المشاركة الأصلية كتبت بواسطة أمير العاشقين
1/ ما رأيك بالعباه ذات الالوانالمتعدده ؟
الصراحه .. مهرج ..والزايد ناااقص
الزبده راعيه هالسواليف وحده ناقصه ثقه بنفسها وتبغى تلفت النظر
2/ لو أهديتك وردتان
الاولى حمرا والاخرى بيضاء
فأي ورده تعطيها أميرالعاشقين
وأي ورده تهديها شبكة الناصرة؟
خخخ ويش هالسؤال عموما اني عندي حديقه مليانه ورود اوراق الورود دولارات من الورد هذا النوع الراهي ابو فلوس خخخ 
ابوزعها على الكل خخخ كرم حاتم طاري علي
3/ كم مره أنهيتي القران هذه السنه وكم مرة في رمضان؟
الصراحه والصراحه رااحه اني اقرى قران بس اختم في السنه لا
بس في رمضان .. اقرى ختمه.. لكن العام اسف ما خلصتها
4/ في رمضان البعض يفطر قبل الصلاه والبعض الاخر بعد أنتي من أي نوعواذا كنتي قبل الصلاه لماذا ؟
لول بيتنا بعد الصلاه لأنه اخواني صغار وصرت اعاند واروح اصلي قبل ويقعدوا يستنوني
الصراحه الواحد اذا فطر يثقل وخاطره يخمد ومافي شده شي واستغفر الله الصلاه يبغى ليها وعي طبعا
5/ ماذا أعجبك في الشبكةالعنكبوتيه ؟
مممممم الصراحه هدرة المسن.. تقرب البعيد والله
ومنتدانا الجميل ومواقع التعليم الخاصه بالكمبيوتر
6/ أذكري لي موقف محرج أبي أضحك طلبتك لاتقولي مافي شيفي بالي ؟
ذكرت واحد من المواقف من قبل اقرى اللقاء كله وتصيده خخخ ممم موقف ثاني...طيب
خخخ مره رحنا شاليه اني مع خالي وخالتي وخطيبته .. وركبنا دبابات..طبعا في مكان نسائي بس ما اكان في حريم غيرنا فدخل خالي معانا وجينا نشغل الدبابات ويالله لعب ..
جت اميروووه بتسوي حركه خخ ..باخمس بالدباب ... واسرع وافتر باسوي هذيك الخمسه المحترمه ويميل بي الدباب على جنب
اااااااه وامد رجولي خخخ واعيد التوازن مره متت من الخوف والفشله خخخ ولا اسمع الا الخال فاقع علي من الضحك امحق ... ويش هالحركه لا تعيديها يالخبله وتتكسري وتروحي فيها خخ اني ادراي الفشله..>>. لالالا اصلا هذي حركه مو بالغلط اني مميلتنه ما تشوف عدلته برجولي
خخخ امحق ترقيعه.. ومره اني وخطيبة خالي الا نتسابق... واتسابق وياها ويوم اغلبها لالا ما يصيرالاا هي اللي غلبت واتحداها تعيد السباق ونشوف و عدناه وصارت كل وحده منا تبغى تسبق الثانيه ومن الطمع ما ضربنا بريك وطاااخ اصفق اني بالكفرات نهاية الساحه واطير من الدباب ويصك راسي بالشينكو عاد ما ادري ويش تسموه.. خخخ سور الحديدوارجع مكاني على الدباب والله ارتج مخي رج .وخطيبة خالي صكت بصبية سمنت وتجرحت رجولها وصارت تصيح وانزل من هالدباب واني اترنح خايفه عليها وهي اااه واااه ... واشوف ويش صاير اشوى انرضت بس خخخ يللا عاد يكفي وايد مواقف
7/ أختاه وبصراحة متى خجلتي من والدك؟
بصراحه في عدة مواقف اخجلتني .. بس اسمح لي امير .. امتنع عن ذكرها
8/ ما رايك بالبنت التي تمتلك جوال وهي لم تكمل ربيع عمرها؟
بطر وشي ماله داعي ويش بتسوي فيه ذمية بالله
لا احد يقول لي زين طول ماهي تحسن استخدامه..
وربي طالعين موضه هاليومين حتى الأطفال من صف رابع وطالع لا وجهاز ببلوتوث من جد ليش ..؟؟؟
وكل من تعرفت عليه عطني رقمك وخذ رقمي .. من جد سمعت بهالحالات.. ليه مستانسه تبغى تعبي الجاز اسماء خخخ الصرااحه ماله داااعي .. ممكن يكون عند البنت مره مره اذا هي بثاني ثانوي
مع اني افضل لما تتخرج يكون احسن ..
9/ ما رأيك بتقنية البلوثوث الجديده ؟ وهل هي سلبيه أمأيجابيه ؟
والله خيي هالتقنيات سلاح ذو حدين و كل شي له سلبياته وايجابيته عن نفسي... تقنيه حلوه وعجبتني على الأقل لا نجنن روحنا بهالمحلات حمل نغمات وحمل صور وحمل خرابيط
10/ ماهو جهازك الجوالالمفضل ولما أخترتيه بالذات ؟
والله مؤخرا بعد سرقت جوالي .. اخذت بعد تفكير وتدوير نوكيا E50 والسبب ,, فيه بلوتوث والميموري خارجيه .. و اهم شي الميموري.. وشكله كلاسيك وحلو فعجبني
اذكري موقف حصل لك بالدراسه خيه ؟
خخخ يام الثانوي المتوسط مواقف والله
ما يسعني الوقت اقولهم.. واغلب المنتدى يعرفوهم خخخ و ان كنت مُصر تعرفهم تلقاهم في قصة من تأليفي بقسم القصص المتسلسه والروايات
11/ موقف حصل مع والدك؟
اني ادرس حاسب الي والعام حملت بسنه اولى مادة رياضيات جتني عله ليش يعطونا رياضيات يعني انجح فمواد الحاسب يحملوني رياضيات .وجاني ابوي الله يخليه لي ويحفظه الغرفه واني اصيح وانيح.. اني نادرا اذا صحت فأبوي مره تعاطف وياي وخلاص يابابا<< خخ اسمي ابوي بابا بتقولوا يقه قولوا.. ولا تقعدي تصيحي انتين اللحين حامله ماده شدي الهمه بس الدنيا ما خلصت... ولو تقعدي بالكليه بدل الأربع سنوات سبع ولاتقتلي روحش اهم شي نفسيتش سوي اللي تقدري عليه والباقي على الله و.. و..وصار يواسيني بالمره نسيت همي .. عاد خخخ صارت عندي مناعه اللحين رسبنا حملنا بقينا لأعادة سنه ما يهم... والله يعين من يدرس وياي بهالزريبه
هذولا أسئله أمانه عليك تجاوبيهم بصراحه وبدون مجامله عادي ترا ما فيشي قولي الصراحة
اكيد باجاوب بصراحه بس لا تقول بعدين اميره ما عندها ذوق خخخ
12/ لو طلب منك أمير العاشقين بيتين من خواطرك ماذاستهديه ؟
تركد وافهم الدنيا تراها حيل غداره ولا تقسى على عمرك وتخلي الهم اسواره
اذا الشي مو ملكك ابعد ولو قلبك اختاره واحذر نفسك لا صارت للوهم والسوء اماره
13/ ما رأيك بخواطر أمير العاشقين ؟ وما هي أفضل خاطرهأعجبتك ؟
الصراحه خيو اغلبها متشابهه قالبها واحد تصب فيه.. عذاب بالحب ..البعد عن الأمل والتفاؤل.. عتاب محبوب .. بالمختصر تعب وهم بسبب حب من طرف واحد او تعرض للخيانه المهم انك لحالك الحين صح.. ودايما نكرر من عافنا عفناه ولو كان غالي ويلعن ابو الحب اللي يخلي حياة الشخص كذا وهم ويقلب حياته وحياة اللي حوله .. يمكن اكون قاسيه بكلامي بس هالشي لمصلحتك اخوي . وتأكد ان كان من نصيبك فراح مليون بالميه يصيبك... افتح عيونك لساتك بأول شبابك والدنيا قدامك ان شالله تعيشها بعمر مديد وافراح وسعاده..بس اكثر وحده عجبتني اذا ما خانتني الذاكره في اسمها ...رسالتي ايتها الغاليه.. اللي كانت تحتوي رساله منك للمحبوبه فكره حلوه وجديده تضمينك للرساله في خاطرتك واتمنى لك التوفيق خيو
14/ ما رايك بامير العاشقين ؟ وما هي ملاحظاتك عليه؟
الصراحه ها.. انت قلت الصراحه.. حساس وواهم ويدور في حلقه مفرغه اسمها حب... وملاحظاتي عليه..
يبطل وهم ويتفائل بالحياه والحب ما يجي بكيفنا ندري غصب عن الواحد بس فكر بالطرف الآخر... الحب مو بالقوه وبكيفه اذا بيحبك او يرجع لك اذا كان من نصيبك صح والا لا خيي
فلا تتعب نفسك وراه...
اتمنى ملاحظاتي ما كانت ثقيله عليك اخوي
15/ كلمة تودين قولها إلى أمير العاشقين ؟ وكلمة تودين أن تنصحي بهاأمير العاشقين ؟
كلمه اود قولها لأمير: ابدعت في تصوير مشاعر المكتوين بنار الحب.. يارب يخفف عليكم بس ويبرد قلبكم
نصيحه:افتح عيونك زين اخوي ترى عذاب الحب مهلكه والواحد يتعقل ويبعد عنه اذا حس نفسه بيحترق بأصغر شراره فيه ...
عاد اخوي الا اذا كان هالعذاب حالي لك.. مع اني ماظني مبين من كتاباتك مدى المعاناه .. وانت وكيفك.. وهذا اللي عند اميره لك من نصايح
16/ هل أزعجتك أسئلة أمير العاشقين؟
لا ابد اتمنى اني بس ما ازعجتك ردودي
اسئله خاصة بطبقةالحب
17/ ما رايك بالحب ؟
اسمى وارق والطف واروع المشاعر الإنسانيه.. طول ما كان شريف ومن الطرفين...
18/ وهل رق قلبك واحببتي يوماً ؟ اذا احببتيفما هو شعورك ؟
لا .. خخخ للحين.. اتمنى ما يرق الا للشخص الصحيح اللي يستاهل مشاعر اميره << خخخ واثقه
ومع نهايه صحيحه وسليمه.. يارب
19/ لو تزوجتي وانجبتي طفلاً ووقع ابنك في دوامة الحب ماذاتفعلين ؟
ابوقف معاه وباخذ بيده .. دام انه صارحني .. بس اذا كان حبه من طرف واحد باحاول وياه يتعقل .. اذا حسيت انه مافي امل من الطرف الثاني .. وباحاول اكون جنبه واخليه قد ما اقدر ينسى .. ولدي وباخاف عليه يدوخ بهالدوامه
20/ ما رايك بمن فارق حبيب وغالي ؟
اذا غصب عليه.. الله يكون فعونه.. ماشي يخليني اقعد على اعصابي واني اطالع افلام الا هالمواقف .. ما احب اصيح قدام احد والاقي الدمعات تصب لحالها..خخ
اما اذا الفراق بسبب واحد من الطرفين.. خيانه والا غدر فباللي ما يرده.. رايي طاح حظه .. واسف على قلب حبه.. يولي...
21/ ما رايك بمن يخون ؟
احقر مخلوق في الكون.. وخصوصا اذا كان ملاقي الوفا والتضحيه من شخص ما يستاااهل ابدا ذره من وفاه
22/ هل خانك احد يوماً ما ؟
لا الصراحه الله لا يقولها... ما في شي بيني وبين أي احد عشان افكر بالخيانه من ناحيته.. مممم خيانه اصحاب.. ما عندهم اسرار لي.. ولا عندي اعداء والحمد لله عشان يروحوا ليهم.. يعني ماني خايفه من الخيانه ...
23/ هل عانيتي مأساة فراق صديقه غاليه لديك تحبينها بكلقواك ؟
الحمد لله لا.. صحيح فارقت اصدقاء كانوا غاليين لكن القطاعه منهم وماني متحسفه عليهم.. لأن غلاهم من النوع اللي يرخص مع الأيام .. اما احبها بكل قوااي خخخ ما عندي وحده احبها بكل قواي.. كلهم سوا .. في اريحيه ايه بس بكل قواي.. ههه عجيب المصطلح الصراحه
24/ هل ظلمك احد يوماً ما ؟
ايه... وعانيت وايد من هالظلم.. وصرت افوض امري لله واقول الله على كل من ظلمني..
25/ كيف تعاملين من يعاملك بقسوه؟
اذا امي خخخ تصير سالفه ويش طولها وتيك وتااك وكيييت وكييت
ونطلع بتهزيأه.. بس وربي مو من قلبي هالنحاسه.. وشوي وننسى عادي ..ابوي اخااف ...خخخ ... اذا قسى ابلع الجرح واغص فيه واسكت ..اما الباااقي خخ تكفي نظره وكم من كلمه من لسان اميروه تقطعهم تقطيع ولما يشبواا حريقه اعطيعهم طنااااش ولد اخو التطنيييييييييش وطنش تعش تنتعش.
الى هنا انتهي
وي ما قصرت اخوي هلكتني >>> ما احد قال لي اهدر خخخ
على فكره خيه انا ممن يتابعون كتاباتك
بجد والله وبدون مزح رووعه
تشكر اخوي ...وتلاقيني ما ارد صح
ليش لان قلمك يسكتني ما ادري ويش اقول
وكل مره اقول برد اهجل اقول لا ما يناسب الكلام
يعني لاتفتكري ما اتابع مواضيعك
عادي اخوي لا تحط فبالك ما افكر هالتفكير
وكلك ذوق
طبعاً لي عوده ما فيه يمه أرحميني
لا عااد وايد عليك بلغت الحد الإئتماني خخخ
وانشالله ما اكون أزعجتك
يعني شوي ..خخخ لا ان شالله اني بس ما ازعجتك ردودي
لي عوده خيه
اها اذا بتقفل الموضوع يعنو صح 
اميروه.. جتش خليفتش بالهلوسه.. ياويلي استعدي...
المفضلات