جيتك وانا مستعجل من الشوق ..

[أمير العاشقين]

أسف ياحبيبي جيتك مستعجل من الشوق
حتى الهدايا نستها يديني
**
أشتقت لك أكثر عقب ما سمعت الصوت
وأشلون أنسى حلا صوتك "يانور عيني"
**
"أحبك" قلتها واقولها من دون خوف
كيف اببعد واخليك كيف فهميني
**
حرمتني صوتك وقلبك وحتى الشوف
كيف تنسى أيامي وكيف تنسيني
**
تدري احبك ياغناتي من ذاخل الجوف
ارجوكي ارحمي قلبي ولاتعذبيني
**
غلاك يسري بقلبي ياماخذن مني الجوف
انساك لا منساك حتى لو انتي نسيتيني
**
حرام ترميني بصحراء كلها ذياب وشوك
معقوله ما تهمك لو انجرحت رجليني
**
قلبي حبك من اسنين ومالبست فيها الصوف
قلت يمكن بحنان قلبك تذفيني
**
من خمس اسنين ياعمري والقلب مخطوف
قلبي حطفك قبل ما انتي تخطفيني
**
خليك جنبي شوف قلبي وشوف
شوف عيني يمكن النظره تشفيني
**
بوسه على خدك شوف شلونها شوف
اعطيك انا البوسه قبل ما انتي تعطيني
**
الله يخليك لي وما يحرمني منك يوم
وعسا انحرم من الدنيا اذا انتي حرمتيني

حررت في معهد الاداره يوم الاحد
التاريخ 30/1/1428 هـ
الظهر من 2.30 لين 3.00 العصر
وبعدها ذخلت المحاظره

وتوني اليوم حطيتها

انشالله تعجبكم

عليى فكره ترا بحط ليكم خواطر واجد
وانا ادرس اتجيني لفكار لاني اكون بعيد عن البيت وهالشي يساعدني

عطوني رايكم بصراحة زين
والي ما يقول رايه بزعل عليه ولا بكتب ليكم


أخوكم
أمير العاشقين
جاسم

[الزين يفرض نفسه]

شعور إنسان ..
إبداع قلم ..
بريق كلمات ..
إذاً أمير العاشقين كتب ..!!

[وعود]

السلام عليكم ورحمة الله وبركاته
مشكور الله يعطيك العافية على الكلمات الرائعة ...

[ام باسم]

انت مثل البحر لك قلب كبيـــــر
عشت في دنياك في حب وسلام
انت مثل الغيم خير وفيه خيــــر
صرت نوم اللي عيونه ما تنــام
انت مثل النور في عين الضرير
لا لمحتك ما بقى حولي ظــــلام

كلمات جميله جداااااااااااااااااااااااا
يعجز لسانى عن وصفها
وتوقف قلبى حينما قرائتها
امير

أيها الرائع
..
لقد نسيت كيف ينساب الحرف هـنا
لذلك سأكتفي بتسجيل
إعجابي ...
دمت بهذا التألق
"
"
"

[منحوسة]

السلام عليكم ورحمة الله وبراكاتة......
مشكووووووووووووووووورة على كلمات الرائعة.....

أختك... منحوسة...

[محمد]

كلام رائع

أنت رائع في بوحك

رسمت بريشة فنان كلماتك

فتفوقت وعلوت سماءك

همساتكَ تُـداعب القلب والوجدان

سلمت أناملك التي كتبت بريشـــه فنااان ...

مبـــــدع انت مبـــدع ...
دمت بخير ووحب

[عيون لاتنام]

خمس سنين حب صادق تمنياتي لك بالتوفيق والسعادة مع من تحب
طوال العمر
سلمت يمناك أخي أمير على ماخطته من كلمات رائعة
تحياتي لك
أختك
عيون لاتنام

[فرح]

كعاااادتك مـــــــــــلك العــــــاشقين
مـــــــبدع ومتــــألق ومتـــــــميز
بوح قلمك الابداااااع والــــــــحب الحقيقي
هنا اسجل اعجاااابي بجميع ماتكتب
من بوح قلمك الراااائع .....
بحق النبي واهل بيته (ع) يوفقك مع من تحب ....؟
تحيااااتي فــــــــــروووحه

[نور الهدايه]

والله والله حلووووووووووووووووووووووووووووووووووووو جميله

الله يعطيك العافيه

[*زهرة البنفسج*]

الله يعطيك العافيه اخ اميرر
ابدعنا بخواطرك الجميله المملؤه بالحب والشوق
سلمت يمناك اخي
وبالتوفيق ..

[عبير الورد]

أمير العاشقين
بالله عليك

اي قلب هو قلبك واي حرفا هو حرفك

اي عذوبه لهما

اقرأ لك وكأنني امام مدرسة الكلمات

واسرار الحرف وعباقرة القلم

سلمت يدااااااك
ورفقا بالقوارير

[نور الهدى]

ايو يا جسووووووم لو ندري بطلع ابداعتك برة البيت كنت طرشت لك اخواني يطلعونك من زمان


حلووو الي كتبته وفي تغير بعد عن الي كنت تحطه من قبل

ايبين ان نفسيتك تعدلت اشوي


يالله خلك جدية وحط كل الي تكتبه عشان نشوف

وانا كل مرة بعلق لك على الي تحطه ولا يهمك واذا مو حلوة بقول لك ( حاول مرة اخرى )


( ملاحظة ترا اتكلم معاك عادي مثل امك يا الدب واذا في مشكلة قول لي وانا من عيوني اوقف مزح معاك )

ام محمد

[همسات وله]

الله يسلم قلبك عالكلمات الحلوه
والله يبعث لك اللي ينسيك كل همك
واتمني لك التوفيق
مع تحياتي لك
اختك همسات وله

[أمير العاشقين]

Than you
thats ok now

مشكورين والله وماقصرتي خجلتوني بالردود الحلوة

عساكم على القوة يارب

أمير العاشقين

[أمير العاشقين]

هلا والله يمه
رد خصوصي لك يالغاليه

كيفك اخبارك يمه
المهم يمه شدعوه ما ارتاح

انتي الخير والبركه يمه

عن جد ضحكت في ردك ضحك يمه
شدعوه يمه ردي وقولي رايك يمه
ما تدري ويش قد افرح لما اشوف وجودك

وخاصه لما اشوف كلمة أمك أم محمد

ارتاح والله استانس

ترتفع معنوياتي يمه

مشكورة يالغاليه

ويعطيش ربي الف الف مليون عافيه

ما ننحرم من وجودك يارب

وعساش على القوة يارب بحق الزهراء
ولاننحرم من هالتواجد انشالله

خالص احترامي يمه
أبنك
أمير العاشقين