مواقف الخطبة والنظرة الشرعية ( منها نضحك ونبكي )

[عيون لاتنام]

يتبع

الموقف الخامس عشر

راح أخبركم عن لحظات الشوفة ..

أولا زوجي يتيم لاأم ولاأب..

وأم صديقتي خطبتني له ..

المهم وقت الصلاة صلى بالوالد الله يرحمه وأخواني

في البيت ..

وصديقاتي الملقوفات كانوا مصرين إني أشوفه

والباب اللي بينا عبارة عن باب سحاب ..

وأنا رافضة ومعصبة ..

المهم شالوني من مجلس الحريم

من يديني ورجولي وأنا أصرخ بكل قوتي

والمعرس أسمعه يقول سمع الله لمن حمدة

يعني وطوا صوتكم .. فضحتونا ..

بغينا نطيح عند الرجال ..من الشد والدفع

المهم بعد الصلاة دخلني الوالد وهو ماسكني

بالقوة خايف أشرد .. دخلت وطلعت ماشفت

غير نعوله الله يكرمكم وساعته ..

كان الوقت مغرب .. سألني الوالد بعد ماطلعت شفتيه ؟؟

قلت لاوالله ماشفت شئ

قال طيب لما نرجع من صلاة العشا إتشوفينه ..

هو قال كذا بغيت أموت ..

ولما رجعوا من الصلاة إلا المعرس واقف على الباب ..

ماكذب خبر .. جاني أخوي قال حنا مانلعب شوفيه عشان

بكرة بنكتب الكتاب .. وربي حسيت كهرباء 220

دخلت في جسمي .. دخلت للمرة الثانية ولمحته

وجلست أشوي بس من غير ماأرفع عيني ..

الرجال مايبغى يطلع

المهم إني وافقت وأنا ماأعرف أبد وش شكله ؟؟

لأني نسيت شكله أول ماطلع

لكن صار النصيب ..

عقبال كل العرايس الحلويييين

000000000000000000000000000000

السادس عشر


بصراحه انا يوم شوفتي كان مره حلو لاني انا انخطبت لولد عمي يعني الشوفه كان مالها اي داعي كانت مجرد روتين لاني شايفته وشايفني وداك اليوم كان كله ضحك والله يا ضحكت ضحك مني متخيله نفسي اني لاعبه دور عروسه وهو دور عريس وعايشين الدور كاننا نشوف بعض اول مره ويسالني ولا ارد عليه وراخيه راسي في الارض وهو يقولي خلاص قطعتي الكسوف ولا غير كذه بنات عمي كانو كلهم واقفين عند باب الصالون ويطالعو ويضحكو وسامعه تعليقاتهم يعني كان يوم خطيييير000بس والله بجد على قد ان العريس كان ولد عمي وكنت عارفته يعني عادي بس يا انكسفت كسوف مو طبيعي....ويارب عقابل البنات كلهم يارب يسهلم ربينا باولاد الحلال اللي يخافو الله فيهم

0000000000000000000000000000000000
السابع عشر

انا من كثر اللي اخطبوني كنت متنرفزه حتى على ريلي
لما دخلت كأني داشه هوشه الحاجب رافعته ولا عاجبني شي
وللحين ماشفته بس سلمت وقعدت المهم محد موجود بس انا واهو وانا ساكته واهو ساكت
وقاعده أتحلطم وأقول بقلبي
أف قطيعه خلصنا متى بتتكلم
المهم رفعت عيني ولا الاخ يعطيني نظره وينزل راسه ويعطي نظره وينزل راسه
اهني خلااااااااااااااااص صج رفع ضغطي صار قريب ال5 دقايق واحنا الاثنين ساكتين
المهم رفعت راسي بشوفه ولا تيي عيني بعينه
تتوقعون شنو قال
سلام
قلت بقلبي لو بيدي الحين جان
كلولولولولولولولولولولولولولوش
اللي تكلم
عاد سلام مره وحده
يالله زين طلعت منه
المهم سكت جان يقول شسمج
قلت طاح حظ ابليس ياي يخطب ومايدري شنو اسمي
وبعدين عاد بلش يسولف
ولا تدخل اخته خلصتوا كلام
قلت بقلبي قولي بديتوا ولا لأ
المهم قالها لأ
وسواااااااااااااالف
بعد خلاص قومي ياغاده
أبي أقوم بس مو هاين علي
أقوله خلاص
طالعني قال ماعندج أي سؤال قلت لأ قال عيل اوكي خلاص
قلت باي
لفيت ولا أشوف بطرف عيني قاعد يطالعني من فوق لي تحت
طوفتها شنو أروح أتهاوش
وسلامتكم

000000000000000000000000000

الثامن عشر
بالنسبة لي زوجي اهو ولد عمي.. بس انا ما شفته من كان عمري 7 سنوات!!!! يعني ما كنت اعرف شكله
لما يه يخطبني .. ابوي كلمني وقال لي عمج اليوم ياني عشان ولد عمج!! وابوي كاان متشقققققققققققققققققققققققق!!! الابتسامة من الاذن للاذن ( فديته ابوي الله يديم عليه السعادة يا رب)
المهم.. انا انصدمت.. لاني ما كنت حاطة في بالي انه ممكن يخطبني!!
ابوي قال لي.. اذا تبين تعرفين شكله فهو يشبه اخوج تمام!!!!!

انا قلت له اخوي مب حلو!! قال بلهجة حازمة.. امبلة حلو!!!!!!!
انا سكت.. وبدون نظرة شرعية ولا شي صار القبول.. لان ابوي الله يخليه كان يكلمني وكانه يقول: انا اب واعي.. انتي حرة في اختيارج,لكن وافقي!!!!

0000000000000000000000000