ثلاثين

في البداية كنا يالسين ويا الحريم وسوالف وضحك وانا كنت مرتبكة شوي...
والعالم كلها تطااااااالعني..

بعدها قالوا انهم بييبووون الولد قلت لهم لااااااااااااا وعقب سكت ونزلت راسي..
عقب سألووووني اذا بروح الميلس اشووووفه قلت لهم بعد لااااااا

وبعدها قلت لهم خله يشوف الصورة بس...
وضحكوا وقالوا مايصير قلت لهم اوكي موافقة يشوفني بعد عنااااااء طويل ويحاولون يقنعوني وبعدها قلت لهم ابغي بالحووووووووش..

>>>تبا تشرد

وكانوا الحريم واقفييين طوااابير وويوم ياااا كنت منخشة ورا حرمة اخوي ويوم قال السلام عليكم ردت حرمة أخوي وقالت له ترى العرووس وراي قال لها ادري..

>>>فشششششششششششششششششلة

ويوم شفته وشافني على طول نزلت راسي وكنت مااسكة حرمة اخوي من ملابسها علشان ماتتحرك...
وبعدها شردت..

عقبها خطيبي قال ابغي اشوفها اقعد معاها..
ودوروني الحريم وماحصلووني الا وانا منخشة في الكبت خخخخخخخخخخخخخخخخ
وسحبوني سحب حقه..

ودخل الصالة وانا بروحي وياه ووحدة من الحريم وكنت منزلة رااااسي وشوي بصييييح من كثر مااستحي..

الواحد والثلاثين

ولد خالتي يقول صديقه استغفر الله شين المهم خطبوله اهله وحده روووووووعه ملكة جمال البنت وافقت قال لازم اشوفها قالوا له ياولد الحلال البنت جنان عيا لازم اشوفها والله وجاء يوم الشوفه على طول الولد (ابغاها ابغاها )البنت رفضت والسبب شكله

الثاني والثلاثين

تقول البنت طلب اخوي مني اسوي له شاي واحطه عند الباب (وتصميم بيتهم ان المقلط فيه باب المجلس >>>>يعني غرفه تفتح على غرفه >>>>>>وصلت
دخلت البنت المقلط تبغى تحطه عند باب المجلس الا وهي تدخل والمقلط مليان ماشاء الله من اصحاب اخوانه والبنت ماشاء الله حلووووووووه على طول واحد من الجالسين خطبها

الثالث والثلاثين
من الصبح وانا دموعي أربع أربع وزعلانة كأني رايحه لقبري ورفضت اشيل اي شي اخاف يطيح مني وشوووووووووووي قالوا أهلي يالله يآأخر العنقود أتفضلي لزوجك قلت أبد ولا أتحرك من مكاني حتى المشي ماني قادرة عليه
وأخيرا ...........وافقت انة هو يجي للمجلس عشان يشوفني أنا دخلت قبل مايدخل وكان متفاجئ لما شافني بس نسى حتى اسمه ........وماشاء الله عليه عيونه شوي وتطلع وأنا قلت ليش ماأشوفه رفعت عيني إلا وعينه بعيني قلت لنفسي وااااااااااااوووو يطيرررررررر العقل وأبتسمت له وبعدين عطاني إبتسامه تطير العقل وطلع قلت ياليته جلس شوي معاي .........بس من جد حبيته من اول نظره وطلعت وأنا مبسوطه شوي وأطيررررررررررر قالت امي وأخوآتي إلا....... وين الدموع إلي قبل شوي لا تكون إدموع فرح....ونحنا ماندري....

الرابع والثلاثين

انا خطبني ولد خالتي وكان باقي لي ترم عشان اخلص الثانويه العامه (صغيييره)

في يوم من الايام كنت توني متسبحه ورايحه لغرفتي البس وقالت لي امي تراهم جايين اليوم مو بكره طبعا انا انخرشت ودخلت الحمام مره ثانيه وتسبحت من جديد
لا تسالون ليه؟؟

المهم
لما دخلت لقيته قاعد قدام الباب وجهه بوجهي وبعدين جلست عالكرسي اللي جنب الباب
وراسي بالارض مستحييييه
سالني انتي اي صف؟؟؟؟؟؟؟؟؟؟؟؟؟؟

يعني اللي يسمع يقول مايدري
قلت له 3ثانوي

وقلت في نفسي الحين انا لازم اشوف مو بس هووووووو (مسويه فيها قويه)

ولما رفعت عيوني بشوفه لقيته يناظرني بطريقه غرييبه

انا الفالحه جتني الضحكه وابي امسك نفسي ماني قااادره وحاولت اغطي وجهي عنه بشعري
بس بدون فاايده

لانه يوم الملكه سألني ليش ضحكتي يوم الشوفه؟؟

الخامس والثلاثين
انا يوم الشووفه كنت مختبصه فوق تحت وما طعت انزل لين ما يوو بنات عمي نزلوني عند اهل ريلي .. يلسنا وسولفنا وتعشينا ... عقبها يا ابوي تعالي الريال يبا يجوفج اصفريييت واخضريت واحمريت تقولون اشارات مروو اختبصت مره وحده عقب سرت يبت عباتي وشيلتي ويا ابوي يوم وصلت صوب الميلس قلت حق ابوي مابا ادخل تم يطالعني يقولي يلله يا بنت تعالي وانا مستحيه واقوله مابا مابا وبرد لباب الصاله وتم يقولي تعالي .. واسمع الحبيب يالس يضحك من داخل عقب يراني من ايدي وهو دش وانا ورى ظهره نش ريلي وابوي يسير صوب اليمين وانا اسير وراه يرد يسير صوب اليسار وارد وراه عقب مره وحده سار عني وودر ايدي استوينا ويه بويه اسميني تمنيت الارض تنشق وتبعلني من الخوف والربكه .. وهو يضحك علي .. اشحالج فلانه .. ومن يقووول ارد ما رديت رديت على عمري جان يقولي ابوي يا بنت ردي عيب .. جان اطالع ابوي قلت له مابا عقب يا الوالد الله يحفظه لي ويلسني عداله يعني انا وعقب الوالد وعقب الحبيب الصوب الثاااني وموووووول ما نزل عينه من علي حشى وانا اتلوووووووووووووون عقب عن خاطري ابغي اجوفه من رفعت عيني طاحت عيني بعينه وطالعني جان انزل ويهي وبهاييك اللحظه احس بضحك على صياح ماعرف ليش عقب ابوي تم يرمس انتو مثقفين وكبار وان الله وفجكم وكذا ومن هالرمسه والله ال10 دقايق مرن 10 سااعااات ... وما صدقت ابوي قالي يلله سيري طلعت مثل الهبله اركض صووووب البااااب ...