ورا وترده على جنب : عيل !!

خالد يقوم من على كرسيه ويقرب منها... يقعد على الارض ..

خالد : مابيج تزعلين من كلام امي انتي تعرفينها من يومها طريقتها جذي ..

غلا : لا عادي تعودت انا

خالد : زايدتها معاج شوي ، بس انتي طولي بالج حبيبتي كلها كم شهر ونطلع من هني

غلا : بس قراب منها

خالد : لا يباا (وهو يبتسم) ،، عندي لج مفاجأه هالكبررررررررر

غلا : هههه شنو

خالد : Not now baby

غلا : عيل؟؟

[وعود]

خالد : الخميس عاازمج انا

غلا : بعد ! ويين ؟؟

خالد : الشاليهات .

غلا : بروحنا؟

خالد : يــس ، ليش !

غلا : لا بس اسأل .

خالد : انا وانتي وبــــــــــس

غلا : هههه ، انشالله

خالد : موووو تنسيييييييين

غلا : انشالله ماني ناسيه

خالد : هههههه ( يرن موبايله،، استغرب الرقم !! )

عمر : الووووووو!

خالد عرف انه عمر من الصوت : هلااااااااااااااااا والله ، هلا بحبيبــــــــي

عمر : اهليييييييييييين ببوسّعود ، شلووونك ؟ شخبارك؟

خالد : الله يسلمممممك مشتاقين لك والله ، طمنا عليك !

عمر : وانا مشتاق لكم اكثر والله ، انا بخير والله

خالد : هاي رقمك؟؟؟

عمر: أي والله توني مطلعه ، خط امريكي يبااااا

خالد : ههههههه اييي شعليييك الحين الشقرررر على يمينك ويسارك

غلا تتخصر له وترفس ريله

خالد : اححح (بصوت واطي يأشر له بيدها ،، صبري صبري ) ..

عمر : ابوي شلونه .؟ وامي وعمي سعد وعمتيي والكل؟؟؟

خالد : يسلموون عليييك والله ، كلم ابوي ترا اذانا وهو يسأل عنك

عمر : ياخي اتصله يامسكره يامايلقط ، انت الوحيد اللي على طول شغال

خالد : شفت شلون انا الوحيييد اللي متذكرك

عمر : ااهههههههههه

خالد : ها بشر شلون الجامعه

عمر : والله زيينه ، وياي عرب وجذي، حمدلله

خالد : أي ، زين زين بالتوفيق انشالله

عمر : انت شخبارك وشخبار بنت عمي ، انشالله طيبين

خالد : الله يسلمك ، طيبين بسماع صوتك والله

عمر : يالدب والله وحشتنيييييي

خالد : اههههههه أي الحين دب هاااا

عمر : ههههههههههه

خالد : يالله يبا كلها كم سنه وترد لنا

عمر : الله يعينا ، يالله بوسّعود ماطول عليك انا رايح الجامعه الحين

خالد : خلاص يبا حط بالك على نفسك ، وهالله الله فالصلاااه

عمر : لاتوصـي سلم على ابوي وامي والكـل لاتنسى

خالد : يبلغ حبيبي ، فمان الله

عمر : مع السلامـه ..

==================

جاسم : منو هذا؟؟؟؟

عمر : خالد اخوي .

جاسم : أي اخوك ..

عمر يظحك له :]

.*.*.*.*.*.*.*.*.*.

اليوم الثاني

سعد كان بداره يتكشخ عشان يمر غلا ويروحون يشترون دزة عليا ،،

كشخ بالثوب ونسف الغتره وتعطر ..

نزل لقى امه قاعده وعندها تغريد وعيالها منثرين فالصاله

سعد : صخو صخو ، تغريد عيالج لااله الا الله مالهم حسس

تغريد : ههههههههه ، الله يقطع ابليسك ، وين رايح؟

سعد : بروح وياغلا نشوف اشيا لدزة عليا

تغريد : افا وانا وين رحت

سعد : لالا انتي خلج حق الثياب

تغريد : ههههههههههههههههههههه آه يالحمار اشوف خليتني خياطه

سعد : هههههههه فيج الخير ياام علاوي (يحب راسها) ..

يكمل : يمـــه ،، شلونج؟؟

امه : زينه يمه ، وين بتروح !

سعد : يمه مالاعت جبدج مني توني مخليج

امه تلمه : لاتقول جذذذي يايمه الله يخلييك انشالله

سعد : انا بروح اشتري حق دزة مررتي

امه : ايييي عليييا !

سعد : أي يما (يغمز لتغريد ) ها يمه اشوفج اليوم محلوه

امه تظحك : ههههه تتطنز علي يايمه

[وعود]

سعد : افااااااا يايمه اصلآ انتي من عنده ربع جماالج ، يااااه افا علييج بس

امه : هههه ، يقولي حلوووووه !

تغريد وسعد وعلي الصغير يظحكون

تغريد تحذف علي بالفاين : اوص ، عيب

سعد : ههه والله انتي اخرتها ولدج بتجيه اعاقه والسبه الفاينات من يومه وهو يتحذف بالفاين

علي : اييي خالي قول لها ، كله تظررررررررررررررربني

تغريد : الله يخليك مسوي لي محامي ، تيسر تيسر ..

سعد : ههه ماعليه ،، يالله فمان الله (يبوس علي) ، ماعليك من امك أي شي تعال قولي

تغريد : ياااسعد لاتقوله جذي

سعد : خلاص لاتسمع كلامي ، بس كلام امك

تغريد : روووووووح بتقلبه عليييينا

سعد : خلاص زيين ، يالله يماا مع السلااامه

امه : الله يحفظك يايييمه (وقعدت تدعي له )

علي : يمااااا ،، انتي ليش بس تحبين خالي سعد!!

يدته : من انت؟

علي : انا عليييي

يدته صخت وبعدين تكلمت : احبكم كلكم كلكم ..

علي راح وقعد يكمل لعبه ...
اتصل سعد لغلا وهو فالطريج وهي كانت تلبس

خالد بلهجه سريعه : نعم اخ سعد؟؟

سعد : اههههه اعوذ بالله وانت حتى بالتليفون متليقف

خالد : نعم نعم نعم مرتي وكيفييي

سعد : ههههههه شوي شوي يه كلتني بقشوري

خالد : أي سمجه لانك شنسوي

سعد : مالت عليك والله ، وينها غلا؟

خالد : عمري وحياتي تقصد؟؟

سعد انفجر ظحك : ههههههههههههههههه ، أي يعني تحرني

خالد : حبيبتي وروحي؟

سعد : اعوذ بالله وينها زين

خالد : غلاي؟

سعد : خلود انطق وينهااا !

خالد : تلبس تلبس يالحنان شتبي فمرتي

سعد : بمرها نروح نشتري اشيا

خالد : هاااااااهاهاااااااي ، مافي ماتروح مرتي بروحها

سعد : ليش يبا، شوي وبردها

خالد : سكيوزمي ، لاتحاول انا ومرتي روح وانأسمت نصين

سعد يفكر : زين شدخل؟ انا بروح معاها وبرجعها عمها انا يالخايس

خالد : شفيها يعني وعمي بعد بروح وياكم

سعد : لا إله الا الله ، زين يلا امش ويانا بس لاتتأخر ..

خالد :امم كيفنا

سعد : مالت عليك يالله مع السلامه

وسكر الخط ...

خالد : احم احممم ادخل؟؟؟؟؟؟؟؟؟؟

غلا : ههههههههه ، أي من متصل؟؟

خالد : سعَـيد

غلا : عمي سعد تقصد ؟؟ (وهي تسكر السلسله )

خالد يقلدها : عمي سعد تصقد قصدي تقصد أي أي عمج

غلا : وليش معصب الحين ؟

خالد : جذي ، لعانه

غلا : هههههههه

خالد : وبتروحين بدوني؟

غلا : لك خاطر تلف السوق؟؟

خالد : أي لي خاطر ونص

[وعود]

: انزين انزين ، يلا البس بسرعه

خالد : بروح جذي

غلا تطالعه كان لابس جلابية بيت : هههههههه لا عااد خالد ، يلا بدل

خالد :انزييييييييييييييييييين

دخل خالد الغرفه وبدل لبس ثوبه وكشخ بالغتره وخذ اللي يبيه وتعطر وطلع

غلا كانت تنطره فنص الدرج

خالد : هاااا اشوفج شوي وتطيرين له

غلا : يلاا خاااااالد

خالد : بشرب جااي

غلا تفتح عينها : لاا!

خالد : هههههههههه اوف عليج ، مابي جاي يلا يلا

خالد مشا وغلا جدمت جرها ومسك يدها : فاهمه !

غلا : هههههه أي فهمت

خالد : شطوره حبيبتي انتي .

غلا : ههههه

ركبوا السياره وسلموا على سعد ,,

سعد : لا الشيخ خالد ، لو تأخرت شوي احسن

خالد : انزين انزين

حرك سعد سيارته ومشوووو

راحو لمحلات مجوهرات معروفه بقطر وشروو لها

وفاسبوع خلصو لها الدززه

يوم السبت العصر المغرب كانوو الاخوان متجمعين فمجلس سعود ,,

سعود : والدزه شلون ؟؟ بتطرشونها ولا؟

سعد : لالا انا وامي وتغريد بنروح لهم سياره

سعود : بس امي ماتقدر ..

سعد : أي والله مافكرت فيها

سعود : تدري عيل ، انا وامي واختي بنروح طياره وانت سياره

سعد : خلاص شورك وهداية الله ..

سعود : يالله بالمبارك يالمعررس

خالد : تكلمني يبا

سعود وو سعد : هههههههههههههههههههههههه

سعود : مب محتاج شي ياسعد ، ناقصك شي قووولي لاتستحي

سعد : لا الله يسلمك ، ماتقصررررر..

.*.*.*.*.*.*.*.*.*.*.*.*.*.*.*.*.

عمر كان توه مسكر من رفيجه تركـــي ،،

رجع عمر لداخل الجامعه بعد ماذبحه البـرد ..

عبدالرحمن (السعودي) كان من شلة الشباب اللي تعرف عليهم عمـر ..

عمـر : وين جاسم؟؟

عبدالرحمن : شعرفني ، يمكنه راح يجيب له اكل

عمر : اوكي خلاص

راح عمر للكافتيريتا يشوفه ..

لقاه يكلم بنيه وشكله مستانس ووووو ..

عمر انصدم ( هاا ؟ ) ..

وقف بعيد شوي بعدين مشى ..

راح جاب له أكل وقعد ياكله


شرب الكولا وسكرها ..

طلع بره هو وعبدالرحمن وثامر وسالم يلعبون كوره لانه بريك عندهم .. من 12 الي 1 ..

بعد نص ساعه لعب خذوا بريك و رجعوا شربو كولا

عبدالرحمن تجشـى بوجه عمر مات ظحك عليه عمر

شرب عمر زياده كولا وتجشى بوجهه يردها له

وصارت الشله كلها تشرب وتتجشى

البنات مرو ووقفوا بكل أرف يطالعونهم

عمر وربعه ماتو ظحك من كثر الفشله

عمر : ووااااااااههههههههههههههههههههههههههههههههههه ههههه ه

سيف البحريني : مالت عليك يالجآآآلب كله منُك

عمر : هههههههههه انتو اللي قلدتونا ( يسكر عيونه من كثر الظحك وهو يمسك بطنه )

جاهم جاسم وقعد ..

جاسم : الله الله شهالظحك ونسونا وياكم

سالم : ماكووو شي لاتَخاف ..