كبرياء يعترف ...

[Princess]

ياغلاي من محبتك جيت ابكتب لك قصيده

جيت ازف الشوق بجنه لقيتها عندك بلاد..

يا حياتي شردت هموم قلبي واهاته الشديده
واسكنت قلبي وعيني وصرت لجروحي ضماد..

ياما كنت استصعب الحب.. وياما كنت اعند عنيده
ياما عذبت لك روحك.. وظلي الدايم عناد..

ان بغيت الصدق.. كانت روحك بدياري الوحيده
مخاويه روحي بحياتي وصايره لها ماي وزاد..

وكلما قلت عذبتيني .. برحل .. واصبح عنك بعيده
ادوس ع قلبي.. واكابر.. واحترق بنار الوقاد..

براحتك ..!! اذا بترحل اتمنى لك عيشه سعيده
وبداخلي تحترق روحي بصمت وتضيع مع النسمه رماد..

اودعك.. واطرد الحس من داخلي اقسى طريده
الودااع.. واحسن حل الفراق.. مع توديع وبعاد..

وارجع...... وترجع.... وكل يدور غلاه وحبه وعيده
نلتقي.. تهزني دمعه.. ونعتذر..عالجفا..و بالآخر حنا عباد..

وبعدما كانت مشاعري تايهه وحافيه وعلى الحديده
مع من صرت غناته اغتنيت والله كتب الحب واراد..

وين القى..مثلك؟؟ في حياتي له مكانه جداً فريده
غير قلبك.. ياقلبي.. ماظني القى بوقت الشداد...

ودمتم بحفظ الرحمن
اميــــــــــــــ MAـــــــــــــــــــــــرة المرح

[نور الهدى]

الله يعطيك العافية

وعساك على القوة

وتسلم الايادي

تحياتي لش خيتو

اختك ام محمد

[محمد]

اختي اميرة المرح

رســـمتى لنا لوحه فنيه من لوحاتك الرائعهـ . .
فــكان الابداع هو عنوانـــها
و البرواز هو احساسك المــزخرف لها


اتضح ان لكـ من اسمكـ الكثير
فاحساسك الراقي والرائع
اتضح في حروفكـ وفي ثنايا اسطركــ
قمة الوفــاء والجمال والابداع والمتعه
وجدتها هنا في متصفحك الندي

شكرا لك ايتها الرائعه ..


أيتها الإميرة المتوجه على عرش ذلك الصرح الرائع

دائما لحضورك بريق خاص يلمع لمعان الماس

يدغدغ قلوبنا بأرق وأعذب أحساس

كلماتك منتقاه بدقه الفنان ومملوؤه بأجمل وأرقى الالحان

سحرت العين وأعجزت اللسان


دمتي بارق تحية...
ودام توااصلك على الخير والعطاء

[همسات وله]

وين القى..مثلك؟؟ في حياتي له مكانه جداً فريده
غير قلبك.. ياقلبي.. ماظني القى بوقت الشداد...

الله يسلم هالقلوب الحلوه اللي مافي مثلها
وياسلام على هالكلام اللي قالته حلوه مافي مثلها
واطرب اذان السامعين ومتع عيون القارئين من درر ما في مثلها
تسلمين اميره الاحساس على هالاحاسيس اللي ما في مثلها
مع تحياتي لك
خيتك همسات وله

[Princess]

خيتي ام محمد
الله يعاافيش
ويخلييش
وزياارة محمد وال محمد
يعطيش
دمتي بحفظ الرحمن عزيزتي

[Princess]

خيي محمد
تشكر من عميق القلب على التواصل المميز
اخجلني اطراؤك
ولا املك لك الا الدعاء
دمت بحفظ الرحمن

[Princess]

والله يسلم لي هالهمسات اللي ما في مثلها
يعطيش ربي مليون عافيه على هالتواصل الحلو
وعلى هالكلام الروعه
تشكري عزيزتي
ودمتي بحفظ الرحمن

[القلب المرح]

اقف متعجبا لما اقرأه منك
هل هذه بالفعل كلماتك؟؟
انها رائعه جميلة تعبير ولا ارووووووع
ولم اخطئ في تسميتك اميرة الشعر والخواطر بالفعل فانت تسحتقين ذلك اللقب
يعطيك الله العافيه اختي
واصلي كتاباتك فنحن بإنتظارها
تحياتي لك بالتوفيق..

[أمل الظهور]

امووورة غاليتي :

خاطرتك اخذت وجداني فتأملت كلماتها كثيرا ...همت مع حبات اللؤلؤ المنثور من قلمك ونبضك ...

عندي لك تعليق بسيط ..مو هني ..هناك ها ..!!!!

سلمت يمينك حبيبتي مومو

[Princess]

اخي القلب المرح
الروعه تواصلك لا عدمته ان شالله
ويعطيك الف عافيه
وربي اطراؤك هذا كثير علي
دمت بحفظ الرحمن

***************************************

خيتوو اموووله الغاليه تسلمي على الطله اجميله واكلام الأجمل
خخخ والله يستر من تعليقش بس دامه هناك مو هنا
هههه
بنتظاره
ودمتي بحفظ الرحمن

[شمعه تحترق]

جيت لك كلي أماني نبتدي صفحه جديده
تنطوي صفحة عذابي وينتهي هذا البعاد

لامني قلبي فبعادك ردت أفعالي العنيده
والله توبه ما اعاند بـ3 انت طالق ياعناد

حتى شعري في غيابك ماعطى كلمه مفيده
ماكتبت أبيات تسوى .. لو بذلت الأجتهاد

اعترف .. اني بعنادي مثل من ضيع بإيده
جوهره قلبه وحياته وعاف عمره والبلاد.
,,بقلم شمعه,,





بعض الحروف تجبرنا على البوح
تلك هي الحروف النابضه بالحياة
أميرة دمتي في تألق

[عيون لاتنام]

سلمت يمناك أختي أميرة المرح على ماخطته من كلمات رائعة وصادقة
تمنياتي لك بالتوفيق دائم وابدا
أختك
عيون لاتنام

[أمير العاشقين]

أميره يا أميره

هذا كل الي اقدر اقول

أمــــــــــيرة والله يا أمــــــــــيرة


الله يعطيش العافيه

واستنى جديدك
أخوك
أمير العاشقين

[فرح]

أمـــــــيره
روووعه واكثر من رووووعه تسلم يدينك حبيبتي
ولاحرمنا الله ابداااااعك المميز
تحيااااتي فــــــــرح

[Princess]

عزيزتي شمعه تحترق منوره يالغلا وتسلمي على هالبوح الجميل في صفحتي ولو اني اعتب عليش خيتي
لوووووووووووووووووويش ما قبلتي اللقاء هاااااااااااااااااااااااااااااا
مو حرام عليش خخخ تطيحي اميره وهي لا حااسبه ولا كااتبه بس حوبتش والله ما احد قال لي اقوم ويا الثنائي المرح بيسوو وامول عليش
خخخ
يعطيش العافيه غناتي
ودمتي بحفظ الرحمن