عذبتني ياللي غلاك كل يوم يزيد
همي في هالدنيا أشوفك دوم سعيد

دونك أنا أفضّل حياتي أكون وحيد
أمر وإطلب كل شيء خذ ما تريد

كلمة أحبك قلتها والحين أعيد
أنا في حبك راح يسموني شهيد

ليه القسا وإنت معي دايم عنيد
إرخي شوي مو كل وقت مثل الحديد

ضحيت لأجلك بكل غالي وبكل زهيد
ليتك تبادلني الشعور لو من بعيد

سمعني منك أي كلام يكون مفيد
يوم إجتماعي فيك أسميه يوم مجيد

عهدٍ على نفسي قطعته ما أحيد
في كل صلاة أدعي لك بعمر ٍ مديد


كلمات : سعيد درويش