`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

[أمل الظهور]

والله حركات

ولا حركة العباءة المحجبة ويه مرة واحده ..علمها اول على الكتف ..مو ناقص الا النقاب بعد


يلا ترى نحترق على جمر

[Princess]

يسلمو جميعا على التواصل الجميل
واعذروني على التأخير والله هلكانه متابع في هاللقاء لا يتراكم علي خخخ
ما يمديني حتى احك راسي
وتفضلوا

الحلقه الواحده والعشرون

سجى فتحت عيونها منذهله ... ومره منصعقه .. ويش هذااا ؟؟؟؟
مهي مصدقه.. ؟؟؟؟؟؟؟؟؟؟؟؟؟؟؟؟؟؟؟؟
شوي...
ــ الوو هلا قاسم
ــ هلا بعمري وحياتي.. ودنيتي .. افا هلا قاسم بس..
ــ ايه بس وايد عليك هلا بعد
ــ افا افا.. اوه .. ويش فيه الحلو زعلان
ــ اجل يالنحيس متى عيد ميلادي .. مفتكرنه حضرتك ..
ــ ااااااااا
ــ ايه خلاص ..خخخ يللا ما عليه اهم شي انت وياي ومستحيل مهما كانت الظروف تتركني .. عدل والا لا..
ــ اكيد ياعمري مليون بالميه.. انتي لي وانا لش.. اسف غناتي لأني ما ذكرت عيد ميلادش صدق هو متى عشان السنه الجايه اسوي الش احلى عيد
ــ ههههههه امس ياقلبي عيد ميلادي
ــ ياعمري عقبال مليون الف سنه...

راحت سجى بعيــــــــــــد بعيـــــــــــد وصارت تتذكر موقف قاسم يوم عيد ميلادها.. وهي تطالع المسج اللي وصلها وابتسامه راحه منرسمه على وجهها
حبيبها وخطيبها ماجد تذكر عيد ميلادها.. ماجد اللي ما كانت تتوقع منه ولا ذرة حنيه .. تذكر شي نساه قاسم.. ونسته هي من زمان...
وبضحكه ساخره
ــ هه انا لش وانتي لي .. هه صدق الدنيا والمواقف تكشف من اللي يستاهل الحب الحقيقي

اما قاسم.. كان وقتها يتفتل بالسياره,, تذكر عيد ميلاد سجى بهالسنه..
جى على باله ابيات لحامد زيد
ماتــقبـلت الفراق ما ليدي فيه حــيله
آه لو ان الظروف المقبله تكشف قدرها

لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها


ويقطع عليه هالإندمااج يوسفوه متصل ....
ــ الووووووووووووووو
ــ فقعت اذوني ويعه
ــ هههههه مو مني من هالصجه اللي عندك.. ويش عندك
ــ ابد اتفتل بالسياره..
ــ طيب مر علي ..
ــ وين على الله
ــ خخخ ليش تشتغل تكسي
ــ هههههه صدق متفرغ.. وين بنروح
ــ اتفتل وياك.. زهقان حدي.. الا ما تبغاني وخايف اصير غثه على قلبك
ــ هههه لا ولو محتاج لك هالوقت تسليني
ــ قالوا لك مهرج .. لا .. قولها..
ــ ههههههه ايه مهرج زين.. ربع ساعه وانا عندك...
ــ طيب قبل لا توصل بكم دقيقه عطني مسد كول
ــ لويش
ــ عشان البس عباتي ما بلبسها من الحين لا افطس
ــ هههههههههههههههههههههههههههه صدق مينون وما عندك ساالفه
ــ خخخخخخخ اسوي زي اختي خخخخ
ــ مالت عليك .. والله لو ما اعرفك قلت خكري رسمي.. اعقل يالمخبل
ــ يللا عااد ترى هبالتنا ما تصير الا وياك
ــ ههههه زين والله.. يعني ويش ؟؟ لما تصير ويا الأهبل تتهبل زيه ؟؟؟
ــ ايووووووووه عليك لمبه..
ــ طيب اجل .. حسابك اذا جيتك هين
ــ يمااه .. وي وي خفت يا مااامي..
ــ ههههههههه لا ابصم بأصابع ايدي ورجولي .. فيك لمسة خكاره..
ــ هي .. خلاص يللا عاد مصخت خكري في عينك
ــ ههههههههههه عصب الأخ خلاص حقك علينا ولا يهمك... كم يوسف عندي
ــ ايه بعد... خذ الحذر..
ــ ههههههه اقول ... قفل بس جاينك
ــ الحين انا المتصل والا انت
ــ انت
ــ اجل انطم.. مو شغلك ... الا عاد اذا اذيتك.. وعناد حتى لو قلت ايه مانا مقفل
ــ لا ما اذيتني
ــ اجل باي
ــ هههههههههههههههه صدق .. انك سالفه
قاسم بالمره يرتاح ويا يوسف ويحب مزحه يخفف عنه همومه وقبل كان وياه الثنائي المرح بس الأيام غيرت في قلبه اشاي وايد

وشوي بييييييييييييييييييييييييييييييب بييييييييييييييييييييييييييييييييب
بيب بب بييييييييييييييييييييييييب
ويطلع يوسفوه يركض وهو يشبر ويفتح باب السياره ويصرخ على قاسموه
ــ يلعن يومك.. في اختراع اسمه جوال دق مسد كول ما تخسرك شي يالبخيل
ــ ههههههههه شرب بس
بيييييييييييييييييب بيييييييييب
ــ وبيب يفقع راسك قول امين قاسموه سويت لي فضايح ..
ــ ههههههههه .. خلاص خلاص
بب..
ــ اقول الشرهه مو عليك علي يوم اطلب منك تمرني فارق بس هونت مانا مخاونك بهالطلعه ..
ويكفخ باب السياره
قاسم: هههههههه يوسفوه من صجك تعااال
بييييييييييييييييييييييييييييييييييييييييييييييييي ييييييييييييييييييييييييييب
ــ ولعنة الله تنزل على كل مزعج هااا
ويركب ويمشوا .. وقاسم يكركر من الضحك .. ويوسف مقهور منه
قاسم : ههههههههههههههههههههه هههه هه اه اه ويطلع تنهيده حزينه من قلب..: ااااااااااااااااه
كان استهباله من حرة فيه مهو عارف شلون يطلعها ...
يوسف فتح عيونه عدل وهو يطالع وجه قاسم ..
ــ ويش فيك ابو القواسم خير عسى ما شر
ــ ااااه ياا يوسف تعبااان وربي تعباان
ــ سلامتك .. ويش يعورك بطنك.. اذا بطنك روح الحمام << خخخ متفرغ
ــ خخخ صدق الشرهه مو عليك على اللي يفتح قلبه لك
ــ افتح قلبك قااسموه افتحه.. يللا باصير جورج قرداحي .. مين الطرف الثاني
:: يوسف رمى هالتعليق وخاطره يسحبه لأنه حس من جد قاااسم متضايق حد ما عنده وهو متفرغ ينكت وخاف لا يزعل قاسم عليه.. لكن قاسم رد:
ــ اااه يا يوسف ليتك افتح قلبي صدق والطرف الثاني سجى
ــ سجى.. قاسم ويش فيك ويش قلنا احنا..
ــ ويش اسوي يا خووك غصبن عني ابغى انساها.. واذا صرت انساها ما اقدر انسى اللي سويته فيها.. اتمناها تسامحني
ــ قاسم يا اخوي سجى قلبها طيب وانت تعرفها اكثر مني لا تقعد تفكر وخل الأيام تعدي وتمشي وانسى..
ــ ادري مافي زي طيبة قلبها وربي وهذا اللي معذبني اني كسرت هالقلب وجرحته.. غصبن عني يا يوسف وربي
ــ قاسم ويش خلاك تطري هالطاري.. ليش كذا تقلب المواجع هونها وتهون
ــ ااه يا يوسف ليلة الجايه عيد ميلادها العام وانا معاها نسيته وهي اللي تذكرت عيد ميلادي واحتفلت به وسوت لي اللي ما يتسوى وانا ابد ولا شي .. والسنه يوم فارقتها ذكرته.. مقهووور يا يوسف وبقلبي حرايق ..
ــ يا اخوي استهدي بالله وصلي على محمد واله وانسى همومك خيي وعيش ايامك
ــ لا اله الا الله ... اللهم صلي على محمد وال محمد ان شالله .. الله يساعدني بس


سجى قاعده تدور في كبت ثيابها على لبسه كشخه حق ليلة الجايه
ويرن جوالها
ــ هلا ماجد.. هلا حبيبي
ــ اهلين ياعمري اخبارش
سجى وهي مبتسمه..: تمام الحمد لله اخبارك انت
ــ الحمدلله مبسوط ومستانس ومكيف حدي..
ــ عسااه دوم.. وتسلم حبيبي على المسج الحلو
ــ هااا عسى بس ما احد سبقني
ــ لا ياعمري انت الوحيد .. اللي ذكرته.. وانت الوحيد بدنيتي ...<<< قالتها من قلب من قلب... وابدا ما خالطتها ذكريات ولا زارها طيف قاسم..
ــ تسلمي لي يا الغاليه..
ــ ماجد.. ممكن سؤال
ــ تفضلي
ــ كيف عرفت تاريخ ميلادي
ــ هههههه ولو العصفووره خبرتني
ــ ههههههه لا من جد
ــ هههه طيب مو انا محاميكم,,,
ــ ايه
ــ مو كل شي ليكم عندي
ــ ايه
ــ من دفتر العائله ياغناتي
ــ ههههههه .. صح راح عن بالي والله
ــ المهم يالغاليه.. يا أم حمودي.. خخخ كنت اقهرش صح اذا طلبت منش تناديني هاللون ..
ــ هههه الصراحه ايه شويه..
ــ هههههه خلاص .. هونت .. لاحقين على حمودي .. ناديني باللي يريحش
سجى وهي مستحيه
ــ حبيبي مجوودي
ــ اللله هههههه ياعيني على مجودي.. دخيل من يدلعني انا
ــ هههههه تسلم لي مجودي
ــ تسلمي لي سجوي.. طيب لقانا ليلة الجايه.. راح ..
وشوي في مكتب ماجد.. بين ما كان ماجد يكلم سجى
رن التلفون..
ــ دقيقه سجوي .. باشوف ويش صاير
ــ طيب حبيبي
ويرفع ماجد سماعه التلفون ..
ــ خير يا علي <<< علي سكرتير ماجد <<< كومباارس خخخ
ــ استاذ ماجد في وحده عندي تبغى تقابلك عندها قضيه مهمه تقول وضروريه..
ــ ليش ما قلت لي عنها
ــ بدون موعد هي جايه طال عمرك.. وتقول ضروري
ــ طيب شوي خلها برى لين اطلبك
ــ على امرك
ــ هلا سجوي
ــ هلا حبيبي.. مشغول ؟؟
ــ لا بس في زبونه جايه بلا موعد وانا مو فاضي للي يجوا بلا موعد خلينا نسولف شوي وبعدين اشوف ويش عندها
ــ لا
ــ هههه ويش اللي لا
ــ ما نسولف شوف ويش عندها .. وبعدين كلمني .. حرام عليك تلطعها
ماجد عجبته سجى.. كان مهو حاب يقفل معاها المكالمه لما جت الزبونه خايف على مشاعرها بس اكتشف انها وحده متفهمه طبيعه شغله ودره نادرا يحصل زيها هاليومين...
ـــ ياعمري .. ياعيني على حنية قلبش.. طيب يا الغاليه اكلمش بس اخلص سالفتها
ــ ان شالله على خير
ــ يللا فأمان الله عزيزتي
ــ حياك الله يالغالي

وضمت سجى الجوال لصدرها وصارت تدور وتدور في غرفتها وهي مستانسه تحس نفسها طايره من الفرحه.. توضت وصلت ركعتين شكر لله.. وقرت الفاتحه..لأمها..

ــ يا علي خلها تتفضل
ــ ان شالله طال عمرك
ودخلت الزبونه..
ماجد ما رفع عينه عليها .. قال تفضلي .. بدون ما يطالع .. ولكنها ما قعدت.. رفع ماجد راسه و...

ياترى من هي هالزبوونه

هذا ما ستعرفونه تومورو ان شالله

سي يااا ياحلوين