ودِّي اكسر هالخشم×××

[Princess]

سلالالام عليكم يا عباد الرحمن..

اكيد استغربتوا من عنوان موضوعي . . واوووه اميره طلعت عنيفه ..مممم ايه من جد خاطري اكسر هالخشم
بتسألوني خشم مين ...؟؟؟
اوكيه.. احكي لكم قصتي مع الخشوم..
في مكان ما في ارض الله الواسعه.. ارض اصحاب الخشوم المرتفعه... انخلقوا وخشومهم مرتفعه وكأنها ناطحة سحاب... ماتهزها ريح .. خشم مرتفع .. وتخاويه نظره من طرف العين . . نظره تحسسك بالدونيه .. ومن مين؟؟
من اصحااب الخشوم الرفيعه..!!!
ارض واحده تجمعنا بهم.. رب واحد .. دين واحد.. لا والأشد قهرا على نفسك انهم من مذهب واحد
ما اعمم عالكل.. والله اصابع كفوفي ما هم سوا.. بس مثل ما يقولوا الخير يخص .. والشر يعم.. ويا مساكين يامن انتميتوا لأرض اصحاب الخشوم الرفيعه..
سؤال.. الأراضي والبيوت.. في تلك الأرض.. هل هي محتكره عليهم.. وكأن من لا ينتمي لتلك الخشوم ماله رب.. والا جاي يطرهم . ويطلب منهم صدقه ..؟؟. والا ساكن في ملكهم.. ويصرفوا عليه من جيبهم ؟؟
عجييب .. مقوله تسمعها تتردد وانفقع راسي كثر ما اسمعها .." يزاحمونا في ارضنا..."
يا لا اله الا الله .. ارض الله هي .. بس ويش تقول.. كأنها ورث ابو اللي خلفهم .. وما يحق لأي خشم عادي يختص ولو بمتر منها... لا حوول ..
الفخر .. اووه شي عجيب.. اذا ما افتخر المراهق بسيارة اخر موديل ما خذنها له ابوه. . والا دباب حق ازعاج خلق الله . يطلع مو شي ....واووووه مصيبه...راح تصير اذا ما سوا حفلة تفحيط وركب السماعات والأنظمه اللي تشلخ المخ ..وعزم له شلة الأنس ..الي تقول قالب له طاسه على راسه ..والحلقات الأنثويه.>>>. عيش وشوف العجب..
والا المراهقه.. اذا ما على صوتها في الطريق .. ولبست هذيك العبايه اللي من عدمها .. ولو تطاول عليها واحد عطته داك اللسان اللي يشرح تشريح. . مو انتي اللي تبغي كذا ..؟؟؟ والله حاله ... كسرتي خاطره قال لا يروح تكشخش بلووشي ..!!!
وما ترتاح اذا شرت ليها شي من أي ماركه معروفه دوون ما تدري بها المدرسه او الجامعه او حتى عملها والجيران.. الحمد لله والشكر ...
ماعلينا هالحركات منتشره مو بس في ارضهم ... حتى في ديرتي .. في كل مكان والإعتراف بالحق .. اميره..خخخ

بس العجب العجاااب
.. في شهر محرم الحرام. هذي هي الغصه .. سؤااال... الحسينيات في ارضهم.. حكر عليهم لحالهم .. غيرهم ما يصير يحضرها..
موقف حز في خاطري .. اذا صارت الحسينيه زحمه .. وجتنا جماعه من اصحاب الخشوم المرتفعه.. وبعالي الصوت. .)))))
" اففف زحمه .. كله من هالــــ..... وهالـــ....... زاحمينا ومضيقين علينا"
طبعا اني وحده من ضمن هالجماعتين ..
ما علينا.... ...
واذا انتهت القرايه.. وصاروا يوزعوا البركه ... ههههه حسره يادافع البلا .. اذا قلت للي توزع وهي قريبه منك
لو سمحتي ما عطيتي فلانه هنا ..جنبي..
" اووهوووه " وتقلب الوجه مع تكشيره اي بالله تخلي وجهها كله حواجب ..× × وتروح جهة ثانيه .. تبدي ربعها ؟؟!!!
ليش لأن هالفلانه من جماعة الـــ ..... المضيقين عليهم .. بعد بيشاركوهم البركه .. خخخخ وربي حسره
المشكله واللي يجيب الغصه .. ان الجماعتين الــ..... والــــ.....,,, لهم مجهود مو شوي في الإرتقاء بالحسينيه من حيث التنظيم والتبرع بالمال واي شي في سبيل خدمة اهل البيت سلام الله عليهم.. بس .. العيب.. ان الله وضعها في ارض اصحاب الخشوم المرتفعه ...!!!

موقف المني .. لا وربي فجعني .. ودمعت عيني..
واحد من جماعة الــ.... توفت امه ...الله يرحمها ويحسن اليها ويصبره.. جا فقير الله بيدفنها في مقبرة اصحاب الخشوم المرتفعه... وقفوا له عن باب المقبره ... لا.. امك ما تدفنها هنا ... مو كفايه مزاحمينا في كل مكان بتزاحموا حتى امواتنا في مقابرنا. ... !!!!!!×××هههههههه شر البلية ما يكركر أي بالله ××× !!!!!!!
و ما اكذب عليكم
المسكين الفقير ... هو الا مفجوع بأمه .. تجيه هالمعامله.. ليش .. لأنه مهو خشم مرتفع.. ويضطر المسكين يستأجر سياره بس عشان ينقل امه لأرضها اشرف لها وارحم ..خلها تدفن هناك بكرامتها .. من جد...... استغفر الله ...
يللا خليها في القلب تجرح ولا تطلع لبرى وتفضح...
ارجع واكرر مو الكل بتلك الأرض سواسيه..
بس ويش اقول .. لكن المرجع لله ... وكلنا سنعود لله ..فلمتى هالحال بيدوم ..؟؟
اقووووووول:
. أيا خشماً ارتفع
ودي اكسرك..

ودمتم بحفظ الرحمن

[أسيرة الأحلام]

شكوووووووووووووووووووره حبيبتي على الموضوع الرائع

وعلى هالطرح الأروع

تقبلي خالص تحياتي

[.:روح وريحان:.]

يسلم هالخشم ههههه
اميرة المرح
على الموضوع الحلو
ويادافع البلا حتى المقابر ؟

[القلب_الحنون]

عمو العزيزة (اميرة المرح) انا أول ماشفت الموضوع خفت قلت الله يستر فيها تكسير اخشوم ههههههههههههههههه
بس موضوعك جداً جميل ورائع تمنياتي لك بالتوفيق والمزيد من العطاء والتألق
وربي يسعدك
عمو: القلب الحنون(ابوحسين)

[فرح]

تسلمي حبيبتي
أمـــــــــوره
ع الطرح الاكثر من راااائع
وكل كلامك صحيح
وشفت من هل الاشكااااال واااايد
يعطيك ربي الف الف الف عااااااااافيه
موفقه

[الزين يفرض نفسه]

اول مره اسمع عن ناس جذي
لكن ما اقدر اقول غير الله يعين
ويسلموو على الطرح خيووه

[الــــنـــاري]

والله سوالف عير شكل اول مرة اسمع زيها بس ماقل الا الله يعين
ولي قهرني عن جد المسكين الي متوفية امه كيف كملو عليه بزيادة جرحه

على العموم الله يعين وتقبلي تحياتي اخوك الناري
والف شكر على الطرح

[نور الهدى]

لا حول الله

اي ما بالغتي خيتو في هذا الشي اصحاب الخشوم الرفيعة ما شاء الله عليهم حركاتهم تقهر وتبط الجبد بعد


بس وويش نقول


ما طار طير وارتفع الا كما طار وقع

ولو دامت لغيرك ما وصلت لك


بس هذا الي ابي اقوله لهم


الله يعطيك الف عافية خيتو


وعساك على القوة


والله يسهل على الجميع


اختك ام محمد

[*زهرة البنفسج*]

تسلمي امرررة علطرح الحلو
حتي انا قلت ويشو ودي اكسر هلخشم تقصد من
ههههههه يسلمو حبيبتي ..

[Princess]

اشكركم جميعا اعزائي عالمرور الجميل
ومن جد الله يعين


خيتوووووووو ام محمد هلا وغلا ويش هالغيبه .. يوم ارجع توي اشووفش.. وحشتني طلاتش والله
منوره
ويعطيكم العافيه جميعا وعساكم عالقوه
دمتم بحفظ الرحمن

[القلب المرح]

السلام عليكم
البعض يرفع خشمه على ويش مايندرى على ماله؟؟ على جماله ؟؟ على كشخته ؟؟
ليش مايرفع خشمه على اخلاقه؟؟ << لانه ماعنده اخلاق يحظي
والبعض يرفع خشمه لسبب تافه جدا لانه هذا اسمي احلى من اسم هذا ولانه شهادتي ارقى من هذادة هذا
طيب لو سألناه عندك شهادة اخلاق؟؟؟<< بالطبع ماعنده لانه مو متخرج من مدرسة المحترمين

رفع الخشم كالمتكبر اذا رحت له وسلمت عليه عطاك ظهره ليش؟؟<< لانك مو من مستواه يعتقد مستواه عالي
ومايدري ان احنا كلنا بشر وكلنا من تراب وبنصير تراب يوما ما بإذن الله

وكما ذكرتي اختي في المجالس بعض الشباب مايروحو يسمعو لهذا الشيخ الفلاني لانه قرائته مو حلوة ؟؟<< ليش يقرأ لك قصة حياته ؟؟ <<انما هو جاء ينقل لك واقعة حصلت للامام الحسين وغيره عليهم السلام
وبعضهم لما يروح المجالس بعد القراءة يطلع والجماعه يوزعو بعض الفطائر والحليب او العصير ذاك الشاب يرفض الاخد ليش؟؟<<< لانه مو من مستواه هالاكلات << بدل مايستحمد ربه وهذه الماكولات بركة من الائمه عليهم السلام في ذكرى مصابهم

والكثير ماتحصل مع اصحاب الخشوم المرفوعه لعلها تسقط ارضا خشية من الله سبحانه وتعالى
وبالنهاية اشكرك اخت اميرة المرح على طرحك المميز
بارك الله فيك
واعتذر للاطالة
تحياتي للجميع بالتوفيق..

[Princess]

صدقت صدقت اخووي بكل كلمه قلتها
ومشكور علىحضورك المميز
ولا اطاله بالعكس تعجبني الردود الطويله
احس فيها بالتفاعل
دامت طلاتك مشرفنا
ودمت بحفظ الرحمن

[شمعه تحترق]

الموضوع جاد وواقع مر نعيشه

بس انتي يا أميره بأسلوبك الحلو

وطبيعتك المرحه خليتي مرارته مستساغه

الله لايحرمنا من وجودك بيننا

موفقه حبيبتي

[Princess]

ولا يحرمني من طلاتش الأحلى والأروع على قلبي
دمتي غاليتي لمن تحبين سالمه
دمتي بحفظ الرحمن

[نور الولايه]

يسلمووووووووووووووووووووووووووووووووو يعطيك العافيه