اهلين اميرووووه

مو متفقين ياسخيفه ان انزل الموضوع بالاتفاق

فجعتيني في الكليه وانتين اتقولي الي ترى نزلته

المهم اقول ليكم ويش صار

راحت اميرووه للحمام واني اشتغلت رادار اشوي اكلم الي ورا وشوي الي قدام

وفجأه ادزني صاحبتي وتقول شوفي اميروه ...

عدلت جلستي والا المشرفه مكلبشه في اميروه واني على نار لا اني اسمع ولا اني قادره اصبر لين اتجي اميروه.....

لين جت اميروه ووجها ما يتفسر **

كيان:اميره خير ويش صاير....
اميره:الـ........ قهرتني اتخيلي

وراحت اتقول قصتها

رديت عليها:اصبري هم كذا سخيفين ولا اول مره ولا آخر مره مالش دخل ابها..

حسبتها بتنفجر من القهر فحبيت اسكت عن الموضوع لين تهدأ براحتها وكملت هدرتي
مع الي حاولي.وهيه حطت راسها على التابل بصمت ...

فجأه في نص هدرتي مع الي حوالي شفت وحده اتقولي :امبى كلينكس....(ابغى)

والا الخت اتصيح

ما صدقت اعيوني

وليش اتصيحي على وحده بايخه ....طول عمرهم كذا مو شي جديد

رحت اسأل صاحبتنا اذا فعلا اميروه اتصيح قالت ايه

طبعا حاولت اهديها لقيت عمري ثورتها بدون قصد وصارت تهدر وتسب وتلعن

وعشان اهديها وفي نفس الوقت لا الفت انتباه البنات حوالينا (لا يسو الينا سالفه)

قلت اغير الموضوع ابرك قلت مالينا الا حاجه اضحك واعصر مخي ادور يمين شمال نكته

قصه شي ما في

وفجأه ذكرت موضوع قريته في المنتدى عن اجابات طلاب في مادة الرياضيات

واذكر اني اتفجرت ضحك مسكت ورقه وكتبتهم اليها

ولا اشوف الا اميرووه بتموت من الضحك .....(الحمد لله رجع المود)

وعشان انزيد من حلا وتهم قمنا انرسل الورقه للبنات في المحاضره وماتسمعي الا الضحك

وكل ماضحكوا رجعنا نضحك المهم عدت على خير...الا على جنون

حت من كثره في المحاضره الا خيره قعدوا قدامنا بنتين شعرهم طويل

طبعا مسكنا وسوينهم عبله وحده...وقاموا البنات بضحك

وعدينا اليوم على اخير

واقول الى اميروووه

اتعيشي وتاخذي غيرها