السلام عليكم ورحمة الله وبركاته
أنا جايب لكم بعض القصص
ويمكن البعض منكم سامعها
بس جايبها كموضع شاهد..على
دفاشة البنات بس موجايب
الموضوع عشان تقرونه
وتردوا لا اللي عنده مشاركة بقصه
ضد البنات كانت ولا ضد الشباب
مايمنع.....
اهم شي نضحك في أجمل منتدى
بوجود عاشقة أحمد وبنوتة بحرينية(أختي)
وبوجودكم يا أجمل الأعضاء
أول قصة:
ياطويلين العمر والبقاى والسلامة
في واحد خاطب أخت صاحبه
وقال لصاحبه:
أبي أشوف أختك
قاله مافي إشكال تعال عندي
الليله في غرفتي وأنا أناديها
......
المهم الإتفاق تم وجى الخطيب وتغيب في الدولاب(للملابس)
صاحبه نادى على أخته وقال لها:
جيبي لي كاس مويه
دخلت البنت وهي ماسكه الصحن وتفحط
عطته الكاس ومسكت الصحن مثل ماتمسك ياالشاب
دركسون(سكان) السيارة وعملت لها لفتين
تقول سيارة جغور وهي بفاهها تقلد صوت التفحيط
حوييييييك هههههههههههه
الخطيب طاح من الدولاب من شدة الضحك
وفي ليلة الدخله(ياالله ترزقنا إياها)..المهم
الزوج لزوجته قومي ياقلبي
جيبي لي موية
الزوجة إن شاالله
جابت الموية وتتمشى على مهل
مادخلت إلى زوجها لاف
الشماغ على راسه وهو يقول وين التفحيط يابنت
ههههههههههههههههههه
__________________________________________________
القصة الثانية:
في ثلاث بنات في محل من محلات سوق
القيصرية (أهل البحرين والأحساء يعرفونه)
جالسين يكاسرون واحد من البياعين
وأنا واقف أتفرج(موعلى البنات لا على بعض الأغراض الموجوده)
ههههههه أدري مراح تصدقون المهم
وماشفت الى الصراخ قام بنت تقول عطيه والثانية تقول
لا غالي وصراخهم عالي
البياع خاف على أغراضه قال:
كم إنتى يبي ياماما ؟؟
البنت كأن واحد سبها...!
وش قلت أنت مع وجهك
ياربي صار زلزال صدق زلزال
الطيور طارت والفيران(تكرمون) شردو من المحل
تدخلت أنا المصلح صدقوني بدفع من عندي ثمن الفستان
خلاص حصل خير أنا بدفع ثمن الفستان
ولا شفت إلى طراخ الفستان جايني في وجهي
وإنت وش دخلك ياحيوان(تكرمون) إقلب وجهك
صدقوني فستان بعشرين والبنت مسويه مشكلة
إلا أنا شاريته بخمسه قبل شهر
صدقوني وحده تتعارك مع البياع الأجنبي
والبنتين ياخذوا ويحطوا في أكياس عندهم
البنات سرقوا من المحل بحوالي 200 ريال
والبنات تتراوح أعمارهم بين 17_25
البنت رمت المبلغ على البياع وطلعت
ولحقوها ربعها؟!؟!؟! الحمد لله والشكر
_________________________________-
إن شاالله تعجبكم ههههههه
تقبلوا تحياتي
البنات زعلوا علي
ههههههههههههههههههههههههه
إهداء لمن يؤيد إن الشباب أدفش من البنات
أنتظر بعض القصص من عندكم لاتبخلون علينا
أخوكم أحد يومني
رد مع اقتباس
المفضلات