حمدان يا حمدان .......... أمك توصيك

[عماد علي]

حمدان يا حمدان .......... أمك توصيك

قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم
والدنيا دوارة

اترككم مع القصيده

وين انت يا حمدان امـك تناديـك.. وراك مـا تسمـع شكايـا وندايـا

يا مسندي قلبي على الدوم يطريـك.. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك .. والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا.

[شمعه تحترق]

هذا جزاء التربيه ...
الكلمات تقطع القلب والله

سلمت يمناك خيوووو

والله يصبرهالأم وأمثالها ويهدي كل عاصي

موفق يااارب

[مــجــنــون]

تسلم يالغلا على الكلامات الرهيبة

شاكر لك والله يعطيك العافية

دمت باغلا ود

[عماد علي]

شمعة تحترق

مجنون


كل الشكر لكرم التواجد الغالي...

[الــــنـــاري]

مشكور أخي عماد

الله يعينا على ردالجميل لأمهاتنا

ويحفظهم ربي من كل سوء

[عماد علي]

الناري

كل الشكر لكرم التواجد الغالي...

[همسات وله]

الله يعطيك العافيه اخي ابو باسم
تسلم وعساك عالقوة دوم
تحياتي لك
اختك همسات وله

[عماد علي]

همسات وله

كل الشكر لكرم التواجد الغالي...

[نور الهدى]

كلمات تقطع القلب وتسيل دمعة العين

اللهم ارزقنا رضا الوالدين ووفقنا لخدمتهم واعطائهم القليل القليل القليل من حقهم


مشكور ابو باسم

وتسلم يدينك


اختك ام محمد

[عماد علي]

ام محمد

كل الشكر لكرم التواجد الغالي...