ما هي الصفة أو الميزة (الغريـبة)التي تتمناه أووو تتمنينها في زوجتك*او*زوجك ؟

[شذى الزهراء]

مرحبا فيكم .. اني اهم صفه ابيها في زوج المستقبل حنون وهادىء تسلمي اختي وعود ..شذى الزهراء

[حزن العمر]

أتمنى يميز شريك حياتي تواضعه
وحبه للدين واحترامه لي واتمنى يكون دايما مع
علماء الدين وبقربهم وابيه يرفعني معاه ولا ينزلني
لمستوى الذنوب يعني الخلاصة ابيه ملتزم محافظ
و ابيه غيور علي .. ويحب السوالف نفسي،،

وراح اذكر لكم تجربة شخصية ولو هي خصوصية لكن لا مانع
اني اذكرها للإستفادة ،،

مرة في احدى المرات دخلت مقابلة مع أحد
الأشخاص اللي طلب يدي وطبعا بعد ما سألنا وقالوا
ان الشاب زين ومحترم اني وافقت وقلت خلني اشوفه
تعرفون فضول بنات وابي اعرف و
اشوف هالحركات شلون اتصير هههههه المهم دخلت
بدون ما أرفع عيني لهذا الشاب جلست بجنب والدي
وجلس الشاب يتحدث عن نفسه لحد ما جاني الدور
وتحدثت فيه ايضا عن نفسي لحد هنا انا ماشفت على
الشاب اي نبرة تدل على انه مغرور او انسان مستهتر بالحياة
او انه مفكر الزواج لعبة وطلعة وروح وجيه ومافيها مسؤلية
لحد هو ما سألني أسئلة فعلا صدمت منها ،، طبعا ما راح
اذكر هذه الأسئلة بس في نهاية المقابلة اني رفضته لمنطقه
الغريب ولإنفتاحه للحياة بصورة ارفضها وبشدة ،،
الجميل في السالفة اني قبل ما اطلع جتني حرة لازم ابي اشوف شكله
عدل وفعلا قبل مااقوم شفت الشاب كان وسيم وفيه طول
على قولت ابوي اني ماشفت طوله
وحليو حتى اقول بخاطري الله وش حلاوته لكن ما يصلح مو بس هو حليو
عشان يستغر بروحه ويتفلسف ،، ومر يومين الا هم متصلين
ها وش راي البنت ترى ولدنا موافق ،، طبعا امي قالت لهم والله انتو ما تنعافون
بس البنت ماهي موافقة وليه ولماذا ومن هالأسئلة قعدوا يسألون ؟؟؟ المهم
السالفة انتهت على خير وكل راح في حال سبيله ،،
أسباب رفضي للموضوع :
إن الشاب كان لديه قدر كبير من الجمال الخارجي اما جماله الروحي
احسه مغرور من النوع كثير السهر مع اصدقائه يشرب سجائر في بعض
الأسئلة الا سألتها اياه كان عادي ومافي أثر الالتزام ولا الغيره على
زوجة المستقبل تفكيره بالارتباط بفتاة كان يعتبرها روتين يقوم
به الشاب في هذا العمر وهذا الا ضايقني جدا و رغم سنه
إلا انه لم ينضج عقليا بعد ،،

<<<<<<<ادري هدرت واجد

تحيتي العطرة لكم
حزن العمر