هههههههه يسلموو .. واعذروني على هالتأخير والتقصير .. ومالكم ان شالله الا طيبة الخاطر واليوم الجزء طويل حبتين
خخ .. تفضلوا
الحلقه الخامسه والعشرون

وبين ماهم سواليف ومستانسين
دق باب الغرفه...
قام ماجد يفتح الباب لقى بنت.. سلمت عليه وطلبت تشوف سجى,, دخلها
ويوم دخلت .. توجهت لسجى بشوق كبير ونبرة صوتها ولهانه
ــ سجوي ياغناتي اخبارش الحمدلله على سلامتش
سجى حضنتها.. وهي مره مشتاقه ليها
ــ هلا فطوم ياهلا بالغاليه الحمدلله اني بخير وتمام بشوفتش والله اخبارش يا غناتي..
ــ اني الحمدلله اهم شي انتين يالغاليه طمنينا عليش وعلى صحتش
ــ الحمدلله واخبار عمي عساه بخير
ــ بخير ويسلم عليش
ــ الله يسلمش انتين بعد سلمي عليه ..

شوي رن جوال ماجد .. يوسف المتصل
ــ هلا يوسف
ــ ياهلا عمي.. اخباركم الحمد لله على السلامه
ــ الله يسلمك .. من وين دريت
ــ من قاسم.. اتصلت فيه ابغاه بشغله وخبرني
ــ قاسم ؟! ليش تعرفه
ــ ايه سالفه طويله بعدين اعلمك عليها اهم شي طمنا على الأهل عساهم بخير
ــ بخير عساك بخير
ــ بأي مستشفى انتون
ــ لا ولو لا تكلف على روحك كلها كم يوم وبتطلع
ــ اقول... قول لا تجي... بعد لا تكلف هههه... أي مستشفى بس يللا..
ــ هههه صدق خبيث انا ما قصدي كذا.. حياك الله احنا بمستشفى الــ....
ــ طيب المشوار بس وانا عندكم....
ــ حياك الله ..

ماجد خبر سجى عن جية يوسف .. وطلع عنها على الباب عشان تاخذ فطوم راحتها شوي وياها..

فطوم بلقافه عفويه على حبتين حيا:
ــ هذا يوسف ولد اخو ماجد صح
سجى مستغربه منها
ــ ايه .. هو ..
فطوم حست باستغراب سجى.. فقامت ترقع في سؤالها ..:
ــ لا بس لأنه خوي اخوي قاسم.. سمعت ماجد يقول له من وين دريت تلاقي قاسم علمه..
ــ ايه ادري اخذ رقم بيتكم من عندي .... ايه والله واحشتني اخته . ان شالله يحيبها
ــ جنان تقصدي .. والله حتى اني على بالي هاليومين هالدبه..<< خخ هي اللي على البال والا ..
ــ ههههه .. اوه دبه بعد .. تعرفيها
ــ ايه تعرفت عليها خبرش قاسم ويوسف اخويا.. وعرفني على جنان.. وطلعنا كذا مره..
ــ والله حلو .. حركتات.. تمام.. وويش رايش
فطوم بعفويه..
ــ والله انه كشخه ودمه خفيف.. ههههههه
سجى تفقعت من الضحك ..
ــ ميـــــــــــن .؟؟!!
ــ هااا.. مين اللي ويش رايش؟؟؟
ــ اقصد يوم تتعرفي على جنان ويش رايش بالتعارف ههههههه ويش اللي كشخه وخفيف دم << قالتها وهي تطالع على جنب بإبتسامه خبيثه ومسخره..
ــ هااا. خخخ الموقف كشخه وخفيف دم
سجى تنغز فطوم بأصابعها..
ــ هااا .. علينا... المووقف.. اعترفي بس يللا. بلا شلاخ .. خخخ شقال قال الموقف.. فطوموه.. هااا.. بدينا نخبي على بعض..
ــ ههه لا والله بس احرجتيني... <<< تلون وجهها اشارة مرور خخ
ــ افا .. اني احرج لا قولي ويش عندش.. وبإبتسامه نحااسه..
يمكن ها.. يمكن نقدر نساعد..
ــ ههههههههه لالا تكفي .. ما دريت واطلع قاطه روحي اني .. لالا مستحيل هههه حلاتي ..
ــ هههههههههههههههه صاادوه يعني صدق اللي فبااالي طلع صدق .. والله طحتي يافطوموه ومحدش سمى عليش
ــ خخخ ايه والله.. ويش اسوي غصبن عني
ــ ومن متى مااالت عليش
ــ يعني فتره مهي طويله
ــ ومـــــــا دورتي ..الا.... يوســــــــــــــــف ..!! <<< قالتها بنبرة استغراب ..
ــ هاا.... لويش.... ويش فيه..
ــ هههههه ويش فيش مختلعه والله يوسف مافيه شي.. حلاة وطيب واخلاق وخفة دم.. مممم ما ادري....... بس .. ما يليق << بنبرة مسخره تبغى تقهر فطوم
فطووم شبت حريقه ..:
ــ لاااااااااا.. والله........ طيب يا سجيوه يالبايخه
ــ هههههههههههه ويش فيش عصبتي .. غرتي عليه يوم امدحه .. والا يوم ما يليق .. هاااا .. قولي يللا قولي .. اعترفي بس ..
فطوم بنبره مقهووره
ــ من الإثنين زين.. من الإثنين
ــ هههههه لا من الثلاثا
ــ لا اصفقش الحين طراق
ــ الله .. افا.. اتصفقيني .. طراقا
فطوم وجها صار احمر ودخاان حرايق طلع منها وصارت تنافخ وشرار يطلع من عيونها وخشمها << خخ تنين..
ــ ايه واكسرش .. اسمش بالمستشفى مره وحده حار بحار..

وقطع عليهم الشبقه.. ماجد داخل
ـ يالله يالله.. سجى تغطي يوسف بيدخل يسلم عليش
ــ ان شالله..
لبست سجى عبايتها.. وكانت فطوم قاعده على كرسي قبال سجى وعاطيه ظهرها للباب.. فلما احد يدخل ويكون وراها ما لداعي تغطي وجهها..
دخل ماجد.. ووراه يوسف
يوسف:
ــ يــالله يالله ..كححححححح .. كح.. هاا ادخل .. اقلط ..
ــ ههه تفضل حياك
ـــ السلااااام عليكم..
ردوا جميعا السلام
ــ ها اخبار مرت العم.. عساها بخير
ــ بخير الحمدلله طابت احوالك..
ــ الله يسلمش..
كانوا ماجد ويوسف واقفين ورا فطوم.. وسجى تطالع وجه فطوم اللي ما تفارقه الإبتسامه والألوان المعتبره طول ما يوسف يسولف..
يوسف :
ــ ااا.. يللا ما بطول انا عشان تاخذوا راحتكم
سجى تطالع وجه فطوم اللي نقزت حواجبه يوم قال يوسف بيروح << خخخ مختلعه البنت ياحليلها
سجى كتمت ضحكتها ..
ــ لا ولو خليك عادي.. << قالتها وهي تطالع وجه فطوموه اللي تهلل واستانس...
ــ لا خلها مره ثانيه لا اصير غثيث ..خخخ عندش ضيوف و بيجوش ضيوف ..
ــ ههههه.. لاعادي لا غثيث ولا شي.. خذ راحتك.. ما احد بيجيني غير هذي فاطمه بنت عمي << قالتها بطريقه ان فطوم عادي ما يغثها هالوجود
يوسف من سمع ان هذي فطوم..
ــ اها.. بنت عمش.. دام انها اخت ابو القواسم.. اجل قاعد في حلوقكم.. وباحط رجول على رجول بعد... ما احد قال ليكم تعزموني على القعده ...هااا... تراني ما انعطى وجه << عشان ابو القواسم هااا خخخ صدق خرااط..
الكل انفقع من الضحك عليه
سجى فاهمه هالحركات.. مكشوفه..
فطوم قعدت ربع ساعه كذا.. وقامت استأذنت من سجوي بتروح لأبوها.. ما قعدت وياه وايد قالت بتمر عليها وبعدين بترجع له
. وما مداها طلعت من باب الغرفه الا السيد يوسف قايم على طوله
ــ انا بعد ما رحت لأبو قاسم الحين قاسم بيشلخ بدني هو اللي قال لي عنكم .. يللا باروح له انا واتحمد له بالسلامه
ماجد: ــ اقووول .. بس اقعد انثبر البنت توها رايحه لأبوها وانت ركيض بتروح وبتغثهم.. خخ صدق غثه
ــ افا.. انا غثه
ــ ههههههه ايه من شوي قلت عن روحك غثه
ــ ايه غثه ...×××اجل لا بروح لا لأبو قاسم ولا بقعد وياكم يالكناري خذوا راحتكم بطلع وبعد سااعه هااا .. ليكم سااعه بس وراجع اغثكم
سجى وماجد : هههههههههههههه
ماجد : ــ حياك الله..
وطلع يوسف يركض ركيض .. اوووه فاتتني شكلها دخلت خلاص لأبوها خخ صدق ماعندي حظ
وشوي وهو داير لقى فطوم جايه من بعيد كانت رايحه تشرب ماي.. وراجعه لغرفة ابوها..
فطوم وهي تمشي تطالع : ــ وييييييي هذا يوسف ياعلي ,, ويش هالحاله .. ماني عارفه اامشي ::..<<< خخخ مستحيه البنيه وصارت تحاسب بكل خطوه
ويوم مرت على يوسف ...
يوسف
ــ احمممم..ااااااا.. لو سمحتي
فطوم كأنها شافطتنها كهربا
ــ نعم
ــ الله ينعم بحالش .. انتين اخت قاسم الــ .... صح << خخ يستعبط
ــ ايه خير <<< ياا بنت يا ثقيله تعجبيني..
يوسف فباله ... بلللللل عطيناا فيييس عااد.. خخخ والله انش قويه
ــ ااااااا لا بس ابسأل عن الوالد ..اخباره عساه بخير
ــ الحمدلله تفضل ادخل عليه قاسم هناك... واتطمن عليه بنفسك ؟؟
يوسف فباله :: ياااويلي حتى السؤال ما فيه هههههه من جد عنيفه.. على قلبي هالعنف انا.. خخخ مو غريبه يوم تكفخ بوجهي التلفون اجل ..
وفعلا دخل يوسف على قاسم.. وابوه وسلم وتحمد بالسلامه.. وفطوم جالسه على جنب وقلبها يطق طق .. <<< مسوي فرقة طقاقات لا صارت ولا استوت خخخ

ومره ذاايبه ذووبه.. بس بعناد وقوه << يا حليلها والله..
خذ يوسف خمس دقايق عندهم ويوم جا بيطلع
قاسم :: ــ وين رايح
ــ لا بس عندي شغل ولازم امشي
ــ شغل خخ ياعيني على الشغل انثبر بس
ــ لا بمشي خذوا راحتكم اجي مره ثانيه وياك على خير
ــ على خير .. دقيقه خذ حلاوه
ــ ناخذ وليش لا
ــ فاطمه طاوليني السله اللي وراش