أهلا خيتي عيون لاتنام
ايه اسوق سيارة صار لي يمكن
شهر يعني جديدة ههههههه ،،
خلني أقولك اختي اني في البداية لم
تجي على بالي السياقة ولاحتى اني ادرب
كنت رافضة السياقة بشكل تام بس الظروف
أجبرتني لأن أوقات محاضراتي
في الجامعة متعبة جدا لذلك كان لابد
اتعلم حتى ارجع واروح براحتي
وماأدري انتين من وين بس خلني
افترض انك من السعودية ادري ان المراة اللي
تسوق ماتعجبكم واني حصلت لي تجربة
جرحتني وسببت لي مشاكل وألم لا زلت للحين
أعاني منه بسبب آراءكم حول تغطية الوجه والسياقة
،، انتو تعتبرون ان هذا عندنا انفتاح
بس هذا لا هو انفتاح ولا شيء العادات والتقاليد
في البحرين صارت عادي سياقة المرأة فيها وخصوصا
ادا كانت حاشمة نفسها ،، ثانيا خليني ارجع للموضوع
اني ما أغطي وجهي لأن فعلا بتكون علي صعبة واني
اسوق وثانيا في بنات وايد في الجامعة ويانا كان يغطون
وجهم بس الحين لا ، وبالعكس لي صديقة مازلت متمسكة بهذا الشيء
وترتدي البوشية وتحضر معانا من سكشن لسكشن ووجهها متغطي كامل
حتى الدكاترة يعلقون عليها ويتضحكون وهذا الشي مسبب لها إحراج
أني بصراحة متلزمة بالعباءة الزينبية وحاشمة نفسي في السياقة وفي كل مكان
وياما اعرف بنات متغطين وهم مافيهم فايدة وياما بنات مو متغطين وهم حاشمين
نفسهم أكثر واني اعرف بنات وايد على هالأشكال ،،
كلمات قلتها لشخص عزيز وراح اقولها لك بعد :
ماراح أطلق على مجتمكم أنه متخلف ولا راح أطلق على مجتمعنا
بإنه منفتح !! لأن الانفتاح ليس بالقيادة ولا تغطية الوجه ،، التخلف
الحقيقي في عدم استيعاب العقول لهذه الأمور وحديث الناس
حول من يعملها ،، وفي الاخير كل مجتمع له عادات وتقاليد
فليس ذنبي بأني ولدت في مجتمع هكذا وليس ذنبك بأنك ولدت
في مجتمع ربما كان منغلق .
وشكري لصاحبة الموضوع ،، وأتمنى أخيتي
عيون لا تنام أن تتقبلي حروفي بصدر رحب
كما عهدتك دائما ،،
تحيتي العطرة لكم
حزن العمر
رد مع اقتباس
المفضلات