غلا (رواايه تجنن لاتفوتكم)

[العبرات الدامية]

جاسم : هاهاهاي

عمر : ماينخاف الا من الساكت يالهيس

جاسم : هههههه اعجبك

عمر : هههههه مبروك مقدمآ حبيب قلبـي

جاسم : يبارك فحياتك انشالله

عمر : خلصني الله يخليك مب شعر ذيه اللي من مساعه تمشطه خلاص لو هو شعر نعيه خلص

جاسم : ههههه شحقه تشبه روحك بالنعيه قلت التشابيه

عمر : شسوي شبيهتي هههه

جاسم : ههههه



غلا و خالد كانوا بالفندق وصلوا من يومين

خالد : اااخ كسرتينا بهالسوق الله يسامحج

غلا :هههه والله هاي كان شرطي

خالد : يبييي لج ضرب ههههههه

غلا : لا والله

خالد : يالله يا إمرأه خلصي لبس خنروح

غلا : شلبس خالد

خالد : دفتج زينه

غلا : لا والله دفه بامريكا

خالد : لا فالمريخ ، أي بامريكا

غلا : شكلها جذي

كشخت غلا من تحت العباه بتنوره تايجر وبلوزه سودا وكشخت بخاتم شاريه خالد والساعه

لبست عباتها وخلصت

خالد لبس بدله رسميه جاكيت اسود والبلوزه بيضا

غلا : ياسلام ، يالله خل تعشقك امريكيه

خالد : أيه وان زعلتي اقول لها تراها من الارهابيين

غلا : افا تبيعني عشانها ، الله يسامحك

خالد : اخسي والله انا ، قلبي غلا لحقيييه

غلا : هههههه خالد لاتقول جذي الله يخليك

خالد : شسوي احبج !

غلا سكتت ماقالت شي

بعدها

غلا : خالد!

خالد : عيونـه

غلا : عمر يدري ان احنا هني؟

خالد : لا مفاجأه .

غلا نزلت راسها : بس شلون بيشوفنا؟

خالد :ها؟؟ ، يالله مافكرت فيها ..(قعد على الكرسي) ، غلا ليش ذكرتيني ، تصدقين ماشتهي اروح

غلا : شدعووى خالد والله ماقصدت

خالد : لا مب منج ، اصلآ السالفه لو ماذكرتيني انا بذكرها ، بس من اذكر سالفته

يظييق صــدري واحس . شاقول ياربي حسبي الله ونعم الوكيل

غلا : ماعليه ياعمري احنا شنقدر نسوي ، اللي صار صار ! بس . انا سمعت في علاج للعمى

خالد : الله كريم

غلا ابتسمت له وراحت تكمل اخررر لبسها

خالد مب قادر يروح علامات الحزن من ملامحه

غلا لمت شعرها ولبست شيلتها ، خذت شنطتها وطلعوا من الفندق

خذوا السياره اللي اجرها خالد وقالوا للسواق يوصلهم

وبعد الحفله بياخذون عمر معاهم عشان يردون قطـــــــر

وصلوا للجامعه والشباب كانوا يلبسون روب التخرج والكبابييس

عمر : الله والله شعور حلو ياريتني مفتح بخاطري اشوفكم

جاسم : حلايا هالشيف شتشوف فينا نلوع الجبد

عمر : جسوم قلبي فيه شي احس حد هنييييي تكفى طالع

جاسم : محد هنيي صدقني

عمر : اخ شفيك ياقلبي لاتجذب على روحك بعد ، بســك

قعدوا الشباب على الكراسي المخصصه لهم

وخالد وغلا بعد

جاسم انتبه على خالد بس ماعرفه عدل لانه متغير بالبدله ماركز عليه عدل

الحفل كان طويل فالبدايه شوي

وبعدها بدت مراسم التخرج

يقرون الاسامي ويسلمون الشهادات

خالد و غلا كانوا بالصف الثالث ..

الحفله كانوا مسوينها بره الجامعه لان عددهم كان كبير ..

غلا كانت فرحانه لولد عمها

وحزينه على حالته

ياريتك تفهم اني ماعدت حبيبتك ياااريت

عمر كان فباله الف سؤال عن غلا !

انا تخرجت تدرين عني ولا نسيتني من كل قلبـج .؟

معقوله يضيع الحب وامانينا تصير اوهام ؟

هاي اللي كان يدور فباله

جا دور اسم عمر وخالد فز يمسكه

خالد اشر لجاسم انه يسكت

عمر مانتبه من مسكه ..

سلموه الشهاده وسلم ،، نزل من على المنصه ولمه خالد و كل وريد بجسمه متفـجر شوق لاخوه ..

عمر : خالد؟؟

خالد خانقته العبره : أي خاالد ياطوايف هلي ، ،سامحني يالغلي سامحني

عمر يوخر عن حضنه ودموعه طايحه من عينه بس مب مبينه من النظاره ..

عمر : لا ياخوي لاتقول جذي (يبي يحب يده بس خالد يسحبها ، لمه عمر بقو وصاح )

خالد : لاتسوي بروحك جذي حبيبي ياعمر ، الله يخلييك

عمر: وينكم عني !

خالد : احنا هني حبيبي، عمير يأشرون لك لازم تقعد الحين

عمر : لاتروح خالد

خالد : انشالله حبيبي انا جاي لك شلون اروح؟

عمر ماقال شي وقعده خالد على الكرسـي ..

الشباب كلهم باركوا لبعض وبعدها وقفوا وفروا الكبابيس

وابتدى التبووس والتلممم من بينهم ..

عمر : جسوم ودني حق خاالد

جاسم : انشالله تعال

مسكه جاسم ووقف يوم شاف غلا ماعرفها ، رفع حاجب ..

ابتسم وتخرع يوم شاف خالد .. عرف انها مرته

جاسم ( شهالحظوظ ، والله صاج عمور وين تنسي ؟ ) ..

خالد : مرحبا بالشيووووخ

جاسم : هههههه هلا والله ..

سلم جاسم على خالد وغلا وبعدها خلاهم

طبعآ قعد يتربص احسن الفرص ويكلم غاليه ويخطفها من بين رفيجاتها

جاسم : الف مبروك

غاليه : يبارك فيك ، مبروك عليك وعلى عمر ..

جاسم : يبارك فحياتج ، ها متى ؟

غاليه : صبررر جاسم ، مو الحين نرد الديره ويصير خير

جاسم : يصير خير

غاليه : تقدر تقول

جاسم : مافهمتج

غاليه : شوف جاسم انا عندي شرط ان قدرت كان بها وان ماقدرت كل منا فدرب ..

جاسم : شنو الشرط؟

غاليه : شوف انا شرطي واحد ياانا ياعمر .. ااذا تبيني تنساه خله لهله وعده واحد من ابعد ربعك ..

جاسم انصدم : عمر؟؟؟ حرام عليج ، هذا اخووووي

غاليه : خلاص عيل انساني ..

جاسم : قعدي مكانـج

غاليه : شتبي خل رفيجك ينفعك

جاسم : لاتقولين جذي ، خلاص احنا لما نرد قطر اكيد بيلهى عني مع هله

غاليه : بس مرده بيرد لك ، انا مابيك ترافجه وهذا شرطي ، فكر فيه وقولي ،، عن أذنك ..

--------------------------------------------------------------------------------

خلته غاليه وراحت لصديقاتها ..



غاليه : نفذت الوعـــــــد ياريما ، والولد شبه موافق

ريما : صصصصج ،، يعني برتاح بعرف ان قلبه بيحترق

غاليه : ههههه طبعآآآآآ ،، مو هو اللي يطنش ريما

ريما رفعت حاجب جنها منتصره بحرب ..

و عمر للي ماكان يدري عن ولاشي باللي بينهل عليه فالايام الجايه ..

كان بغمــــــرة افراحه مع اخوه وبنت عمـه ..


عمر : مشتااااق للدوحه برد لها ، رجعوني باجر ..

خالد : هههه انشالله .. من هالعين قبل هالعين

عمر : والله من صجي ابي ارجع خلاص اففف الحين صج عرفت ان احنا بنعمــه ..

خالد : حمدلله ، يلا ياعمير احنا بنرد الفندق هني شكلهم بيسوون حفله مادري شهالعفسه

عمر : خيااااااس بيسوون حفلة رقص وطفاس ، برد وياكم واللللله لي مكان؟

خالد : افا عليييييك عيوني وين راحت انا؟

عمر : مااتقصر خلاص بس ودني اسلم على ربعي ..

خالد : انشالله ،، غلا تنتظرين هني ولاتجين ويانا؟؟

غلا : لافشله اروح بنتظر ..

خالد : خلاص عيل مانتأخر لاتروحين مكان بروحج ..

غلا : انشالله ..

مشى خالد وهو ماسك عمر ووصله عند ربعه ..

سلم عليه وعاتبوه ..

تامر : انا قلت انت بتغني لنا اليوووووم ، وين راااااايح؟؟

عمر : لا خلااااص من بعد هاليوم مافي اغاني

تامر : لييش يبا؟

عمر : هههه جذي ، يالله نشووفكم على خيير ياشباب ..

تامر : لا والله بنزعل علييييييك ، ودااعيه ..

عمر : لالالا الله يخلييك

تامر : عاد انا حلفت

عمر يلف على خالد ..

خالد : لاترد ربعك ،، خلك وياهم وانا شوي وبرد لك ..

عمر : خلاص ، بس لاتتأخر ..

خالد : لاتحاتي ..

قعد عمر معاهم شوي ..

تامر : يلا عاد بتنشف ريجنا غـن ..

عمر : انشالله ،،، ( سكت شوي ) ..

ووو ..

لي بنت عمٍ
ماوطت درب الادناس
مادَنِست يوم النسا
يَدنسنِ
ضربتها وانا احسب الضرب
نومـاس
طلقتها يوم اخفت العقل منـي
لو ينشكي حب على الذيب سرحان
يسرح مع الطليان ولا يجفلني
لو ينشكي حبي على الطير
ماطــار ...


كلهم سكتوا لان الخبر بان مرت اخوه بنت عمه الوحيده انتشـر من وصلت

لان السؤال عنها ماوقف ..

البنات والشباب كلهم صارو يسألون من ذي ..

لانها الوحيده اللي بالعبايه والوحيده الحلوه :P خخخخخ


خلص عمر وقام من وسط هالصمت بصمت ..

قام ووقف على حيله مشى شوي وجاسم راح بعييد عنـه ..

مانتبهت له الا غلا

التفت تدور خالد ماحصلته

غلا (ياربي شلون بمسكه الحين والله فشله ، عييب وينه خالد بعد وين راح)

عمر يمشي ويتخرطف ..

غلا جدمت وراحت له والعيون كلهاا عليها وعلى عمر ..

غلا : عمــر ..!

عمر مثل كل مره كل مايسمع اسمه على لسانها قلبه يعوره من اول مانطقته ..

عمر : هـ هلا غلا !

غلا : حاسب شوي شوي

عمر : انشالله ..

غلا : ماتدري وين خالد ؟؟

عمر : لا والله قال بيروح وبيرد لي ماجاج؟

غلا : بلا بس بعد انا قالي بيروح وبيرد

عمر صخ وماعلق ...

عمر : شلونــج غـلا؟

غلا شكثر تخاف من هالسؤال ماتقدر : انا طيبه

عمر : عيال اخوي حلوين !

غلا ابتسمت : على ابوهم


تامر وهو مار على عمر : أي ياشيخ من قدُُك

عمر : هههه

غلا ابتسمت ونزلت عيونها وهم يتكلمون ..

غلا : الله يهداه خالد نبي نطلع من هني

عمر : زهقناج يابنت عمي ، حقج علي

غلا : لالالالا مب عن جذي بس المكان كله رجال ، وانا شكلي غلط بينهم هههه

عمر : افااا مايوحشج الغلط يابنت عمي

غلا سكتت ، استحت من كلامه ..

[العبرات الدامية]

نست كل شي نست الدنيا وكل شي صاير

حست انها رجعت بنت عاديه لا متزوجه ولا وراها عيال وبيت وريل

توها تحب عمر .. بس رفعت عينها ، لفت وشافت خالد جاي

حست انها تبي تروح بعيد عنهم كلهمــــــ

بعيد عن كل هالناس تروح لمكان تطلع فيه كل المشاعر اللي كابتتها داخل صدرها ..

تحس الظييق ساكن صدرها من صغرتها وفي يوم بيجي لازم تطلعه وماتخليه اكثر

تعبـانه وماتعرف شتسوي ..

ماتعرف تكلم من والا تشرح لمن ولا تعلم من

بين كل هالأفكار واللي يجي على بالها طيف عمها مر عليها وارتوى قلبها

حسته معاهم لفت يمين يسار جنها تدور حد

خالد انتبه لها وهو يشرب العصير : من تدورين ؟؟

غلا : ها لا ولاشي ..

رجع يكمل ..

خالد : يالله عمير ماتبي تمشي تعبنا واحنا واقفين

عمر : بلا يلا ..

طلعوا من الجامعه وغلا فواادي ثاني . ..

طلعوا من الجامعه وعمر سمع ريما تقوله By عمر ..

مارد عمر .. وطلعوا من الجامعه وهو فباله احلى ذكريات لسنه عاشها بعيد عن هله

وصلوا لشقة عمر وخالد ماخلاه يتم بالشقه بروحه

وهو وغلا شالوا كل اغراضه عشان يشحنونها ..

وعمر كان قاعد بالصاله ..

غلا فصخت عباتها وشيلتها ..

وقعدت تشيل وتحط بالاغراض هي وخالد ..


عمر : 1 2 3 خالد ياحياتي

خالد : ههههههههه شايفني بالملعب انا

عمر : ههههههههههه

عمر :

المشاعر في غيابك
ذاب فيها كل صوت
والليالي من عذابك
عذبت فيني السكوت
صرت خايف لاتجيني
لحظه يذبل فيها قلبي
وكل اوراقي تموت

ماهو بس انا حبيـبــــــــي
الاماكن كلها
مشتاقه
لك ..


غلا كانت توها بتشيل الكتب المحطوطه و هدتهم ..

تدري ان اللي يقوله لها

خالد اللي طلع من الدار وشافهم !

تدرون شسوى!












مب قايله ..





انتظروني

[لحن الخلود]

تسلمين خيتو على القصة الروعه
بالنتظار التكلمة لا تتاخري علينا
يعطيك الف عافية

[العبرات الدامية]

وهذا انا رجعت لكم وعظم لكم الأجر بمصاب أبي عبدالله الحسين



خالد اللي طلع من الدار وشاااااااافهم !!

خالد فتح عيونه : شفيج غلا؟؟

غلا : ها،، لالا ولاشي .. يدي عورتني من الشيل ..

عمر كان يبتسم وهو يلف براسه يمين ويسار ..

خالد : خلاص قعدي لاتسوين شي

غلا : لا ماعليك ، عادي ماتعورني وايد

خالد : قعدي غلا

غلا ماسمعت كلامه : مابي خالد

خالد مسكها من يدها : بتقعدين

وقعدها بقوه على الكرسي

وبدون ماتدري ليش وشالسبب صاحت ..

خالد اللي عصب من الموقف كمل على اغراض عمر وحذفها بالشنط ..

عمر : آسـف غـلا ،، ماقصـدت ..

عمر مايسمع غير صوت صياحها الوااطي

عمر : عشان خالد لاتصيحين ،، مالي شان ادري ، بس حرام هو يزعل بسبتي ، من انا عشان ازعله..

خلاص غلا ..

غلا انقهرت من قلب ( شفيه مايحس كم مره اقوله لايكلمني لايقولي شي ، يعيد ويزيد فالكلام الحلو؟؟ بستخف)

خالد (( سامحتكم الف مره وقلت صغار وماستوعبوا شاللي صار ، لكنها مصخت حييييييييييييييييييييييييييييل

جدام عيوني ويتغازلون اخوي وجدامي يسويها بغيايبي شيصير عيل ؟؟ ))

قعد خالد على السرير وجنه منهار : افففف شقاعد افكر فيه ، اشك فيها يعني؟؟

(( شسوي؟ اهاوشها؟ حرام والله ماقدر كل ماشوفها اذكر عمي ومرته وينكسر خاطري ،

بس انا ماقدر اشوف اللي يصير وماسوي شي ، افففففففففففففف والله بستخف بسبتها ياناااااااااس))

دخلت عليه غلا وقعدت عند حد الكرسي على الارض ..

غلا والدموع تارسه عيونها : خاالد !

خالد لف وجهه الصوب الثاني ..

غلا : تكفى خالد لاتسوي فيني جذي كلمنييييييي

خالد بعد مايرد عليها

غلا حطت يدها على ركبته : خالد حبيبـــــــــي ، كلمني ، الله يخليييك

خالد وقف عنها وهو كاظم غيضه عنها لآخر درجه : عاد فيها حبيبي ياغلا؟؟؟ خلاص جهزي نفسج نرد الدوحه باجر ..

غلا : خالد واللي يسلمك لاتفهمنييي غلط خلني ادافع عن نفسيييييي

خالد : شتقولين غلا ، شبتقولين؟؟ شفت كل شي . ياريتج قلتي لي وماخليتيني انصدم وامووت باللي شفته

غلا : لاا خاااااااالد لاتفكر جذي مستحييل اسويها انا ، خاااااالد الله يخلييييييك ..

خالد : كلممممممه وحده ياغلا ،، جهزي نفسسسج وخلاااااااااااااااااااص

غلا صرخت وسمعها عمر : حرام علييك اللي تسويه اسمعني على الاقل

خالد يحط يدها على حلجها ،، غلا فتحت عينها توقعت بيمد يده عليها : قصري حسج ..

وطلع عنها ..

غلا قعدت تصيييييييح بروحها فالدار ماتبي تطلع ان طلعت بتجرم فعمـر

شسوى شسووووووووووووووووووووى ذيييه افففففففف

قعدت شوي وبعدها طلعت

غلا :عاجبك اللي صار الحين؟ ارتحت؟

عمر : لاتقولين لي جذي انا ماكنت اقصد اللي صار انتي تعرفيني اني ماقصد ، بس اللي فيني اكبر مني

انا شسوي ، مب ذنبي ، ماكنت قاصد شي ، اعتبروني اكلم نفسي ، عمي واستخف ، بس لايصير شي بينكم

غلا : وين قاعديين احنا عشان نطنشك ونسوي اللي تقول عليه ، عمر حط عقلك براسك وافهم خلااص عاد

عمر : انشالله

دخلت غلا ورقعت الباب وراها ..

عمر فصخ نظارته ومسح ويهه بيده
( انا شسويت خلااص،متى قلبي بيفهم انها مب لي خلاااااص، خلني اشوف طريقي بروحي بدون غلا...!
امشي بروحي بدون غلا؟؟ معقوله؟ انسى غلا فيوم؟ انزين شلون! ماقدر؟ كاني سافرت وسويت روحي اقدر انساها بس ماقدرت ..
ياربي لين متى بتم على هالحاااال ، خلاااص شبقى فيني بعد )

انقطعت كل أفكار عمر وتخيلاته بصوت خالد ..

خالد : حجزت لنا باجر على الساعه ثمان ..

عمر : اوكيـه ..

خالد : ناقصك شي؟

عمر : لاا

خالد : انا بدخل انام ..

عمر : تصبح على خير ..

دخل خالد ولقى غلا لين الحين بملابسها وشكلها خلااص مابقت فيها اعصاب وعيونها مجفنه من الصياح ..

غلا : خالـد ..

خالد وهو يفصخ ساعته : نعم؟

غلا : لين الحين زعلان علي ..

خالد يبتسم لها وهو يبدل ملابسه : لا والله ، ليش ازعل ، مرتي سوت شي يزعل؟؟

غلا : خالد اسمعني الله يخليك ..

خالد : مابي اسمع شي غلا تكفييين خليني

غلا : شلون اخليك خالد؟؟ تنام وانت زعلان علي مابي ، الله يخليك بس اسمعني

خالد : خلااص غلا مابي اسمع شي ولاابي اتكلم راسي مصدددع ولافيني حييل

انسدح خالد بالسرير وخش روحه باللحاف ..

(( يلعن ابوه هالشوق اللي فيني ، شسوي بروحي ، طالع ومابي ارد شلون جيت لهني؟؟؟ ))

خالد : اصلآ انا ماكنت برد لهالبيت ، ولاتسألين شاللي ردني ، سألي نفسج ليش طلعت منج هالحركه

ولما تلاقين الجواب يابنت عمي ، انا اللي بكون انطر اسمعها منج ، ومابي اسمع مبررات ابي اسمع سبب

خلاج تسوينها ، اذا كنت مقصر فشي قولي لي..

غلا : ماقصرت فشي صدقني ياخالد ، بـــس

خالد : من غير بس غلا ، يمكن انا ماستاهلج فيوم ، تصبحين على خير ..

ونام خالد ..

وغلا منصدمه من كل اللي صارر ..

طلعت لقت عمر نايم بالصاله على الارض ..

(( من طلع له الاشيا؟؟ من فرشهم له؟ شلون نام ذي بعد؟؟؟ ))

[العبرات الدامية]

.* اليوم الثاني *.

غلا قامت الصبح قبلهم كلهم ..

ولقت خالد شكله قايم من نومته وراد نايم ..

الطفايه مليانه زقاير وكوب القهوه فيه دفا بجوفه لين الحين ..

استغربت !!

يعني خالد توه نايم ..

طلعت للصاله شافت عمر غرقان فالنوم وشكله تعبان حيييل ..

رجعت لخالد ..

لقته نايم ومقفل بحواجبه ..

شعره الطولان طايح على جبينه ..

خالد ماكان نايم ، ولا نام ، ولا ذاقت جفونه طعم النوم ..

غلا تسندت على السرير وقربت منه ..

كلمته بصوت واطي مثل مايراضون اليهال وهي تشيل خصل الشعر من على جبينه ..

غلا : انت ظلمتني ياخالد ، ومادري ليش ماتبي تسمعني ،، اذا كنت حاط فبالك

ان في شي بيني وبين اخوك بتكون أكبر غلطان ..

وانت خذت القرار بينك وبين نفسك من دون ماتقولي ولا تفهم اللي صار ..

فسرت اللي صار بكيفك ، على ظنك الغلطان وفكرته الصح ..

مستحيل ياخالد اني فيوم اشوف واحد غيرك بعيوني ولا حتى بأفكاري ..

حد يبيع الذهب ياخالد؟؟ وانت ولد عمي شلون تجي فبالك هالافكار .. !

انا ماعرفت ولاشي من هالدنيا ولا فهمت منها شي الا معاك ..

ماعرفت طعم الحب الصجي الا وياك ..

(تمسك يده اللي قابضها وهو مغمض عينه ) ..

شلون يطاوعك قلبك يابوفيصل وتسوي فيني جذي؟

خالد : شلون طاوعج قلبج وسويتي اللي سويتيه ..

غلا ابتسمت : انا ماسويت شي ياعمري ، هو اللي سوى ، وانا ماعبره بكلمه ..
تدري ليش؟

خالد : .........

غلا : لان مستحيل فيوم حركاته ولا تصرفاته تعني لي شي ..

خالد : بس كبيره ياغلا ، كبيييره ..

غلا : انا قلت لك اللي عندي ياخالد ، وانت افهم كلامي .. وماظني بتظلمني مره ثانيه ..

خالد : .....

غلا : ماتبي تكلمني يعني ...؟

خالد قام ودخل الحمام ووجهه معتفس ..

دخل الحمام وغسل وجهه بالماي البارد ..

رفع وجهه وطالع المنظره ..

( معقوله عمر يسوي جذي؟ يتحرش بمرتي؟؟ لالا اعوذ بالله

اخوي مايسويها ، مرت اخوه وبنت عمه .. لا عمر وين يشوف عشان يسوي .......

انا شاقول ،، افاا والله اتشمت باخوي ، ياااااااااااااااااااااااااااارب شصار فيني

خلااص ماقدر افكرررر بعد ابي ارتااااااااااااح ) ..

طلع من الحمام ولقى غلا فآخر الدار ماعطته ظهرها بس شكلها في شي يعورها ..

خالد : فيج شي؟؟
غلا انتبهت له : ها لالا ولاشي ..

خالد : اكيد؟

غلا : اي؟

خالد : انا بنزل اجيب لنا ريوق اكله مخلص

غلا : انزل وياك ؟؟

خالد : لا ماني متاخر شوي وبرد ..

غلا : اوكي..

خالد لبس بنطلون بيج وهاي نك عنابي ..

ماله نفس يسوي اي شي .. لف يمين يسار فتح الادرج ..

خالد : وين زقايري؟؟؟ (وهو يدور) ياللللللللللللللللللله

غلا : خالد شفيك ، مو قلت بتخلي هالدخان عنك

خالد : مووو وقته ياغلااا ، شفتيهم ولا؟

غلا طنقرت عليه : خلصتهم امس انت

خالد : وليييين ، يلا انا بنزل ، تبين شي

غلا : مشكور

خالد : مع السلامه ..
وطلع من الدار ..

مابقى من خالد عند غلا غير طيفه اللي غمضت عيونها عليه

وريحة عطره اللي سكنت بهوى الدار كلـه وصارت تتنفسه ..

غلا دموعها صارت تسبق الثانيه على خدها

غلا ( والله مالي ذنب والله ، ماسويت شي ليش يعاملني جذذذذذي ليييش ؟ )


قامت غلا وهي تحس العوار اللي فبطنها يقوى ويرجع يخف

تنرفزت منه " كلش مب وقت العوار الحييين اففففففف "

طلعت تدور شي تاكله قبل البندول مالقت ..

قالت بتنطر خالد لين يجيب لهم الاكل .. لكن شبتسوي طول ماهي تنتظره

لازم تلهي روحها ..

شالت ملابس خالد والعفسه اللي عفسها ..

نظفت غرفتهم

وطلعت للصاله ماكانت معتفسه عشان تترتب

والالم اللي فيها رضخها على الكرسي

ماتقدر تمسك نفسها بتمووووووووووت ..

ياربي شفيني ، شصاير

عمر وعى على طقة ريل غلا بفراشه

عمر : مــن ؟

غلا : غلا

عمر : صباح الخير ، شصاير؟

غلا : لا ولاشي ،، خالد نزل يجيب الريوق والحين بيرجع ..

عمر : اي زين ..

انتظرو شوي وعمر قام راح الحمام (وانتوا بكرامه) ..

وخالد دخل ..

حط اكياس الاكل وقعد عند غلا ..

خالد : غلا سمعي

غلا رجعت خصله ورى اذنها : شنوو؟؟

خالد : في 2 عند الباب يبون عمر !

عمر فتحت عيونها : شنو؟ بنات!

خالد : وحده منهم تقول تبي تودعه والثانيه تقول احنا زميلاته بالجامعه ..

غلا : بل، روح قول له عيل

خالد : من صجج ، بطلع اقول لهم انه مب موجود .

غلا : اوكي!!!

طلع خالد وقال لهم انه مب موجود ..

ريمـا : متى بيرد؟

خالد : والله براحته كلٍ مسؤول عن نفسه (وهو يبتسم)

ريما : انت شتقرب له ؟ شكلك عمه ولا شي جذي

خالد : حسني ملافظج الشيخه مايقولون شي جذي للكبار اوكيه ، مع السلامه

غاليه : لووووووووووووووووووووووو سمحت!!!

خالد : نعمممم؟؟

غاليه : جاسم معاه ولا؟

خالد (والله قواة عين تسألون عن الصبيان) : مادري ، مع السلامه

وسكره فويهم ..

غلا كانت جايه صوب الباب وهو داخل للشقه ..

خالد حس اول مره يشوف غلا ..

يطالعها وينزل عينه ، يرجع يرفعها ، يبي يقعد يطالعها بس زعلااان

غلا عرفته

شكله يجنننننننن مستحي ويبي يرفع عينه

غلا : هاا راحو؟؟

خالد يحك قفاه : نعم؟

غلا : ر ا حـ و؟

خالد : اي راحو

غلا : انزين تعال تريق

خالد : يـلا ..

قعدوا تريقوا ومافي أي حوار بينهم ..

اللهم عطني هاي شنو هاي .. وبس

تريقوا وخلصوا و كل منهم تم بروحه

عمر يسمع التلفزيون

وخالد فالبلكونه يدخن والهوا يهف عليه ..

وغلا شالت اكلهم ودخلت المطبخ .. انخشت عشان لايشوفها خالد

وخذت البندول .. خف عليها العوار وقدرت تكمل يومها بشكل طبيعي ..

لما وصلوا للمطار السلامات على عمر ماوقفت ..

كل شوي موقفه حد من ربعه يسلم ويمشي ..

عمر كان لابس اسود وابيض .. وخالد اسود واحمر وغلا بعد اسود واحمر ..

" شسالفة الاسود لوول "

المهم ..

خالد راح يخلص الاجرائات وغلا قعدت على الكرسي وعمر مارضى الا يوقف مع خالد ..

خالد : ياعمر روح اقعد انت انا بخلصكم

عمر : مابي خالد ، خلاص خلني واقف

خالد : لاتيبس راسك وروح

عمر : مابي مااااابي

خالد : وليييييين

غلا لفت يمينها لقت المطار مافيه ناس وايد ..

طالعت بعيونها للسيد اللي جدامها ..

شافت خالد

من نظراتها له مبين الحب اللي هم غرقانين فيه ..

خالد من غير مايدري شاللي جاه لف وشافها ..

غلا ابتسمت بس هو تم يطالعها ..

غلا ماتبي تفكر شاللي وقف مبسم خالد عن ظحكته الحلوه ..

لانها تدري بالتفكير راح تهل دموعها ..

بعدها بشوي جوها خالد و عمر مخلصين كل شي ..

غلا : في شي بعد ؟؟

خالد : لا خلصنا (يطالع ساعته) عندنا ربع ساعه ، تبون سوقهم ؟؟

عمر : سوق الحره ههههه

خالد ظحك بصوت مرتفع : هههههههه اي سوق الحره الامريكي

عمر : عادي كيفكم ..

خالد يطالع غلا بنظرات يدري انها تبي سوق الحره

خالد : ها ام فيصل !

غلا استحت ونزلت راسها : شنو!

خالد يلمها وهو يقربها منه : ماتبين السوق

غلا : عادي ..

[العبرات الدامية]

خالد يطل بوجهها المحمممممممممر ..: شوي شوي

غلا ظحكت ودموعها طارت

خالد : يوهووووووووووووووووووووو

غلا تمسحهم : لاتقول جذي

خالد : دواج عندي صبري علييي

غلا مشت عنهم وخالد احترررررررر من هالحركه

تمشوا فسوق الحره وشروا اشيا لاهلهم وطبعآ لهم هههه

بعدها ركبوا الطياره وكانت ركبتها صعبه شوي عليهم عشان عمر ..

اظطروا انهم ينتظرون الناس كلها تركب وهم فالأخير عشان مايظيقون عليهم ..

بعد مرور 4 ساعات عليهم بالطياره ..

عمر و خالد كانوا نايمين .. صحى خالد وعمر مب حاس بحد ..

خالد وغلا كانوا بكرسيين جنب بعض ..

عمر كان قاعد حذاه واحد خليجي كان معاه بالجامعه ..

المهم ،،،صحى خالد وفتح عيونه شاف غلا

بس مانتبهت له انه قام .. احلى فرصه له ، تم يطالعها وفجأه انتبهت له ..

غلا : بسم الله الرحمن الرحيم

خالد وهو لين الحين فيه شويه من الزعله : ششايفه الذيب ياليلى؟

غلا رجعت كرسيها ومثله وانسدحت مثله : لين الحين شايل بخاطرك علي !

خالد : جذبت على روحي وقلت بقدر ، بس الغيره ذبحتني عليج

غلا : يعني شنو كرهتني امس؟؟

خالد : انا اكرهج ! افا والله ، هذا الظن فيني ياام سّعود

غلا : يعني؟؟

خالد : انا صج ظلمتج غلا ، بس لوانتي بمكاني سويتي اكثر من جذي

غلا : شفت انك ظلمتني !!

خالد : هو يتحرش فيج وايد؟؟

غلا : لالالا مايتحرش شدعوى ، بس انت تعرف خالد ، يعني اللي كان هو لين الحين متمسك فيه

خالد اعتدل : اييه ، الله كريم ..


وصلت طيارتهم بعد ساعات من الطيران لارض الدوحه ..


عمر ماكان يبي يسكن لاعند اخوه ولا بيتهم العود ..

تعود يعيش بروحه لكن محد رضى ،، فقرر انه يتم فالبيت العود ..

غلا وخالد ردوا لبيتهم ولعيالهم ..

وكل اللي صار ،، صار من كلام امس ، ومرت عليه الأيام ..



.* بعد مرور شهـرين *.

وجاهم رمضــــــــان ..

"باركوا لهم بالشهر لوووول"

فيصل و سعـد كبروا وصارو مثل الملائكه شحلاتهم ، مثل ما امهم وابوهم كبروا ..

غلا نست سالفة دراستها وارتاحت لوضعها اللي هي فيـه ..

كانو بالاسبوع الثاني لرمضان ..

وخالد وغلا وعيالهم كانوا بايتين فالبيت العود

من يوم الاربعـا ..

خالد كان مستانس حيييييييل من وضعه الحيين ، مرتاح وعياله و مرته ينسونه كل عناه .

يحب عياله واايد اي شي يشوفه يستحليه لهم ..

قبل اذان المغرب غلا نزلت وهي لابسه جلابيه سوده فيها ازرق وفوشي ..

وشايله سعد ..

عمر كان قاعد ويا يدته .. ولطيفه بالمطبخ اللي من شوي غلا طلعت منه راحت تغير ملابسها ..

دخلته غلا مره ثانيه تشوف خالتها

غلا : يعطييج العافيه خالتـي

لطيفه : وي ياربي ، سعوودي هنيي

غلا تظحك لها

لطيفه خذت شوي من العسل اللي بالحلو وذوقته ..

سعد صار يحط صبعه وراه يبي بعد

غلا : خاااالتي حرام عليييج الحين بينتفخ ازيد من الي هو فيه

لطيفه : زين له العسل ، صحه وعافيه ..

حطت له شوي فصحن صغير وعطته غلا

غلا : يااااااااربي ..

طلعت غلا ولقت خالد جنه يدورها وشكله ميت رووع ..

غلا : شفيــك خالد ؟

خالد : اففففففففف خرعتيني الخدامه قالت بوه

غلا تظحك : وشوو ؟؟

خالد : شدراني ببوه انا تخرعت والله

غلا : امسك سّعود وعطه العسل انا بروح لعمـي

خالد : معذبج هالعم روحي له روحي

غلا : ايييي بروح تبي شي مني؟

خالد : شكرآ جزيلآ عندي سعودي حبيبي

غلا تبوس سعد بقوووو : اللللللله يخليييييييييييييييييه حبيبببببببي انااا

خالد : غلا شمسوين على الفطوووووووووور؟؟

غلا : هههههههههههههههههههههه ، كل اللي تبيه

خالد : اففففففف تصدقين بالمجلس وانا اقرى مادري شجاب بودرة الجلي بخاطري .

غلا : نعم؟؟؟ بودرة الجلي؟ شتبي فيها !

خالد : هههههههه لاتعلقين تحملي صج صج طايحه فخاطري يوم كنت صغير ادخل وبالخش ابوق من اللي مطلعينهم لنا واحطهم وآكلهم بالخش

غلا : ههههههههههههههههههههههههههههه

خالد : اوني صايم بس ورا البيت الشمس غايبه ههههههههه مافي صيام

غلا : ههههههههههههههههههههههههههههههههههههههههههههه ههههه ههههههههههههههههههههههههههههههههههههههه

خالد : والله العظييم ههههههههههههه

--------------------------------------------------------------------------------

غلا : ههههههه مافي بودرة جلي روح الجمعيه

خالد : من صجكممممممممممممممم ، امي ماخلت شي فالجمعيه تبوني اروح بعد !!

غلا : هههههههههههههه في في بسسسسسسسسسسسسس اكل الصبي

خالد : اووه نسيته

ظحكت غلا على خالد وراحت لعمها ..

عمها كمل الآيات اللي كان يقراها وصدق كلامه بالله العظيم وباس القرآن وسنده على مسنده ..

سعود : هايبا؟ شفيج؟ فعيونج كلام

غلا : ههه لا مافيني شـي عمـي ..

سعود : قولـي ياغـلا

غلا : عمي بقولك هالكلام ومابيك تقوله لخالد ..

سعود : افا علييج يابنيتي هاتي قولي شفيج؟ مزعلج خالد؟؟

غلا : لالالا ، خالد طيب موت معاي ، بس انا ياعمي حرجي على مرت عمي

اموت واعرف ليش جاسيه على جذي ؟ والله ماضريتها بشي ولا افكر اني اضرها .

هي ليش تعاملني جذي ، شصاير مخليها علي جذي؟؟ اذا في شي قولي ياعمي

يمكن انا اغلط بشي معاها دون ماحس ..

سعود : لا ياغلا ، انتي ماطلع من شي ، اصلآ انا مافكرت عدل يوم خذتها .
وايد قالوا لي عن طبعها ، بس انا ماصدقت وحتى لما خذتها ماكان جذي طبعها

حتى لو تحمق وتعصب ، بعمرها مارفضت شي لعيالنا لا خالد ولا عمر

فجأه انعفست حالتها وصارت جذي والله العالم من شنو .. حتى علي انا

غلا : معاك ؟؟

سعود : بس لها من يردها ، ومردها بتعرف غلطها ..

غلا : صح كلامك ياعمي

عمر : يلا يبا يلا ام فيييييصل ، بنفطر خلصونا

سعود : جايييين ههههههههههههه ،،، من يومه وهو مايصبر على الفطور

غلا ظحكت له وقامت مع عمها ..


يوم الجمعه كانت العايله كلها متجمعه ..

خوالهم وعمانهم وخالاتهم الكل فالكل موجود

كبار و صغار بنات وشباب نسوان ورجال ..

حتى عنود كانت موجوده ..

كانت ظايعه فجمال خالد .. احلووو موت فالـ24

طولان و ملامحه صارت حاده اكثر من قبل

يعني الظحكه من خالد تموت 10 بنات لووووووووووووووووووووووول ..

اهممم شييي ..

المهم . . .

كانت تدور اي موضوع تفتحه مع خالد وغلا ماتبيها تسولف معاه

كل ماتكلمت هي ردت ولا سولفت معاها ..

لييين ماخلتها تروح بعيد عنهم ..

طبعآ المكان مليان بحشرة اليهال والناس وظحك البنات ..

فاطمه : ها خالد ، انت ليش مسوي جذي ليش؟

خالد : شمسوي ؟

فاطمه : فعيالك ؟ يعني قلنا انت بشع اوكي بس غلا لا ليش جذي عيالكم

غلا : لا والله ، شفيهم عيالي

فاطمه : سبلان هههههههههههههه

غلا : واااااااااااااااااااااااااي سكتييييييييييييييييييييييييييي

خالد : ارتاحي فاطمه ارتاحي

فاطمه ظحكت ومشت عنهم

خالد يموت وينرفز بنت عمته ماتتحمل كلمه من صبي على طول تتنرفز ..


غلا تعبت من حشرتهم والسوالف والسلاامات وقعدت بروحها بره

الهوا حلووووووو والجو بادي يبرد عليهم ..

ماسلمت من اليهال وحشرتهم والصبيان اللي لحقوها استعراضات ..

رفعت عينها تطالع السما وهي تتمنى لو عمها وياهم

( ياكره البيت بدونك ياعمي ، ماتعودت على رمضان بدونك .. )

نزلت عينها على عتبات الدرج

وتفاجئت بمحمد قاعد عليها ويطالعها ..

غلا وقفت على وبعدت عنه ..

محمد : ليش رحتي؟

غلا : شتبي مني؟

محمد : ولاشي بسولف

غلا : ماعليه انا بدخل اشوف خالد يبيني

دخلت غلا ودورت خالد لقته عند عمته يشرح لها شي عن شغله وقعدت حذاه

خالد وتغريد تفاجئوا انها جات ..

خالد : وين كنتي؟

غلا : ها لا بره

خالد : زين شفيج

غلا : ولاشي ..

كمل خالد الشرح وغلا مسكت يده من الخرعه


(( والله ميانين عيالهم ، مستخفين شفيهم ! ولا هالمحمد اففففففف ))


بعدها ردوا خالد وغلا لبيتهم يوم السبت ..

فطروا بروحهم مع عيالهم والجو ولا أحلـى ،،

بعد الفطور ماخلص راح خالد يتسبح للتراويح وغلا تجيب له اللي يبيه ...

طلع وكشخ بالثوب وغلا تدخته

خالد يكح : بس تكفين احتكرت ماقدر

غلا : لالالالا ماحتكرت من الزقاير احتكرت من البخور

خالد : ياغلاااااااااااااا خلااص انفقعت

غلا : هههههههه لا والله .. ! دخان فقعك على قولتك

خالد : ايه فقع اناا

غلا : هههههههههههههههه حمدلله والشكر

خالد : حمدلله والشكر (وهو ينسف الغتره وغلا تدخن شعرها)

خالد : حلاتين حلاتين دخني شعري زين عبالج مب طويل اطول من شعرج

غلا : هههههه لا والله ماشفته ورني اياه

خالد : اسف الصراحه انا واحد يؤمن بالعين الحاره من النساء

غلا وهي ميته ظحك : صج

خالد : نعم ، وانا خاشه بواسطة القحفيه

غلا : ههههههههههههههههه ،، اااها خوش والله

خالد : هههههههههههههههه ،، يلا حياتي ، ديري بالج على روحج

غلا : انشالله ، وانت بعد ..

خالد حب راسها وطلع ،، رد للغرفه

غلا : ها شفيك؟؟؟

خالد : عيااااااااااااااااااااالي ، حشاشة يوفي

غلا : ههههههههه زين زين كاهم ..

كانو بالمنز ،، حبهم وطلع ..

غلا تمت مع عيالها تلاعبهم وتكلمهم حتى ..

نزلتهم معاها وقعدت بالصاله التحتيه

قعدت شوي وبعدها خلت الخدامه تشوفهم ودخلت الصاله الكرستاليه بروحها كعادتها وقفلت عليها ..

(( هذي عنود شفيها على خالد ، زايدتها معاه شوي ))

ماسلمت من عيالها حتى بساعة الصفـا بروحها ..

الخدامه تطق و هي شايله فيصل يصيح ..

دخلته غلا معااها وتمت هي وياه بالدار ...

رجع خالد وقال لها عنده كم شغله بيخلصها وبعدها بيطلع معاها

عازمها على السحور خخخخ ..

غلا تبيها من الله هاليومين قعدتهم فالبيت وماتبي تطلع بس زهقت ..

قبل لايجي خالد لانه تأخر نومت فيصل وسعد

وكشخت وتعدلت وخلت الخدامه عندهم ..

نزلت ولقت خالد توه داخل البيت ...

خالد : هلا واللللللللللللللللله

غلا : اهلا اهلا

خالد : شهالكششششششخه

غلا : الله واكبر لا كشخه ولاشي

خالد : والله كيفيييي

غلا : هههه صح كيفك انت بس
خالد ظحك لها وظحكت له وطلعوووووووووووو ..

[العبرات الدامية]

راح خالد مع غلا وتسحروا بالمطعم ..

طلعوا من المطعم وقالموا بيمرون يسلمون على سعود ولطيفه ..

ماطولوا عندهم سلموا وقعدوا شوي ومشوا ..

عمر ماحب انه يقعد معاهم عشان يتجنب مشاكل او اي عداوات بينه وبين غلا او خالد ..

سلم و كان يدل دربه للمجلس ، وقعد مع ربعــه ..
رجعوا للبيت وغلا على طووووول لعيالها ..

فتحت باب الدار وراحت لعند سريرهم ،، طلت عليهم لقتهم نايميين ..

خالد : غـلا !

غلا وهي واقفه عندهم : ها حبيبي؟

خالد : تعالي شوي ابيج ..

غلا لفت عليه لقته قاعد وجنه يبي يقول كلام ..

قعدت على الكرسي اللي جدامه وجابلته : خير حبيبــي !

خالد : غلا شخبار عليا ؟؟

غلا : طيبه ، صار لها فتره ماتصلت لي ..!

خالد : متى آخر مره ؟؟

غلا : اممم اخر مره سمعت صوتها اتصلت تبارك بالشهر

خالد : حلفي ، هاي فتره !!

غلا : ههههه يعني تقدر تقول

خالد : انا سمعت انها تزوجت !

غلا : شلون؟ تزوجت!! لا هي ماكانت تبي..

خالد : امي قالت لي انها خذت ولد خالتها ، بس انا قلت اسمع منج لان علاقتها اقوى وياج ..

غلا : لا هي قالت لي ان امها تبي تزوجها لولد خالتها وهي ماتبي وكانت متظايقه حيل من السالفه وتقولي ابي انتحر

خالد : اعووذ بالله .. الله يعينها على مابلاها .

غلا نزلت راسها وتذكرت عمها سعد شلون كان متشووق للعرس ويجهز كل شي لمرته

يفكر ويخطط لحياتهم ويبني آماله وأحلامه مع خطيبته ..

بس المكتوب حرمه حتى انه يكمل احلامه بالحلم او حتى بتحقيقها ..

خالد : شفيج غلاي؟

غلا : لا ولاشي

خالد : علـي انا ؟؟

غلا : مادري خالد ، من اسمع طاري عليا اذكر عمي سعد ، و تظييق علي الدنيـــا كلهــا بكبرها ، ماطيق حتى اني اتكلم ..

خالد : ياغلا ، ياعمري ، انتي ليش تحبين تظايقين روحج ، انا اعرفج انتي لين الحين بطاري عمي و تفكرين فيه حتى وانتي تكابرين ..

بس بدال اللي تسوينه بروحج ، وتحزنين عليه وتصيحين ،، انتي اصلآ تدرين كل دمعه من عينج ،، الحلووه هذي ،، (ظحكت غلا) ، تنزل عليه مثل الماي الحار على قبره ،، موزين ياغلا ، فكري باشيا تسوينها له تنفعه وتنفعنا ..

غلا : انشالله ..

خالد : لا ، ياوعد ياازعل

غلا : خلاص من عيوني

خالد :حيااتي انتي والله ..

رن موبايل خالد ..

خالد : يوهووو شيبي ذي؟؟

غلا : منو؟

خالد : خليفه رفيجي ، لعوزني تعال افطر عندي وتعال افطر عندي ، انا مابي

غلا : ليش ؟ حرام ياخالد كفايه انك قاطعهم وجنه حد موصيك عليهم ..

خالد : شسووووووووووي !! ماقدر اباعدد عن الحلويييييييين

تدزه غلا : رد علييييه خااااااالد

خالد يحذف موبايله : مــــ ا ـــــــبــــــــ ـــــــــــي

غلا : خاااااااااااااااااااااااااالد

خالد : ههههه ،، انزييين ، يحلاتج وانتي معصبه تونسييين هههههههههه ..

غلا : صج

خالد : يس ..

وقام يرد على رفيجه ..

غلا قعدت بروحها وخالد بالبلكونه يهاوش رفيجه شوي ويرد يتغشمر ويمدحه خخخ ..

غلا تسمعه وتظحك ، حطت كفوفها على الكرسي وحطت راسها فوقهم ..

وقعدت تفكر ..

شمعنى انا بس؟؟ ليش انا القراب مني يخلوني ويروحون ؟؟

انا ماسويت شي فحياتي عشان الله يجازيني جذي ..

بس اانا شدراني اني ماسويت شي غلط؟؟

انزين حتى لو سويت ،، شمعنى انا اللي اغلط وجزاي اكبر من غلطتي؟؟؟؟

افففففف انا تعبت خلااص ماقدر بعد ، ليش الله ماياخذني مثل ماخذهمممم ..

خالد يهزها : غلا وين رررررررررررحتي؟؟

غلا : هلا؟ كاني وياك ..

خالد : وين وياي حياتي؟ صار لي ساعه اكلمج ماتردين ، شي مزعلج ؟ شي يعورج؟؟

غلا : لا حبيبـي ولاشي ، بس سرحت فيك

خالد : اي اي سكتيني

غلا : ليش اسكتك ؟؟ يعني ماتدري اني احبك

خالد : وادري اني اموت فيييج
.*.*.*.*.*.*.*.*.*.*.*.*.*.*.*.*.*.*.*.*.*.*. *.*.* .*.*.*.*.


اليوم الثانـــي ..

خالد كان بالساعات الاخيره من دوامه وهو من قام من النوم

يحس ان جسمـه حااار وراسه ثقييل ..

يحاول يفتح عينها لكن كاسيها الخمول والتعب ..

كان يقول يمكن ليش اني امس سهرت وطولت مانمت من وقت ..

شال نفسه ونزل قبل الدوام لايخلص بثلث ساعه ..

ركب سيارته و مشى على أقل من البطيء للبيت يحس لو سرع بيفقد سيطرته على السكاان ..

وصل للبيت وهو يالله قادر يفتح الباب ..

غلا كانت طالعه من الغرفه التحتيه وشافته داخل البيت توه ..

غلا : هلا والله ببوفيصـل

خالد وهو مبين عليه التعب ، ظحك لها : هلا فييج

غلا تمسكه : بسم الله عليك خالد ،، شفيك؟؟ شصاير؟؟

خالد : تعباااااااان غلاا ..... وطاح على الارض ..

غلا صررررررررخت فالبيت كله تدور حد يسعفها محد عندها ماعرفت شتسوي ..!

تصحي خالد شوي شوي وهي تظربه على وجهه ..

خالد يفتح عينه ويرد يسكرها وهو ماسك فيد غلا ..

غلا ماتت تحس الخوف يحتلها ماتعرف شتسوي ، نست كل شي ماتعرف شتسوي

سحبته معاها لاقرب دار واتصلت على الدكتور يجي للبيت

خالد كان غايب عن الوعي بس يحس باللي حوله ..

فاتح عينه بس مسكرها (فهموها انتوا عاد خخخ ) ،، يشوف غلا دموعها تطيح من عينها

دقايق ووصل الدكتور للبيت ..

غلا لفت شيلتها بسرعه ودخلت الدكتور عند خالــد ..

قعدت غلا على الكرسي وهي متوتره وبتاكل روحها من زود مابالها منشغل على خالد ..

جاتها الخدامه وسعد يصيح قالت لها تتصرف فيه لانها ماتقدر تشيله وهو جذي..

نطرت وتمت تنطر لين طلع الدكتور ..

الدكتور : انتي اخته؟؟

غلا : لا دكتور انا زوجته ، شفيه خالد؟؟

الدكتور : لا حمدلله صحته جيده ، بس هو جايته انلفونزا بس تعب لانه صايم والجو حار شوي

غلا : اكيد يعني مافي خطير ؟؟

الدكتور : لالالا ولاتشغلين بالك ولاشي ، حمدلله زوجج بأحسن حال ، بس الي ابيه منج تحافظين على تنظيم مواعيد ادويته هذي

وياكل عدل ويرتاح ويبتعد عن البارد

غلا : انشالله ..

طلع الدكتور من هالصوب وغلا دخلت على خالد من الصوب الثاني ..

كان لين الحين تعبان ..

حاولت معاه انه يقطع صيامه ويقظيه بعد رمضان مابغى وقال بيكمل لانه مايحس بتعب قوي ..


عمر كان قاعد فالصاله بروحه يسمع شريط قرآن ويوقفه ويرد يعيد الآيه من وراه ..

دخلت عليه الخدامه تقوله انه موبايله يرن وسكر ..

خلته حذاه وطلعت عنه ..

كمل عمر وقعد يقرا و رن الموبايل ..

رد ..

عمر : الوو ..

محد رد عليه وسكرواا ..

عمر تنرفز يكره هالحركات ،، كمل قرايته ومن بعدها راح قعد مع ابوه ويدته .. وامه فالمطبخ

عمر (( لين متى البيت فاضي علينا جذي؟ لا اخت ولا عمه ولا اخو ولا حد ، شهالملل اللي بيذبحني بهووووون ))

سعود : عمر؟؟

عمر : سم يبا

سعود : انا اليوم بروح مجلس بيت بوراشد ماتبي تجي معاي؟

عمر : لا يبا

سعود : ليش يبوك.؟ قبل انت اللي تسبقني لهالطلعات ، شصاير؟

عمر : مادري يبا مالي نفس

سعود : بسك من هالكلام ، بتقعد فالبيت مع من امي بيجونها الحريم وامك معاهم ولا عندنا لا يهال ولا كبار

عمر : هههه عدل كلامك يابوخالد ، خلااص بأمرك

سعود : بارك الله فييك ، خلااص يبا بعد التراويح انا بروح لهم

عمر : بس ليش يبا؟ مناسبه ولا شنو ؟؟

سعود : اي ياطويل العمر ، ولده راد من رحلة علاج

عمر : اها يحليله ..

عمر تذكر أمريكا وربعه وعيونه ، شلون كان منعمي عن حلاوة الدنيا وروعة ألوانها اللي ماعطاها حقها الكامل بالتأمل فيها ..

كان مايبي الا يشوف طيف غـلا بعيونه والحيــــن !!

ويـنها عيونه؟؟

عمر : يبا !

سعود : نعم يبا؟

عمر : يبا من شنو انا انعميت ؟

سعود فتح عينه وانربط لسانه ماعرف شيقوله ..

عمر : انا اخاف مغمض ونسيت افتح ههههههههههه

سعود سكت ولا علق ظحك لولده وقام للصاله اللي اعتاد يقعد فيها ويقرى القرآن ..


.* بعد الفطور *.

خالد مارضى يفطر بالدار و طلع فطر مع غلا بالصاله مع اليهال خخخ ..

بعدها دخلته غلا غصب عليه للدار وقعد فيها

خالد : ياغلا شفيج ! بروح للصلاة

غلا : ماعليه حبيبي انت معذور تعباان

خالد : ياويلي من الله اظيع الصلاه وانا مافيني شي

غلا : خالد امسك جبينك شوفه شاب ضوو ارتاح بس لاتتكلم

خالد : ياااااااااالله صدقيني مافيني شي حران ابي هووى

غلا : مافي يعني مافي ..

خالد نزل راسه على انه زعلان وغفت عينه من زود التعب ..

غلا طلعت ووطت على الليتات وراحت لعيالها ..



اليوم الثانــــــــــي ،،،



عمر كان قاعد بدار غلا و خالد ..

لابس ثوبه بدون غتره ولا شي بنظارته السودا اللي اعتاد يخفي عينها عن الناس بهـا ..

دخلت غلا وقعدت عند ريله ..

عمـر : انتـي معـاي؟
غلا : وانا اقدر اخليك؟
عمر : ولهت عليـــــج ..
غلا : وانا اكثــر ، فوق ماتتصور
عمر : ليش خليتيني ورحتي ، تحرقين قلبي ، ماكفت عيني!!
غلا : لاتقول جذي حبيبــــي ،، خذ عيونك ، تفداك عيني ، بس لاتقول هالكلام الي يذبحني وانا مالي ذنب
عمر : ماتبين تقولين انج تحبيني لين الحين!
غلا : وان قلت بتكفي؟ لو اقولها من اليوم لين 1000 سنه جدام من عمري ماتعادل ذره من غلاتك
عمر : ولهت عليييج حييييييييل (نزل راسه)

غلا وقفت وراحت عند الدريشه فتحتها وطيرت شعرها ..

غلا : وانا اكثر ، بس منعوني عنك ، خذوني لهم ، احبك واحبهممم
عمر : مايصير ياغلاي ، الحب لواحد مو لـ2 ..

غلا رجعت له وشالت النظاره من على عينه ومسحت على وجهه ..
غلا : تظن غلاك بيخونك بيوم؟ قلبه بيدق لغيرك وانت نبضه؟
عمر : ..............................
غلا : احبـــــــــــكـ انـت
عمر فتح عينـه ووو ................

عمر فتح عينه؟؟












مادري؟؟

انتظرررررررررررررررروني

[حكاية حب]

wOOOooOoow
القصه جداً حلووه كثير
حلوه الأحدااث وورهيبه كماانوو
بـ صراحه كرهت هالغفه غلااا >>
خالد شخصيته حلووه بس مو زي [ عمر ]
7
7
عمر أكشن هههاا
عالعموم لاتطولين عليناا بالباارت
لإن القصه ع ـجبتني اوي اووي
يسلموو
وننتظر المتبقي
حكاية [ حب ]

[ن و ر]

وين البقيـــــــــــــــــــــــــــه ؟؟؟؟؟؟؟؟؟

[فاتنة القطيف]

شكرا على القصة

[نسمات السحر]

خيتو الله يسلمك ممكن تكملي الرواية بسرعة
صراحة روعة
مشكورة

[ملااك]

بيلززز خيتووو

كمليها بسرعه ماقدر استحمل ابي اعرف شو راح يصير

تراني مره مره متشوووقه

تحيااااااااااااااتي

[نسمات السحر]

وانا متشوقة اكثر

يلا الله يخليش كمليها بسرعة

نفد صبرنا

[ملااك]

يلا عاد نبي الباقي

كل ماطلت المده كل ما نست الاحداث

بلللللللللليز

[نسمات السحر]

الرواية قريتها مو حلوه نهايتها ابد
او الي حطتها حطت النهاية ناقصة او من عندها مادري

باقي واجد ما حطيتيه اذا مطوله رح احط بدلك لكن في الاجازة
بس رح ابحث عن النهاية الحقيقية

كل هدا في الاجازة