سلااااام عليكم اعزائي .. اخباركم.. ان شالله تمام... رجعت ليكم اميره وهدرتها... واليوم تبغاكم تشاركوها الهدره وتنتظر رايكم في هالموضوع.. راح اقص عليكم قصه.. وبسألكم في نهايتها...
. يللا اميره.. بدينا.. يللا......

بسم الله ..


السالفه وما فيها ..شاب سني .. عمره 25 سنه.. متفتح ومحب على الإطلاع.. ويوم من الأيام.. قرر بعد تفكير وبحث طويل انه يتشيع.. اللهم صلي على محمد وال محمد وزود عددهم يارب.. وفعلا.. تشيع الأخ.. والحمدلله.. اهله من النوع اللي مهم متشددين فما تبروا منه ولا صارت بينه وبينهم مشاكل وعلى قولتهم هو رجال كبير وعقله في راسه ويسوي اللي بغاه .. اهم شي انه مسلم ..وتاركين له حرية التعبير عن رايه ويقدر يمارس قدامهم العبادات بعد التشيع بصوره مريحه. بدون ضغوط ولا تعصب. والحمد لله..
مرت سنه ونص وهو على هالحال.. صار يدرس عن الشيعه ويشتري كتب ويجلس مع الشيوخ.. لين فهم امور دينه شوي زين..
اخونا في الله قرر انه وييطلق العزوبيه .. ويتزوج .. طبعا ماراح يطلب من اهله انهم يزوجوه .. لأن مذهبهم غير ومن وين يدوروا له بنت الحلال...
صار يسأل اصحابه من الشيعه.. والشيوخ.. وصار يطق باب باب .. طامع في القرب بالحلال...
وللأسف كان يطلع في كل مره مصدوم بالرفض الشديد له.. وجملة ظل صداها يتردد في مسمعه
: اصلك سني شلون نزوجك بنتنا؟؟؟.. فرضا حنيت لأصلك !!!
اخونا كان متمسك بشده بالتشيع.. وما دخل فيه الا بعد تعمق واقتناع... وخاطره انه يلاقي بنت الحلال اللي تمسك بيده وتكمل معه باقي المشوار وتكون له المدرسه الصالحه قبل الزوجه.. صحيح الكتب والشيوخ ما قصروا وياه وكثر الله خيرهم.. بس ما بيلجأ ليهم على كل وقت وبكل صغيره وكبيره.. يبغى يلاقي له السكن والراحه.. بس افا.. ماحصل الا الأبواب قامت تتسكر في طريقه..و لا احد يقترح عليه ياخذ وحده من برى هو ما يبغى الا من بلده.. وتكون صالحه وفاهمه امور دينها .... اخونا تعب من هالحال. لين وصل 27 سنه والساتر الله يمكن يعنس وهو على هالحال..خخخ والله ما ادري ويش يكون مصطلح متأخر عن الزواج لللشباب... بس تعب من جد وهو يلاقي الرفض...
وكان يسأل اصحابه دووم..

ليـــــــــــــــــــــــش... ؟؟؟

مو انتوا تدعوا للتشيع وتفرحوا اذا انتسب ليكم واحد.. ليـــــــــــــــــش ترفضوني اللحين.. ؟؟؟؟!!!

ادعوا لأخوكم بالتوافيق والثبات.. وانه يلاقي بنت الحلال اللي تسعده وتسر خاطره وتاخذ بيده...
وسؤالي...
خيوو ايها القارئ لو تقدم متشيع لبنتك او اختك ويش موقفك منه وبكل امااااانه.. مع ذكر الأسباب في كلتا الحالتين رفضا او قبولا؟؟
ونفس الشي خيتي ايتها القاارئه لو تقد لش متشيع ويش ردش عليه... والسبب في كلتا الحالتين رفضا وقبولا؟

منتظره تفاعلكم.. وارائكم

وبالنهايه... اسأل الله زيادة اعداد شيعة محمد وال محمد... وان يجعلنا واياكم من انصار حجته


ودمتم بحفظ الرحمن