اقتباس المشاركة الأصلية كتبت بواسطة أمل الظهور مشاهدة المشاركة
هلا امووورة
هلهل هلاهل


هذول الاسئلة عقوبة لك على اجوبتك على دموعه الغلا <<ذابحتنها الغيرة
هههههههه يلعن يوم الغيره يا شيخه



استلمي :
اهووو جيبي .. ويش ورانا غيرش.. حاطه رجول على رجول حضرتي وما وراي الا اسئلتش وتحقيقش


1_دراستك من اول ابتدائي لحد ثالث ثانوي بعدها العليه=كليه .....\
متى وجدت دوائر حمراء في شهاداتك



(اعترفي ولا تشلخي ) .
ههههههههه حلوه اعترف ولا اشلخ.. والله من اول لثالث ثانوي واني دافوره ما ارضى بأقل من 98% ما شالله علي من دخلت العليه انتحس حظي وتبهدلت احوالي وطحنا ومحدش سما علينا. .


2_اي سنه دراسية تذكريها اكثر شيئ غالية على قلبك مووت؟
سنه ثاانيه ثاانوي .. ياويلي عليها احلى سنه ..


3_ سنه دراسيةحسيتي نفسك مظلومة فيها؟
خخخ سنه اولى عليه اقصد كليه



4_ذكري لنا 3مواقف حصلت لك الاول بالابتدائي والثانيبمتوسط والثالث بالثانوية واذا تقدري تقولي موقف


بالكلكلك =كليه<<<<< هههههه حلوه عجبتني كلكلك.. والله ما تستاهل تدليعها دلعيني اني احسن...<< خخخ عدتني ام العبايد بالغيره ههههههه

غير النعال المقطوع لاتقصري ..بس ها
ههههههه بعد غير النعال المقطوع .. ههههه.. موقف بداية الشهره شكله من جد .


.ماابيهم مواقف صغار ابيهم طوال لااقبل اقل من 5سطور
لكل موقف انتبهي مو تلعبي علينا تكتبي كل كلمة سطر ابيهمسطور كاملين ؟
لا موضوع تعبير هههه متى التسليم يا ابله ؟؟OK
هههه المشكله ان اللي اتذكرهم عدل عدل واحلاهم خخ حطيتهم بقصتي امول
بس بعصر مخي ادور لش غيرهم
ممممم
بالإبتدائي : كنت احط دوبي دوب ابله التدبير المنزلي .. كله شباق وياها خخخ..... اني ما اعرف اسوي غرز بالصوف.. ويوم عرفت خخخ صار شكل القطعه بدل مربع مثلث.. ولا تسأليني لويش خخ.. وتقعد تتمسخر علي .. واني احقر .. واطنش واذا شافتني كذا.. تنقهر فيني .. وتخليني اغسل المعاين.. واصير العب في الصابون ولا اغسلهم.. تجي تمصع اذوني خمي المكان.. واني لاااا ... لويش مافي الا اني.. خخخ وهي عناد ترى ما بحط لش علامات.. صدق تتعلف فيني..مره طلعت من الفريزر قالب لحم مفروم وشكله الحمد لله بتسوي حشوة سمبوسه.. لونه ابيض ما ادري كيفه عاد اني ويا التعاليق.. والبنات ملتمين زي الذبان حواليها وهي تشرح.. خخ وتفتح داك القالب وتطرحه بالمقلى.. بل مصارعه خخ.. واصرخ اني بمسخره : ويييي الحمد لله هادا ويش لونه .. .
ولا اشووفها الا دايره لي وتوخر البنات خخخ تبغى تصديني وبيدها ملعقه الخشب .. واطلع ركيض من المطبخ.. خخخ.. واذا صارت تطبخ تحك شعرها.. اني اتنرفز ..وتقعد تقول اللي تاكل بتعطيها علامات.. ويتشابقوا البنات على الصحن واني بعيد وهي محمقه على مكتبها تطالعني وعيونها تطلع شرر .. خخخ بس اخر السنه يوم جينا نتخرج طبعا هذا كله بصف سادس.. مسكينه جتني تتعذر وتقول من محبتها تسوي كذا وتضحك .. ويش اقول والله حاله..
بالمتوسط: بحصة التفصيل .. خخخ ذكرياتي كلها في العملي.. المهم درستنا وحده اخاف منها تجيب الرعب أي بالله ووسخه بشكل مو طبيعي تخيلي تطلع العلك من بوزها وتحطه على دفترها التحضير وتغطيها بالكلينكس.. خخ على انها نظيفه يعنو .. لويش حق بعد الشرح للشوط الثاني ..ويييييييع.. خخ مره كنا مسويين بالورق الشفاف ما ادري ويشو ماني خبيرة تفصيل اني مسويين التفصيل تبع بلوزه واروح اني اقص منه نتفه على جنب واخرب السالفه وتجي بتجمع الكراسات يمااه ,, واحط كراستي بالنص وفيني الرعب.. وتجي تصحح ولا نسمعها الا تصرخ .. : مين الحيوانه هذي اللي .... سوت وسوت.. ما ادري ويش المهم غلط.. خخ اني ينشف دمي .. اشوى ما طلعت اني .. وانتهت الحصه وخذت الكراسات وياها ..
بالثانوي: ياعيني على الثانوي ومقالب الثانوي الواحد كلما كبر استنحس .. خخ .. اول موقف اثبت فيه لعانتي بجداره خخ << اعتراف.. كان بداية السنه ما اخذنا اسبوع ومديرة هالمدرسه معروف عنها انها شديده مووت وقويه.. اني الله يخلف علي ما ادري ان نافذة غرفتها قبال باب الشارع.. واصير اني ويا الربع ننتظر هالسواق متى يجي .. ننتظره داخل طبعا .. واحنا سواليف .. والحمدلله ما حشيت بأحد خخ توي اول اسبوع ما قلنا بسم الله.. واصير اهلوس على البنات : اقول.. بطلع اني .. لالا بطلع .. حريقه تحرق دي حاله زهقت. . يللا فأمان الله .. واني ماشيه للباب .. كنت اتمسخر باروح اطل بس باشوف جا الهندي لو لا.. وزين ما قلت جمله كانت فبالي ..وهم يسألوني كيف بتروحي .. كنت باقول على دباب ريلي خخخ ريلي=زوجي خخ
بس قطع علي هالجمله هدوء البنات الغريب فجأه وصوت وحده وبقوه ورهبه تقول : تعــــالي يابت .. تعالي .. دخلت اطالع وين الصوت والربع صاروا زرقان من الخوف ولا ارفع عيوني على النافذه الا بقعه ..خخ وجهها في الشبك .. كانت تراقبنا.. واروح ليها واني انتفض بل ما تسوى علي .. وتقعد تحقق وياي وين رايحه واني ارميها شلخه .. ها بيت خالتي .. صدق بيت خالتي كان قريب.. بس اني اشلخ.. الا هي تقول : اعطيني رقم بيتكم.. بل بل خخ تحقيق وعطيتها اياه.. وتدق بيتنا وتخلع امي يوم تقول ليها بنتك فلانه فلان ..خخ امي : ايه ويش صاير خير .. المديره: لا بس اكتشفنا بنتك راح تطلع والسواق ما جاها ... اني فبالي : بللللللل اكتشفــــــــــنـــــــــااا .. ههههههه ويش مسويه اني... وامي الغاليه يااعيني ترقعها وبكل عفويه : لا مستحيل تلاقيها بتروح بيت خالتها .. نياهاهاااهاها ياهوووووو .. خخخ مشت الشلخه
املوووه يكفي .. وايد.. طولت... وبالكليه خخخ حطيت الموقف بالطرائف عن ثلاجة البيبسي شوفيه بعدين خخخ.. لا يفوتش .. من زمان كاتبتنه,, وما بعيد سالفته هنا.. قريه هناك احلى وهذا الرابط
http://www.alnassrah.com/vb/showthread.php?t=16178


5_اميرة بما انهااكبر اخوتها ..هل تمنيتي يوما ان يكون لك اخا اكبر او اخت؟
ايه الصراحه تمنيت يكون عندي اخو اكبر مني .. صحيح خوالي كلهم مثل اخواني وزود بس من جد تمنيت يكون لي اخو اكبر مني

6_اميرة ...تمنيتي تكون املوة <<هي انت اصغر عيالكانا>>>> ههههههه لا صدق مهلوسه. .


المهم ..تمنيتي تكون ام العبابيدو مو متزوجهخخخ؟
ايه والله .. بس افا راحت علي ههههههههههههههههههههههههههههههههههههههههه
خيتي اني ما اتمنيت بس تفاجأت يوم دريت انش متزوجه وعندش عبودي بعد.. خخخ طلعتي بعمر جدتي هههههه
امزح والله مافي فرق كلها 3 سنين .. شحليلك يا ام العبايد والله الله يخلي لش زوجش وعييلش..


7_اميرة كم عندك اخو واخت ذكريهم ..وقولي اعمارهم وعطينا

صفوفهم وهل تتمنين يكثروا؟
عندي 4 اخوات:
  • سنه اولى كليه
  • ثاني متوسط
  • ثالث ابتدائي
  • 4سنوات
و3 اخوان
1. بثالث ثانوي
2. سنتين ونص
3. سبعه شهور
الله يحفظهم ويخليهم .. ولا ما اتمناهم يكثروا وايد على امي تتعب ..


8_الاقرب في العائلة لاميرة من جهة الام او الاب يعني الخالات العمات

عيالهم ذكري منووالسبب وهل تعرضتي


لموقف مؤلم معاهم؟
اقرب شي لي خالتي وتعرضت مره لموقف الله لايعوده .زعلتها بجمله لأنها قهرتني بسالفه وكانت جايه بتنام وياي .. قامت اتصلت لخالي رجعته من العمل يمرها اني طنشت الوضع لين حسيتها وهي تقول مع السلامه انها من جد خذت على خاطرها .. وشوي ترسل لي مسج يعور القلب خلاني اصيح صياح,, وادق عليها ابغى اعتذر واكلمها من جد لأنها اكثر من مجرد خاله.. وهي ابد ما ترد .. لين ردت ,, وصرت اصيح واني اكلمها .. واني اعتذر .. لأني من جد جرحتها بهالجمله,, الله يهديني عفويه طلعت مني .. وتصالحنا,, والله لا يعوده من يوم ..


9_بما انك تمنيتي قسم معين بالكليه والدراسة ...اشرحي لنابالتفصيل كيف شعورك ؟
املووه ويش سالفة التفصيل عندش هاا تبغي تتعبيني من جد ترى بعد هالسالفه مو بس تتعبني جسميا واني متكسره على اللاب وطايحه خيوطي.. تتعبني نفسيا بعد.. بس خليها على الله خيتي
شعوري .. بالمختصر محرومه.. من قسم حلمت وللحين احلم فيه.. ومستحيل يتحقق .. شفتي شلون خيتي.. سراب .. خليها على الله وعسى ان تكرهوا شيئا وهو خير لكم وعسى ان تحبوا شيئا وهو شر لكم والحمدلله على كل حال..


يلا جاوبي على هذولعضوة او عضو
ياا ذي الوهقه ..ملاااااااااااااحظه : تراني صريحه بالمره.. فإذا في شي يزعل راح اقول.. هاااا .. اوكيه واتمنى ما احد يزعل ..

طبعا هالأسئله ما قصرتي ويش طولهم
فعلى ردين الحبايب توزعوا عن الزحمه خخخ