زنجيل ابوذيه

[ميثاق الهلالي]

مثل حبكم لبو السجاد عباس
ابتشرنه وجه ابو سفيان عباس
فطر بطن السمه من نزل عباس
بنزلته وكسّر خشوم ال اميه


بنزلته وكسر خشم الكفر من صال
صل هذا اصيل انولد من صال
بالدم دفه عظم الدين من صال
وشعل بالدم فيافي الغاضريه


شعل بالدم فيافي الارض وسماه
هذا المرتضى بالشرف وسماه
عله راس الگنطره حطاه وسماه
سبع الگنطره ورد المنيه


سبع الگنطره المهيوب ماهاب
موهوب الگمر چی گمر ماهاب
من هب الهوه وياه ماهاب
وگف حته الهوه بالغاضريه


وگف حته الهوه والجيش صف صف
وطرگهم طرگة السرحان صف صف
شته هذا يصيح وذاك صف صف
زلم مطرت سماهه عله الوطيه


زلم مطرت سماهه وساف من ساف
وبنه للدين بالدم ساف من ساف
تره العباس شايل سيف من ساف
عدا الفقار ماموجود اخيه


عدا الفقار سيفه مايمنه
الكون بكبره من هد مايمنه
اجه مناك صاحو مايمنه
اجه منا نثرهم واهليه


اجه منا نثرهم سوگ من ساگ
سگه ساگي المنايا الموت من ساگ
التفت ماتميز ساك من ساگ
صور بكربله دگ لال اميه


صور بكربله والدين بيناه
بصوته وعاش طول الدهر بيناه
لهسه اللاگته من الوجه بيناه
بخد كل نذل طابع راشديه

.................................................. .............
شعر \ ميثاق الهلالي

[همسات وله]

الله يعطيك العافيه
وعساك عالقوة دوم
مع تحياتي لك
همسات وله

[شمعه تحترق]

على اللي صار جنب النهر واجرى
أصد للعلقمي و يا ال ماه يجرى
تشب نار بدليلي صفت وجرى
بعطش تـجتل ياسور الهاشميه
(بقلم ..شمعه)







أحسنت أخي الهلالي
مأجور إن شاء الله
ولنا الشرف بإنضمامك لأسرتنا
بإنتظار المزيد من عطائك الحسيني.