`·.¸¸.·´´¯`··._.· (اسف على قلبي .. مو عليك ياحبي) `·.¸¸.·´´¯`··._.·

**بيسان** · 02-13-2007, 03:26 PM

هلا خيتوو

وش هالحركاات

ترى انا اتاابعك من ورى الكواليس

:)

يالله يالمبدعه نبي اكشناات واحداث حلوه مثلك

يسلموووووووووووووووو

وننتظر

وبالتوفيق

**Princess** · 02-13-2007, 10:54 PM

يسلمووو خيتي غفران ياهلا بطلتك منوره
وياهلا ببيسووووو .. من ورا الكواليس .. ياعيني عليش وعلى كواليسش

منوره ياقلبي
طيب يللا تفضلوا الجديد

**Princess** · 02-13-2007, 10:59 PM

الحلقة الثالثة عشره

ــ هي جنانوه يالبطيخه سكري النافده يللا عاد من زين الجو المكيف شغال

ــ يسفووه.. اسكت عاد انت خايف عالحرير لا يطير .. خليني اشم هوا ربي بين هالمزارع
ــ صكيها لا اصكش طراق ايهييييي.. هذي اللي بتخرب مكيف السياره .. جديده يالدبه .. هذي لكزس مو عراوي لو عراوي ركبتش ورا وخليتش زي الغنمه تشمي هواا ...خخخ.. كان تصيري رقيــــــــــــه ... ونغني لش طاش طاش ..طاش ما طاش
ــ زين يا النحيس يالدب اني رقيووه هااا .. اقول النافده ماني مسكرتنها .. وشعرك ما بيقبع ..خخخ وين يقبع ونص غرشة الجلي فيه .. حق الدبان يلصق الحين.. رايح مزرعه ويتميلح بعد .. وععععع.. مالت
يوسف يضرب راس جنان بأصابيعه زي التيله.. وهو يضحك
ــ ااي .. قالوا لك تيله اني .. نحيس ...
ــ يس ..هههههه واكبر تيله ...
ــ يوووه .. الا تعال.. ترى مرت عمنا ويانا يالدب .. والله فشلتنا
ــ اوووه .. هههههه اسفين مرت عموو .. ويفلص جنان وهو يطالعاها على جنب ويهمس : غربل الله شرش فشلتينا .. نسيت انا ..ــ اااااااااي... كله منك انت ...
سجى:ــ هههههههه لا عادي اخذوا راحتكم...
ــ لالا .. تكفي لا تقولي اخذوا راحتكم.. اخاف يحدفني من هالنافده.. ما تسوى علي
ــ هههه ..اه.. افا .. انا.. احدف جنوني..
ــ جنوني دبتك.. أيه مو انت مخبل .. اجل جنوني..؟؟ جناني يالمفهي.. امحق تدليع اللي عليك..
ــ افا .. اللحين يسووف ما يعرف يدلع .. افا افا..
ويصير يدلدغ اخته ..ــ وخر اصابيعك هالمسامير .. اهووو فارق عني..
ــ يللا عاد خيتي بلا دلع .. وربي مالي غيرش ولا لش غيري.. احبش والله
ــ ...................
ــ طيب اوريش...ويفتح نافدته:
ــ ياااهنوووووووود ياللي بالمزاااارع .. خلوا عنكم الرويد والبصل .. اسمعووني
انا احب جنااااااانووووه الهبله.. احبهاااااااااا
جنان تكفخ فيه وهي تضحك
ــ ههههههههههه خلاص مالت عليك درينا ايه مو ما بتصارخ الا بهالطريق الزراعي ما ادري ويش فهم الهنود ..ههههه لا ..ورويد وبصل هاااا... اقول ترى ماني حبيبتك..
ــ خخخخخ .. ادري ليش حبيبتي باقول ليها رويد وبصل .. لا طبعا
ــ بــــــــــــــعد ... حسبي الله عليك...ههههههههههههه
ــ خلاص مو كأنا مصخناها .. ام احمد ويانا عيب <<< يوسف تحرج يناديها سجى وهي مرت عمه.. وطويله عليه قولة مرت عمي ..
ــ هههه لا عادي تونسوا عن طول الطريق والله
ــ هههه سجى ترى يوسفوه كله كدا يتمسخر .. بس مو جاد يعني يحبني
ــ خخخخ .. خايفه على عمرش .. لا ما احبش
ــ اتحداااك
جنان مع انها هاديه .. الا مع اخوها .. تفرط خصوصا انه ما يكون وياها وقت طويل..هو يدرس في البحرين و ايام يرجع البيت على حسب الوقت وايام يظل بالسكن الجامعي .. فتفرط وياه من تشوفه ما تصدق على الله.. هي مثل سجوي وحيده بالبيت ..
وعلى الرغم من انها انطوائيه بعد.. ما تحب الإجتماعات وايد ولا تحب تفضفض بهمها .. الا ان اخوها عندها غير بالمررره..
فكان هذا الشي المشترك لتحصل علاقه حلوه بين جنان وسجى .. الوحده..و الكتمان..وظلوا يسوفوا ويوسف طايح بجنان مسخره ومجاكر وهي ترد له الصاع صاعين ..ظلت سجى تضحك متونسه وياهم طول الطريق .. وشوي سكتوا... مر ملك...اللهم صلي على محمد وال محمد... سكتوا يجي ليهم ربع ساعه وبهالربع..
سجى .. لازم تخالط لحظات سعادتها ريحة احزان.. تذكرت حركات قاسم مع فطوم .. يالله شقد يوسف زي قاسم بهالحركات.. والله دنيا .. وحست بحلاوة وجود اخو عند البنت.. يواسيها ويسليها .. ااااه ياخوي ياصادق.. عصفور.. ملاك بالجنه ياحبيبي.. وقرت الفاتحه لروح امها .. وشردت بهمومها ...
الا على صوت يوسف يناديها
ــ ام احمد...ام احمد.. الله .. جنانوه .. شكلها مرت العم نامت .. داخت من هدرتش..
ــ ههه ايه يصير خير
ــ هلا .. لا ما نمت ...
ــ لا بس بتليقف شوي
سجى استغربت من يوسف .. بس قالت يللا اشوف ويش عنده
ــ ما عليش منه سجى ما ينعطى وجه ..
ــ اقول اسكتي .. أي بالله بحدفش بهالسد ويا الضفادع ان ما سكتي
ــ يمه .. اسم الله علي .. يالضفدع العود..
ــ ماعليش منها ام محمد .. مممم عاد بكيفش تردي على سؤالي والا لا.. براحتش ..انتي ... تدرسي؟
ــ حاليا لا.. بس على خير السنه الجايه اذا اسعفتني الظروف
ــ اها... ويش كنتي ناويه .. وويش على خير بالجايه
ــ طب .. بس ما حصل نصيب .. الجايه على خير حاسب الي
جنان : الله .. كمبيوتر .. حليوو والله .. والله يوفقش
ــ جميعا تسلمي غناتي
ــ الله يسلمش
يوسف: اهاا..لا انا بعدني فيني لقافه.. طب؟؟ ليش ما قبلوش...نسبتش مو لهناك
ــ الا.. بس قصه طويله
ــ عادي نسمعها بالتفصيل الممل.. احسن من الشباق ويا جنان.. من ركبنا يا ام احمد وانتي هدوء ..
سجى ارتاحت ليوسف.. حست من زمان ما سولفت وفضفضت .. بس ما كانت حابه قولة ام احمد هذي.. تحسسها كنها وحده كبيره.. وهي لسا.. بس يالله حكم القدر...<<< خخخ الا حكم قرقوش...
وحكت سجى القصه بالتفصيل
لين وصلت لرغبتها بالحاسب وتنهدت
ــ اااه.. بس شكلي يمكن حتى الحاسب ما اروحه..
جنان ويوسف: لويــــــــــــه؟؟
ــ ههه لا ولا شي السنه الجايه بتزوج وبرتبط بيت واولاد .. مسؤليه
ــ بس ياسجى اني اعرف وحده تصير لينا خلصت الجامعه وهي متزوجه وعندها 3 اولاد وما شالله تقدر الوحده توازن ..
ــ ان شالله...
يوسف ساكت .. يدري ان مو هذا السبب اللي خلى سجى ما تفكر بالدراسه من طريقة تبريرها وضحكتها مو من قلب..و مهي عارفه ويش تقول .. عرف ان عمه هو المطبه وهو المشكله ..وفباله صار يقول : يالله شقد غثييييييييييث.... انا دراي به ..وربي حرام ياخذ هالبنيه..
يوسف:ــ يالله.. شقد ظلم.. انا الله فكني يوم اهج البحرين.. حتى لو الدراسه بفلوس.. ابعد وارتاح
سجى جا ليها فضول وفلتها شويه ويا يوسف
ــ ترتاح من ويش؟؟
ــ هااا .. من هالعالم الأديه...<<< وهو كان فباله من هالعم الأديه..
كان ابو يوسف رجال كبير .. وما عنده اخو الا ماجد .. ماجد كان دوم يحن على راس اخوه .. انتبه لولادك.. بنتك مراهقه.. لاتطلع منا .. لا تلبس كذا.. لا تحط كذا..
ولدك ليش يدرس في البحرين..؟؟ ويش عنده...ياخوفي ما يدرس ..
يعني ممكن يكون كل هالزن لمصلحتهم.. بس الزايد ناقص وهالشي مطفش حياة يوسف لأبعد الحدود ..
وشوي .. وصلوا للمزرعه ... بعد مشوار ساعه تقريباً...فتح الهندي باب المزرعه..
وكانت قطعه من الجنه.. ما شالله رهيبه.. خضرة وبركه سباحه .. وحيوانات.. بالمره تجنن..وفيها فيلا ... يعني بالمختصر عزبه.. تصلح للواحد يغير فيها جو..
نزلوا من السياره...وسجى كانت مستانسه خذت نفس عميييق...
وصارت تتمشى... رافقتها جنان .. وصاروا يسولفوا...
ــ باروح اتمشى ويا سجى
ــ وانا بتخلوني لحالي قطو ..هنا..؟؟
ــ خخخ ويش تبغى نسوي لك فقعت راسنا بالهدره في السياره اقعد ..لِم لك شلة القطاوه .. وحشتهم يالزعيم
ــ اما انش .. يبغى لش تشميخ..انما ايه.. بس مو هنا ,, بعدين
ــ يمه .. قطو ما عليك شره..
ــ يعني بتمشوا وباظل اقرقر ويا الهندي..
ــ خخخ ويش تبغ نسوي لك.. نحملك فوق روسنا .. ويش هالحاله
سجى قامت تضحك..
ــ خلنا قاعدين لين يجي ابو يوسف وبعدين نخليهم..
ــ مو على كيفه .. امشي ما عليش منه..
ومشوا .. وصارت سجى تسمع سواليف ايام متوسط مع جنان وتتذكر هالمرحله .. ويضحكوا..
شوي الا يوسف ينااادي:
ــ جنااانوووه لووووز .. الحقي والا باكله كله <<< الأخ مل لحاله يبغى ونس .. دور وسيله تضعف عندها جنان..
ــ والله ان اكلته با نتفك ريشه ريشه.. .. دقيقه احنا بعيدين..
ــ ههههههه .. راح عليش ..
ــ جنان قامت تضحك..: ههههههه يالدب .. اقطع لي غيره...
جاها يوسف من بعيد حامل سطل مليان لوز...
ــ لووووز... مممممم... لوووووووز...هههههه
ــ يا نحيس ,, عادي نقطع لينا الحين...
يوسف يبغى يسوي جو اكشن ..
صرخ وهو يأشر تحت ..
ــ وزغـــــــــــــــــــــــــــــــــــــــــــــــ ـــــــــــــــــــــــــه...
تراكضوا سجى وجنان .. والصريخ قايم...
ويوسف يكركر ضحك ..ومن السرعه .. التوت ارجول سجى وطاحت على طابوقه.. وجنان راحت بعيد..
سجى تعورت مووت ,, وصرخت :: اااااااااااااااااااه
يوسف رمى سطل اللوز وراح يركض ليها مو عارف ويش يسوي..
وهي تصيح. رفعت غطاها بعفويه تطالع ويش صار برجولها.ــ اااي ماني قادره اقوم.. شكلها انكسرت
يوسف قعد على ركبه قريب شوي
ــ حركيها..
ــ اااي ماني قادره .. ودموعها تسيل
يوسف موداري عن عمره يفكر حاله عادي في البحرين سجى مكشوف وجهها وهو يطالعها شويات ويغض النظر..ويرجع يطالع دموعها معوره قلبه مد ايده بليا شعور لرجلها
ــ وين هنا..
ــ ايييه ..اااااي...
ــ خلاص .. اسف وربي اهدي ياسجى...<< طلعت منه بعفويه
ما كنت اقصد وربي...
ــ عادي .. حصل خير ...اااه...
قام يوسف حس روحه مصخها وهو مع مرت عمه.. بس مو عارف .. ويش يسوي وين هذي جنانوه الجبانه الخوافه..
ــ جنااانوووه...
جتهم تقرض لووز
ــ هااا .. واني اركض مريت على قضب لوز وقبعت اللي ابغــاااها ...حّره .. حّره
ــ يالهبله انتين فويه وحنا فويه.. تعالي سجى طاحت وانرضت رجولها
رمت جنان اللوز
ــ يووه اسم الله عليش سجويه.. كله منك يالدفش
ــ اووه عاد الحين مو وقت عتاب وشباق
ــ لا تتشابقوا .. حصل خير .. بس رض
ــ تعالي امسكيني قومي خلنا نروح للفيلا ..
حاولت سجى تقوم تسندت على جنان.. مشت خطوتين طاحت .. مهي قادره..
ويش يسوو . الفيلا بعيده..
ــ والله لو منت حرام عليها يالدب كان قلت لك شيليها جزاء على هبالتك
ــ والله اشيلها ليش جزاء يعني فوق راسي والله... والله اسف ما كنت اقصد
ــ هههه خلاص عاد كل شوي اقول ليكم لا تتشابقوا..
ــ طيب ويش نسوي
يوسف طالع بخبث وضحكة مسخره..<<< له عين بعد ,, ظريف..خخخ
ــ انا عندي الحل... ولازم توافق سجى .. رضاها مهم.. وللضرورة احكااام
والى الملتقى

ههههههه .. لا اني وعدتكم بحلقتين.. اخذوا يللا الرابعه عشر... مع انه حلاتها تتوقعوا ويش حل يوسف...؟؟

**Princess** · 02-13-2007, 11:01 PM

الحلقه الرابعة عشر

ــ اتحفنا ياعبقوور .. ويش عندك.. ويش هو الحل؟؟
ــ سجى بتوااافقي على الحل
سجى تضحك بريبه..ــ ههه على حسب ..!!!
ــ طيب دقايق
راح عنهم وشوي جاهم يركض والغبره قايمه وراه... جاهم يدف عربانة نخيل خضرااااا <<<< تعرفوووووهااا... ام كفر وااحد
سجى وجنان طالعوا بعضهم وتفقعوا من الضحك؟...
سجى والغطى طايح من عليها بس محجبه ومن الألم ناسيه عمرها:
ــ يوووه هههههه نسيت اني اتغطى عن اخوش الشدخه ماقصرت فيني.. بس وربي احس اعرفكم من زمان كني اختكم
ــ ههههههه حتى اني نسيت اقول لش .. يللا عادي واخوي متعود من كثر ماهو في البحرين ما بيحس بأحراج ذاك الزود .. وانتين اختنا الحبيبه يسعدني والله ياغناتي
سجى وجنان : ههههههههههه
ومهم قادرين على يوسف وهو يدف العربانه..شكله هندي من الحلوين..
.. يوسف اسمراني وطول وجسم رياضي .. وشعر ناعم .. وعيون مرسومه رسم.. وخشم مثل السيف .. هندي حلوو يدف العرباانه ...
جنان يوم وصل يوسف وهو ينافخ من التعب:
ــ بس هنا صديق .. وقف وقف
ــ صديق فعينش يالدبه.. يللا نطبق الخطه
ووترك العربانه وطاااخ .. طاحت مقدمتها على الأرض واذرعتها فووق
ــ يللا جنان ساعدي سجى تركب
ــ هههههههه لا عاد من صجكم... ياعلي .. ويش يركبني
ــ يللا عاد سجوي من متنش.. اضعف مني.. يللا عاد
ــ ايه مو انتين دبه..
ــ مااااااااااااااااااااااااااااااااالك شغل
ــ ههههههه خلاص لا تتشااابقوا ساعديني بركب
وركبتها جنان بالدف والغبره اللي قامت.. والعبايه اللي بسم الله صاروا ساحرات طالعين من زريبه
وقف يوسف .. دق السلف حقه ..
ــ نن نن نن نااااااااااااااااااااااااااااااااااااااااااااان
وقامت الغبره
سجى :
ـــ اااااااااااااااااه ههههههههههههههههههههه شوي شوي ...ههههههههههههه
لين وصولوا للفيلا .. وسجى متفقعه من الضحك على شكلها بالعربانه

وصلت جنان ليهم وهي متفقعه
ــ هههههههههههههه مره يوسفوه.. فلم هندي .. رومنسي يدف حبيبته بالعربه
جنان ويوسف وسجى :
ههههههههههههههههههههههههههههههههههه
يوسف:
ــ خخخخ عيب استحي يالهبله .. هذي مرت عمش..

سجى خفت من الضحك.. حست السالفه مصخت.. بس نفسيتها مرتاحه.. صار ليها زمان ما استانست كذا.. حست بالسعاده وهي مع يوسف وجنان.. سعاده زمان ما ذاقتها.. دخلوها الفيلا .. يوسف راح تسطح عالكنب منهلك.. من الركيض..
جنان راحت تجيب مرهم لسجى.. واشتغلت فيها تمريخ ولفت ساقها ليها

شوي جا ابو يوسف .. ويال العجب .. شرف ماجد معاه
ماجد:
ــ ويش صاير ويش هالأشكال الا متدحنين..
جنان: ــ لا بس سجى طاحت.. ويوسف شالها بالعربانه.. لو تشوفوا شكلهم يضحك..ههههههههه
ــ نعم .. شالها..!!!. وهي عميا ما تشوف تطيح.. وهو حمااار يشيلها!!!
ــ ما شالها بيده اني حطيتها بالعربه وهو دفها كانت متعوره عدل ومهي قادره تمشي و ...
ماجد توجه ليوسف:
ــ وانت بأي حق تلمسها هااا...
يوسف ببرود
ــ انا ما لمستها اولا دفيتها و للمساعده كانت متعوره مره ويش تبغاني اسوي اقعد اتفرج
ــ لا حلت لك .. فرصه هااا...صدق ابو عين زايغه.. هيه ..حبيبي.. منت في البحرين.. في البحرين سوي مع الهباب اللي وياك اللي تبغى هنا .. اقص ايدك
يوسف ما تحمل وصرخ:
ــ انا ساكت ومحشمنك على حساب ابوي .. اسمع ,, انا اشرف من اني ادخل وياك في نقاش عقيم.. شبعت من كثر ما تسمعني وياه.. اقوول كلن يرى الناس بعين طبعه..
ــ بعين طبعه يازفت طيب اوريك
وشوي بيتضاربوا
ابو يوسف صرخ:
ــ يلعنكم لا حشيمه ولا احترام..هذا وانا موجود.. يا حسافه على رجال زيكم.. ماجد انا ما بدافع عن ولدي .. بس ويش بيسوي صدق .. البنت قالوا لك طاحت وتعورت.. تبغاه يطالعها.. ويش بتسوي لو كنت مكانه
ــ ما بسوي شي .. باخليها عميا ما تشوف
سجى كان الكلام والشباق يحز فيها زي السكاكين.. بدل لا يقول ليها سلامات وبدل لا يجي يشوف وين الرض ويداويه.. بدل لا يشكر يوسف.. قاعد يسب ويلعن وعميا وما تشووف.!!!!!!!..
يوسف صرخ:
ــ عميا ما تشووف.. هذا اذا صرت زيك عديم احساس .. باقول عميا وما تشووف
سجى في نفسها حست صرخه تقول
: أيــــــــــــــــــــــــــــــــــــــــــــــــ ـــه والله عديم احساس..
وطاحت دمعاتها .. مو سجى خلاص الدمعه خويتها بهالحياه من فارقت امها..
ماجد ما تحمل كلام يوسف وهجم عليه ومسكه من بلوزته وشده قريب لوجهه وهو يخز فيه
ــ اسمع .. هالمره بكتفي بالتهديد بس .. عيدها مره ثانيه يازفت وبتشوف بنسفك من هالأرض.. مسوي حالك راعي الشهامه يعني..
يوسف مسك ايادي ماجد ووخرهم عنه >> يوسف كان بالمره قوي يقدر يرصع ماجد زي الدبانه بس محترم ابوه ..
ــ انت اللي اسمعني .. انا هالمره باعديها لك على شان ابوي.. مره ثانيه قسما باللي خلقني.. اني ما اسكت على أي اهانه منك .. ولو كنت عمي ..

جنان قامت تصيح:
ــ خلاص .. فضوها سيره.. ويش فيكم.. جايين احنا نستانس والا نتشابق.. لويه انتون كدا.. ودونا البيت احسن
يوسف راح لجنان يهديها .. وضمها له:
خلاص حبيبتي حصل خير ..خلاص
سجى تطالع يوسف وهو ضام اخته.. حست بحاجه للحنان .. بحاجه لحد دخيل الله يقول ليها ها ارجولش ويش اخبارها.. يواسيها .. يحس فيها
ولكن ابد.. ماجد راح بعيد وهو يسب ويلعن..

ابو يوسف صار يهدي الجو..
ــ يللا عااد غداا.. اما جاايب ليكم سمك .. انما ايييييه
جنان:
ــ ههههههه حق القطو مياو(=‘.‘=)مياو... تت تت..
يوسف:
ــ أي قطو ..!!؟؟
ــ ههههههه انت .. نسيت..
ــ هههههههه مياااااوووااايه
ــ هههههه ويش يعني ..؟؟
ــ يعني ايه ... نسيت ..خخخ
سجى وجنان : هههههههههههه

وحطوا الغدا..
وصاروا يتغدوا..
يوسف قام يدلع اخته
ــ ميااو.. بطل بووز مال انتي
ــ تت .. تت . هههه . ما ابغى لا اشمخك صديق..
ــ هههههه .. افا .. افتحي لا بهالعظم على وجهش انا القطو .. واوامري مطاعه
ــ ان شالله.. امممممممممممم
ــ ههههه.. اااي صبعي يالقطوه.. صدق مفترسه
ــ خخخ ما احد قالك..
سجى تطالعهم .. وتسمع ماجد جنبها يتنحطب...
ــ الحمد لله والشكر .. ياهل ولا بيكبر.. يالله تكمله بعقله..
سجى فبالها..: ياليتك تسوي زيه.. الا انت اللي يالله تهدي لك عقلك..
ويوم خلصوا غدا.. ابو يوسف اخذ له غفوه
جنان صارت تخز يوسف يقوم وياها يتمشوا..
ويخلوا عمها وخطيبته على راحتهم.. قام يوسف وهو يهدر فباله: امحق يعني من الرومنسيه الزايده بنخليه لحاله.. أي بالله لو نقعد وياهم ارحم لهالمسكينه بس يالله لا نصير غثه..
وقاموا يتمشوا وسجى بودها تقوم وياهم..
ماجد وقف عند باب الفيلا ينادي :
محمد .. يــــــــــــــامحمد...
ــ نعم بابا
ـ روح سيارتي في السيت اللي ورا.. في شنطه جيبها
سجى جتها الحره... شنننننننننطه.. وهنا.. لا والله تمشيت اليوم..
جاب محمد الشنطه
فتحها سي السيد وطلع اوراق وصار يحوس .. وسجى مثل الطفله جالسه جنبه تطالع.. خاطرها تمد ايدها على الأوراق وتشقهم كلهم.. وتصيح مو وقته ابغى نتمشى.. وابغى العب..
ملت من ماجد وحوسته اللي ما تخلص .. وعدم اهتمامه.. صارت تطالع من نافده الغرفه.. شافت جنان ويوسف يلعبوا الصيده.. وجنان ماليه المزرعه صراخ يوم يوسف قريب يصيدها.. صارت تطالعهم وتضحك زي الطفل المحروم خاطرها هاللوح يقوم وياها.. زين دخيل الله يسولف شوي وياها.. يخلي هالأوراق والقضايا على جنب لو ربع ساعه.. يخليها هي قضيته.. ويوليها اهتمامه.. بس اسف ..ولا حياة لمن تنادي
ــ اففففف<<< طلعتها من قلب
ــ ها .. مليتي.. كان قلتي من امس ما باروح
سجى فبالها..<< هذا اللي يطلع معاك.. المسخره وقلة الإحساس ..
ــ اففففففففففففففف.... وقامت تنشد بهداوه .. بنعومه .. وصوتها بالمره حلو
ــ قومي اطلعي تمشي بدل هالتأففف علي وهالهلوسه خليني اشوف شغلي
سجى في قلبها اللي خلاص تقطع.. اااااااااااه هذا اللي طلع منك...
وهي بطريقها للباب تذكرت قاسم .. واااه من هالقاسم.. تذكرت كيف كان يترجاها تنشد له وهي مستحيه .. وكيف كان يروح فيها لما تنشد له صارت دمعها تطيح بعفويه وهي تهمس لخاطرها: لمتى وهذا حالي .. لمتى اتعذب من ماجد ويزود همي طيف قاسم .. ياربي ريحني دخيلك...
وما مداها توصل للباب الا ماجد ينادي:

والى الملتقى..................................

عاد الليله من جد هلكتوني .. خخ طلعتوا علي الراحه كلها
بس لعيووونكم...