سلالالام
بدون مقدمات
اول مايجيك الصيف تكثر الدعايات والاعلانات اللي تخلي الواحد ينحاش من السعوديه
اول شي نبدا في دعاية قرية مصقال
اسف مرسال
يلله هذي لحالها يبغالها موضوع كامل
اما سالفة رواد الفضاء اللي تجي بالاف ام
اول ماتجي لاشعوريا الواحد يطفي المسجل
اجل في الفضاء ويفكرون في قرية مصقال
لا وغير كذا شف الدلع جنقول الجناقيل
لازم كلنا نروح
والا دعاية الكوكاكولا حقت عبدالمجيد
جايبين ناس من سوريا ملبسينهم شمغ
والله استحيت يوم شفت الدعايه من بعدها ماصرت البس شماغ
يله كوووووولنا بصوت واحد
والا دعاية دانيه حقت الصافي
مجمعين بزارين عشان يشوفون من احسن طبخ
لا جد صراحه دعايه تخلي الواحد يطلع يشتري دانيه
جد يعني يوسف الجراح اثبت انه ماعنده شغل
كله كووووم ودعاية دجاج الوطنيه كوم ثاني
حقيقي اوومك بتحووبك
لا ومن زين الطبايع الدجاج على الصبح
طيب انا امي ماتطبخ لي دجاج الوطنيه
انا كنت شاك من اول انها ماتحبني
بس عقب هالدعايه تاكدت
والا دعاية المسحوق
يلله هالدعايه احباط بالحياة
طيب يعني وش حيث هالشقه من كل هالشقق دخلتوها
يقولك
وش الدليل انها نصبه
يقولك من كبرها
بس صدقوني يوم شفت هالدعايه طلعت علطول شريت المسحوق
والا دعاية جاكم الصغر
هذي مايحتاج اصلن الواحد يتكلم فيها
اجل جاكم الصفر وخر عن طريقه
يذكروني بالمنتخب السعودي يوم ينهزم
8 \ 0
اللهم لاشماته يالسعوديين
<== ارفق يالاسباني
والا دعاية تويكس
مسوي انه مايبي يشترك
في سوبر ستار عشان يقعد يرقص
ترا مهوب عشان التويكس
بس هذي الدعايات اللي احس انها مالها اي هدف بالحياة
واذا عندكم دعايات عادي انشروا طلعوا اللي في قلوبكم
نقطه انتهى الموضوع
طبعا هدا من قول
ولايه
رد مع اقتباس
المفضلات