الحلقه العشروون >>>> لا تخاافوا مهي الأخيره خخخ

ــ ويش حلك يا سنفور اتحفنا
ـ سيارتي...
ــ ويش فيها
ــ قررت تعتزل الصياعه و تتحجب
ــ خخخ يخرب بليسك فاضي انا لمسخرتك
ــ لا والله من جد.. اذا ما عندكم مانع خل اختك تفصخ عباتها وتشارك اختي عبايتها لمدة ربع ساعه ..
ــ طيب ويش بتسوي..
ــ قلت لك سيارتي بتتحجب .. لا حوول .. ويش فيك
ــ نشووف ويش بتهبب.. انا الحين باطوعك لأني مفتشل ما ابغى نوصخ سيارتك..
وسوي اللي تسويه
ــ نياهاهاهااا .. روح بس جيب العبايه
قاسم قال لفطوم السالفه..
فطوم : هاااااا.. وشلون افصخ عباتي
قاسم: بسيطه ادخلي ويا جنان بعباتها وكل وحده تدخل ايد وحده بس وافصخي العبايه وانتي داخل زي لما تقيسي عباه اذا جيتي تشتري .. والا وقت الصرف والتفخفخ بس تقدري تسوي الهوايل
ــ خخخ عن المسخره.. زين الحين
وسوت فطوم مثل ما قال ليها قاسم
نفض قاسم العباه عن الرمل..
ــ هاا ويش نسوي..
ــ دقيقه....
وطلع يوسف قطعه قماش وصار يمسح سقف السياره .. وفتح النوافذ اللي ورا شوي وصار يمسح براويزها..
وقاسم يطالعه مستغرب ويش يسوي هالمخرف..
ــ هاا يللا.. افرش وياي العباه فوق سقف السياره ودخل شوي من اياديها بالنوافذ .. قاسم ينفذ العمليه وهو مستغرب مره... وسكر يوسف النوافذ على ايادي العبايه ودق سلام تحيه لقاسم..
ــ يللا باي .. بروح اتفتل مع الخطيبه .. ربع ساعه وبرجع لك ..خخخخ
ــ ههههههههههه من صجك يالأهبل
ــ خخخ ايه ويش فيك
ــ انت اللي ويش فيك.. بتفشل روحك يالمينون
ــ اولا ظلمه.. والناس لاهيه بحالها بس لأنك تدري بي بتنتبه.. وثانيا .. مو شغلي بالناس بيقولوا مينون يقولوا بالطقاق ما همني احد...
ــ ههههههههه بكيفك بس لا تروح بعيد ابغى اطالع الفيديو كليب ترى باصور وبرسل بلو توث
ــ هههه ان شالله وسوي اللي تسويه ما يهمني .. يللا سلامووو
ــ حياكووو
وركب يوسف السياره ..دق السلف.. ويللا انطلاق .. وتخيلوا عااد شكل العبايه وهي منتفخه بالهوا وتهبب من جد .... سياره بشراع خخخ ...
قاسم راح لفطوم وجنان يخبرهم عشان ينتبهوا ..
وصارو يتفقعوا من الضحك..
وشوي سمعوا ياهل قريب منهم يصرخ جاي لأمه وابوه..
ــ يماااه .. يبه .. سياره عليها عبااااه .. مناااك تمشي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
امه وابوه فقعوا من الضحك .. ما صدقوه .. وقاموا يخوفوه

ــ قلنا لك لا تروح بعيد اقعد مكانك حبيبي لا تاكلك الأووه...
....................................
قاسم وجنان وفطوم صاروا يتدحنوا من الضحك

فطوم:
ــ والله اشوى ظلمه طالعي حلاة شكلنا... ثنيتن بعباه ويش هالدبه
ــ خخخخ ويش عليش من الناس هههه خلنا كذا كشخه
ــ هههههه بس من جد من وين لأخووش هالأفكار
ــ يووه هذا افكاره جهنميه وتضحك..
وسكتت جنان شوي وبعدين فقعت من الضحك وهي تقول
ــ انتين لو شفتيه ويش سوا مع بنت عمش سجى.. كان متي بعد من الضحك
فطوم انذهلت واستغربت:
ــ سجى؟؟.. ليش تعرفوها
ــ يووه خخخ يعني ما تدري ان محاميكم ماجد هو نفسه خطيبها
ــ لا .. اصلا ما حضرت حفلتها ولا كنت اعرف اسم عايله المحامي ولا ادري مع انها خويتي الروح بالروح بس ويش نسوي حكم القدر قاسي.. طلع عمش يعني خطيبها !!!!!
ــ ايه..
وسكتت فطوم وصارت تطلع في قاسم والشكوك والظنون ضاربتنها
: ياترى ياقاسم ويش سر هالعلاقه مع يوسف لا يكون تبغى تعرف اخبار سجى منه .. صبيان وما يندرى ويش تخبوا..
وصارت تقلب الفكر.. لين قطع عليها التفكير سؤال من جنان..
ــ فطوم ممكن اصير ملقوفه
ــ هههه لويش تقولي كذا.. سولفي غناتي انتي هاديه بالعكس وحبوبه.. قولي ويش عندش..
ــ لا بس تقولي انش كنت ويا سجوي صحبه ورفقه عمر ويش اللي فرقكم
تنهدت فطوم من قلب .. وحكت لجنان القصه كلها بالتفصيل..
ــ ياعلي.. احلفي قاسم كان خطيب سجى.. ليش سوا كذا والله حرام.. اسمحي لي فطوم ولو انه اخوش بس حرام اللي سواه وين يلاقي زي سجى بطيبتها وحنية قلبها..
ــ ااه يا جنان.. مسموحه والله هالشي مقطع قلبي تقطيع. اني خسرت انسانه كانت من اعز الخلق على قلبي كنت اظنها بتصير نصيب اخوي وتصير اقرب لي واقرب.. بس جاير يازمن.. فرقنا..
ــ يللا الله يساعدكم ويرجع المياه لمجاريها..
ــ ههه يارب.. تعجبيني جنان.. اسلوبش حلو رغم صغر سنش
ـــ هااا .. لويش اني ماني ياهله.
ــ خخخ ما قلت ياهله.. بس عاقله حليوه
ــ خخخ حلت دنياش الله يكملني بعقلي
ــ هههههههه امين...تعالي بس ما قلتي لي ويش سوى اخوش بسجوي
ــ أيــــــــــــــــــه.. هههههههههههههه....
وقصت جنان السالفه على فطوم.. وتفقعت فطوم على سجى..
ــ وي على عمري خويتي .. ركبوها عربانه نخيل ههههههههههههههههه

ومرت نص ساعه وسيد يوسف مستحلي السالفه وقاعد يفرفر .. ويدق عليه قاسم جواال
ــ ها ابو القواسم
ــ نزل على المسجل يا خبل..
ــ خلنا ندق الرقبه متفاعل مع الفيديو كليب
ــ خخخ صدق اهبل .. خلصنا تعال بنمشي..
ــ زين بس سيارتي حليان ليها التحجب ماهي كاشفه.. حرام
ــ هههههه يلعن يوم ابليسك تعال الحين لا انتفك..
ــ زين جااي...
وجا يوسف ... ويرجع الياهل يركض لأمه وابوه وهو يصيح ويصاارخ
ــ يمـــــــــــــــــــــــــــــااااااه ....اوووووووووه عليهاا عبااااااااااه ...اهي اهي اهي اهييييييييييييييييييييي...
وفطوم وجنان : هههههههههههههههههههههههههههههههههههههههههه
وسلم يوسف العباه لأصحابها ناشفه.. ويش حلاتها.. خخخخ

ركبوا السياره.. راجعين .. ووصلوا قاسم واخته البيت .. وتواعدوا ما تصير قطاعه .. وبينهم ان شالله لقا قريب..
ويوم نزلوا من السياره وركبت جنان ويا يوسف قدام.. فتحت له موضوع سجى..
ما استغرب يوسف قال اكيد يعني فطوم قالت ليها
وقال لجنان شقد هو زعلان على قاسم من هالسالفه.. وانه قهره بهالفعله اللي سواها.. بس يظل خويه.. وكل واحد معرض انه يغلط...

وبالطرف الثاني فطوم.. دخلت غرفة قاسم وسكرت الباب..
ــ قاسم.. ابغى افتح وياك موضوع.. بس احلف انك تكون وياي صريح
ــ هلا قولي..
ــ اول شي احلف
ــ لا حوول.. والله ليش في مره طلبتي مني اكون صريح وشلخت عليش
ــ لا بس احس هالمره بتشلخ
ــ لا والله قسم قسمات ما بشلخ قولي..
ــ ويش سبب علاقتك المفاجأه بيوسف
ــ خخخ بالله احلف وما ادري ويش هذا السؤال.. تذكري يوم ادخل عليش وانتي محمقه على واحد بالتلفون وتبغيني اأدبه وترمي علي السماعه وتطيري ما ادري وين رحتي..
ــ ايه هذاك اللي يستنعم كأنه خكري .. يمااه.. ايه صدق هزأته انت..
ــ هههههههههه والله انش متفرغه.. هذا يوسف
ــ هااا.. ههههههه احلف وربك .. لا تقوول عاد
ــ والله ...
وحكي قاسم لفطوم السالفه كلها
فطوم ارتاحت وصدقت كلام قاسم.. وكذبت ظنونها مليون بالميه السبب صداقه قديمه.. مو شي ثاني..
وفعلا كان هذا السبب مع ان قاسم مو قادر يتناسى سجى.. بس.. كان يحط نفسه دوم مكان ماجد وما يرضاها على نفسه هالحركات شلون يرضاها على غيره.. فيتجاهل احاسيسه قد ما يقدر.. والله يكون بالعون ...
ــ الا ما قلتي لي ليش هالسؤال وليش قلتي باشلخ هالمره
ــ لا بس استغربت من هالعلاقه المفاجأه.. فجأه طلع لك خوي وعرفتني بهالسرعه على اخته.. طلعتوا صحبه من سنين.. وكان على التشليخ انت راعي سوابق خخخ
ــ ايه ويش على بالش اجل ولأنه اخته يتيمه ووحدانيه حب يعرفها على اخت خويه حق الطلعات لا تمل لحالها ... والله صدف ويش حلاها.. <<< خخخ ما يدري بسوالف يسفووه وغرضه الحقيقي ..خخخ

وقفلوا الموضوع...وقاسم في ظنه باله ان فطوم ما تدري ان ماجد هو خطيب سجى...
اما يوسف هذيك الليله طلع لسيارته.. وصار يهلوس
ــ أيــــــــــــــــــــه... يابختش يا سيارتي.. لبستي عباتها ها.. يللا الله يحنن علينا قلبها ياكريم...
يوسف تولع بفطوم.. ودخلت قلبه.. وده يكلم قاسم ويصارحه بهالشي بس خايف
ولا هو عارف شلون يبدي السالفه..<<< راح فيها الأخ وضربه الفايروس...
فطووم بعد... صارت تفكر بيوسف وتكركر ضحك.. والله انه خفيف دم وكشخه..
يللا عاد فطوموه ويش هالهلاوس اخزي بليس خخخ


و..............
.. في بيت سجى.
في نفس الليله.....
كانت سجى جالسه تطالع تلفزيون.. وشوي يجيها مسج :
اخاف الناس تسبقني تهني قلبك الطيب.. ابيك دوم متهني واشوفك كل سنه طيب..
ولو انه ليلة الجايه عيد ميلادش بس انا سبقت الوقت و اتمنى اكون اول المهنئين عيد ميلاد سعيد حبيبتي .. ..

سجى فتحت عيونها منذهله ... ومره منصعقه .. ويش هذااا ؟؟؟؟
مهي مصدقه.. ؟؟؟؟؟؟؟؟؟؟؟؟؟؟؟؟؟؟؟؟
ياترى مين اللي ارسل ليها المسج
هذا ما ستعرفونه تومورو على خير
سياا يااا حبايبي