جبر الخواطر

[**daloo3a**]

جبر الخواطر.. والعذر.. والمكاتيـب
ما عـاد تنفـع.. دام حيلتـك بانـت

ياشين طبعك.. تلحق العيب.. بالعيـب
ودي اقدر عشرتـك.. بـس هانـت

يابن الأوادم.. مـا تفيـد الأساليـب
لا شانت الدنيا علـى النـاس شانـت

اترك غلاك اللي.. بقـى دون ترتيـب
مالك ومالـه دام لحظتـك حانـت؟؟

رقة كلامـك.. والأدب.. والتراحيـب
في ذمتك.. قبل الخطا وين كانـت؟؟

لا تنشد أشعاري عن الحب.. والطيب
الله وكيلك.. حتـى الاشعـار عانـت

يكفي عرفت الشك..والخوف.. والريب
ولانت ضلوعن ما اخبر يـوم لانـت

وجبر الخواطر.. والعذر.. والمكاتيب
مـا عـاد تنفـع دام حيلتـك بانـت

وسلامتكــم....
تحيــــاتي

[محمد]

الف شكر

كلمات روعه
لاحرمنا الله من هذا القلم الجميل

ارق تحياتي

[القلب_الحنون]

كلمات جميلة ورائعة سلمت اناملك الذي سطرت اعذب الدرر
مع تمنياتي لك بالمزيد من العطاء والتألق
وربي يوفقك ويسعد
مع تحياتي لك
أخيك : القلب الحنون(أبوحسين)