وفي بيت ابو قاسم...
كانت العمه ام سعود عندهم.. وريمووه ما سكتت من القرقر.. وقاسم مو قادر يستحمل.. قرقرها مااااصخ.. ما عندها سالفه الا عن المطربين.. واخر الأفلام.. واخر موضه ,, اللي يسمعها يقول من زين اللبس عااد..وقاسم يتأفف كل ثانيتين
وعمته تطالع فيه وتخزه بقهر .. واوبو قاسم هو الثاني اللي مو قادر يستحمل قرقر اخته اللي خايفه على الشركه اللي لها نصيب فيها.. مسوى الأخت ورث ابوها حطته مع ابو قاسم في هالشركه .. تشغل حلالها عنده.. والحين ابو قاسم صاير له فتره بالمستشفى وفتره بعد بيقعدها في البيت راحه.. وهي خايفه على هالقرشين لا يضيعوا << صدق متفرغه..
وريم تقرقر على راس قاسم .. قاسم قام طقت جبده .. وقام وشغل التلفزيون.. وصار يقلب بهالقنوات
حط العربيه وقعد هو وابوه يتابعوا في هالأسهم.. والأخبار ويسولفوا ويا بعضهم.. وحاقرين ام سعود وبنتها الببغاء..
ام سعود انبطت واحترق دمها وطلعت هي وبنتها
قاسم مهو قادر .. قام يكركر ضحك.. ولحقه ابوه بالكركره خخخ
وشوي خفت كركرة قاسم وسرح بعيد ..
افففف كلها اسبوع وتصير هالريم زوجتي .. خلاص ما بقى شي .. انا اسمع الوحده تغيب عن خطيبها شهر قبل عرسهم .. ها اسبوعين اقلها .. كاان توحشه .. ويوحشها.. وانا مقابلتني 24 ساعه .. وما اعرف عنها شي غير االتفاهات والسطحيات.. يالله شلون هذي باعيش وياها انا .. مو قادر اتصور
وقطع عليه السرحان ابوه ..
ـــ قاسم يا ولدي لوين وصلت
ــ هااا .. هلا يبه .. لا ابد
ــ انا ابوك وادري بك.. تفكر بالإسبوع الجاي مو
ــ ها. ااا. اكذب عليك يايبه اذا قلت لا
ــ يللا يا ولدي هونها وتهون.. والله يقدم اللي فيه الخير .. يارب يسعدك ويريح ويطمن بالك
ــ يارب ...

وبتفتيحه وتغميضه .. جت ليلة الجمعه.. ليلة عرس قاسم.. فطووم دايخه في الكوافير .. ويا ريمووه اللي ما يعجبها العجب .. وتالي عجبتها صبغه وتسريحه صرعه بسم الله على قولتها اخر ستايل << ستايل جدتها خخخ
وفطوم فيها الضحكه وتهلوس فبالها .. الله يعينك يا خوي بس
ويوم جت االست ريم تلبس فستان العرس كاانت ما خذتنه قبل عرسها بشهر
جت تسكر السحاب ما يتسكر والحاله قايمه خخخ فطوم تشد من جهه والكوافيره الفلبينيه تنازع وهي تسحبه من جهه.. ويتبادلوا الأدوار هي ويا فطوم .. ويا الله سكر .. وريمووه منقهره ومولعه .. شلوون زادت بظرف شهر هالكثر .. وما مداها قعدت الا .. خخخ السحاب ينفرط ..
ــ اااااااااااااااه ويش هالحاله انفرط .. ويش اسوي...
فطوم فيها الضحكه بس كاتمتنها .. وتهدر فبالها يااادافع البلا
>> لا يصير فيها شي هي بعد.. اذا جاها نصيب ..خخخ.
وتجيب الفلبينيه خيط وابره ويخيطوه ليها حزه الحزه ويقولوا ليها عااد تتصرف بعدين اذا جت تفصخه ..خخخ

وخلصوا تعدل وراحوا الإستديو بيصوروا وريمووه جننت المصوره .. غصب تبغى تصور على مرجحانه ديكور حاطينها ..!!! . حلوه لياهله والا لوحده لابسه بنطلون او شي بسيط . وما تصلح لعروس ثوبها منتفخ وكبير .. وهي منازع الا الا تبغاها.. << خخ الحمدلله ربي
وفطوم مهي قادره من الضحك.. وتستسلم ريم للأمر الواقع بعد منازعات
وتصور كم صوره وهي مبوزه على هديك المرجحانه اللي ما تصلح ليها خخخ
ويطلعوا اخيرا .. متوجهين للصاله...


بالطرف الثاني قاسم .. اللي بوزه مادنه شبر
يوسف وياه ما بطل رقص واغاني مستانس بخويه
وكل شوي يعلق عليه
ــ هيه ابو القواسم عدل بوزك قاعدين الشباب يتعثروا منه ..
وقاسم ما شغلته الا ياا اف والا ااه
ويوسف : ــ لا حوووووول الله ..
ويكشخوا المعرس ويلبسوه بشته ,, ويقوم قاسم يفصخه ويطويه ويحطه فوق كتفه.. ويتلطم بالغتره ويضرب رقص ويا الشباب ويوسف يمسكه
ــ ويش فيك انخبلت .. كل هذا مستانس ..هيه .. انت بس تفرج انت معرس
ــ هههه اسكت بس .. خلني اسوي اللي اسويه جعلني اتدحن ..
ــ ياخبل بتعرق خخ توك ساابح .. احنا بنسبح هيه انثبر
ــ ههههههه خلني اعرق احسن افطس بلد بعد مو افطسها هي بس . خلني ضربان اصير من قوة الريحه اريح لي والله خخخ ... مو شغلك ..
ــ هههههه كيفك اجل يللا وياي ..
عاشوا عاشوا
ويطلع قاسم كل الحره اللي فيه بفنووووووون مجنوووووووووون..

ماجد يدق جوال على سجى يبغاها تطلع .. متواعدين بهالليله تروح هي العرس ساعتين وبعدين بيسهر وياها ..
تكشخت سجوي خووش كشخه ,, ويش حلاها... وطلعت مع ماجد ..
ماجد :
ــ سجى ... ااااا..
ــ ويش فيك ماجد..؟؟؟
ــ لا خلاص
ــ قول ويش فيك
ــ لا بس كنت بسألش .. ااا..
................سجى .. قول لي الصراحه .. متضايقه انتين الليله
ــ اني .. لا .. ولويش
ــ بس .. ااا.. ما ادري ... على حساب قاسم
ــ يالله .... ماجد .. حبيبي .. مافي شي في حياتي اسمه قاسم .. ما اعرف واحد بهالأسم.. اني ما اعرف الا واحد حبيبي ودنيتي وكل عمري يفداه.. واسمه ماجد
ــ ياعمري تسلمي يالغاليه ..
ــ يسلمك حبيبي ولا تفكر ابدا هالتفكير ..
ــ مو قصدي غناتي بس ما ادري ليش جا على بالي كذا
ــ لا عادي بس ابغاك تعرف شي واحد .. انت عمري وحياتي ومستحيل اتحسف على أي شي طول منت وياي
ماجد ارتاح من سجى وحس دنيته تحلو وهو معاها احلى واحلى ..
ووصل سجى للصاله وراح هو للرجال ...يبارك ليهم ...
ومر العرس على خير وسلامه .. وبوز قاسم ممدود.. وريم اللي ما تسكر بوزها ولا حتى دقيقه... خخخ

والى اللقاء في الحلقه القادمه