بسم الله الرحمن الرحيم
اللهم صلي على محمد..
هاهاهاهاهاها والله وصدناك اميروووووه
وينك يجميل ورين الاجابات بس انا ادري ان الاخوان ماخلو فيك حول وكرفوك بالا سئلة بس هذا دوري..
والظاهر ان الاخوان ماخلو لي اسئلة وقامو بالواجب فشكرا لهم والي عنده اكثر يحط قبل لا ينتهي اللقاء وانا زي وعدتك بنشوف منهو الي ينفقع راسه اليوم من الهدرة اميرة وانا كنت من زمان انتظر هاللقاء..
بعد ما انتهت اميرة من الامتحان وتجاوزته بجدارة اليوم عندها هنا مقابلة شخصية واتمنى تكون مستعدة ليها...
اميرة في البداية كيف وكيف الصحة انشاء الله بخير..
مستعدة خيتي للمقابلة..
اوكي خذي نفس عميـــــــــــــــــــــق
طلعيه
اوكي يالله نبدء.
س- اميرة المرح هل اخترتي هذا الاسم لانك شفتيه مناسب لشخصيتك والا بس لقيتي اسم حلو وحاولتي ترسمي شخصيته.
س- اميرة معروفة بروعة شعرها وكتاباتها (وهذي صراحة وانا اشهد) هل هذه موهبة استهويتيها او انت تعلمتي كتابت الشعر واذا كان تعلمتيه كيف بداتي التعلم وهل لقيتي صعوبة انك تكوني شاعرة.
س- اميرة انا اشوف روحك المرحة بالردود وبعض الاحيان بكتاباتك ولكن انا ايضا ارا ان في بعض كتاباتك اسرار مكتومة.. هل لوجود معانات او ماضي حتم على وجودها ام مثل اي شاعر يكتب عن اي موقف يصادفه ولو بمشهد بالتلفزيون..
س- اميرة المرح هل تحبي الصداقات الكثيرة وكيف تختاري صديقاتك وهل لديك صديقات اعضاء بالمنتدى ويمكن نعرفهم اذا مافي مانع.
س- اميرة كيف تعريفك للرجل الذي يستحق الاختيار من النساء المتوازنات بالعقل.. اقصد الرجل الذي يستحق التضحية من المرأة..
س- اميرة هل لديك مواهب اخرى غير الشعر والرسم ... ماهي..
س- اميرة ممكن تقولي لينا جدولك اليومي الروتيني كيف هو يعني من جلستك الصبح اكيد بدون ذكر الاشياء الخاصة.
ها تعبتي اشربي لش شوية شاي او عصير وبعدين كملي..
س- امووووورة بصراحة هل ازعجعك ياسر باي شي ومن هو ياسر برأيك وهل يستحق بان يكون اخ.. (بصراحة وان كان شي بيحرجني انا مستعد).
س- اميرة كيف وصلتي للمنتدى وهل يشغلك منتدى آخر او هي الدراسة الي مالية وقتك.ز
س- اميرة لو بالصدفة وفي اي مكان لقيتي احد الاعضاء وعرفتيه (عضوة او عضو) انه هذا العضو وش بتسوي او ماردة فعلك...
س- امير ماهو المستوى المادي الذي ترضي به في المستقبل..
س- اميرة القصة المتسلسلة الي كتبتيها كيف بديتيها ومن اين استوحيتي الفكرة بالاصل وكم تستغرقي بكتابة الحلقة وكيف هي المشاكل التي تواجهك في الكتابة..
(وانا اتابعها دائما اذا مو يوميا واسبك اذا ما كملتي ههههههه يعني موجود حتى لو مارديت وبتعرفي سبب عدم الرد بالخير)
س- اميرة مشاكل كثيرة بمجتمعنا.. ماهي اكثر مشكلة تشغلك واثرت بك هذه الايام بالتحديد...
س- اميرة ماهو رايك بهذه المقوله.... الرجل يستطيع ان يحب اكثر من امرأة ولكنه لا يستطيع نسيان اول حب وبالعكس المرأة تحب رجل واحد ولكنها اذا ارادت ان تنساه فهي تنساه ولو بحب ثاني.. وماهو تعليقك..
س- ماهو التخصص الذي تودي دراسته وهل نلتي ما تمنيتي يعني هل انقبلتي في القسم الي كنتي تتمنيه ... وما هو المستوى الدراسي الي تطمحي الوصول له..
س- طيب اميرة هل سبق لك الرسوب .. ان كان نعم كيف كان التأثير..
س- اميرة في اي سنة انت بالدراسة...
س- اميرة لو كان عيد ميلادي قريب وش تهديني (طبعا حتى لو كلمة)..(ترى هو قريب مرة من جد)
س- اميرة هل يطيب لك مزح ياسر معك او تري فيه بعض (الغفة) اي تستثقليه.
س- اي نصيحة يحتاجها ياسر في الشعر او غيره..
س- اي من الاسئلة التي طرحتيها في اللقاء مع ياسر فلم يجيبه بجواب مقنع.
س- اميرة آخر موقف عاطفي رايتيه بين اثنين وعجبك (حتى بالتلفزيون شفتيه).
اهم الاسئلة واخرها..
-انتي طمنينا عليك صحتك وامورك مرتاحة انشاء الله..
وكيف الدراسة والاهل كل شي تمام..
اذا في اي سؤال تشوفيه مو محله او فيه بعض الحساسية مايحتاج تجاوبية وهذا اكيد..
وطبعا هذي الاسئلة يمكن مو كل الي عندي بس الله رحمك ايدي مكسورة ومجبسة وهذا الي قدرت اكتبه بس اسئلة كثيرة حاولت اخليها لاني تعبت من الكتابة بيد وحدة.. واذا قدرت انزل غيرهم قبل نهاية اللقاء باحطهم...