`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

[شمعه تحترق]

يعطيك العافيه خيوووه

واني ما استغرب من تصرفات ماجد

لأن بواقعنا أمثاله كثير .. والمصيبه مايصيرو إلا من حظ الرومنسيات

والله مساكين .. الله يعينهم

ننتظرررررررررررررررررررررررر

[.:روح وريحان:.]

هههههه خيتو اميرة صارلبي زمااااااااااان ادور هالنك نيم
مياو(=‘.‘=)مياو
واني اقرء القصة شفته
ههههههههههههههههههههههههههههههههههه
مشكوورة على الحلقات وعلى النك
والله يعين سجى على هالعلة

[بوفيصل]

يسلموووووووووووووو علي الحلقه

والله يعطيكي لعافبه

مع خالص تحياتي بوفيصل

[دمعة الاحزان]

ايه احلى اموووووووووووووور
ها اخبارك ؟ ها ماصدتوني البارحه
على فكرة القصه اذا اقول فيها روعه اطلع كذااااااااااااااااااااااااااااااابه
وربي احلى من روعه كمااااااااااااااااااااااااااااااااان
تسلمين يالغلا وربي يوفقك
واقول لا تطولي علينا
يلا عوافي
دمعة الاحزان

[نور الهدايه]

الله يعطيكي لعافيه

على القصه

[نور الهدى]

افا

عرفت متاخر

كنت افتر جدية في اقسام المنتدى وانا عادة ما اجي اهني قسم القصص الا وقت كلش اذا الملل ضاربني حدي

وشفت قصة ومن حاطنها
اميرررررررررررررررررة

انا اقول اذا هي حلوة وروحها مرحة جدية

شلون بتكون قصتها اكيد جنان


بس ويش طلعتي مو سهلة اميررررررررررررررررررررروه


تسلم يدينك على هالقصة


ويالله ببنتظر رجوعك عشان تكملي لنا القصة

[زهرة القلوب]

مشكوره اختي على القصة الرااااااااااااااااااااااااااااائعة جددددددددددددددددددا

يعطيك العافية

[العنود]

مشكوووره خيتووو على القصه
يعطيك العافيه
لاعدمنا تواجدك
مع اعذب تحياتي اختك العنود

[Princess]

ههههههه ياعيني على اموول
واحشتني ياعمري
قلت مع هالطله بهالعصريه بخش المسن
بس ما ادري ويش علته .. هالأقشر
خخخ يسلموو ياغناتي


كيووون هااا بعد كثر الحنه والزنه على راسي حطي الباقي حطي الباقي
ويي اني قلت باعاندش بس خفت منش كفايه مقابلتني هالأيام بارووح فيها منش
خخخ عجبتش العربه .. ياعيني عليش يسلمووو

كلي جرووح الله يسلمش ومايصير خاطرش الا طيب

شمووعه يالغلا تسلمي لي عالتواجد الجميل
لا عدمته .. خخخ ويش نسوي هذا حال الدنيا .. ادعي بس لسجوي الله يصلح حالها ..

بشوووور ياهلا وغلا ...ههههههه عجبك النك نيم .. هذا نك نيمي بالمسن.. خخخخخخخخ
حليوو موو.. ههههه حلالش يالغلا... ودامت هالطلات الحلوه

بو فيصل .. خيي الله يسلمك ويعطيك الف عافيه على المتابعه

ههههههه وي وي ويش هالصفااق دمووعه
واحشتني يالدبه .. اذا ما صدناااش .. خيرتي اصيدش .. فيش تو فيس مثل ما يقولوا .. بس خل ظروفي تتعدل وهين اوريش
ويسلموو يالحلا على التواجد

خيي نور الهدايه الله يعاافيك
ويسلموو عالتواجد

ويييي .. من هنا عندي
واني اقووووووووووول القصه منوره.. اتاري ام محمد عندنا ,,, يا مرحبا يامرحبا .. يسلموو غناتي خجلتيني والله
من ذوقش
زين والله يكثر خير هالفره اللي طيحتش عندي ..

زهرة القلووب الله يعافيكي خيتوو ويسلمووو

خيتو العنود ياهلا .. ويسلمووو علاتواجد ويعطيش الف عافيه

وتفضلوا حلقتين لين الله ييسر لي وارجع ليكم مو طله على طوول ان شالله

[Princess]

الحلقه الخامسه عشره

وسجى بطريقها للباب تذكرت قاسم .. واااه من هالقاسم.. تذكرت كيف كان يترجاها تنشد له وهي مستحيه .. وكيف كان يروح فيها لما تنشد له صارت دمعاتها تطيح بعفويه وهي تهمس لخاطرها: لمتى وهذا حالي .. لمتى اتعذب من ماجد ويزود همي طيف قاسم .. ياربي ريحني دخيلك...
وما مداها توصل للباب الا ماجد ينادي:
ــ يا سجى.. بتمشي ..
سجى فرحت :
ــ ايه.. اكيد ما بقول لا..<<<< مسكينه ما فهمت قصده
ــ يللا اجل الم اوراقي .. وانتي اسبقيني السياره .. ما اعرف اشتغل هنا
سجى فتحت بوزها ورفعت حواجبها وحست في قلبها ضحكة قهر ودها تطلعها
ــ يعني تمشي البيت ؟؟؟
ــ ايه اجل وين..؟؟
ــ لا مفكره برى نتمشى..
ــ ما ادري .... ليش خاطرش تتمشي..؟؟
ــ ااااااااااا .......ايه ...............ياليت.............................. ........ومعاك..
ــ هههههه .. زين ما عليه امشي
سجى طارت من الفرحه.. حست الأرض مو شايلتنها ..
واخيرا تلحلح السيد ماجد شويه.. طلعوا يتمشوا.. جتهم جنان تركض
ــ ااااااااااااااااااااااااه ...ههههههههههه ... خشووني بيصيدني القطوو..
ماجد صار يتحمق:
ــ روحوا العبوا بعيد عنا .. خلوني مع سجى .. لوووو........ سمحتوا
جنان تفشلت .. راحت تركض ليوسف ووجها مبين عليه الفشله.. ويوم عرف يوسف السالفه .. استااانس .. زين تحرك هالعم والله.!!!!!!!
يوسف : ــ الا جناني بسألش .. مرت عمي من بيت ويش؟؟
ــ .. امحق مالت عليك ما تدري..
ــ .. لا ... ولويش ادري ؟؟
ــ اجل لويش تسأل يالمفهي الحين.. اهوو فارق بس..
ــ لا بس كذا... في باله كان مشبه عليها... ملامحها يوم يشوفها ورجولها منرضه قريبة شوي من ملامح ناس يعرفهم حس انهم من نفس الدم ..
ـــ ما بتقولي لي يعني..
ــ من بيت الــ.....
ــ والله ... ههههههه وانا اقول ...
....مممم... ان زين هي ما عندها اخوان ولا خوات صح..
ــ ايه ما عندها كان عندها اخو وتوفى من فتره ...صغيرون ياحرام
ــ طيب بطلب منش طلب .. ابغاش تسأليها ويش يصير ليها قاسم الــ........
ــ لويش يعني .. واذا سألتني لويش اسأل عن رجال اني ويش موقفي..؟؟
ــ لا لأنه قاسم هذا درست وياه كم سنه بالثانوي وصرنا صحبه الروح بالروح بس يوم سافرت البحرين انقطعت اخباره عني وانا على خبرش جوالي انسرق والأرقام كلها بالجهاز مو بالشريحه فنقطعت اخباره بالمره .. يالله لو يطلع يصير ليهم والله واحشني عدل طايح الحظ.. ايام مو قليله اللي عشتها وياه>>> طبعا قاسم اكبر من يوسف بكم سنه بس خبركم قاسم وفشالته بالدراسه تمر عليه وتروح عنه اجيال واجيال ..وهو ويسفوه من نفس الطينه .وعليهم نفس السوالف ..فصار يوسف بالنسبه لقاسم مثل الأخو..
ــ ولا يهمك اسألها بعدين.. اخاف الحين ياكلني عمي ان قربتها..
بالطرف الثاني من المزرعه.. كان ماجد يتمشى مع سجى ... سجى كانت تعرج من رجولها منرضه ..
ماجد لا حظ عليها ..
ــ ااااااا.. احم.. رجولش تعورش بعدها
سجى فرحت بهالسؤال:
ــ ايه شوي ..
ماجد مسك ايد سجى .. ــ تسندي علي واحنا نمشي.. وبس تتعبي قولي ..
سجى ما صدقت على الله وفبالها طايره من الفرحه وتهلوس حتى لو تعبت مينووونه اقول ما صدقت على الله يحن علي .. وصارت متسنده على صدر ماجد والأرض مهي شايلتنها.. مستانسه وهي فبالها تردد عساه دوووم مهو يووووم..
وظلوا يمشوا وهم ساكتين.. ماجد من النوع اللي ما يسولف ما يعرف ويش يقول .. وسجى مهي عارفه ويش تفتح وياه مواضيع.. فقالت خلني ساكته عالأقل يكون جنبي ولو عالصامت احسن من بعيد عني بدون احساس...

ومر اليوم على خير... ورجعهتم البيت.. ماجد بالسياره:
ــ اااااااااااااااااااااااااااااا.. ويش رايش كل واحد يروح البيت نسبح ونريح شوي .. بعدين نطلع
سجى وجهها نور من الفرحه..ــ ايه ما عندي مانع .. ياليت والله <<< قالتها بعفويه وفرحه مثل اليهال .. مستانسه
ــ ههههههه .. زين اركزي شوي... بنروح مطعم نتعشى.. اوكيه
ــ اوكيه.. ......................................ااا ... ماجد
ــ نعم
ــ شكرا..
ماجد ابتسم.. ــ عفوا ... بس ثاني مره لا تعيديها
ــ لا اعيد ويش..
ــ الطيحات اللي ماليها داعي .. خليتي يوسفوه يشيلش ..لويش ؟؟
سجى حست بفرحه ممزوجه بخوف . وصارت تفكر فبالها. لويش يعاتب الحين يغار يعني؟؟؟؟
وقطع عليها هالتفكير ماجد ..
ــ انا ما ارضى احد يلمس شي يخصني .. ومن كان ليكون .. وبالأخص يسفووه هذا..
ــ ان شالله حبيبي ما يصير الا الخير ما اعودها .. ... انتبهت انها قالت حبيبي وصارت فبالها تقول..ياويلي ويش فيني هبله ..لا بروح فيها
ماجد بخجل مخفي ــ هههههه لا ما بتتوبي .. طيب برضى بس بحبيبي وبيني وبينش ها.. يالله كلمه ما بتضر
سجى فرحانه حدها .. ــ الله ياااليت من زمان رحنا المزرعه ومن زمان رجولي انرضت ومن زماان جااا هاليوووم يالييييت .. ااااه الحمد لله اللي هداه علي شوي

وصلها البيت .. نزلت وسبحت وكشخت .. وصارت تنتظر .. ساعه .. ساعه ونص... ــ اففف وين راح.. مو حلوه ادق عليه .. كأني حسره .. بس ويش صاير عساه خير بس ..
جاها ابوها
ــ هلا يبه..
ــ هلا بنيتي اخبارش واخبار ماجد وياش
سجى مستانسه وحكت لأبوها كل شي بالتفصيل الممل
ــ لا زين الحمد لله عسى الله يحنن قلبه عليش دايم الدوم
ــ يارب امين.. يسمع منك
شوي جاها مسج
ــ سجى اعذريني بس صارت عندي ظروف فجأه وانا ما ادري والحين مشغول .. اعذريني والله
ماجد من النوع اللي مايعرف يعتذرشفهي.. ما اتصل بسجى وسمعها هالكلام يحس نفسه ابدا ما بيعرف يعتذر بهالطريقه .. ولكن رغم انه لوح بس طيب ..فرسل مسج اريح له ..
سجى ابتسمت.. وما زعلت .. وخبرت ابوها .. ابوها قال يللا شغله وزين منه هاللي سواه اليوم... سجى فرحانه .. يكفي انها كانت بجنبه وعرض عليها الطلعه بس ظروفه خانته ويكفي انه ذكرها وارسل ليها مسج اعتذار .. حطت راسها ونامت واول مره سجى تسيل دموع الفرحه على خدودها من فارقت امها ...



في بيت ابو قاسم
ــ ياولدي متى ناوي عالزواج ها .. من متى خاطب ريم وللحين ما حددت لينا وقت لعرسكم..
ــ يا يبه انا مانى مستعجل ... بس ما ادري ويش فيكم خلاص ريم ما بتطير مني هذا هي وياي .. ما تصبروا شوي
ــ بس الناس ياولدي قامت تهدر.. سنه صار ليكم وكم من شهر .. وكل شي متوفر عندك .. شقه وشغلك وياي.. والحمد لله ويش تستنى..
ــ يا الله.. واحنا ما يفقع راسنا الا هالناس وهدرتهم .. خلاص يايبه اللي تشوفه ...
ــ خلاص اجل بعد شهرين على بركه الله عرسكم
ــ على خير
طلع ابو قاسم من غرفة قاسم . وهو ما له نفس يحس ولده مو مستانس بس ويش يسوي له ... اما قاسم جلس على السرير.. وشرد بعيد..
ــ ياترى ويش مسويه سجى مع ماجد.. مرتاحه .. مستانسه.. متهنيه... ااااااااه يا قلبي انا اللي مقاسي.. كله مني .. خلاص كلها شهرين وبتصير احلامي كومة غبار بعد ما حطمتها وضيعتها انا ...انااا.. بيدي...

يوسف: ــ هااااا جناني سألتي سجى ويش يصير ليها قاسم..؟؟
ــ يووه لا الحين ادق عليها واسألها
::::::: ـــ الو هلا جنان
ــ اهلين مرت عمووو كيفك
ــ منيحه اخبارش انتين ويش مسويه..
ــ الحمد لله تمام
ــ دوووم ان شالله
ــ يارب جميعا........... الا سجويه ابسألش ..
ــ تفضلي غناتي ..
ــ قاسم الــ..... يصير لش موو..
سجى حست بصعقه كهربا بجسمها يوم سمعت اسم قاسم
ــ ايه.. ولد عمي .. لويش تسألي..
ــ لا بس يوسف يسأل عنه يقول كان خويه ................ وقصت ليها السالفه..
ــ اها.. يعني.... ايه ولد عمي هو...
يوسف يأشر على جنان يبغاها اذا تقدر تجيب رقم بيتهم عالأقل
ــ اااا.. سجوي اذا ما عليش كلافه.. يوسف يبغى رقم بيتهم
ــ لا عادي ..
وعلى طول عطت سجى جنان الرقم.. جنان في البدايه استغربت من سجى... تذكرت انها بالمزرعه ضحكتها.. ما تحفظ ارقام... رقم جوالها مهي حافظتنه ولا بيتهم.. شمعنى هالرقم حافظتنه وقالته بسرعه.. ما مداها حتى تدوره بجوالها لو كان بيدها
بس طنشت .. عادي يمكن تدق عليهم وايد وحفظته..
ــ تسلمي لي يالغاليه ازعجناش
ــ لا ابد عزيزين والله اهلي حياش الله بأي وقت
ــ الله يخليش يللا باي
ــ باي وخلينا نشوفش لا تقاطعينا
ــ ان شالله .. اذا فضى يوسف قبل لا تخلص اجازته اجيش فيوم..
ــ حياش الله.. باي
ــ باي

يوسف اخذ الرقم وهو فرحااان... الله ياااقاسموه البرشووومه.. والله سنين.. يالله ذاكرني والا نسيتني خلني ادق واشووف ......
ودق يوسف بيت قاسم...
رفعت السماعه فطوم ....يوسف بصوت هادي :ــ مرحبا ...
فطوم مستغربه .. اول مره تسمع هالصوت اخوها ما احد يدق عليه البيت دوم اخوياه يطلبوه على جواله وابوها مستحيل هالصوت يكون من دقة ابوها..:
ــ نعم.. >>> قالتها بشده
يوسف جت له الضحكه.. وهو من النوع الجرئ شوي:
ــ الله ينعم بحاالش... بس قلنا يا خيتي مرحبا..
فطوم من نبرة صوته وهدرته خافت قالت مغازلجي.. وطاااااخ بوجهه...
يوسف طالع السماعه..: هههههههههه والله خطيره لكن ما عليه
العب شويه .. وبعدين نعترف
ورجع دق ::::فطوم: ــ نعم
ــ هههههه نعم بعد.. مافيه غيرها ؟؟ يللا .. زين ..الله ...ينعم..... عليش .. بس .... ليش صكيتي بوجهي ؟؟
ــ................................
ــ الووووووووووو
ــ مين تبغى انت .. شكلك غلطان..
ــ لا والله مو غلطان متأكد..
ــ اخوي لو سمحت بغيت من والا اسكر السماعه
ودخل قاسم الصاله كان راجع من برى
ما سمع يوسف الا فطوم تقول:
ــ قاسم جيت بوقتك شوف هالتافه ويش يبغى صاير غثيث واديه حدددده..
ــ هااااا .. ويش يبغى.. جيبي اوريش فيه
يوسف انفقع من الضحك..وفباله.. ــ الله ياعيني عليها.. هههه والله وحده غيرها من الربكه من تشوف اخوها طاااخ بتقفل السماعه حتى لو غلطان .. خخخ خطيره هذي..
قاسم: الو .. نعم..
يوسف بصوت هااادي ...
ــ ههههه حتى انت نعم .. طيب الله ينعم بحاالك ومرحبا
ــ يامراحب .. خير اخوي امرني
ــ والله .. ما يامر عليك ظالم... هذا مو بيت الــ....
ـ ايه .. من معاي وبغيت مين..
يوسف عدل الصوت...
ــ هههههههه ياهووو........ يا ابوو برشوومه ما عرفتني ؟؟؟
قاسم صرخ من قمة راااسه
ــ يوووووووووسفووووووووه يالملعنه يالخاايس ... ياااااااااااالله وين كل هالغيبه >>> خخخ تعرفوا سبايب الصبيان :: حتى خويه الروح بالروح ما يسلم منها
ــ هههههههههههههههههه ... والله ومفتكرني زين
ــ افا.. وشلون انساك.. وينك يالحمار..
ــ ههههه اقول يالدفش بلا سبايب .. لا اقفل بوجهك..
ــ افا وتسوي حالك بعد.. مشتاقيين يالثوور..
ــ ههههههه .. لا شكلي بقفل الخط
ــ بلا دفاشه .. وين اراضيك..
ــ هههههه ... بوسني وتراضيني
ــ ههههههه صج حمار ولا بتهون عن هالمسخره .. وين ارضك.. وينك
ــ خخخخ انا كنت ادرس بالبحرين وباقي لي كورس واخلص وانت
ــ خخخ انا يالله خلصت الثانويه انسى ياشيخ .. نسيت كيف يمسكوا القلم حتى ..
ــ هههه اخ منك بس ... والله كثر الله خير حبيبة القلب اللي نجحتك.. خخخ زين والله الحمد لله والشكر ..
ــ حبيبة القلب... أي حبيبه...؟؟؟؟؟

[Princess]

الحلقه السادسه عشره..

ــ حبيبة القلب... أي حبيبه...؟؟؟؟؟
ــ افا ,, نسيتها.. حبيبة قلبك .. ومعشوقتك الأبديه
قاسم ارتبك؟؟ ويش تقول يا شيخ
ــ لا حووول .. اسف اسف ... نسيت انا .. خلاص طلقتها انت افا تراك ..طلقتها...
ــ يوسفوه ويش تهلوس ويش تقول <<< كانت سجى فبال قاسم والكلمات تطعن فيه طعن
ــ افا .. حبيبتك.. البرشومه .. حبيبة القلب .. يالخوان.. تخرجت وطلقتها..و نسيتها
ــ يوووووووووووسفوووووه .. يا مصااختك يا ثقيل الطينه.. طيب يصير خير اصيدك ××××××
ــ ههههههه.. اوه اوه .. ما يندرى ويش فهمت.. هااا ابو القواسم... لا يكون قلبك ضاربنه فايروس اذا ضربه قول لي .. خلني اشغل مكافح الفيروسات حده محنا ناقصين<<< مصطلح بين قاسم ويوسف فيروس = حب
ــ خخخ.. اقول .. ويش عندك الحين
ــ ابد حاط رجول على رجول ومتفرغ لك.. لويش بتعزمني على عشا
ــ ههه وهذا همك وين بيتكم بامر عليك ؟؟؟؟؟
يوسف نقلوا بيتهم من بعد ما تخرج من الثانويه على طول .. فضاعت اخباره عن قاسم عدل ..
وصف يوسف البيت لقاسم ,, وجاه قاسم طياري وبالأحضان .. وطلعوا يتمشوا ويتذكروا ايامهم الخوالي...
صار يوسف يقص لقاسم ويش سوى وويش صار له بهالفتره...وجا دور قاسم .. قاسم ما يخبي شي على يوسف.. قال له انه خاطب الحين.. يوسف بارك له واستغرب منه
ــ قاسمووه وين دبلتك.. والا حق تتصيد بنااات وتطيحهم هااا <<< يوسف دوم مزوح..
تنهد قاسم بحزن وحكى ليوسف كل شي .. كل شي بالتفصيل الممل.. بس ما قال له ان حبيبته الأوليه كانت سجى بنت عمه.....
يوسف حمق على ماجد:
ــ اسمح لي ياخوي انت اللي غلطت على نفسك ودمرت حياتك وحياة المسكينه اللي حبتك.. فلا تقعد تندب حظك الحين وانسى خلاص
ــ ان شالله احاول وربي قد ما اقدر...
قاسم يبغى يلطف الجو.. بس الفايروس قوي والله يايووسفوه قووي..
ــ هههههه خلاص ياشيخ هونها وتهون عسى ان تكرهوا شيئا وهو خير لكم وعسى ان تحبوه وهو شر لكم ما تدري الله يمكن كاتب لك الخير مع الخطيبه الجديده..
ــ ان شالله مع انه ما ظني المكتوب مبين من عنوانه ×××
ــ بل بل ... لا عاااااد.. لا تقول كذا انت توهم حالك من كثر ما تعلقت وحبيت الأوليه صرت ما تشوف غيرها فتح عيونك ابو القواسم ما عهدنا منك هالشي.. خلاص انت فطريق وهي فطريق ..الا بسألك... ويش صار عليها هي .. والا انقطعت عنك اخبارها ؟؟
ــ هو من ناحية انقطعت .. انقطعت.. بس اخر شي عرفته عنها انها انخطبت ....
ــ زين .. ومين اللي اخذها .. لا تقول تعرفه.. ان شالله ما تعرفه اهون لك..
ــ لا والله من قرادة حالي اعرفه... و القهر اني ما اطيقه دم ضروسي
ــ بللللللل يا ساااتر ومين هالتعيس اللي صاير دم ضروسك.. مو عوايدك تكره احد
ــ لاااا... انا ما اكره احد كثر كرهي لمااجدوه هذا,, وزاد كرهي وحقدي له يوم اخذها...
ــ هههههه .. لا وماجدوه.. الا ويش سالفة هالماجد ... تدري عمي بعد اسمه ماجد.. وياكرهي له
ــ هههههههههههههههههههه .. ويش عقدة هالأسم... ويش يشتغل بعد عسى مو محامي
ــ هههههههههه ايه ويش دراك
قاسم نغزه قلبه...
ــ يوسف بسأل سؤال ولو انه لقافه.. بس عمك هذا متزوج
ــ خخخ لا خاطب .. زين لقى وحده تاخذه لوحٍ ما يتلحلح.. ايه وعلى فكره نسيـــــــــت ما قلت لك.. هو خاطب بنت عمك .. يالمفهي.. و ما سألتني من وين جبت رقم بيتكم بعد هالغيبه .. جبته من عندها
قاسم صرخ بدون وعي : هاااااااااااااااا.. ليش سجى هي خطيبة عمك
ــ بسم الله ايه ليش ما تدري
ــ لا انا ما اعرف ويش عايلة عمك هو محامينا وما اطيقه ويش لي احتك فيه واعرف عايلته .. وتغيرت نبرة صوته... يوسف .. سجى ...ااااااا
ــ ويش فيها خلعتني..؟؟
ــ هي حبيبتي وخطيبتي الأوليه
ــ هااااااااااااااا..
يوسف صعقه الخبر .. ــ سجــــــــى....... هي خطيبتك الأوليه .. !!!!!!!
ــ ايه يا يوسف ..
ااااااه.. خليني بهمي.. ههه والله دنيا صغيره
وضرب كتف يوسف..: صرنا يا يوسف نسايب
يوسف عوره قلبه على حال خويه ,, بنفس الوقت كان يعتب عليه على اللي سواه.. ويواسيه ويتمناه ينسى...
سجى تقلب فكرها.. يوسف طلع خوي قاسم.. والله من جد صدف غريبه عجيبه.. اجل لا اتعجب يوم احس ان يوسف زي طبع قاسم.. لأنهم اخويا.. بس ان شالله يكون يوسف احسن.. شكله مبين عليه مجتهد ومكافح ما قعد وحاول وسافر .. الله يوفقه يارب..
وبين ما سجى تفكر .. كانت عيونها على التقويم.. طالعت التاريخ.. قامت تركض.. بل من متى ما شلت هالورق.. وصارت تشيل تاريخ تاريخ.. لين وصلت للتاريخ الصحيح..وهي تشيلهم خطرت فبالها فكره...
يوم ثاني .. جاها ماجد.. صاير بهاليومين طيب وحليو.. جاها يجلس وياها ساعه حكم ظروفه.. ما تسمح له بأكثر.. بس سجى مبسوطه ومستانسه هالساعه عندها احلى ساعه..
استأذنها ماجد بيروح الحمام الله يكرمكم..سجى جتها الفرصه العدله.. فتحت محفظة ماجد .. وهي ترتجف بسرعه.. طلعت بطاقة الأحوال شافت تاريخ الميلاد وعلى طوول رجعتها.. وابتسامه عريضه شااقه بوزها..:: الحمد لله مااا طااااف التاريخ..

كان عيد ميلاد ماجد بعد اسبوع.. سجى فرحانه حدها انها انتبهت قبل لا يعدي التاريخ .. شرت ساعه كشخه وعطر .. رهيييب... وقلم حركتات .. لزوم شغله.. خافت تدق عليه قبل بيوم ويقول ليها ماعليه بيجيها ويطلع له شغل فجأه معروفه هالحركه.. قالت ادق عليه يوم ثاني من بدري وحظي نصيبي اذا طلع عنده شغل يللا خيرها فغيرها مالداعي احتفل وياه.. وان طلع ماعنده شغل .. الله هذا,, المطلوب ....

وجا يوم الأربعا.. كانت ليلة الخميس هي ليلة عيد ميلاده.. دقت عليه سجى الصباح
ــ هلا حبيبي
ــ ياهلا سجى اخبارش
ــ تمام الحمد لله ... ماجد ودي اطلب طلب
ــ تفضلي
ــ الليله اذا ما عليك كلافه .. ممكن تجيني بغيتك بسالفه
ــ ان شالله على خير .. باشوف اذا قدرت
ــ ان شالله تقدر من جد ضروري ابغاك
ــ سجى خوفتيني فيش شي.. صاير شي
سجى استانست على سؤال ماجد ..: ــ لا الحمد لله ابد بس ودي تجي ..
ــ خير ان شالله باشوف
ــ يللا مع السلامه
ــ الله يسلمش

ماجد ما استغرب من سجى هالطلب طلبته منه كذا مره.. فتح جدول مواعيده.. افففف عندي موعد ضروري مع واحد من الموكلين.. لا حوول... مسك الجوال بيكتب مسج... تردد.. ما شاف حاله الا يدق على موكله ويعتذر له بظروف انه يأجل الموعد ليوم السبت.. واول مره يسويها ماجد ويعتذر من احد !!!
والحمد لله الموكل رضى...

سجى راحت العصر الكوافير وكشخت قصت شعرها على طوله حركتات.. خافت تقصره ويعصب ماجد..ومكياج وطلعت شي نعومه شحليلها...
ورجعت البيت.. راحت المجلس وحطت الكيكه.. وعبت المكان شمووع .. .. وجابت مسجل .. ونفرت ورود بالمكان .. وخلت الجو رهيب اكشنات.. ودقت على ماجد...
وفاجأها وهو يقول انا عالباب......
حست رجولها مهي شايلتنها من الفرحه.. فتحت له الباب بالأنتر فون من داخل وقالت له يروح المجلس ... استغرب ويش السالفه غريبه ما طلعت له..!!
راح المجلس لقى الدنيا ظلمه وشموع مضويه المكان .. وهو واقف على باب المجلس يطالع ويش صاير .؟؟. وشوي يسمع انشودة عيد ميلاد..
Happy Birth day to you.......
سجى تستنى ردة فعل ماجد
ماجد: ويش صاير .. سجى ويش السالفه ..
قالت له بابتسامه : ــ ماعرفت
ــ أي هبي برث ما برث.. ويش السالفه
جت له سجى ولبسته قلادة ورد واخذته من ايده للكيكه كان يستوعب السالفه ..
ــ كل عام وانت بخير حبيبي .. عقبال مليون سنه
ما شافت الا ماجد فاااقع المكان بضحكه
ـــ ههههههههههههههههههههههههههههههههههههههههههههه كح كح كحححح الحين.. تعال .. وتعال... عشان كل عام وانا بخير وعقبال مليون سنه.. والله كبرت انا على هالحركات .. وانا مأجل شغلي مفكر عندش سالفه..قومي بس ولعي اللمبات.. صاير الجو ما ادري كيف كأنه البيت المسكون.. كأننا بنحضر جني .. وطفي هاللي ينعق صار له ساعه عورني راسي.. >>>> يال الإحباااط
سجى : ؟؟؟؟؟؟|||||؟؟؟؟؟؟؟×××××||||؟؟؟؟؟؟؟؟؟؟؟||||||؟؟؟؟؟؟ ؟؟ ××××××
ــ سجى .. هيه .. ما تسمعي .. قومي سوي اللي قلت لش عليه
ــ طيب طفي شموع الكيكه اول
ــ ههههههه والله حاله .. ياهل قالوا لش ..
Happy Birth Day To uهههههه قومي بس مالي خلق هالخرابيط؟؟؟
سجى انكسر خاطرها على كل هالشغل وحاله ..: صارت تطفي الشموع لحالها .. كل شمعه تطفيها خاطرها تذرف وياها دمعه.... بس خايفه المكياج يخترب قالت خليه يمكن لما اولع اللمبات ويشوف المكياج والكشخه الله يهدي باله ...
وقامت للمبه ولعتها ...
دارت لماجد .. ماجد عفوي بالمره.. واول مره يشوف سجى بمكياج حتى بالعقد ماحطت فتح عيونه يطالعها وهو ما كان يحب هالألوان .:
ــ ويش مسويه بروحش .. خخخخخ لويش كذا.. والله عالطبيعه احلى انا هالشخابيط ما احبها <<< بل عليك جامل يا اخي ..
سجى فرحت بهالجمله .. وما فرحت.. ما تدري كيف توصف شعورها .. ما تدري ويش تسوي .. خاطرها تصفع ماجد كف .. وتصرخ هيـــــــــــــــــه بطل برودك هذا حس .. خل عندك ذرة حنيه.. بس ويش تسوي .. يللا .. خليها في القلب تجرح..

قصت الكيكه.. عطت ماجد قطعه.. وصارت تاكل وهي تبلع حاسه بغصه... وشوي قامت تطق بالملعقه على الصحن ...وما شافت حالها الا بعفويه ودموعها تتناثر قامت تشتكي:
ــ ليش كذا ياماجد.. ليش قاسي علي.. والله اني احبك ,, واحاول قد ما اقدر اسعدك.. بويش اني مقصره.. ماجد ليش ما تحس فيني.. كفايه علي مصايب بدنيتي .. ابغى الاقي حضن حنين.. أم وما عندي.. اخوان وخوات وما عندي.. ما عندي الا ابوي وانت.. اطالع الله واطالعكم.. ابوي تعبان فيه اللي يكفيه.. وما ابغى اكون هم عليه زود على همومه.. ماجد.. ارحمني.. اذا ما تبغاني ليش ماخذني والله لو مخليني بحالي ولا معذبني ارحم لي .. حرام عليك اللي تسويه فيني ... والله حرام
وحطت راسها بين ركبها وصارت تصيح صياح يقطع القلب..


ياترى ويش تتوقعوا ردة فعل ماجدووه..؟؟؟؟. هذا ما ستعرفونه في الحلقة القاادمه خخخ...

[بوفيصل]

يسلموووووووووووو أمـــــــــــيره علي الحلقتين

والله يعطيكي العافيه ولا طولين علينا بتكملتهااااا

مع خالص تحياتي بوفيصل

[بيسان]

هلا والله خيتوووووووو
اهم شي انتي تكووني بخير
الحلقتين جنااااااان والله
وحشتينااااااا يالدبه
والله لك وحشه
اكيد بتكوون رده فعله هههههههههههههههههههههههههههههه صح مع تعليق سخيف زي وجهه
تسلمي يالغلا
ونحن في الانتظااااااااااااااااار

[أمل الظهور]

افااااااااااا اميرررررررررررررة

تدخلي النت ولا اشوفك يلا العتب مو عليك ...على المخرف والجني اللي عندك ....

القصه اليوم مررة مررة مررة روعه حسيت فيها تشويقات واحداث حلوة

خاصة انها بردت لهيب انتظار البقية ...طول هالفترة


بس صدق انك بخيله ..مطوله علينا كل هالمدة واخر شيء حلقتين صغار بس ....يلا عودي وعوضي ...

نبي كل يوم قصة ...

عاد اتخيله هالدب ماجدوووه يستحي على وجه ويتعدل مع هالمسكينه ....

عاد اموورة لاتقولي لي تصير ليلة زواجهم ليله واحده هي مع قاسموه ..

يلا يعطيك العافية

ننتظر البقية

[.:روح وريحان:.]

بل بل بل
حرام عليج جان حطيتي ردة الفعل
توج جاية وبعد اتحمق
عليج
يسلمو دياتك غلاتي
الحلقتين شكلهم كسروا ايدج يسلموووووووو