بسم الله الرحمن الرحيم
اللهم صلي على محمد..
اللهم صلي على محمد وال محمد وعجل فرجهم ياكريم
هاهاهاهاهاها والله وصدناك اميروووووه
مصيوده من زمان وانتهينا خخ
وينك يجميل ورين الاجابات بس انا ادري ان الاخوان ماخلو فيك حول وكرفوك بالا سئلة بس هذا دوري..
الله يستر
والظاهر ان الاخوان ماخلو لي اسئلة وقامو بالواجب فشكرا لهم والي عنده اكثر يحط قبل لا ينتهي اللقاء وانا زي وعدتك بنشوف منهو الي ينفقع راسه اليوم من الهدرة اميرة وانا كنت من زمان انتظر هاللقاء..
بعد ما انتهت اميرة من الامتحان وتجاوزته بجدارة اليوم عندها هنا مقابلة شخصية واتمنى تكون مستعدة ليها...
اميرة في البداية كيف وكيف الصحة انشاء الله بخير..
مستعدة خيتي للمقابلة..
الحمدلله على كل حال بخير ويللا مستعدين
اوكي خذي نفس عميـــــــــــــــــــــق
طلعيه
مافيني شده خخ
اوكي يالله نبدء.
بسم الله
س- اميرة المرح هل اخترتي هذا الاسم لانك شفتيه مناسب لشخصيتك والا بس لقيتي اسم حلو وحاولتي ترسمي شخصيته.
لأنه مناسب لشخصيتي اصلا اللي يرسم شخصة المرح وخفة الدم تطلع عليه بشكل عكسي خخ
س- اميرة معروفة بروعة شعرها وكتاباتها (وهذي صراحة وانا اشهد) هل هذه موهبة استهويتيها او انت تعلمتي كتابت الشعر واذا كان تعلمتيه كيف بداتي التعلم وهل لقيتي صعوبة انك تكوني شاعرة.
اشكرك اخوي مو تعلم الحمد لله موهبه فيني وافتخر بها واحاول اصقلها قد ما اقدر
س- اميرة انا اشوف روحك المرحة بالردود وبعض الاحيان بكتاباتك ولكن انا ايضا ارا ان في بعض كتاباتك اسرار مكتومة.. هل لوجود معانات او ماضي حتم على وجودها ام مثل اي شاعر يكتب عن اي موقف يصادفه ولو بمشهد بالتلفزيون..
مثل اي شاعر من المواقف واخش معها جو ,, اما ماضي ومعاناة مافيه والحمد لله الله لا يبلانا
س- اميرة المرح هل تحبي الصداقات الكثيرة وكيف تختاري صديقاتك وهل لديك صديقات اعضاء بالمنتدى ويمكن نعرفهم اذا مافي مانع.
ايه احب الصداقات الكثيره وصداقاتي بالمنتدى معروفين وواضحين وما يحتاج اذكرهم اخاف انسى احد ما شالله علي خخ
س- اميرة كيف تعريفك للرجل الذي يستحق الاختيار من النساء المتوازنات بالعقل.. اقصد الرجل الذي يستحق التضحية من المرأة..
الرجال اللي ما يشوف في الدنيا غيرها و لا يرتاح الا معها
ويصارحها بماضيه ان كان له ماضي وينساه لأجلها هذا اللي يستاهل التضحيه سواء كانت المرأه عقلانيه او عاطفيه
س- اميرة هل لديك مواهب اخرى غير الشعر والرسم ... ماهي..
اشغال يدويه .. اشتغل بالكمبيوتر فلاش وفتو شوب .. حنايه "احني" خخ شوي مو مره .. اعرف شوي لشغلات الكوافير شعر على ميك اب خخ بس وايد لا تحسدوني ..
س- اميرة ممكن تقولي لينا جدولك اليومي الروتيني كيف هو يعني من جلستك الصبح اكيد بدون ذكر الاشياء الخاصة.
خخخ زي ويش اشياء خاصه ههه ما في شي جديد اقعد صبح.. روح كليه.. يرجع من كليه.. نوم .. يقعد يفتح كتاب اذا فيه نفس .. يعسعس على النت .. نوم.. خخخ طبعا عباده واكل وبس
ها تعبتي اشربي لش شوية شاي او عصير وبعدين كملي..
لا والله ما تعبت خخ ما سويت شي مقارنه مع هلاكي من امول الغلا
س- امووووورة بصراحة هل ازعجعك ياسر باي شي ومن هو ياسر برأيك وهل يستحق بان يكون اخ.. (بصراحة وان كان شي بيحرجني انا مستعد).
دامك قلت بصراحه.. الصراحه خيي ايه يزعجني اسلوبك احيانا في الرد على خواطري احسه ملفت للنظر خيي اتمنى ما تزعل صحيح خواطرك حلوه وبالمره ابداع.. بس كأنك تخاطبني فيها الصراحه.. اني قلت يمكن اني بس اللي احس كذا بس بعدين يوم سمعت من غيري انهم لاحظوا هالشي وانه مبالغ فيه بالمره .. حسيت بإحراج اخوي .. انت ما تقصر وصحيح غيرك من الأخوان احيانا يردوا علي بخواطر بس تتكلم عن نفسهم .. مهي بأسلوب مخاطبه مثلك..
وياسر علي. انسان احسه طيب ومزوح وواثق بالمره وبالنهايه هو . اخ ومشكور على جهوده.. واتمنى ما ضايقك كلامي بس الصراحه راحه
س- اميرة كيف وصلتي للمنتدى وهل يشغلك منتدى آخر او هي الدراسة الي مالية وقتك.
خخخ الدراسه تملى وقتي << شلللللخه عالميه من اميروه
وصلت للمنتدى عبر وحده من الخويات .. وتوي بس مسجله من فتره قبل اخر غياب بمنتدى ثاني جديد ..خخ خلنا نثبت الخطا هناك وتكون لنا الأسبقيه .. بس شغلي اكثر هنا بالناصره
س- اميرة لو بالصدفة وفي اي مكان لقيتي احد الاعضاء وعرفتيه (عضوة او عضو) انه هذا العضو وش بتسوي او ماردة فعلك...
عضوه ممكن اعرفها.. ردة فعلي بستانس وبسألها عن شكوكي ..
مع اني ما ظني هالشي لأن ناس وايد شخصياتهم بالنت غير الواقع
اما عضو ..ههههههه كثر منها وشلون هذا باصيده ولو بالصدفه خخ
س- اميره ماهو المستوى المادي الذي ترضي به في المستقبل..
الوسطيه .. لا غنيه وانحسد ولا فقيره وانعدم
س- اميرة القصة المتسلسلة الي كتبتيها كيف بديتيها ومن اين استوحيتي الفكرة بالاصل وكم تستغرقي بكتابة الحلقة وكيف هي المشاكل التي تواجهك في الكتابة..
بديتها في خيالي .. بعض احداثها من الواقع وسويت عليها اكشنات وزودت السواليف .. استغرق في كتابه الحلقه اذا المزاج رايق ربع ساعه اذا مالي خلق والأعضاء قايمين قومه الا تطوليها ولا تتأخري اقعد ساعه ويالله بعد خخ واحيانا اطول ولا انزل حلقه .. لازم المزاج رايق عشان تخشوا معها جو وكذا حلقه نزلتها واني مو راضيه عن مستواها بس ويش اسوي حكم القوي
(وانا اتابعها دائما اذا مو يوميا واسبك اذا ما كملتي ههههههه يعني موجود حتى لو مارديت وبتعرفي سبب عدم الرد بالخير)
هههه لا يا خووك لا تسبني ما فيني شدة سبايب واللي يرحم والديك
ونشوف السبب على خير
س- اميرة مشاكل كثيرة بمجتمعنا.. ماهي اكثر مشكلة تشغلك واثرت بك هذه الايام بالتحديد...
الظلم وربي والمعامله الزفت والحقاره << سوري على هالمصطلح
بس من جد المعامله الزفت لنا كطالبات علم بالكليه
س- اميرة ماهو رايك بهذه المقوله.... الرجل يستطيع ان يحب اكثر من امرأة ولكنه لا يستطيع نسيان اول حب وبالعكس المرأة تحب رجل واحد ولكنها اذا ارادت ان تنساه فهي تنساه ولو بحب ثاني.. وماهو تعليقك..
الرجل والمرأه طرفان متعادلان بالمشاعر .. يعني اللي يقدر ينسى بينسى رجال والا امرأه .. بس هالمقوله نسبة الصحه فيها كبيره
وخصوصا من ناحية المرأه لأنها عاطفيه وتقدر تحب من جديد اذ لقت من يستاهل.. خيي ويش رايك انت بهالمقوله
الرجل ممكن ان يحب عدة نساء ويعطيهن لقب واحد في حياته
ولكن المرأه تحب فقط رجل واحد وتعطيه عدة القاب في حياتها ..
س- ماهو التخصص الذي تودي دراسته وهل نلتي ما تمنيتي يعني هل انقبلتي في القسم الي كنتي تتمنيه ... وما هو المستوى الدراسي الي تطمحي الوصول له..
خخخ ذكرت هالشي كذا مره بالمقابله.. كنت اتمنى دراسه هندسة ديكور بس ما حصل والسبب نقص حاد في فيتامين واو.. 
اطمح بس اتخرج اللحين من اللي اني فيه ولو بالدف لا اقل ولا اكثر خخ
س- طيب اميرة هل سبق لك الرسوب .. ان كان نعم كيف كان التأثير..
هههههههههههه الصرااحه .. بالمدرسه لا ابدا دافوره ما شالله علي اقل من 98 ما ارضى
بس من دخلت هالزريبه بسنه اولى حملت ماده مرتين وهذا هي علة على قلبي بهالسنه . وتأثرت بالمره وحاشتني نوبة حزن مهي طبيعيه بس نسيت بسرعه وتكيفت . وهالسنه على خير بااعيدها ..خخ لأني وبكل اعتراف رسبت . وباقيه للأعاده . والعيب مهو فيني .. خلها في القلب تجرح لا تطلع لببرى وتفضح.. وشعوري حاليا عادي قسى القلب وصارت عدنا مناعه خخ
س- اميرة في اي سنة انت بالدراسة...
سنه ثانيه بس المفروض ثالثه لكني سويت سنه اضراب عن الدراسه بعد ما تخرجت من الثانويه عناد يوم ما يقبلوني بالفيصل خخ
س- اميرة لو كان عيد ميلادي قريب وش تهديني (طبعا حتى لو كلمة)..(ترى هو قريب مرة من جد)
كل عام وانت بخير وعقبال مليون سنه عقبال ما يطيح اخر ضرس قول امين خخ
س- اميرة هل يطيب لك مزح ياسر معك او تري فيه بعض (الغفة) اي تستثقليه.
احــــيانا .. يغثني الصراحه خخ ..
س- اي نصيحة يحتاجها ياسر في الشعر او غيره..
الصراحه كتاباتك خيي حلوه بس تحتاج ترتيب افكار يعنو لما اقرى شي من كتاباتك احس عندك خيال وافكار كثيره بس تايه وتطير من شي لشي .. بس حلوه كتاباتك وخصوصا الفصحى. مع ملاحظه عليك خيو.. لاحظت في كم مره استخدامك مصطلحات عاميه في خواطر بالفصحى.. ياترى هذي حركه مقصوده منك واسلوب من اساليبك؟!!.
س- اي من الاسئلة التي طرحتيها في اللقاء مع ياسر فلم يجيبه بجواب مقنع.
كل اجاباتك مقتنعه بها .. لأن لكل واحد وجهة نظره.. بس الشي اللي قهرني في اللقاء اللي معك وما اقتنعت فيه قولتك انك منتظر اسأله ثانيه .. غير هالأسئله ومو هالأسئله اللي توقعتها مني ؟؟!!
س- اميرة آخر موقف عاطفي رايتيه بين اثنين وعجبك (حتى بالتلفزيون شفتيه).
والله خيي ما فبالي شي .خخ استانس على حركات الهنود في افلامهم عاطفيين بزياده . بس من زمان ما طالعت تلفزيون خخ
يعنو حتى لو طالعت ما حس شي يلفت ويعجب .. تلفزيون قرف مرض وحروب ومسلسلات وافلام تبط الجبد ومال الواحد الا توم وجيري اقعد اطلعهم مع اخواني احسن لي خخ
اهم الاسئلة واخرها..
-انتي طمنينا عليك صحتك وامورك مرتاحة انشاء الله..
وكيف الدراسة والاهل كل شي تمام..
الحمد لله كل شي تمام
اذا في اي سؤال تشوفيه مو محله او فيه بعض الحساسية مايحتاج تجاوبية وهذا اكيد..
لا عادي اخوي بس عسى اجاباتي وصراحتي ما سببت حساسيه
وطبعا هذي الاسئلة يمكن مو كل الي عندي بس الله رحمك ايدي مكسورة ومجبسة وهذا الي قدرت اكتبه بس اسئلة كثيرة حاولت اخليها لاني تعبت من الكتابة بيد وحدة.. واذا قدرت انزل غيرهم قبل نهاية اللقاء باحطهم...
عساه اخر جزء بس
المشاركة الأصلية كتبت بواسطة أمل الظهور
اوووه صح ويش رأيك اكمل لك الخمسين مرة واحده بس اربعين ...
رد: اللقاء السابع والعشرين مع قلماً تميز بكل مافيه صاحبة القلم الرائع الاخت أميرة الم
ابغى بندوووووووووووووووووووووووول
المفضلات