السلام عليكم

اوووووووووووووووه يا كثرها مواقف

مدري ويش اقص ليكم<< قصة ما قبل النوم عفر

المهم ...

يا طويلين العمر المشهور عن ايلول وعلى مدار 12 سنة اللي ضيعتهم في المدارس انها مؤدبة ومن الطالبات المتفوقات

والقصة اللي بقولها صارت يوم كنت في ثالث متغصغص..<< متوسط يعني

اللمهم .. الموقع السيد الوسطاني الصف الاول..

الزمان .. الحصة الثانية..

المادة ..تاريخ

المعلمة... شديدة بس نعرف مفاتيحها عشان تصير سلسة

هذيك كانت اول حصة تاريخ ادخلها قبل لا اقرا الدرس الجديد اني والبنت اللي جنبي واحنا مروفين بالهدوء والرزانة<< بجد

الحين الدرس كانه عن الاندلس وفي خريطة والمعلمة تشرح وهي تأشر وجذي وفي مسافة تتطلب انها تىمد يدها لتأشر ع الخريطة... كان يطيح زرار من قميصها ومو اي زرار الوسطاني... في منطقة حساسة يعني ..

وبينت الحويجات والالوان الشاذة ...

المهم سوينا نفسنا ما شفنا شي ولا صار شي الكل معرض لهيك موقف

المهم قالت لنا اكتبوا .. الاطاح قلمي على ورا.. درت لاجيبه وزالبنت اللي وراي ما شاء الله بيضااااااااا... ووجها مثل الطماطةوهي تضحك بالصامت وتتقلقل لا وفيها ما شاء الله وزن عاد اللي جنبي دارت في نفس اللحظة كان تضحك بصوت اقدر اسمعه...

ايلول وضحكت شللي يسكتها واللي حواليها يضحكون ...

المهم المعلمة انتبهت لنا نضحك وسوت حالها مو شايفة واحنا عارفين انها كاشفتنا بس ... مو عارفين نسكت

وننتظرها كل ما سالت والعالم قامت تشارك عشان ننفه عن حالنا.... عاد خمس دقايق المراة محترمتنا... وشوي .. فلانة وفلانة وقفوا اشوف... وقفنا والابتسامة من هني لهني.. والضحكة مخنوقة

سألت.. ليش الضحك؟؟؟

الا واحنا الثنتين منفجرين.. ما سكتنا...

دقيقة قالت كمن كلمة عن الدرس وكسرنا خاطرها نضحك واحنا نصيح محنا قادرين وسوينا حالنا خلاص محنا ضاحكين اكثر... بس ... قالت لنا اجلسوا واخر مرة مدرش اشفيكم اليوم انتوا الثنتين من بد هالبنات كذا استريحوا ما راح انقصكم ولا شي خلاص اخر مرة ..؟؟؟

بهدوء وبكل رزانة ... اي... جلستنا..

وكملنا الحصة عشر دقايق الا قالت طليطلة<< احنا مو محضرين اسم شوي خلانا نتبسم

الا اللي ورانا تاشر لينا حسبنا فيه شي الا هي متدحنة من الضحك...

وقام الضحك... دقيقتين واحنا موفقين ثنتينا مرة ثانية وكت دارت عشان نكتب ويا ها فرطنا ودارت وشافتنا ما كتبنا ولا حرف بعد ..والمعروف انا نخلص قبلها ساعات

سالتنا بعصبية ... شلي مضحككم هاا؟؟؟ ما تردون ... احترموني<< واققفين واحنا نضحك كان عمرنا ما ضحكنا؟؟؟

فلنا لها عشان طليطلة واحنا نضحك ... الا الفصل كله يضحك بس مو زينا ..

قالوا ليها .. خلاص ابلة قعديهم حرام ابلة دولا اعمرهم ما سووا شي...

جات الها حالة احباط .. وكملت شرح واحنا واقفين وهي ولا تعبرنا ... حتى سويت حالي رزينة وقعدت اشارك بس ما تخليني اجاوب لاني ولا زميلتي << مسكينة جنناها

خلصت الحصة وطعت ولا كلمتنا ..

الحصة اللي بعدها مربية فصلنا علوم صارمة...

حفلة بكاء اني وزميلتي....

البنات قاللوا لها ان الابلة اللي قبل خلتنا واقفين لاننا كنا نضحك وما سكتنا بس....

سالتنا ليش يعني... المراة ما تمدح غيركم ادب واخلاق وشطارة؟؟؟

عاد ما نبي نقول قصة المعلمة ... قلنا احنا حظرنا الدرس واسم طليطلة اهو اللي يضحك...


وكان مناوبتها بعد<< ابلة التاريخ..
في الفسحة ما انطتنا وجه...رحت ليها المكتب ونفس السبب مال ابلة العلوم كلته لها...

الا اهي تقول .. بس چذي؟؟ .. ما فيه سبب ثاني..؟؟

كلتلها ..لا

المهم طاح الحطب..

وكل حصة تاريخ نخلي البنت اللي ورانا تغير مكانها عشان لو صار شي لا نفرط

ادري هدرت واجد وطولت عليكم

دمتم بخير