يسلموو على التواصل الجميل
وتفضلوا الجديد
الحلقه السادسه والعشرون
صار ابو قاسم يقلب الأفكار وبعفويه سالت دمعته...
فطوم : يبه ويش فيك اسم الله عليك
قاسم : يبه خير عسى ما شر
ابو قاسم : اااه .. نفسيتي تعبانه مره
ــ سلامتك يا يبه لويش تعبان هدي وريح بالك مو زين لك التعب
ــ قاسم .. منت مرتاح انت مو.. قول الصدق .. كله مني انا خربت عليك حياتك .. سامحني ياولدي
قاسم يحب راس ابوه
ــ يبه .. لويش هالكلام الحين .. ماله داعي .. ولا تقعد تتعب نفسك.. هذا نصيبي من الدنيا وانا راضي به .. يا يبه صحتك عندي اهم شي .. هدي ولا تفكر بأي شي
ــ مانى قادر.. ابليس عماني والطمع والحسد قتلني .. وسويت المشاكل..وهدمت حياتكم وظلمت سجى .. كأن مافيني عقل اطاوع ام سعود.. ااه وشوفوا كيف حالها وياي الحين ماكني اخوها.. والله دنيا مآسي ..
فطوم: ــ خلاص يايبه انسى هالسالفه ماضي عدى وانتهى وكل راح بحال سبيله والله ييسر الأمور وصلي على محمد وتعوذ من ابليس
ــ اااه.. اللهم صلي على محمد وال محمد
ــ ويا يبه لا تقعد تفكر وكان على سجى تراها الحمدلله مبسوطه مع ماجد وعال العال ومره ما شالله مو مقصر وياها بشي
كان كلام فطوم مثل السكاكين تطعن في قلب قاسم اللي يحاول يداري المه وقهره اللي بدى يتحول لحقد وحسد..
وبعد كم يوم .. طلعوا من المستشفى بالسلامه كل راح لبيته
سجى اخذها ابوها .. وهم بالسياره لاحظت سجى ابوها صاير غير شكل.. مخبي حاجه شكلها حلوه.. الإبتسامه مهي مفارقه وجهه.. تسأله .. يقول فرحان بجيتها ورجعتها بالسلامه... وشوي يضحك على خفيف.. وسرحان وهو يسوق ..
سجى مستغربه منه ... قالت فبالها .. يللا فرحان برجعتي.. مع اني اشك انه فيه شي ثاني بعد ... ويوووم وصلوا .. لقت ابوها قبل لا ينزل من السياره يحوس بجواله ما تدري ويش يسوي . كأنه يدق على احد بس بدون ما يكلمه كذا يعني مسد كول بس ... وبعد وهو مبتسم ..
سجى ضربها الفكر .. يووه ما يندرى ويش صاير دخلت سجى البيت .. وكان واحشنها .. خذت نفس عمييق وركبت غرفتها . يوم دخلت . وبإبتسامه متفاجأه
ــ الله .. هذاا. ويــــــــــــــش.؟؟!!
لقت غرفتها معبيه ورود.. وشموع مولعه وعلى الجدار اوراق ملزقه.. تقربت منها لقت في الورقه الأولى
الحمدلله على سلامة احلى عيون تقرا احساسي..
جنبها الورقه الثانيه...
لو تعرف شقد اغليك وشقد ما اطيق بلحظه اخليك
الثالثه
دخيل هالروح .. تداوي جروح .. ووين ما اروح .. الاقيها
الرابعه
انا يوم الوله ساقني .. لقيت نفسي بديارك.. فتني سحر انظارك .. اسرتيني يا روحي .. طلبتك علِّي اسوارك.
وسجى وهي ماشيه على جدران غرفتها الأوراق ملزقه.. وكل ورقه فيها الكلام احلى واحلى .. لين وصلت لكبت ثيابها.. على باب الكبت ورقه ..
افتحي قلبي.. بتلاقي حبي.. يلحفك.. يغطيك .. ومر ايامك ينسيك .. ومن كل حلو في دنيتي راح اعطيك.. بقلبي راح اخليك وبعيني اداريك .. وابيع كوني واشتريك
..ماجد ..
سجى حدها طايره من الفرحه ... يا عمري ياماجد.. الله لا يحرمني منك..
وشوي لقت جوالها يدق .. الا هو ماجد
ــ هلا عمري هلا مجودي ..
ماجد وبهمس
ــ هلا حياتي الحمدلله على السلامه..
ــ الله يسلمك.. ويش هالحركات يا عمري.. فاجأتني تسلم لي
ــ والله تستاهلي اكثر من كذا .. انا كم سجى عندي
سجى وبدلع..: ــ وحده .. بس لويش ما جيت تقعد وياها.. كان مهلت شوي قبل لا تمشي
ــ انا ما مشيت انا وياش
ــ ياقلبي انت على طول وياي مين قال اني بلحظه انساك
ــ تسلمي لي يا الغاليه.. بس انا صدق ويااش الحين,,
سجى تتلفت بغرفتها وهي تضحك
ــ وينك لا يكون جني ..
ــ ههههه لا مو جني .. ها .. اسمعي .. احبــــــــــــــــــــــــــــــــــــــــــــك..
سجى سمعت الصوت في غرفتها.. عدل .. وكنه مخشوش في مكان.. وكنها عرفت هالمكان .. راحت ركض لكبت ثيابها..
وفتحته بسرعه
الا مااجد
ــ اووووووووووه.. هههههههههه
ويحضنها وهو يضحك عدل
سجى ماتت من الضحك
ــ تلعب الخشه ويش دخلك في كبتي هااا..
ــ ههههههه ادور بلوزه .. وتسكر علي .. زين انقذتيني
ــ هههههه ياعمري .. ويش اللي خلاك تسوي كذا
ــ ابغى اسوي اكشن.. اتذكر ايام الطفوله نلعب كذا.. خخخ وبغيت اموت كذا مره يصيروا يدوروا علي وما اتنازل انا واطلع.. وهم ما يحصلوني لين قريب اختنق خخ اطلع ..
ــ ههههههه بس حلوه منك والله ..
ماجد بهداوه: تسلم لي هالضحكه وراعيتها
سجى استحت...وما ردت..
طلع ماجد من مخباه علبه صغيرونه.. فتحها الا هي سلسال نعوم وحليو ذهب تعليقته اسمه واسم سجى .. جاي على شكل قلب
سجى : ــ الـــــــــــــــــلـــــــــــه .. تسلم لي ياعمري.. والله يجنن.. تعيش وتجيب حبيبي..
ــ الله يخليش .. تجنن اللي راح تلبسه
ولبسه سجى ..
ودارت عشان يسكره ليها .. ويوم سكره ورجعت تطالعه.. لقته ساكت ويناظر في عيونها ونظرته لااامعه بشكل مو طبيعي
ومبتسم.. ويهمس
ــ اشكرش ياحبيبتي
ــ اني اللي اشكرك.. اني ما سويت لك كثر اللي سويته لي تسلم لي ياعمري
ــ لا انتي سويتي اكثر من اللي سويته لش بمليون المليون. انتي حليتي دنيتي .. ولونتيها بأحلى الوان.. ونسيت وياش كل الهم وكل الضيق. انت غيرتني رجعتني ماجد الأولي . اااه يا سجى لما اجلس معاش احس وقتي ثواني .. ولما اغيب عنش احس ايامي سنين.. من جد يا سجى .. انتي هديه لي من رب العالمين احمده واشكره عليها في كل حين
ــ الـــــــــــــلـــــــــه .. تسلم لي يالغالي.. كلامك حلو .. وما شالله صرت شاعر
ماجد ابتسم
ــ لا عااد شاعر مره وحده .. خلي الشعر لأهل الشعر .. هذا كلام طلع بعفويه مني بسيط والله بس يعبر عن احساسي .. انتين الحين انا ابغى منش شعر
ــ اني
ــ ايه الحين الحين
ــ هههههههه.. ياربي .. وسكتت شوي تفكر... اوكيه ...
رخيص الطلب وانت لي غالي .. تطلب عيوني لك اقدمها..
يامنية القلب ويا سعد حالي .. يامن حياتي على حبك اعلمها
مالي غناة من دونك انا مالي.. ربي يحفظ لي روحك ويسلمها
ابني لك في الحنايا صرح عالي.. وحناياك على حبي ابيك تطمنها..
وسلامتك
وصار ماجد يصفق ويصفر ..
ــ ما شالله حبيبتي من جد غيرررر..
ــ هههه لويش
ــ غيرررررررر وبسسسسسس.. كيفي
ــ ههههه اوكيه كيفك
ــ ادري اجل كيفش هذي حبيبتي وكيفي ..
ــ ههههه خلاص ما قلت شي كيفك
ــ تسايريني يعني .. لا تسوي حالش هاا
ــ هههههه ويش فيك تتعيلف توك يا حلاتك
ــ متقلب مزاجيا .. عندش مانع
ــ لا ما عندي
ــ افتكرت بعد.. وعلى فكره ...
ــ ويش
ــ احبـــــــــــــــــــــــــــــــــــــــــــــــ ـــــك...
ــ ههههههه تسلم لي ياعمري
ــ بس ..
ــ يا قلبي
ــ بس..؟؟
ــ هههه ويش تبغاني اقول
ــ قولي احبك
ــ هههه طيب .. احبك...
ــ ما اسمع اعلى
ــ احبــــــك
ــ هاااا
ــ ههههه احبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــك
ــ ااااااااااااه .. دخيل هالحب انا .. الله لا يحرمني منه ...ولا يحرمنا من بعضنا
ــ ياااارب
المفضلات