غلا (رواايه تجنن لاتفوتكم)

[وعود]

.* اليـوم الثانـي *.

كان هو آخر يوم دوام عندهم لان باجر عندهم عطلـه

اما خالد وغلا كانو يستعدون عشان الزرع ،،

عمر من قام وهو متنكد و متظايــــــــــق يحس شي بيصير

خايـف يبي يتصل يتطمن عليهم ..

جاسم : ها خلصت عمير؟

عمر : أي أي خلصت

جاسم : شفيك يالله صباح خير امس شزينك

عمر : مادري احس بيصير شي اليوم

جاسم : اعوووذ بالله شبيصير تفاائل بالخير

عمر : انت انزل وقف تكسي وانا بكلم هلـي

جاسم : خلاص اللي تشوفه .

خذ جاسم شنطته ونزل

عمر اتصل وخاف لان محد رد فالبيت ..

قلبه حس نبضه يضعف ماعرف شيسوي ..

امه وابوه كانو طالعين للزرع ..

اتصل على خالد وهو متخرررررع

خالد :الووو

عمر : الو خالد شفيكم؟؟؟؟؟؟؟؟؟؟؟

خالد : هلا حبيبي شفينا مافينا شي ؟

عمر : ابوي و امي مو فالبيت محد يرد

خالد : هههه خرعتني ياعميير طالعين حبيبي رايحين الزرع

عمر مع اللي قاله خالد قلبه لين الحين يقرصه : أي ، شخباركم انتوا شمسوين

خالد : الله يسلمممك ياعمر والله ماتنقصنا غير شووفتك

عمر : امي وابوي وعمي ومرتك شلونكم ؟؟؟

خالد : بخير عساك بخير ، يالله عاد ماطولت فالرده

عمر : هههه والله لو علي من باجر ، اشين سفره مرت علي والله

خالد : حبيب قلبي والله يالله انشالله مابقى لك شي وترد

عمر : وانت قلتها خلاص يالغالي ماطول عليك سلم عليهم سلام وايد وخل ابوي يكلمني

خالد : حاضررر حبيبي ، آمرني بعد شتبي غيرهم

عمر : ابيك سالم ياخالد ، هالله الله فنفسك

خالد : لاتوصي ، يلا خل بالك على روحك ..

عمر : انشالله يلا طمنوني عليكممم ، انا رايح الجامعه الحين اخلص الساعه 3

خالد : الله يحفظك انشالله ..

عمر : تسلم ، يالله مع السلامه

خالد : الله وياك ..

سكر عمر وماعرف حس انه بعد ماتطمن قلبه يحس شي جايد بيصير

شي كبير مو هيــن


.* ما ابغى اشوفــه ،، بس ابسمع كلامـه ،، لا صار طيـــب راحتـي مالها حدود *.



غلا : افففف خالد احس شي قاعد على قلبي

خالد : بسم الله عليج ، شفيج عمري ؟

غلا : والله مادري لا نروح الزرع احس شي بيصير

خالد : شبيصير حياتي انشالله مافي شي يتراوالج عمي سعد ينتظرنا يلا

غلا : خالد افهمني انا حاسه والله حاسه

خالد باس راسها : لا تخرعينا حياتي قومي ماني مخليج فالبيت بنروح يعني بنروح

غلا حسته مناحس والا يبي يروح

ركبوا السياره وكلمت عمها سعد وهي متخرعه مبين من صوتها ..

سعد : هلا حياااااااااتي هلا بغلااااااااي هلا بغلا عمممممممها

غلا صاحت : عمي انت وييين

سعد : شفيج حبيبتي ! صاير شي ؟

خالد : ليش تصيحين !!

غلا : مافيني شي ، انت وين !

سعد : انا الحين بمشي للزرع

غلا : عمي انت بخير؟

سعد : أي حياتي بخير ، مو سمعت صوتج تبيني ماصير بخير يعني؟؟؟

[وعود]

غلا قطت الموبايل على خالد وصاحت

خالد : انت شقلت لها؟

سعد : شقلت ؟

خالد : كاهي تصيح

سعد : اعووذ بالله شفيها البنت صايره جي ، وراسك ماقلت شي

خالد : خلاص عمي نشوفك فالزرع

سعد : طمني عليها لاتخرعوني

خالد : انشالله ،،، ( و سكر )

خالد وقف السياره على جنب : غلا قولي شفيج ترا ماني ماشي الا اذا تكلمتي

غلا نشفت دموعها : مادري خالـد

خالد : مايصير جي قولي حيااتي انا ريلج لازم اعرف كل شي عنج

غلا تبي تسكر السالفه : طرو علي ، امي و ابوي

خالد انربط لسانه ، شلون يسكتها ، بس هي سكتت من نفسها وتظاهرت ان مافيها شي

ارتاح خالد بس بعد خايف عليها من الصبح وهي مب على طبيعتها ..

حرك خالد سيارته وهو مشغل Cd

غلا شوي رجعت الكرسي على ورا لان الطريق شكله مطوول ..

خالد : تعبتي عمري؟

غلا تبتسم له : لا حبيبي

خالد يغمز لها وهي تظحك وخدودها يقرصهم الخجل ولفت عنه ،،

خالد : يلا سمعي هالمقطع اهداء لج ...


غلا اسستحت لان خالد مسك يدهاااا وكان الشارع مب فاظي

تموا حوالي الساعه ونص الساعه فالسياره لين الزرع

اخيرآ وصلوا وكانو الثالثين فالوصول ..

اول شي خالهم وعايلته مع بنته وريلها وودلهم ،،

بعدها امه وابوه

وهو وغـلا

نزلو والصبيان دخلو الشناط والجووو كان حلوووووووو

سلمو عليهم وقعدوا ،،

خالد كان شكله يجننننننننننننننننننن

لابس بنطلون جينز وتيشيرت نص كم اسود عليه شخابيط على الجتف بس

ولابس نظاره عاكسـه ومحلق فرررررررررش ،،

غلا تطالعه وهي مطقمه نفس نظارته ويظحك لها وتبيين الغماااازه شحلوها

ترد تظحك له وهي مستحييه اشكره يشوفونهم ..

خاله : بسك بسك وانت تتبسم للبنت

غلا خلاص غاصت فخجلها ملامحها ماتبين ههههه

خالد استحى بعد بس : ههههههه انتوا شعليكم يبا مررررتي قومي قومي غلا

غلا قامت
خاله : ويين ؟

خالد : بدخل داخل

خاله : ليش خلكم ويانا

خالد : ماعليه شوي ورادين لكمم

خاله : ههههههه خلاص براحتكم

دخلت غلا داخل البيت ولقت بنت خال خالد مع ريلها يلاعبون ولدهم الصغير

ريلها فهد : هلا والله ، هلا بخالد اخيرآ شفناك يالمعرس

خالد يسلم عليه : هلا ،، هلا فيييك ،، انت اللي منخش عنا ..

غلا تسلم على غاده ..

قعدوا يسولفون شوي وغلا استاذنت منهم وراحت تبدل

دخلت الحمام وغسلت وجهها وطلعت

طلعت لبست بنطلون معاه قميصه من الخلق الخيشي الابيض

كان حلوو وناعم ..

لبسه ولبست معاه نعال عاديه وانتوا بكرامه

رفعت شعرها ولفت شيلتها ،،

تعطرت ونزلت لهم مالقت الا خالد ..

غلا : ماوصـل عمي

خالد : يه يه شحلاتهممم الكاشخييييييييين والله

غلا : هههههه ، خاالد من صجي ماوصل؟

خالد : لا حبيبي ماوصل .

غلا : ااها

وقعدت حذاه على الكرسي ..

خالد : ماتبين نتمشى بره ؟؟

غلا : يـلا . !

قامت مع خالد وطلعوا وهو ماسكها ..

ولد خاله مع اخوه كانو اعبط 2 ..

تميم و عمر ..

عمر : تكفووووووووووون عطونا من ماعطاكم الله

" عمر كان اصغر من غلا بالـ16 ومستخف عليها يغازلها جدام خالد وشكثر يجعمه "

تميم : واذا عطيتوه انا ابي بعددددددد لاتنساااني

خالد : انجلع زيييييييين انت وياه يلا يلا

مشوا عنهم وخلوهم " غلا وخالد " ..

قعدوا يتمشون فالمزرعه ووصلوا لفضـا ، ارض فاظيه مافيها حد غير الخضاار ..

غلا وقفت جدام خالد : الله اول مره اشوف هالمكان روعـــه

طاحت شيلتها شوي وخلتها عيزانه تلفها ومحد وياهممم ..


خالد شالها بقوه وانتثر شعرها واستخف ..

غلا كانت بس تطالعه ونظراااته خبيثه

غلا تظحك وهي ترجع راسها على ورا : ممكن تنزلنــــــي

خالد : حريمتج ..

غلا : ههههههه خالد تكفى

مشى خالد وهو شايلها :


غلا : الله علييييييك

خالد : أي والله الله علييي شكثررر احبج

غلا : وانا بعد احبك بس نزلني خالد احس شوي وبطيح

خالد : انتي في ايدي امينه لا تخافيييييين

غلا : عمري نزلني تكفى (تمثل انها بتطيح تتعلق فيده ) خاااااااااااااالد

خالد نزلها شوي شوي جنه منزل ياهل ..

خالد : يلا هاتي اجرتي؟

غلا : ههههههههههه (وهي تعدل قميصها ) شنهي أجرتك ؟

خالد : 22

غلا : اف مو جنه وايد

خالد :أي مو وايد علييي ادري الله يسامحج

مشى خالد ووقفته غلا ، مسكت يده : خااالد بكيفك انت قلت الكلام وصدقته

خالد مايرد ويمثل انه زعلان موطي راسه ومنزل حواجبه ظابط دورره

غلا تبوس خده بسرعه وتقول فاذنه : خلاص ماعيدها

لين الحين خالد زعلان ردت باسته : ماقدر على الـ22

خالد مسكها قبل لاتطير منه وفرررص خدودها

غلا : آآآآآي خالد قلت لك لاتسويها ، احح

غلا احمررررررررت خدودها من فررصته عدل جنها حاطه بلاشر بخرعه ..

غلا تهف على خدودها وهي ميته ظحك وياه : احح الله يساامحك هههههههههههه

خالد : فديتتتتتتتهم ياناس شلون حلووووووووووووووووووووووووويييييييييييييييين

غلا : بس اوووووووووووووووش

خالد يحط يده على حلجه ..

خاله : بسك بسك خل بنت الناس فحالها وتعالوو تغدوو

غلا : عمي سعود ،، عمي سعد ماوصل ؟

سعود : هذاني اتصل فيه مسكر موبايله .

غلا حطت يدها على قلبها : انشالله خيــر ..

خالد : يلا غلا تعالي تغدي

غلا : لا مابي خالد بنطر عمي

خالهم : تعالي الغدا شين لا برد

غلا : لا ماعليه عمي بنتظر عمي سعد ..

خالهم : خلاص يبوج اللي تبينه ..

قعدوا تغدوا وغلا لا قاعده على الكرسي وطاوله ومجابلها عمر الصغير تسولف وياه ..

وعمر متسبه مب مصدق انها تكلمه وخالد مطنقرررر عليه ..

غلا كانت حاطه يدها من تحت وجهها على حنجها يعني سرحانه

( اففف وينك عمي؟ ليش تأخرت ! انشالله مافيك شي ... الله يستــر )

كانو قاعدين فمثل بلكون مسوره كبيره شوي تطل على الزرع كله

[وعود]

وعلى مدخل المزرعه

راحت وقفت وهي ماسكه فالسور يمكن عمها جاي والسياره مبنجره ..

خالد جاها من وراها ولمهااااا

خالد : آآآآآخ الغدااا نفخني

غلا تربرب على يده وترجع تطالع : فيه العافيه ، فيه العافيه

خالد يصير حذاها بس ظهره على السور ويكلمها : شفيج عمري بيجي عمي ريحي عمرج

غلا : خالد الوقت بيظلم وهو ماوصل ..

خالد : ماعليه عمري عمي سعد لاتحاتينه رجال ماينخاف عليه

غلا هزت راسها وقعدت تمشي مع خالد لداخل البيت

دخلوا يرتاحون ..
خالد غط له شوي وغلا ماقدرت تحس قاعده على نارررر ..

بدلت ولبست جلابيه الوانها قاتمه حيل

قام خالد وهي تشيل ملابسها

خالد : ها عمري ماوصل عمـي ؟

غلا : لا خالد لين الحين الله يخليك شوف شالسالفه

خالد : حاضر حبيبتي بس انتي ارتاحي لاتوترين عمرج شوفي شكلج شلون متخرعه

غلا : واللي يسلمك روح شوفهم

خالد : انشالله بس اصلي بطلع انا بنفسي ادوره

غلا : بسرعه خالد

خالد : انشالله ياعمري انشالله

صلى خاالد ومن سلم وقفته غلا

غلا تدزه : يلا يلا روح خالد

خالد : هههه زين زين سويجي داخل

غلا تركض تجيبه له : يلا خالد انا بنطرك هني كلمنييي اذا لقيته

خالد :انشالله يالله فمان الله

نزل خالد وشاف ابوه ،،

سعود : وين رايح ياخالد ؟؟

خالد : بروح ادور عمي يبا غلا خايفه حيل عليه

سعود : زين تسوي كلمني اذاشفته لانه مسكر تليفونه

خالد : انشالله يباا ..

ركب خالد سيارته

ومشى فيها

مشى اول شي فالزرع كله

مالقاه راح عند مواقف السيارات يدور يمكن سيارته هني وهو واقف عندها

هم محد سأل الصبيان كلهم محد

طلع عند حدود الزرع يمكن مبنجره السياره شي ،،

مافي ماله اثر

مشى على طريق الزرررع كله وظرب الخط كله مره ثانيه

هم ماكووووووووو حد


راح خالد وتم ساعه وهو يدوره

رجع وقال لهم انه مالقاه .. كلهم صادهم احباط خصوصآ غلا قالت خلاص اكيد عمي فيه شي

دخل المطبخ ودعس راسه فالثلاجه يدور شي يشربه ريجه نشششف

جاته غاده وهي مب مصدقه للي بتقوله

لف عليها خالد وهو متخرع : غاده ؟؟؟؟؟؟؟ شفيج؟؟؟؟؟؟؟؟

غاده : سعد ياخالد سعددد


خالد : عمي سعد ؟؟؟؟ شفيه تحجييييييي

غاده : سووووووووى حاااااااااااااادث

خالد : شنووووووووووووووووووووووووووووووووووووووووووو وووو

غاده : كاهم الشرررطه متصلين يقولون انه ماااااااااات

خالد : شنووووووو شتقولين انتي عمي سعد توني محاجيه (خالد يهزها ) انطقي غاده

عمي سعددددد وينه

غاده توخر عنه وهي تصيح : والله ماجذب عليك روح شوف عمممممي توهم متصلين له

يقولون سوى حادث (تشهق ) وطاح عليه عمود الليت اللي بالشارع ومااسعفوه الا وهوووو

خالد : هوووووو شنو تحججججججججججججي الله يخليييييج مابقت فيني اعصاب

غاده : متوووووووووووووووفي

خالد : شتقوليييييين ، شقول لمرتي شقول لغلا ، والله لاتجن والههههههههه

خالد يركض مثل المينون لابوه وعيونه متروسه دموع بغضب

خالد : يبااا صج الي يقولونه !!!!!!!

سعود بحزن: لا اله الا الله ، امش خنروح المستشفى يلا

خالد : يبا من صجك انت عمي سعد توفى !! شقول لمرتييي شقول لها

سعود : اييه ياخالد ، الله يعينك على مابلاك

سعود كان فحالة صدمه مب عارف يتحجى فقد كل اخواااانه كلهم راحووو وخلوه بروحه !!

غلا كانت فالصاله الفوقيه ماتدري عنهم معاها لطيفه وعمر

دخل خالد وعيونه فيها كلام وحزن وغضب منظره يشيب القلب

غلا متخرعه والصيحه واصله : وينه عمي؟؟؟ عمي وينه ؟؟؟؟؟؟؟؟؟؟

خالد : غلا طولي بالج

غلا : تحجى خااالد الله يخليك

دخلت غاده مع ريلها وهي تصيح

غلا تصرخ : تحجووووو عمي ويييييييييييييييييييييييييييييييييينه

فهد ريلها بانكسار : سووى حادث والله يرحمممه

غلا صادتها حالة ذهووووول انهزت وطاحت بكيانها على الكرسي

غلا : شنوووووووو عميي انا!!!!!!!!!

خالد يقعد عند ريلها : تكفيييييين عمري الله يخليج لاتسوين بروحج شي

غلا بدت دموعها تصب من عينها بشكل غير طبيعي جنهم شلال

غلا : عمي سعد خلاني؟؟؟

خالد اللي كان مب مصدق شلون توفى طاح على ريل غلا يحبها

خالد : غلا وغلاتي عندج لاتسوين شي بعمررج

غلا : شسوي؟؟؟ عمي راح خالد ، ابوي سعد راح!! من صجكم ؟؟

طلعوا كلهم وغلا لين الحين تصيح ..

شوي انقلب الصياح كله صراخ

غلا بدت تنوح بشكل غيير طبيعي على عمها

وخالد متقطع قلبه علييييييييييييها

[وعود]

غلا : اطلععععععععع روح مابي اشوووووووووفك روووووووح

خالد : وين اروح غلا شلون اخليييييييج

غلا : اططططططططططلعععععع خاااااااااااااااااااااااااااااااااااااااااالد

خالد طلع وهو مب مطاوعه قلبه


طلع ونزل على الدرج عيونه تصب دموع ويمسحهم بسرعه

مايحب حد يشوف دموعه

غلا كانت تسحب عمرها لين الدرج

فنص الدرج

صرخت : خاااااااااااااااااااالد

وطاحت على الدرج رن راسها بحد الدرج ورااحت فيها ، اغمى عليها

خالد صرخ : لاااااااااااااااااا غلااااااااااااااااااااااااااااااااااااااااااا

تجمعوا كلهم بس فهد وسعود راحو للمستشفى

حاولوو يصحونها بس مافي فايده شالها خالد وبسرعه للمستشفى

الطريق كان طويل وطول الطريق خالد يحاول يصحيها

اخيرآ وصل

فتح خالد باب الطوارى وهو شايلها ويصرخ عليهم

جابو السرير وانقلوها لداخل الغرفه ،،،

خالد كان يمشي فالممر يروح ويرد وهو على ناااااااار

شاف ابوه وقال له ان غلا هني وهي طايحه

راح و شافو عمهم بالياالله تعرفو علا ملامحه ..

خالد حاول يمسك نفسه لاخر درررجه ،،

[وعود]

¨*~¤¦ الفصل الخامـــس ¦¤*~¨°



خالد ماسك نفسه لين الحين

شريط حياته مر عليه وهو مغمض عينـه

آآآآخ يالدنيا ليش جذي تاخذين منا الي نحبهم !!

غلا ياربي غلا شقول لها شلون اتصرف وتوها طاردتني

بس انا شسويت ماسويت شي

توني توني مكلم عمي شلون جذي

انا لله وانا إليه راجعــون ،،

كملوا الاجرائات اللازمه وطلعوا راحو لغلا

دخل على غلا ولقاها قايمه ارتاااح

وقالت له الدكتوره لازم ترتاح

وهي ماتبي تقعد فالمستشفى

خالد : حياتـي لازم ترتاحين تقعدين لج كم يوم هني

غلا صاحت مثل اليهال ، تقطع القلب حالتها ، وهي تصيح تقوله مابي طلعنيي

خالد حسها جنها ياهل مو مرته ، شلون جـذي ياربـي

.*.*.*.*.*.*.

مسكينه هالغلا كل اللي يحبونها خلوها وراحوو

امها وابوها والحين عمها ابوها سعد اللي رباها خلاها وهي تنطره على الغدا

ركبها خالد السياره وسكر الباب

وراح ركب السياره

غلا طول الوقت تصيح بس تصيح

خالد : ياعمري طولي بالج تكفين

غلا : خااااالد عمممي رااح ،عمي راح عني ليش اعيش؟

خالد : لا ياعمري لاتقولين جذي انا وين رحت تروحين واتم انا مع من ؟

غلا : وانا ليش عمي خلاني ، انا حتى ماودعته

خالد : غلا تكفين ماقدر على حالتج جذي انا قلبي يعورني عليج لاتسوين جذي

غلا سكتت وقعدت تصيح وهي غرقانه فدموعها ،،

وصلو للبيت وخالد هالمره خلى السياره عند الباب مو فالباركنـg

نزلها خالد وهي مو قادره تمشي تحس تعبانه بتنهد وتطيح مره ثانيه

دخلو البيت وعلى طول قطت عباتها لان حستها ثقييله حيل عليها شال خالد عباتها من على الارض

وشالها لين الدار وهي تصيح

سدحها على السرير وهي تصيح تعبانه تبي تغمض جفونها بس دموعها تمنعها ،،

خالد حط يده على جبينها يمسح عليها ،،

قعد خالد يقرى عليها ونامت

خالد قعد طول الليل يطالعها وهي نايمـه ،،

يمسك يدها وهي نايمه وهي مثل اليهال تلم يدها على يد اللي يمسك يدها ،،

يبوس راسها

ماقدر يمسك نفسه وطاحت دموعه على عمه وعلى مرته اللي انعفست حالتها ،،

قعد على السرير وحط راسه بين كفووفه

مب مصدق الكل منذهل من الخبر

قعد يفكر فالبلكوونه وهو يدخن زقاره ورا الثانيه لين خلص الباكييت ،،،

طلع عليه الفجر واذن دخل الغرفه وسكر البلكوونه

لبس ثوبه وغطى غلا عدل وراح للمسجد

رجع ونام له شوي

قام الساعه 8 وماراح الدوام

قام شاف غلا نايمـه وخلاها ماقعدها ،،

يبها تنام وترتاح وتنسى كل شي بس لايصير فيها شي

طرى عليه عمر ، شلون الحين هذا مادرى بالخبر؟

نعلمه؟ ولا نخليه !

اكيد بيزعل ان ماقلنا

اتصل وشاور ابوه وقال له لا لازم تعلمـه ،،

خالد تنهد واتصل

نطر لين لقط الخط

خالــد : الووووو !

عمر : هلا والله هلا بخـالد شلونك حبيبي

خالد : حمدلله ، انت شمسوي

عمر : خالد شصاير؟ شفيه صوتك !

خالد : ها لالا ماكو شي لاتخاف كلنا بخير

عمر : صوتك مايطمن يخوك

خالد : ليش يبا شفيه صوتي

عمر : مادري !

خالد : يتراوالك انا بس متصل حبيت اسلم وبس

عمر : ماتقصر حبيب قلبي

خالد : جامعتكم مسكره اليوم ها

عمر : أي والله اجازه

خالد (لالا يبا انكدها عليه ليش ) : ايي خلاص عيل اخليك انا

عمر : اوووووكيي حبيب قلبي سلم عليهم واحد واحد ابوي وامي وبنت عمي وعمي سعد ويدتي

خالد ( عمـي سعد ! ) : أي انشالله يبلغ مع السلامه

وسكرررررر

عمر : اف حتى مانطرني اودعه

جاسم : منو

عمر: اخوي

جاسم : اها

دخل خالد الغرفه وطلع له شنطه صغيره

غلا قامت على قرقعة الاغراض

غلا بظيقة النوم : وين بتروح .؟؟

خالد : بسافر لاخوي؟؟

غلا : تسااااااافر!!!!!!!!

خالد : شلون اقول له عن اللي صار ماقدر اقوله على التليفون

غلا : انت شنو تسافر واحنا بهالظروف ، شفيك !

خالد فكر ( أي صح) : مب مسافر اليوم اخر الاسبوع

غلا : لك قلب تسافر وتخليني؟

خالد : من قال بخليج بتجين وياي

غلا : مابي اروح

خالد : غلا كبري عقلج ولا تخليني افقد اعصابي لاني متوتر لاخر درجه

غلا لفت عنه ولا كلمته وقامت للحمام

صاحت من كل قلبها

وطلعت من الحمام

خالد شافها واعتفس ويهه ( بعد صحتي ) ..

لبس ثوبه وحط غترته بدون عقال

خالد : بتمشين وياي ؟

غلا : ليش عبالك عمي سعد بيمر علي !

خالد عوره قلبه زين ليش تقولين لي هالكلام مب انا اللي ذبحته والله : .....

خالد : بنطرج تحت

نزل خالد وشرب البلاك كوفي وهو واقف

غلا لبست جلابيه سوداا ولبست عباتها ولا حطت ولااشي

ونزلت ..

فالطريق ،،،

غلا : اليوم الدفان !

خالد مسك قلبه : أي عمري اليوم الساعه 11

غلا صاحت من قلبها : يعني عمي رااااااح عني خلاااااااانني

خالد : لا ياعمري انا وين رحت لاتقولين جذي

غلا صاحت وخالد ماعرف شيسوي بس يهديها وهي تزيد

لدرجة انه شك فكلامه خاف لايكون يزيدها وهو على باله يهديها ،،

وصلوا للبيت العود اللي فيه عزا النسوان ونزلها خالد وهو ماسكها

الساعه كانت 10 ،،
خالد باس راسها : حياتي انا بجيج العصر ، تكفين ريحي عمرج

غلا بس تنشف دموعها اللي من تجف الاولى تنزل وراها الثانيه

خالد يمسح دموعها : حياتي عشان خاطري

غلا ماقدرت تمسك عمرها ولمت خالد وتمت تصيح بحوش البيت

خالد تم يمسح على راسها وهي تصيح وتقول كلام يقطع القلب

غلا : عمممي راح ياخاااالد ، مابي ادش هالبيت وهووو محد راااح ياخالد

ودني له ودننني له خالد بروح وياك عشاااني

[وعود]

خالد : مايصير حياتي مايصير ياعمري المكان كله رجال وين تروحين

غلا : بشوف عممي تكفوووون ماشفته قلبي بيتقطع على ماشوفه الله يخليك

خالد : حياتي عشان خاطري خلاص طلبي له الرحمه

غلا ماقدرت وقعدت تصيح وخالد دخلها لين البيت

يدتهم كانت تصيييح عليه بس ترد تسكت شوي

تغريد كانت مثل المينوووووووونه تصيح من جاسي قلبها وهي فحظن امها

ولطيفه قاعده على كرسي بروحها وتصيييح

خالد ( يالله جاتكم اللي تكملكم )

غلا راحت عند عمتها ولمتها وتمت تصييييييييييييييييييييييييييييح بحظنها

من زمان غلا تبي هالحظن من زمااااان ..

قعدت غلا وخالد حب راسها وقال لها كلمتين يالله يهدونها

بس مافي امل حب راس يدته وعمته وطلع عنهم للدفان

مر ابوه وريل تغريد كان فبيت سعود لان عزا الرجال هناك مر عليهم وخذهم ..

قال لابوه انه بيروح لاخوه عشان يقوله الخبر وبالمره يجيبه

سعود : احجز تذكرتك اليوم وجيبه عشان يكون ويانا فالعزا ..

خالد : وغلا يبا وين اخليها

سعود : خلها فالبيت العود عمتك هناك

خالد : يبا مو زين لها هي وايد تنوح عليه اخاف اخليها فبيته

سعود : خلاص ودها وياك

خالد : ماتبي تتحرك من مكانها يايبا

سعود : والله كيفك انت وياها

خالد : خليفه ياخي شور علينا ( يكلمه وهو يطالعه فالمنظره)

خليفه : رايي من راي بوخالد خلها فالبيت العود

خالد : على خيير

نزلوا للمقبره ونزلو سعد لقبره

يالله خالد شنو عوره قلبه على المنظررر

سعد اللي امس ويانا نسولف ونظحك كاهو فبيت شبر فشبر

راحو كلهم وتم خالد يقرا على قبره وحط حذا قبره حصا كبيره عشان يعرفه اذا جاه مره ثانيه

سعود دمعت عيونه بس محد شافها لانه غطاهم بغترته ،،

ردوا للبيت وقعدوا يستقبلون الناس للعزا ،،

خالد اتصل فالسفريات وحجز تذكره وقال له العصر بيجي يدفع لهم

.*.*.*.*.*.*.*.*.*.*.*.*.*.*.*.*.*.*.*.

البيت العووود كان كلـه نوح والكل يصيح

غلا كانت لامتها ام عاليه وهي تصيح وعاليه تهديها وتصيح على صياحها ،،

على العصر غلا وعاليه دخلو دار غلا

عاليه : بس ياغلا بس ياحبيبتي مب زين اللي تسوينه

غلا : خلينيييي عاليه خليني انا من قالو لي الخبررر عيني ماوقفت خلووووووووني

عاليه : مب مخليتج ، ياعمري هذا يومه وكلنا ماشين على هالدرب ..

ذكري الله وقولي الله يرحمه وينور عليه قبره ..

غلا من سمعت كلامها حطت راسها على السرير تصيييييييييح من كل قلبها


اليوم الثاني خالد ودع هله وراح المطار على اول طياره لامريكـا ،،

بعد ساعات متواصله من الطيران يوم كامل له وهو قاعد

وصلووو

ونزل ركب فالسياره ووصلوه للمطار

وكان ينتظره واحد

خذه ووصله لين شقة عمر ..

كان خالد بثوبه فصخ نظارته السودا ورن جرس الشقه ،،

عمر : جسوم عازم حد ؟

جاسم : لا والله

عمر : من جاينا ؟

جاسم : شدراني ؟

قام عمر وهو يدندن

" لاتذكرني بحبك ياغناتي لاتذكرني بماضيك الجميل "

نسى كل الحروووف نسى كل الكلمات نسى عمره اسمه نسى اهله من فتح الباب

عمر بصدمه كبيره : خـــــالد !

خالد بحزن : هلا عمر ..

عمر : أهلين حياك

دخل خالد وسحب عمر شنطته الصغييييييييييره ..

دخل وسلم على جاسم وقعد على الكرسـي

جاسم : خلاص انا اخليك عمور

خالد : لا خلك شدعوى

جاسم : لا ماعليه يمكن سالفه خاصه انا استأذن

عمر : خلك مابينا شي

قعد جاسم بس ماكان يبي ..

خالد : شخباركم شمسوين ؟

عمر : طيبين ، خالد شفييك

خالد وقف على حيله وعطاهم ظهره وهو ماسك الكرسي ..

خالد : عمي سعد

عمر يطالع جاسم : شفييه

خالد : عطاك عمره

عمر طاح على الكرسي: ها ! عمي سعد ( غلا ، شحااااااالها غلا بعد هالخبر ) !

خالد : يلا وانا جاي اخذك نرد قطر وبعدها ترد تكمل

عمر : انا لله وانا اليه راجعون شلون جذي

جاسم : الله يرحمه والبقى فراسكم .

خالد : انت تركي؟

جاسم : لا انا جاسم

عمر انصدم اكبر صدمه جاته فحياته ( جفـون عينـي لين الحين مارتاحت )

عمر : خالد

خالد : هلا

عمر : بنت عمي شلونها

خالد :اييه ياخوك الله يعيين تخيل يوم كنا بالمزرعه طاحت على الدرج وراسها رن على دراجته

عمر : اوف صار فيها شي؟

خالد : ضربه خفيفه بس حمدلله مافي شي جايد

جاسم يصاصرر عمر : صدقني مالي لزمه خلني اروح باجر امركم واودعك

عمر مايعبر كلش

جاسم : من رخصتك ياخالد مع السلامه ، وعظم الله اجركم

خالد : اجرنا واجرك يالغالي

جاسم : فمان الله

خالد : مع السلامه

طلع وسكر الباب

========================================

اول لقا بين الاخوان جذي حتى ماسلم عليه ناسي كل شي خالد فكره كله باللي ييصير وبمرته

قام خالد شال غترته اللي صارت بدون عقال وقطها على الكرسي

عمر : و شلون شصار ؟

قاله خالد كل السالفه

وكل منهم سرح فهمووومه

بعد ماخلصوا من العزا تم عمر وياهم يومين بعدها رد لدراسته ..

رجعت غلا وخالد لبيتهم ..

غلا لين الحين ماقطت الاسود والحزن ساكن ملامحها وكلهـا ،،

خالد دخل على غلا وهي تصييييييح ..

راح وقعد على السرير وتفاجىء

غلا : اصلآ كل اللي صار بسبتك مادورته عدل ، اطلللللللع مابي اشوووووووفك

خالد فاتح عيونه : بسبتي؟ انا ياغلا ؟

غلا : أي انت ، اطلععععع عني اطلع

خالد : بطلع بس حطي شي واحد دوم على بالج ، عمي مات فيومه وانا مالي دخل باللي صار ، عن اذنج

ورقع الباب وراه

غلا تمت تصيح وتدفن ويهها بالمخدات ماتعرف شتسوي

خلاص انهاااااارت من قلبها
رن تليفون غرفتهم وشالته

غلا وصوتها يبين انها صايحه : الووو

عاليه : حبيبتتتي غلاااا ، شلوووووونج

غلا : أهلين عاليه ، انا طيبه ، شلونج انتي وخالتي؟

عاليه : نسأل عنج بعد عمري

غلا : ماتقصروون ، من طيبكم

عاليه : اقول غـلا

غلا : هلا

عاليه : فاظيه بعد المغرب؟

غلا : أي حيياج بنطرج

عاليه : وخالد ؟

[بوفيصل]

يسلموووو خيتووو على القصه والله يعطيكي العافيه

وتمنيا أنكي ماطولين عليناا بالتكمله

مع خالص تحياتي بوفيصل

[العبرات الدامية]

مشكورة اختي على القصة بس اتمنى انك ماتطولين علينا

[وعود]

مشكورين على التواجد ..

[وعود]

غلا : سكتي توني طاردته هههه مالي ويه اكلمه ..

عاليه : خستج ليش

غلا : مادري عاليه ، هو السبب هو مادوره عدل لو دوره جان لقاه وما صار اللي صار

عاليه : زين؟

غلا : من صجي علوي

عاليه : تراج بديتي تخربطين غلوي

غلا : ماخربط من صجي عاليه

عاليه : والله تخربطين انتووا اصلآ لحقتوا عليه متأخر وريلج طلع يدوره متأخر

غلا : اففففففف

عاليه : لاتتأفأفين كلامي هو الصح وانتي قاعده تظلمين ريلج على شي هو ماله يد فيه

غلا صاحت : ماااااااااااادري علوي مادري

عاليه : لاتصيحين غلا روحي شوفي ريلج وينه واعتذري له يلا من رخصتج

غلا : انشالله ، مع السلامة

وسكروا .,.,.,.

نزلت غلا تدور خالد وقالت لها الخدامه انه قاعد فالصاله

خالد كان كالعادة زقاير + بلاك كوفي

غلا ماعرفت شلون تراضيه

بدون لايحس جاته من ورآه وشالت الزقاير من يده

على رغم الحزن اللي فيه ارتسمت ابتسامه عذبه على شفته..

غلا قعدت على ريل خالد

خالد يبي يزعل مب قادر ، اخيرآ طلعت من اللي هي فيه

خالد : الله حيهمم

غلا : خالــد لاتزعل على اللي سويتـه ، انت ادري باللي انا فيه

خالد يرجع شعرها ورا اذنها : من قال اني زعلان ؟

غلا : اكيد مو شايل علي؟

خالد : سمعتي حد يشيل على غلاه ؟

غلا ظحكت له ورجعت تذكرت

خالد : يصير انتي بعد تنسين ؟

غلا : بتناسى عشانك

خالد يلمها : حياتي انتي والله ، الله يخليييج لي ..

غلا : تذكر خالد (تقوم عن صدره) ، كنتو كله تتهاوشون لما عمي يقولي كلام حلو !

خالد عوره قلبه : أي حياتي اتذكر وبتم اهاوش أي حد يقولج كلمه حلوه الكلام الحلو تسمعينه مني انا بس

غلا ظحكت له وقامت عنه ،، خالد مسكها من يدها

خالد : بتخليني؟

غلا : بتجيني عاليـه

خالد : بختج ياعاليه

غلا ظحكت له ومشت لدارهم

من دخلت قفلت الباب ورجعت تصييييح

خالد عنده نفس حنج عمه سعد شوي مرتفع والرقبه طويله

انغصت من اللي شافته خالد طول الوقت جدامها بس اليوم فتحت على هالشبه اللي فيهم

ياربي ليش جذي ،،

غيرت ملابسها وغيرت الاسود بس هم لبست غامق

لبست جلابية بنفسجية غااااااااااااااااااااامقه مايله للسواد

لونها عجيب.

لبست خاتم شاريه لها خالد كله الماس على شكل دمعه ونازله منه مثل الكراكيش ألماسيه

حطت بس دهن عود ورا اذنها ونزلت

شافت خالد لين الحين ماطلع

غلا : مارحت ؟؟؟

خالد خاف تطرده : بعد بتطرديني

غلا راحت ولمته : ههه لا بس الحين بتجي عاليه

خالد : انشالله بطلع ديري بالج على عمرج وتكفيييييين ارتاحي

غلا : ماطلبت ، لاتتأخر

خالد : حااااااضر ، من هالعين قبل هالعين

ابتسمت له وراح ..

فتحت باب الغرفة الكرستاليه وقعدت فيـها

تفكـر ..

قعدت وهي تطالع كل شي بس ماتدري شتطالع ..

( عمي راح ، أبوي راح عني ، امي راحت عني ، كلهم راحوا عني

أنا لو فلحظه أفكر ،، إن انفصلت عن خالد ماعندي أهل! عمي سعود لطيفه بتغيره عليه

مثل ماغيرته علي وعلى ولده ...

ليش خليتني عمي؟ وأنت اللي وعدتني انك ماراح تخليني انا الحين بس لخالد قبل كنت انت اهلي

انت اللي ازورك كل خميس الحين لو خالد خلاني وسافر اتم مع منو عمي؟؟؟ )

وتمت تصييييييييييييييييييييييييييييح مب قادرة تمسك عمرها ،،


طقت عاليه الجرس وفتحت الخدامة الباب

دخلت عاليه وجاتها غلا سلمت عليها وحضنتها بقوووه وطبعا صاحت

عاليه : بس غلوي مابي كل مره اشوفج تصيحييين

--------------------------------------------------------------------------------

غلا تنشف دموعها : زين زين ،، Rooooze

جات روز المدبدبه .. : Yes madam

غلا : شتشربين علايه ؟؟

عاليه : أي شي عادي

غلا : Roze, Bring the drink for us , please

روز : Ok, One sec madam

راحت وجابت لهم الـ Tea مع حلوو التوفـي مسوينه صغار Mini Tofie

عاليه جنت عليه وخلصت الصحن ههههه

غلا كلت وحده وماقدرت تمسك عمرها

دخلت الحمام ترجع ..

عاليه تخرعت : شفيج غلوي ؟؟؟

غلا : ماادري مافيني شي

عاليه : شنو مافيج شي شوفي لونج شلون صار ، بطنج فيه شي؟

غلا : مادري يمكن الحلو فيه شي

عاليه : كاني كلت مافيني شي

غلا : خلاص سكتي مافيني شي

عاليه : مب كيفج يلا امشي

غلا : وين بعد

عاليه : بنروح نشوف شفيج

غلا : لا مابي بنطر شوي اذا ماصرت احسن نرووح ..

عاليه : بننطر وبس قولي آي اسحبج من شعرج ..

غلا ظحكت وتمو يسولفون وغلا تمسك نفسها عن كل شي

تعشت عندها عاليه وقامت عشان تروح

فتحت الباب غلا الا خالد فويهم

استتتتتتحى عباله راحت بس هي توها بتطلع

خالد وخر شوي عنها ..

عاليه : يلا مع السلامه

خالد : شلونج ياعاليه؟

عاليه : الله يسلمك ،، خلاص نشوفج على خير غلا

غلا + خالد : فمان الله

خالد طالع غلا لان طلعت نفس الكلمه

غلا استحت ونزلت عينها

دخل خالد وسكر البــاب


.*.*.*.*.*.*.*.*.*.*.*.*.*.*.*.*.*.*.*.*.*.

الساعه 1

خالد رد من دوامه ولقى غلا نايمــه ..

راح بدل وطلع لقاها قايمه ..

غلا : خالد ؟؟

خالد : هلا

خالد : انت وصلت ،، كم الساعه ؟؟

خالد : وحده وربع ..

خالد : اففف ليش جذي طولت بالنومه

غلا قامت بس تحس راسها ثقيييييل ..

خالد : يلا بنطرج تتغدين معـأي ..

غلا : انشالله بس دقايق ابدل وانزل لك

خالد : لا معليه بنطرج بالدار وننزل مع بعض

غلا ماردت وقامت الحمام غسلت وبدلت لبست جلابيه لونها ذهبي معتق مع الفوشي الغامق

خالد : مبرووك قطيتي الاسود
غلا حزنت اكثر من قبل

خالد : شفيج ياعمري

غلا : مافيني شي ، خل ننزل

نزلو وهم يتغدون بتوتر ..

خالد عشان غلا تظاهر انه مايبي ينام وقعدوا طول الظهر سوالف ويحاول يظحكها ..

خالد غلبه النوم وانسدح على السوفا وراسه بحضن غلا ..

قام خالد على اذان العصر وراح صلى وبعدها قعد يشرب البلاك كوفي بس بدون زقاير

لان غلا معاه

غلا انسدحت وخالد يسولف وياها على الكرسي الثاني وهي حاطه يدها على بطنها ..

خالد : اخليج انا الحين عمري ، عندي شغل

غلا : متى بترجع ؟

خالد : امممممم بالكثييير على العشاا

غلا : اوكي

خالد : ماتبين اوديج مكان ؟؟

غلا : لا بقعد فالبيت

خالد : بروحج حياتي؟

[وعود]

غلا : ماعلي شر لمن بروح؟ عمي سعد محد

خالد ماعرف شيقول : اللي تشوفينه .

راح خالد ورد على صلاة العشا شاف غلا محد

سال الخدامه قالت له من طلعت راحت الدار ونامت

خالد فتح عيونه : نامت !!

خالد ( والله ماخليج ، سكت عن هالسالفه قبل لكن اليوم لازم اعرف شفيج من امس لين عصر اليوم نوم

قلنا تعبانه لكن من قريب المغرب لين العشا هذا شنووووووووووووووووووووووو )

دخل خالد وغلا فنوووووووم عمييق

خالد بهمس : غلا ،، غلاا ، غلااي !

غلا تتقلب : هممممم

خالد : قومي حياتي

غلا : بعد شوي تعبانه

خالد : يلا قومي بنطلع

غلا : .................

خالد : يلا قومي

غلا فتحت عينها بكسل وجفونها ترد تنصل وتفتحهم تحس غشاوه مغطيه عيونها

غلا : ويين؟

خالد : قومي وبقول لج

غلا : انشالله

قامت غلا ودخلت الحمام غسلت وجهها وطلعت

غلا : آمر

خالد : بنروح المستشفى

غلا انصب قلبها : ليش شصاير بعد ؟

خالد : بس ابي اشوف شفيج مو طبيعيه حالة النوم وياج

غلا : مافيني شي خالد ..

خالد : مو بكيفج هذيج المره طوفتها لج لكن هالمره وراسج مامشيها

غلا : خالد عفيييييفه

خالد : No way يلا بنتظرج

غلا : افففففف

بدلت ولبست جينز وقميص اسود ولبست عباتها

ركبت السياره وصلوا المستشفى ..

النرس : مدامة خالد الـ .....

خالد : يلا مدامتي تفضلي

دخلت غلا وخالد ينتظرر

ربع ساعه وافتحت النرس الباب .. : اتفدل ..

شالو الحاجز وشاف غلا على السرير تسكر ازرتها ..

خالد : خير دكتوره شفيها؟؟

الدكتوره : هي من متى عندها حالة هالنوم ؟؟

خالد : من فتره طويله بس هي مارظت نجيبها

الدكتوره : اها اها ، خلاص عيل

خالد : شنوو

الدكتوره : الف مبروك

خالد والظحكه المكاره على وجهه : شنووو !

الدكتوره : مدامتك حاااامل

غلا اللي خشت ويهها من الفشششله

خالد وقف على حيله : صصج ! حاااااااااااااامل؟؟؟

الدكتوره : أي صج

خالد :ايوااااااااااااااااااااااااااااااااااااا ، أخيرآآ

الدكتوره : يلا عاوزه الحلاوه؟

خالد : افا عليييييييج

يروح لغلا ويرفع يدها يبوووووسها وهويترووووووحها

خالد :احبببج مبروووك غلاي

غلا نست كل شي مب متذكره غير انها كانت قبل شوي منسدحه هني والحين تشوف خالد

جدامها يبارك لها انها حامل ..

ركبت السياره وخالد مب مصدق يصارخ وحاله

غلا : بس بس ياخالد حشى سويت لنا عرررس

خالد يدوووس : مووووووووو مصدددددددددددددق

غلا :شوي شوي خالد لاتذبحححنا

خالد : اااااااخ مستانس مستانس تعرفين شنو يعني مستانس

غلا : ههههه زين زين

خالد : سمممممممعي من اليوم ورايح لاتتنفسين حتى انا اتنفس عنج واجيب لج النفس

غلا : هههه شدعوى عاااد

خالد وقف عند محل مجوهرات ..

غلا : لييش؟

خالد : بلا كلام هاتي يدج

نزلت غلا ودخلوا المحل

وشرت غلا طقم عجيييب

الماس مشغول بطريقه حلوه كله مفرغ ..

خذوه وركبوا السياره ..

وراحو مطعم يتعشوون

خالد : اكلي الطاوله كلها ابي ولدي يطلع متييييين

غلا : هههههههههه ياخاالد ،شوي شوي علي

خالد : اوووووف شنو مستانس غلا ، شنوو احبج؟؟؟

قعدوا يتعشون وخالد موت غلا ظحك ..

خلصوا وراحو بيت العم سعود

خالد دخل وسلم

خالد : بارك لي يباااااااا بصيير ابوووووووووو

سعود : صج والله ، زيين الف الف مبرووووووووووووووووك

خالد حب راس ابوه : الله يبااارك فييييييك

خالد : ها يمه مالي مبروك؟

لطيفه : الف مبروك ياخالد .. الف مبروك ياغلا

غلا : الله يبارك فيج ..
قعدوا يسولفون وغلا مرجعه راسها على ورا تفكرر

لو كان عمي سعد موجود كان هالخبر سمعوه غيييييير

الله يرحمك ياعمـــي ويخلي لي خالد ...





شممكن يصير بعد ؟؟

خالد وغلا شمصير ولدهم ؟؟

خالد بيقدر يتحمل غلا ونوحها على عمها ؟

بيخليها وبيتصرف تصرف ( لا تعليق ) عليــه !!!

[وعود]

¨*~¤¦ الفصل الســــادس ¦¤*~¨°



خالد : يلا غلا مشينا ؟؟

لطيفه : خلكممم وين تو الناس مب متعشين معانا ؟؟

خالد : لا والله يما ،، تعشينا احنا

لطيفه : أي ،، كيفكـم .

غلا : المره الجايه انشالله خالتي (وهي تبتسم لها )

لطيفه : أي قلتيها يعني عقب سنه انشالله ، انتوا واصلين للغير واحنا لا

غلا طالعت خالد ونزلت عينها ..

خالد : يمه ماله داعي هالكلام انتي عارفه اللي احنا فيه ..

لطيفه طالعت السقف وردت تطالعه : والله براحتكممم ماجبركم على وصل حد وانتوا ماتبون

خالد : يالله يبا تصبح على خير (يحب راسه ) ، تصبحين على خير يمه ..

حبوا روسهم هو وغلا وطلعوا ،،

غلا من سكروا باب البيت لمما طلعوا وعيونها تلامع ،،

خالد يقرب منها : شفيــج غلا ؟؟

غلا صاحت : مافيني شي ..

خالد : شلون مافيج ، قاعده تصيحين

غلا : مافيني ، ماااااااافيني

خالد تعوذ من ابليس وراح قرب السيار لين المدخل ،،

ركبت غلا وهم صاخين طول الطررريق ..

غلا توها بتنطق : بـ (تذكرت ان عمها توفى ) ودمعت عيونها

خالد : شنو؟

غلا : لا ولاشي

خالد : قولي عمري شكنتي بتقولين

غلا : لالا ولاشي خالد .

خالد : يعني الحرف طلع بروحه . . !

غلا : كنت بقول ،، مب رايحين لعمي ؟؟

خالد اعتفس ماعرف شيسوي يحسها وايد صغيره ومتعلقه وايد فعمها اكثر منه ..

سكت خالد ومارد على اللي قالته وهو اصلآ سرح ،،

(( لو ابي اشرح لها واقول عن اللي صار ماقدر ، البنت صغيره ، واخاف أي كلمه

تأثر فيها وهي مب ناقصه وتقعد تصيح وانا مابيها تصيح ، ياربي والله تعبت شالحل؟؟

شسوي ؟ ))

خالد : اففففففف شنو مستاااااااااااااااانس ،، احبــــــــــــــــــــججج

غلا ظحكت له وردت تطالع يدها الي شابكتها فبعضهم البعض ،،

خالد : عمري حياتي ، تكفييين ماحب اشوفج جذي والله اعتفسسسس

غلا : ليش مافيني شي انا !

خالد : حلفـي ! وين ظحكتج ، قبل ماكان شي مونسني غير ظحكتج الحين كل ماشوفج تصيحين

غلا : شسوي خالد انت تدري ليش اصيح

خالد : لا اله الا الله ،،،

غلا ( اف ادري عورت راسه بس شسوي شسوووووووووووووووووووي ؟؟ )

وصلوا للبيت نزلوو ودخلووو ،،،

غلا توها بتركب الدري وقفها خالد ..

خالد : وين انشالله ؟

غلا : بصعد الدار !!
خالد يدغدغ بطنه : اهه ماقدر اظحك غلا

غلا : يه ليش !

خالد : تقولين تبين تصعدين الدار !!

غلا رفعت حواجبها : شالغلط يعني ؟؟

خالد : غلا بتذبحيني ياعمري ، شيطلعج الدار على ريلج ،، انتي حامل مو زين لج

غلا : هههههههه، شدعوى مافيها شي

خالد وخر عنها شوي وهي ركبت الدري قط غترته وفتح طقطق ثوبه

خالد : تعالي تعالي

غلا ردت نزلت له : نعم؟؟

خالد : ليش تطالعيني جذي ، يعني كلش اذا طالعتيني جذي بموت ( يبي ينزفزها)

غلا : هههههه ياخالد

خالد : واللهههههههه لاتحريني تقعدين تطالعيني جذي (يقرب منها) ، ترا اروح فيها

غلا توخره عنها : هههههههه .. وتمشي عنه

شالها وحسها شكثر خفييفه خفت اكثر عن قبل ..

خالد : ياويلي ششايل اانا !

غلا : خااالد بدييينا طنازه

شالها خالد ووصلو للدار ، قعدوت على الكرسي وخالد على الارض ..

[وعود]

خالد يحب يدها : الله يخليج ياغلا ، اذا لي خاطر عندج ،، عمي سعد خلاص ، الله يرحمه

لاتصيحين عليه ، النوح اكثر من 3 ايام ياعمري مكروه ..

كلنا على هالدرب محد بيطوفه ، انا وانتي بعيد الشر ، كلنااا ، بدال ماتصيحين وتحرقين قلبج وقلبي عليج

ادعي له ترحمي عليه ، شبيفيدج كثر النوح؟؟ تفكرين ان زدتيه عمي بيرد؟؟؟

لا خلاص عمي راح للي خلقه وخلقج ، عشاني ياغلا ..

انتي خلاص صرتي مسؤوله عن واحد هني (ياشر على بطنها ) لاتضرينه وخليه يطلع على الدنيا

وهو مستانس ، هااي ولددي انا ومابي الهوا يهب عليه .. (يبي يظحكها بس ماقدر) ..

خالد : يلا ظحكــي عشاني

غلا كانت طول الوقت تسمعه وهي مدنعه

رجعت خصله ورا اذنها وتكلمت بصوتها اللي بدى يرتجف مع كلام خالد ,,

غلا : خالد تكلم بالواقع ، انت مفكر عمي سعد كان شوي؟ عمي سعد كان كل شي بحياتي

كفايه اني ماكملت حياتي معاه وسمعت كلامه لانه اطيب واحد فينا ، وجيت بيتكم ، وعشت بين شباب

مع انه ماكان راضي لان مافي حد بيرضى على بنته تعيش بين شباب

خالد يقاطعها : بس احنا عيال عمج

غلا : وعيال عمي ! مو يصير انك تتزوج بنت عمك وخالك وعمتك !

هذي بنظرك انت ترضاها ؟ اكيد لا ..

لكن هو ماقدر يقول شي لانه طيب وعلى نياته عشان جذي محد يسمع له ..

لكن عمي سعود لانه الكبير وكلمته تمشي علينا بدون مايشاور حتى يقرر وينفذ عنا ..

عمي سعد كان كل شي لي ، كل شي حتى لمن تزوجتك ماقدرت ابعد عنه ..

يمكن لاني صغيره ومب متعوده ابعد عنه ، لأن كل شي صار بسرعه

بسرعه دخلت بيتكم بسرعه .... تزوجنا ،، (تصيح) وبسرعه عمي راح

راح وخلاني بروحي ، الله يعلم باجر شيصير انا وحده ماعندها اهل هنيي ماعندي

خالد : وانا وين رحت؟

غلا :

خالد : طلعتيني بره الحسبه !

غلا : ماطلعتك خالد ، بس انت شفت امك غصبتنا باجر شدراك يمكن تغصبك تخليني

امك كل يوم بمزاج

خالد : ومن يقدر يوخرني عنج؟

غلا : مادري خالد مادري ( وقعدت تصيح)

خالد لمها : سمعي ياغلا اللي سوته امي ماكنا ندري ان فيه خيره لنا انا وانتي

شوفي شصار الحين ، انا اللي ماكنت فيوم متوقعج حبيبتي ! ماكنت شايف هالجماااااال كلـــــه

شوفيني اليوم شحالي ، ماقدر يمر اليوم ماشوفج ماكلمج الله يعلم باللي فيني

تولعت فيــج مع اني مو بسنج ، بس ذبحتيني ياغلا ..

وحمدلله انج لي لو الحين انا ماتزوجتج وانتي فهالوضع

عمي وخلاج وعلى قولتج امي كل يوم لها مزاج

جان صفيتي لحالــج ولا حد معاج ...

غلا : حمدلله انا ماقلت شي بس

خالد : لابس ولاشي ، انا ابيج تنسين كل اللي صار من قبل ، وخلاص دموع بعد هالليله مابي اشوف

انا تخنقني دموعج ، غاليين علي حيييل والله غالين ، تبين ام فصيـل تصيح جدامي واسكت ، معصـــــــي

بعدج مافطتني بغلاج يالغلاااااااااا


غلا تظحك : سميته بعد

خالد : طبعآ ، فيصل على عمي ، الله يرحمه ، والله ماطلع من جزاه على اللي جابه لي

غلا : واذا بنت ؟

خالد يطالعها بطرف عينه يبي يحرها ويجيس النبض عندهاا ، : طبعآ لطيفه

غلا ثورت ، شوطت ووقفت على حيلها ..

غلا : لو على دمــــــــــــي ، تعرف شنو يعني ، ماسمييي بنتي لطيفه

خالد : افا ليش ؟

غلا :ليش بعد عقب اللي سوته فيني وكل الكلام تبي اسمي بنتي لطيفه ماجيب عيال ابرك ولا اسمي لطيفه

خالد : خلاص خلاص قعدي لاتعصبين مابي لطيفه يباااااا ، يكفيني الغلا انا

غلا : مابي خالد مااابي

خالد :زيييييييين مانبي نسمي قعدي بس
قعدت غلا ..

خالد يرفع عينه : شدعوى عاد هبيتي فيني ، تعرفيني حساس ماقدر على الصراخ

غلا ماتت ظحك عليه شكله كاان فظييييييع ..

خالد : أي ظحكي ، بعد ظحكيييي ي ، يااااااااااربي ولهت علىىىىى

هالظظظظظظظظظظظظظحكككككككككككككككككككككككككه

غلا تمسك بطنها من الظحك : ههههههههههههههههههههههههههههه

خالد يلمها بقووو نقز عيونها هههه

خالد يمسح دموع عيونه من الظحك : اف احبج احبج

غلا : وانا بعد ، والله احبك

[وعود]

خالد : بالهوون بالهوون ياقلبـــي ،، معطيك غلا الفلا حالــــــــه

غلا : ههههههههه ياسلاام ..

خالد يشق حلجه : هاي انا كاتبها

غلا : واااااااي صح صح

خالد : واااااااي صح صح

غلا كانت تعرف شنو اكثر شي ينرفز خالد ،، عملها عنه سعود عمها

خذت يده وقعدت تدغدغ راحة يده

خالد : آي آي يالنذذذله لالا بحك يديييي احححح شييلي شيلي

غلا : NoOo

خالد : تكفين تكفين بس شوي ، غلا الله يخليج

غلا ولاجنها تسمعه

خالد :اهىء تكفييييييين

غلا هدت يده : عشان ماتعيدها

خالد : خلاص تبت

.*.*.*.*.*.*.*.*.*.*.*.*.*.*.*.*.*.*.*.*.*.*. *.*.* .

عمر رجع لجامعته ودارسته

وكانت فترة امتحانات ..

لبس عمر بنطلون اسود وقميص اسود ونظارته الجديده عاكسه + طبيه ..

نزل عمر ولقى غاليه وريما وعاشه

عاشه كانت اعبطهم كانت بلا قيود ماعطه نفسها حريه تامه ،، Free يعني . .

عاشه : Hi 3omar

عمر : اوه ، هلا اهلين ..

عاشه : ها للجامعه ؟

عمر : أي والله ، وانتوا !

عاشه : Sure ، بس انتظر البقيه ..

عمر حسها تبي تطقها سالفه ..

عمر : اها ، خلاص استأذن انا

عاشه : تو الناس بتم بروحي جذي

عمر : اسف والله استاذن مع السلامه ،،،

وراح عمر

طلعوا ريمه وغاليه

عاشه : اف عليه صج متبلد الاحساس

ريما : منووو ؟؟

عاشه : هذا عمور

ريمـا : ليش متبلد

عاشه : اسولف وياه عطاني طاف ..

ريما : تستاهلين شتبين فيه تسولفين وياه ..

عاشه : زين انجبي وانجلعي جدامي

مشوا البنات كلهم وعاشه تقص لهم السالفه ،،،

.* فـ الكويـــــت *.

عليا خطيبة المرحوم سعد كانت قاعده مع ابوها وخواتها ،،

دخلت عليهم امها ..

الام : عليا تعالي ابيج شوي

عليا : انشالله يما

مشت عليا وهي تعبانه ، راح سعد عنها وخلاها ، كل احلامها ، كل امانيها اللي كانت تنتظرها بشوووق

تبخـرررب فالهوا وضاعت منها بغمضة عيـن ، مافي بنت تحب حتى تفكر انها تنحط فهالموقف

بوسط جهازها للعرس وتشطيبها على كل شي

طاح على راسها خبر وفاة خطيبها !!

يالله ،، ليش جذي انا ليش حظي جذي

عليا وهي صوتها متغير من الصياح وخشمها جنه منسد ..

عليا : نعم يمـا ؟؟

امها : عليا حبيبتي ، خلاص انسي اللي صار ، اليوم متعب ولد خالتج تقدم لج

عليا : من صجج يمه !

امها : أي من صجي ، ليش شفيه ولد خالتج ؟ ريال وكفو وكل البنات يتمنونه .. !

عليا : مابيه يما خلاص ، انا وحده شالت فكره الزواج من راسها موليـه

الام : ليش انشالله ؟ مو من اول مره تنسحبين

عليا: ليش يمه هي شنو لعبه ولا حرب ؟؟ يمه هاي زواج وانتي تدرين ان انا وسعد

من صغرتنا كنتوا تقولون احنا لبعض ، سعد لعليا وعليا سعد !!

تبيني انسى صعبه يما خلاص مابي انا بركز باللي انا فيه وبنسى مابي شي ولا شيييي

الام : اعوذ بالله ، خلاص فكري بالسالفه انتي الحين مب متفهمه الوضع بعد فتره بسمع الرد

عليا : من الحين ، لا ..

وطلعت عنها .....

[وعود]

عليا ( من صجها امي الله يهداها افف والله انا روحي راحت من رحت عني يا سعد )
فبيت العم سعود ،،

اتصل سعود لبيت اخته تغريد ورد ريلها ..

سعود : الووووو !

بوعلي : اهلين حيالله سعوود

سعود : هلا فيك ، شلونك يابوعلي شخبارك؟؟

بوعلي : الله يسلمك انت علومك

سعود : طيب الحمدلله ، اقول تغريد عندك ؟؟

بوعلي : أي هاك ..

تغريد : هلا سعود ..

سعود : هلا تغريد شلونج ؟

تغريد : بخـير

" تغريد من صارت سالفة غلا وروحتها لبيته وهي ماتحب تكثر حجي وياه " ..

سعود : اقولج ياتغريد ،، الحين امي شلون ، مب عدله اخليها فالبيت بروحها مع الخدامه

تغريد : خلاص خلها تسكين فقصرك العالي اللي مافيه حد وبعدين طفروها ..

سعود : احاجيج عدل حاجيني عدل

تغريد : مادري عنك كيفك

سعود : ان طلعناها من البيت العود بيتم فاضي ومافيه حد ، شالحل بالله ؟؟

تغريد : كلمها وشوف شتقول ..

سعود : شكلها جي ، يلا اخليج .

تغريد : مع السلامه

وسكرت

خليفه : شيبي سعود ؟؟

تغريد : يبي يشوف حل للبيت العود وامي لانها بروحها

خليفه : اها ، انزين نجيبها عندنا بيتنا وسيع وماعندنا حد

تغريد : ماظن بترظى

خليفه : ليش انا بعد ولدها

تغريد : لا مب عن هالسالفه ، يعني انت تعرف سعود وسوالفه

خليفه : ااااها، خلاص اللي تشوفونه بس انا عيني اوسع لها من المكان

تغريد : الله يخليك انشالله ...

.*.*.*.*.*.*.*.*.*.*.*.

سعود : شوفي لطيفه انا هالبيت يمكن أأجره أبيعه ونروح عند امي

لطيفه : شتقووول !

سعود : اللي سمعتيه

لطيفه بعد تفكير : خلاص سو اللي تبيه بس انا عندي شرط ..

سعود : خير ؟

لطيفه : تكتبه باسمي

سعود : كفايه اللي عندج ماشالله عليج عندج كل شي ..

لطيفه : مستكثرهم علي ، ياحسرتي كل اللي عندي من ورثي ..

سعود : هذا يمكن اسجله باسم عيالي

لطيفه : وانا ماتخاف يغدرون باجر عيالك فيني

سعود : عيدي كلامج وسمعيه وبتعرفين من غدر فالثاني

وراح اتصل لخالد وقال له يجيهم ..


غلا كانت غافيه على السرير وخالد كان توه متسبح ويلبس شكله بيطلع ..

رن التليفون اللي خرب نومة غلا وخلاها تفتح عيونها بكسـل تشوف خالد وهو يتكلم

من زود الكسل اللي فيها وتعب الحمل لانها باول الايام ..

سكرت عيونها وتمت تسمعه بس ..

خالد : أي ،، انشالله يبا ، أي لا اكيد ،، متى ، اووه حاضر افا عليك ، أي ، لا عندي جم شغله بخلصهم واجيك..

راح خالد عند غلا وهي نايمه

وخر خصل قذلتها الناعمه عن عيونها ..

خالد : انتي نمتي ؟؟

غلا فتحت عيونها ومسكت يده : لا مانمت

غلا بتعدل قعدتها

خالد : لالالالالالالالالالالالالالالالالا خلج منسدحه

غلا : لا الله يخليك بس تعبت

خالد : لالالالا انسدحي

غلا : مابي خالد
خالد : عشاني لاتتعبين

غلا : ماتعبت قولي شيبي عمي ؟؟

خالد : انسدحي بتكلم
غلا تدري بنحاسة خالد انسدحت نص سدحه

خالد : يبينا نروح له البيت ..

غلا : ليش؟؟؟

خالد : والله مادري قال سالفه ويبي راينا فيها

غلا : شنو بعد ؟؟

خالد : وغلاة غلاي مادري

غلا استحت من كلمتـه ،، انا غلاه ؟؟ يجننننن ..

غلا : وانا بعد تبوني؟

خالد : شنسوى بدونج ؟؟؟

غلا : لا يعني يمكن يبيك انت بس

خالد : انا وانتي 1 يبيني يعني يبيج يبيج يعني يبيني

غلا : ههه صح عليا ( من صجها امي الله يهداها افف والله انا روحي راحت من رحت عني يا سعد )
فبيت العم سعود ،،

اتصل سعود لبيت اخته تغريد ورد ريلها ..

سعود : الووووو !

بوعلي : اهلين حيالله سعوود

سعود : هلا فيك ، شلونك يابوعلي شخبارك؟؟

بوعلي : الله يسلمك انت علومك

سعود : طيب الحمدلله ، اقول تغريد عندك ؟؟

بوعلي : أي هاك ..

تغريد : هلا سعود ..

سعود : هلا تغريد شلونج ؟

تغريد : بخـير

" تغريد من صارت سالفة غلا وروحتها لبيته وهي ماتحب تكثر حجي وياه " ..

سعود : اقولج ياتغريد ،، الحين امي شلون ، مب عدله اخليها فالبيت بروحها مع الخدامه

تغريد : خلاص خلها تسكين فقصرك العالي اللي مافيه حد وبعدين طفروها ..

سعود : احاجيج عدل حاجيني عدل

تغريد : مادري عنك كيفك

سعود : ان طلعناها من البيت العود بيتم فاضي ومافيه حد ، شالحل بالله ؟؟

تغريد : كلمها وشوف شتقول ..

سعود : شكلها جي ، يلا اخليج .

تغريد : مع السلامه

وسكرت

خليفه : شيبي سعود ؟؟

تغريد : يبي يشوف حل للبيت العود وامي لانها بروحها

خليفه : اها ، انزين نجيبها عندنا بيتنا وسيع وماعندنا حد

تغريد : ماظن بترظى

خليفه : ليش انا بعد ولدها

تغريد : لا مب عن هالسالفه ، يعني انت تعرف سعود وسوالفه

خليفه : ااااها، خلاص اللي تشوفونه بس انا عيني اوسع لها من المكان

تغريد : الله يخليك انشالله ...

.*.*.*.*.*.*.*.*.*.*.*.

سعود : شوفي لطيفه انا هالبيت يمكن أأجره أبيعه ونروح عند امي

لطيفه : شتقووول !

سعود : اللي سمعتيه

لطيفه بعد تفكير : خلاص سو اللي تبيه بس انا عندي شرط ..

سعود : خير ؟

لطيفه : تكتبه باسمي

سعود : كفايه اللي عندج ماشالله عليج عندج كل شي ..

لطيفه : مستكثرهم علي ، ياحسرتي كل اللي عندي من ورثي ..

سعود : هذا يمكن اسجله باسم عيالي

لطيفه : وانا ماتخاف يغدرون باجر عيالك فيني

سعود : عيدي كلامج وسمعيه وبتعرفين من غدر فالثاني

وراح اتصل لخالد وقال له يجيهم ..


غلا كانت غافيه على السرير وخالد كان توه متسبح ويلبس شكله بيطلع ..

رن التليفون اللي خرب نومة غلا وخلاها تفتح عيونها بكسـل تشوف خالد وهو يتكلم

من زود الكسل اللي فيها وتعب الحمل لانها باول الايام ..

سكرت عيونها وتمت تسمعه بس ..

خالد : أي ،، انشالله يبا ، أي لا اكيد ،، متى ، اووه حاضر افا عليك ، أي ، لا عندي جم شغله بخلصهم واجيك..

راح خالد عند غلا وهي نايمه

وخر خصل قذلتها الناعمه عن عيونها ..

خالد : انتي نمتي ؟؟

غلا فتحت عيونها ومسكت يده : لا مانمت

غلا بتعدل قعدتها

خالد : لالالالالالالالالالالالالالالالالا خلج منسدحه

غلا : لا الله يخليك بس تعبت

خالد : لالالالا انسدحي

غلا : مابي خالد
خالد : عشاني لاتتعبين

غلا : ماتعبت قولي شيبي عمي ؟؟

خالد : انسدحي بتكلم
غلا تدري بنحاسة خالد انسدحت نص سدحه

خالد : يبينا نروح له البيت ..

غلا : ليش؟؟؟

خالد : والله مادري قال سالفه ويبي راينا فيها

غلا : شنو بعد ؟؟

خالد : وغلاة غلاي مادري

غلا استحت من كلمتـه ،، انا غلاه ؟؟ يجننننن ..

غلا : وانا بعد تبوني؟

خالد : شنسوى بدونج ؟؟؟

غلا : لا يعني يمكن يبيك انت بس

خالد : انا وانتي 1 يبيني يعني يبيج يبيج يعني يبيني

غلا : ههه صح