شللي يداوي ويصبر خاطر الملتاع
غير الصبر على صبره ما ظنه يقدر
كم يومٍ انرمى خاطره بالقاع
وعلى جثته تدوس اقدامٍ وتعفر
قدم للهوى.. قدم للسهر.. قدم لتعذيبه تنصاع
ترديه في بحر هموم ومن عمره تهدر
تنهش خافقه بليا رحمه مثل السباع
ولكنه صابر ويردد دوم هذا المقدر
انسى.. انسى يا امير.. مر الحبايب والأوجاع
شد حيلك وبالعشق على همك تصّبر
خلي جروحك سراب خلها تتحسن الأوضاع
خلها احزانك تغار من فرحٍ لها يقهر
ابيك تقول ياحزن ارحل عن دياري الودااع
لاتخلي الروح بسببها تحترق وتنضر

خيي امير العاشقين وكل العاشقين من جد..

ولو انها لقافة مني ادخل واعقب قبل خيي ياسر
بس دخلت اني وطلعت
قلت لا ما برد
ما بعقب
وش لي ادخل بينكم
لكن روعة كلماتك واحاسيسك
جبرتني ارجع
وانثر حروفي قصيده اهديها لك
خيي
لسا صغير انت على الهم والشقا
الدنيا قدامك كبيره افتح لها ذراعك وخذ نفس عمييييييق وتنهد طلع كل الامك وقول ياارب الصبر .. وصدقني بترتاح..
صدقني قلبك طيب وحنين وبمقدار صفايته وحنيته بتلاقي من بيحن عليك وبينسيك كل الم وشرخ
هذا حال الدنيا .. دنيا ما بها امان..
اعذرني مره ثانيه على تطفلي
واتمنى هم بعد خيي ياسر يعذرني على تطفلي واطلاعي على شي مخصوص له
متأسفه
ودمت بحفظ الرحمن

قاوم وحدة روحك
فتشفى كل جروحك
وردد الله كريم