بين المستشفيات الحكومه والمستشفيات الخاصة

[عماد علي]

موضوع رائع خيتو أمل الظهور ... الله يعطيك الف عافية وتسلم الايادي...
كلامك خيتو 100% صح وعلى فكرة في كل دائرة حكومية عندنا نفس الشيء ... يتنافسون على تقديم الاسوء...المستشفيات الحكومية ضمير ميت بينما المستشفيات الخاصة ضمير تجاري مادي...
بالنسبة لي أذكر أصعب موقف مريت به وهو ولادة باسم الله يحفظه في مستشفى الجش قالوا لي الحظانات عندنا فيها جرثومة وما عندنا مكان له والعمل قالوا نوجه خطاب لبقية المستشفيات الحكومية وإن شاء الله يردوا علينا ( تدري ويش معنى خطاب معناتها معاملة حكومية أقلا إسبوع حتى يردوا ) كلمنا المدير وان الحالة ما تتحمل تأخير حاول معنا مشكور وقام بإتصالات لمستشفى الدمام للولادة وظل ساعة ونحن على أعصابنا وما نفع ... تدري إيش اللي نفع الواسطة خيتو (الله يبارك فيها والله يلعنها) القلب الحنون تحدث لاحد معارفه وخلصنا من هذا الموقف (موقف حياة أو موت) وأنا مدين له بحيات ولدي باسم وعاجز عن شكره....في النهاية عرفت أن الولد اللي بحاجة لحاضنة الله يعين أهله لان فعلا إن ما كان عندهم واسطة الولد ميت لا قدر الله والمدير كلمني يقول يمكن يروح عليكم الولد.
والمستشفيات الخاصة حدث ولا حرج العديل كان عندهم عامل هندي سقط من مبنى ودوه لمستشفى الخليج التخصصي وطلعوا فيه مليون علة جلس عندهم يمكن سبوع بلغت التكلفة 50000الف ريال ولانهم ما يتحملون هذه التكلفة ذهبوا به لمستشفى الجش وعند الكشف عليه طلع الرجال سليم وما فيه إلا العافية قدموا شكوى لادارة مستشفى الخليج ولو لم يجدوا رد لوضعوا شكواهم في الجريدة ولان هذه سمعة أرجعوا لهم جزء من السرقة ولا زالوا ينتظرون بقية أموالهم.
هناك تقرير عن مستوى الشفافية في الادارات الحكومية صنف المملكة في المركز الاخير في الدول العربية.
ويالله عايشين على البركة.