الثاني والعشرون
يوم الشوفه كنت انا وزوجي مرتبكين
لدرجة ان يوم دخل كنا مع امي وامه والخالات والعمات ( هو يقرب لي ..ولد عم ابوي)
واعرف شكله بس مامرة شفته من قريب ، وعملنا ملكه على طول ( يعني نظرة شرعيه وملكه بنفس الوقت)
لما جلس جنبي سألني شخبارك 3 مرات
ولما جا بيلبسني العقد راح يهمس لأمه
( يمه رفعي شعرها) كان شعري طويل<<<<<<<<< ذبحني الأدب
ولما دخلنا المجلس رحت اسلم على ابوي وعمي ابو زوجي وخوالي كانوا موجودين
وجلسنا معاهم شوي وبروحي واصله حدي من التوتر
الا وأخو خطيبي يدخل علينا في المجلس !!!
مسكت المخده بخش عمري فيها
بروحي حاطه يدي على قلبي وماسكه عمري من الخجل جنب هالخطيب واخو يكملها ويدخل علي
ماشفنا الا ابوي وخوالي يصرخون عليه العروس موجوده اطلع شوي
وخطيبي تجمد بالكنبه
ورحت اركض صاروخ للصالون عند النسوان وانا الهث من الفزعه .......
سألوني شفيك تركضين ؟؟؟ قلت لهم اخو المعرس دخل !!!!!
وما تشوفون الا كل وحده مسكت بطنها من الضحك.........
بعدين قالي خطيبي اني كنت شجاعه لما عرفت اتصرف واسحبها ركضه
موقف لا يحسد عليه***
00000000000
الثالث والعشرين
يوم جيت ادخل عليه علشان يشوفني مادخلت بسرعه
لانه كان فيني ضحك كل ما اروح لغرفه الرجال ارجع لصاله اضحك
والحمد لله تزوجنا
000000000000000000
الرابع والعشرين
يوم كان زوجي راح يجي يشوفني طبعا لبست ملابس حلوة وماحطيت شي على وجهي
حتى أكون طبيعية وكنت مرتبكة وانا من طبيعتي بستحي المهم اعطتني أمي صينية
فيها الشاي المغربي ورحت ودخلت للصالة وقلت السلام وهو رد وعيني شافت في عينوا
من هاي النظرة انا خلاص قلت هذا هو الزوج اللي ابغاه وجلست وخدودي احمروا وسألني
على مستوى دراستي وكثير اسئلة انا والله ماجاوبت لين عملنا العرس واتزوجنا والحمد لله
المهم يوم لاينسى ههههههههههههههههه
000000000000000000
الخامس والعشرين
انه زوجي شافني مرة طالعة مع الاهل واعجب فيني
ودل بيتنا وجا يتقدم لي..>> شقاوة رجال
عاد اليوم الي جوو يتقدمون كنت خايفة ومرتبكة حدي حتى مانزلت اول شي للضيوف من الخوف
بس بعدين قامو كل شوي يسالو عني يبون يشوفوني اهله
جت لي مرت خالي تغصبني انزل وانه مستحية حدي وخايفة
وكنت مترددة بوقتها شلبس اي بدلة احلى
ارفع شعري او اخليه
وكنت بوقتها كل شوي اناظر المرايا وجهي شاحب او عادي
وكنت خايفة حدي
بعدها وافقت اروح للضييوف
واول ما نزلت ورحت اسلم على ام زوجي حسيت نفسي بيغمى علي من الخوف والارتباك لو ما
مرت عمي تداركت الموقف وامسكتني كان وقعت على الارض
وبعد ما سلمت على اهله جلست لوحدي مع ان اختي ومرت اخوي كانو مع الضيوف الا انه كنت افضل اجلس وحدي من الخجل والارتباك
وطول الوقت راسي يناظر الارض
وبختام الجلسة تعشوو الجميع وجلست انه بدون حركة وعيني تناظر الارض
حتى ام زوجي تقول لي بتنكسر رقبتك حبيبتي من كثر ما منزلة راسك
وجت اختي ومرت اخوي يركضون يقولون لي انهم شافو زوجي ما بين الستار وان هو حلوو مووووت
طبعا انه نزلت راسي مستحية
بعدين جت امي قالت لي لازم تشوفينه ويشوفك وانه
هني حدي انحرجت انه زين شفت امه كيف اقدر اشوفه
قلت لها مابي اشوفه
تخيلو في وحدة تزوج بدون ماتشوف زوجها هه
من الخوف قلت لهم بروح الحمام عشان اهرب ولا اشوفه
بس مرت خالي صادتني ووقفت لي بالمرصاد جنب الحمام وقالت لي تعالي بوديك تشوفينه
طبعا ما كان بيدي الهروب بهالحالة
ورحت معاها وقلت امري لله وحدي خايفة
واول ماشفته شفته لابس ثوب الله عليه
يجنن
واول ماشافني ماوقف نظراته
وانه حدي مستحية
ومنزلة راسي
وبس
00000000000000000
رد مع اقتباس
المفضلات