`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

[Princess]

الحلقه السابعه والعشرون

ماجد :
ــ الوو هلا سجوي .. اخبارش عمري
ــ هلا بالغالي.. الحمد لله تمام وانت
ــ تمام الحمد لله .. دوم ان شالله
ويثااوب ماجد
ــ هههههه ويش فيك حبيبي مو نايم عدل
ــ خخ ايه والله البارحه كنت افكر .. وما جاني نوم
ــ خير ياقلبي تفكر بويش
ــ افكر فيش .. ما باقي شي على عرسنا احنا بعد كلها شهرين ... متى بس متى .. استنى هاليوم انا بشوق .. البارحه وانا اطالع قاسم اقول متى اصير مكانه..
ــ ههههه .. ياعمري انت ... لا اني لو بكيفي كان ابغى تطول المده ..
ــ افا.. لويش ..؟؟
ــ هههههه لا مو قصدي .. مو عشان شي بس ما خلصت تجهيز بعض الأشياء يبغى ليهم يعني شويه وقت هو لو عندي احد يساعدني كان اليوم قبل بكره مو بعد شهرين .. .. بس ابوي هالأيام مشغول مره .. وانت بعد حبيبي .. واني ما ابغى اعطلكم .. ولاني عارفه شلون اخلص
ماجد سكت شوي .. قاعد يفكر ..
ــ انا عندي لش حل ..
ــ اللي هو.. ؟؟
ــ يوسف .. ايه مافي غير يوسفوه.. فاضي لا شغله ولا عمله .. ماباقي له الا سمستر وبداية السنه الجايه بياخذه.. مالش الا هو .. ياخذش انتين وجنان .. وعليكم به خوبلوه في السووق..
ــ هههههه .. والله خوش فكره على الأقل الاقي لي وحده بنوته تساعدني .. مممم وباخذ بعد وياي فطوم بنت عمي اذا رضى عمي ..
سجوي بتاخذ فطوم عشاان تساعدها .. وعشاان سبب ثاني تبغى كان يصير شي يقرب بين يوسف وبينها .خخ
ــ اوكيه براحتش عمري .. انا بكلم يوسف وهو اكيد ما بيقول شي ..
ــ اوكيه انت كلم يوسف واذا رد لك خبر علمني عشان اقول لفطوم ..
ــ على خير . يللا ياعمري .. مع السلامه
ــ الله يسلمك
ــ دقيييييييييقه
ــ ههههه هلا والله امرني
ــ اعطيني بوسه
ــ هااا ..!!...!!
ــ خخ بوسه .. ويش فيش اختلعتي
سجى استحت ..
ــ ماني
ــ افا ...
ــ ماجد .. يللا عاد
ــ خلاص.. بس دين عليش هذي .. هين بعدين نتحاسب ..
ــ ههههه يصير خير
ــ طيب اوريش ..
ــ ياعلي .. لويش كذا .. وشووه ؟؟!!
ــ اجل ترديني .. ما هقيتها منش ..
ــ اوهووو... مجودي .. صاير تتحسس وايد
ــ انا اتحسس .. الله يسامحش .. خلاص يالله عادي ما صار شي .. يللا ابرد لش خبر عن يوسف بعدين.. مع السلامه
ــ الله يسلمك ... .......... ماجدي....
ــ عيونه
ــ امواااااه..
ــ هههههه تسلم لي الغاليه .. ياحبش للعناد .. شي حلو فيش بس لا تزوديه علي
ــ ههههه ان شالله .. يللا مع السلامه
ــ يسلمش حياتي ..

سكر ماجد من عند سجى ودق على يوسف
دق مره .. مرتين ..الثالثه
يوسف وصوته دايخ ورايح فيهاا
ــ انووووووه
ــ خخخ .. انووه بعد .. ناايم حضرتك
ــ اااااااااه.. ممممممم.. ايه ويش عندك خربت علي الحلمه
ــ هااا .. بويـــــــــش تحلم وخربت عليك
ــ سرر ما يعلموووا
ــ لا يااشيخ وخر عنه .. مررره .. سر هااه.. طيب اسمع.. فتح اذونك ..
ــ وعيوني افتحها .. مانا اخاف تطير النومه
ــ هههه عمى .. صدق فاضي .. فتح اذونك .. ابغى منك شغله
ــ ويش مو الحين... فيني النوووم
ــ يالله .. صبر ايوب يصبرني عليك . صدق خيشة نووم الساعه 2 الظهر الحين ... وبعدين ما قلت لك انا الحين ابغى الشغله ..و صبر واسمع ويش ابغى
ــ .. بل بل بل شوي شوي حبه حبه علي ...هاااه .. قول..
ــ صدق ما تستحي احترم عمك انا .. وشووه هاااا ..
ويثاوب يوسف بنفس اوووه قوي بالمره
ماجد : ــ بل بل بللللل .. شفطتني حشى .. مكنسه شوي شوي .. ويللا عاد خلصني
ــ هااا.. صار لك ساعه تهدر ومانا عارف ويش تبغى ..
ــ اسمع .. ابغاك تودي سجى السوق وخذ جنان عشان تساعدها
ــ بس .. زين ما عليه .. على خير ..
ــ ويمكن ها .. ما ادري يمكن تروح وياكم بنت عمها ..
يوسف فتح عيونه كنه ما كان ناايم
ــ هاااه .. بنت عمها .. أي وحده ..
ــ بسم الله ويش فيك مختلع توك نايم .. بنت عمها اللي قدها فاطمه .. اعطيك خبر من الحين ..وبعدين لويش يعني تسأل أي بنت عم ...انت ويش عليك.. اللي عليك تروح وياهم..
ــ قالوا لك هندي .. بس يالله زين بابا .. وابد كنت بس كذا اسأل فكرت وحده من المتزوجات ..
ــ والله لو ترضى وحده من المتزوجات تروح وياها كان احسن بعد .. بس يللا خلهم ثلاثهم بنيات عشان يخوبلوك عدل .. خخخ
ــ هههههه لا يخوبلوني ولا يخوبلوني .. خوفي انا اللي اخوبلهم
ــ هيه .. مرتي لا تخوبلها هااه .. خلها عاقله .. عرسنا بعد شهرين ....
ــ خخخ ان شالله . يميدها تتخوبل وتعقل .. اقوول . متى تبغاني اوديهم
ــ بكيفك الوقت اللي يناسبك
ــ اجل اليوم العصر ..
ــ ما باقي شي كلها ساعتين على العصر
ــ اجل الليل
ــ بكيفك .. هههههه والله زين متحمس ..
ــ خخ احسن عشان تخلص بسرعه <<< خخ شقال قال عشاان تخلص بسرعه
ــ اوكيه على خير.. مع السلامه
ــ الله يسلمك

يوسف فز من سريره يركض .. وفتح كبت ثيابه.. ينبش على لبس كشخه ..حق الطلعه .. خخخ .. متحمس .. ويروح الحلاق ينعم هالوجه ... تقول معرس .. ويكشخ .. وحاله .. ويوم يخلص على اذان المغرب .. وبعد الصلاه رجع البيت
يوم دخل لقى جنان بالصاله تطالع تلفزيون
ــ سلااااموو للقطوه
التفت جنان عليه ..
ــ ميااوه.. وعليكم ..
ورجعت تطالع التلفزيون .. ورجعت التفت عليه بسرعه
ــ الله الله .. ويش هالكشخه ,, وين بتطير هااا ...
ــ السوق ..
ــ اهااا .. واني اقول هالكشخه كلها لويش ... وبخبث تكمل كلامها .. هااااااا.. اعترف ..لزوم الصياعه..
ــ وعمى .. ويش شايفتني .. هذا جزاي اللي باخدش وياي ..
جنان نطت من على الكنبه ..
ــ احلللللللف..
ــ والله ... بس على كلامش البايخ هونت
ــ لالالالا .. عااااد.. ما اقصد امزززح وياااك ..
ــ ههههه .. ياحبكم للسوق والطياره .. المهم اصلا مو لسواد عيونش خلني اعترف .. لأن سجى تبغى تخلص حوايجها .. وتبغاش وياها
ــ اهاا .. يعني ,,, بس يللا المهم طلعه .. الله وحلووه بعد دام ويانا سجى ..
ــ ويمكن فاطمه بعد
جنان مستغربه .. : ــ فاطمه ؟؟ أي فاطمه
ــ بل مسرع نسيتيها .. توش البارحه صفقه بعرس اخوها
ــ ههههههه تعني فطوم .. راح عن بالي انها تصير لسجى .. نسيت
ــ ايييه فطووم .. لا تنسي مره ثانيه .. يللا بس اجهزي ساعه وبنطلع ..
ــ ربع ساعه واني خالصه
ــ خخخ كلام خرطي مأخوذ خيره .. اذا ما ركبت السياره وحرقت الدنيا هرنات ويالله تخلصي اسوي حواجبي شوارع ......
وفعلا هذا اللي صار .. احترق دم يوسف بعد .. مو بس الهرن...
بس مستانس انها اشوى ما خلصت لا يسوي حواجبه شوارع .. <<خخ رجال عند كلمته...