أهلا أختي ملكة سبأ
وشكرا على الإطراء الجميل ،،
اختي العزيزة هناك أشخاص يعارضون
السياقة وفي ناس عادي مثلك يعتبرون
السياقة شيء مفيد للظروف الطارئة أني اوافقك
الراي بس اختي لما دار النقاش بين هذي الفئة
اللي تعارض امر السياقة يقولون ان البنات السعوديات
مو محتاجين شي والرجال يقومون بكل الاعمال الي يحتاجونها
النساء وان البنت اللي تسوق ماتعجبهم وان هي ماتعلمت السياقة
الا عشان امر لمغازل وهالكلام ... اني تقبلت كلامهم بصدر رحب
رغم انهم طعنوا فيني واحرجوني قدام اهلي إضافة
رغم ان موضوعنا اساسا ماكان عن السياقة كان عن امر ثاني ،،
بل أجبتهم وقلت لهم هذي قناعات خاصة فيني اني مااقدر اتخلى عنها
وادا افترضنا تخليت عنها هل بمقدوري اواصل مع عائلة ترفضني ومع انسان يعارض قناعاتي
وخايف من مواجهة مجتمعه بسبب وجهي مفتوح واتعلم سياقة اني اعتبر هذا انغلاق وان السياقة
وفتح الوجه ماهو ابدا بانفتاح في البحرين ،
وكل مجتمع في ناس يوافقون شيء وفي ناس يعارضون شيء
مثلا انتي تقبلتي فكرة السياقة وحابة تتعلمين رغم انك بالسعودية
وصديقتي من البحرين ترفض امر السياقة بشكل نهائي وتعتبره غلط
المشكله موفي المجمتع نفسه المشكلة في الناس ومدى تقبلهم للأمر
المجتمع ماصنع نفسه بنفسه المجتمع يتكون من الناس هم اللي يتحكموا
فيه وهم اللي فرضوا عليه امور وساروا عليها بدون تفكير هل ادا كانت مفيدة ام سلبيه ،،
واعذريني أخيتي الموقف صعب جدا ان أذكره بسبب الخصوصية وأمر جدا مو سهل
فأتمنى ان تعفيني من ذكره ،،
ولك خالص تحياتي
حزن العمر
رد مع اقتباس
المفضلات