السادس والثلاثين
انا للأسف ماكنت ادري انه راح إيي مع اهله

مع اني كنت مكلمته وماقال لي شيء على قولته يبي يشوفني على طبيعتي

كانوا يايبين الدزة فطلعت أمه اطلبت من امي اني اطلع لان خالاته ماشافوني

أحمد ربي اني كنت لابسة ومتعدلة وكاشخه ولا جان مت


المهم طلعتلهم وقعدت

شوي جان تقول الام يالله حبيبتي ترى ........ بيدخل احنا بنروح الصاله الثانية وبنخليكم على راحتكم بس بعد مايلبسج الشبكة انا اهني دوروني ماتلقوني

تخيلوا اول مرة بشوفه فيها وجها لوجه وبنقعد بروحنا حسيت ان الارض بتنشق وتبلعني

المهم


انا لصقت عند خالتي ... أم ريلي ... وقلت لها بليييييز ما ابيه يدخل

قالتلي لا حبيبتي لازم يدخل


المهم اهوا دخل من اهني وانا قمت ابي اروح داخل جان يمسك ايدي يدام اللي كانوا موجودين


وقعدني طبعا انا لافه ويهي الصوب الثاني


لبسني الشبكة والكل طلع


واول ما طلعوا قلت له الحين الحين الحين تمسح رقمي من نقالك ليش ماقلتلي انك بتيي وكليته اكال بالحجي

شوي جان يطلع نقاله يعني بيمسح رقمي جان اقوله لا لا ترى انا مو قصدي

السابع والثلاثين

أنا وللأسف ما كان في عندنا نظرة شرعية لأن ريلي شايفني يوم أنا صغيرة وما يبا يشوفني ...

لكن تعالوا وشوفوا يوم الملجة شو سويت

طبعا أنا كنت واقفة أترياه يدخل و هو تم يسلم على كل خواته بعدين يااااا صوبي و ما سلم باسني على راسي .... أنا إنصدمت ... و بديت أعرق و حرارتي إرتفعت وصوتي وأنا أتنفس إستوى عالي ... و بديت أتنافض... جان أسمعة يقول لأختة هاي بلاها ... وتميت أشووف الصوب الثاني و كل ما يتقرب مني أبتعد لين ما تمت عيني إتدمع وحسيت براسي يدور ... والحمدلله في هالدقيقة يابولي عصير ... شربت نتفه و إتساندت عالكرسي يا يبا يلبسني الخاتم جان أسحبه من إيده و لبست عمري .... يو يهوني لأن خلاص كنت رايحة فيها .....

لين اليوم يذكرني و يقول لها الدرجة أنا أخوف .... فديته والله ...



الثامن والثلاثين

يوم المقابلة مع خطيبي مكنتش أعرف عنه حاجة ولا شغله ولا أهله ولا وصف لشكله ولا حتى إسمه
أول موقف طريف اني مكنتش عارفة العريس....كان هو على شمالي و أخوه على يميني و أنا بعمل حادي بادي
أخدوني على جنب و قالولي عليه و قالولي بصي عليه...عملت العكس تماماً بصيت لأخوه و شاركت معاه في الكلام و تجاهلت أبص ناحيته تماماً...لحد دلوقتي كل ما أشوف أخوه أفتكر الموقف
لما قعدنا لوحدنا لقيته خجوووووووووووول ولا اتكلم كلمة و كان يوم حررررررررررر و الكسوف زاد الحرارة فقمت أجيب منديل....هو إتخض لما قمت و أفتكر اني زهقت منه عشان مش بيتكلم (طبعا هو يخنق ) بس هديت الموقف و قلت للموجودين اني راجعة متخافوش
دخلت أجيب منديل و أخته كانت جوه....قلتلها بكل بجاحة ده مش بيتكلم خالص ( بنات اخر زمن ) قالتلي حاولي تبدأي الكلام
طبعا ولا كلام ولا يحزنون....قضيناها ازيك الحمدلله لمدة عشر دقايق و انتهى الموضوع
و من يومها و احنا في نفس المشكلة...... الكسوف و الكلام القليل

التاسع والثلاثين

أما اناموقفي حلو وما راح أنساه طول عمري
حبيب قلبي ماكنت أعرف شكله ولا كنت أكلمه كنت أخاف منه من كنت صغيره
مش لأنه يخوف بس تعرفون البنات يبن ياخذن راحتهن فكل شي فهو كان يمنعهن بحكم غيرته على خواته ويقولون انه يكره البنات وانه متعقد وعصبي وكلام وااااااااااااااااايد
وذاك اليوم كان قاعد عند اخوي في المجلس وانا اعتقدت أنه طلع لأنه اخوي طلع وراح المطبخ
وأنا حزتها كنت ياااااايه من عرس بنت خالي ولابسه لبس عاري ومتكشخه ودخلت المجلس ما اشوف الا الحبيب قاعد في المجلس يا الله دارت الدنيا من حولي وطلعت ركض وأرتجف وأقول الحمدلله أنه محد شافني من أخواني والا بياكلوني أكل وزفتني أختي زف أنا بروحي كنت فعالم ثاني من الصدمه
وبعد يومين اتصلت أمه وطلبت ايدي خفت وقلت حق أمي هذا يبي يضربي لأني كنت لابسه عاري لكنه والله طلع طيب وحنون والكل حاسدني عليه

الاربعين

نحن ماشي شوفه على طوووول ملجه وبعد الملجه باسبوع اخوي عطاه رقمي وكلمني وانا ما اعرف حتى شكله

وفي حفلة الملجه عقب اسبوعين من الملجه سويناها في صاله افراح وشافني وانا يالسه على الكوشه لأول مره ولابسه فستان وردي

ودخل ويلس على الكوشه وجابلني وعطى الناس ظهره وانا اشوف الناس يظحكون عليه ,,, واقول ياربي شو اسوي ويهي يعورني من الفشله ,, يالس يدقق بأدق التفاصيل في ويهي ,,, والناس يطمشون علينا
وهو يرمس ويرمس والله ماكنت ادري شو يقول ولا اسمعه من الفشله ,,

وعقب ما عرسنا شفت شكله بوضوح ولا قبل من الفشيله ما اقدر ارفع عيني عليه

وسألته ليش خطبني مع اني متنقبه وماشافني غريب

بس قالي ان امه شافتني وقالتله هو واخوه اللي اكبر عنه ان لازم واحد فيهم يتزوجني ,, غصب ,, !!!

وهو عادي عنده ,,, فديته بار بوالديه ,,,,

بس عشان هو رفيق اخوي قال انا اعرف ان هالناس طيبين

وتزوجنا انا وهو واخوي وحرمته في نفس الاسبوع

وسافرنا نفس الأماكن بس هم سابقينا ,, وكانو يسوون فينا مقالب ,, يقولولنا روحو لهالمطعم ويوم انروح يسويلنا المطعم حفله بمناسبة الهني موون خخخخخخ جدام الأجانب فشله