ابطرح فكره وابغى التفاعل....ورونا شطارتكم يالمبدعين

[القلب المرح]

وش رايكم نخلي عنوانا الجديد عن ياسر علي نكتب عنه خخخ

""
الطيبه لقيتها بقلبك
والنصيحه دايمه على لسانك
صحبتك توزنها بين الناس
وماتفرق بين هالاجناس
الطيب تستمر معاه بالطيبه
والقاسي تغير قساوته لطيبه
وكلامك يعيني على كلامك
تملك الثقافه .. والعقل المزيون
وماخاب عقلي في اختيار صحبتك
سواء كنت عني بعيد او قريب
بيبقى في القلب ذكراك
واحد يقدر ينسى اهل الجود الاصيله؟
بالطبع لا.. لانك ملكت الكل لحسن اخلاقك وطيبتك
سلامي لك يالغالي ونتمنى شوفتك في هالليالي

[واحد فاضي]

تقبلوا مني هذه الكلمات
بحق أخ متميز في منتدانا الغالي


عندما تعجز الكلمات
ويتوقف الزمن في مولد الحروف
وعندما تتلاقى أمواج الإبداع
على شاطئ الناصره
تتكسر أمواج الأنا ........والذات
ليبرز من بينها ترتيل للإعجاب
وتميز في المشاركات

ومن ضياء القمر وآخر شعاع الشمس
يتلاقى الإبداع ليسأل عن التميز

فيجيب المنتدى بصوت الولهان

ياسر علي >>>>قد سجل الدخول الآن

[القلب المرح]

العين ودها بشوفتك
واليد ودها بصفحك
ولك مني السلام ياصاحبي
وسلامي مو مثل اي سلام
سلامي للغالي اكثر من الكلام
سلامي هو وفاء واخلاص لك
وودنا بقربك اليوم قبل بكره
سلامي لك يا ياسر

[Princess]

الجديد...

الصدااااااع<<<<<<< هههههههه يللا


راسي يعورني يا خلق يا ناس
فرقه طقاقات ومحميه الطار
والجبد حايمه وفاقع الراس
ولا تسألوني شفيك وش صار
مخي مفتر كنه مقصوص بفاس
منشلخ وكل جزء منه والله طار
يبغى له فرمته مليان وسواس
والفكر مخيم عليه كومة غبار

[طائر أيلول]

راسي يدور من الوجع يصورني كأني في بحور
تعبت وراسي ماتعب يوجعني وهو في سرور
مين يخلصني من ا لوجوع وأكون له مشكور
ترا الوجع وصل حده وخلين مع نفسي ادور

[القلب المرح]

جلست من النوم وراسي دايخ
ولا ناعارف يمناي من يسراي
زاد صداعي ساعه بعد ساعه
وتمنيت ساعتها ينفجر ولايزيد الالم فيني

[Princess]

يللا ابغى احد غيري يحط جديد

جاري الإنتظاار

[إيلاف]

يالله الموضوع الجديد .. الفرحة بالنجاح ..

لست أدري أي الحروف أكتب ..
فإحساسي .. أكبر من أن يوصف ..
فرحة غامرة سكنت قلبي ..
وإبتاسمة صادقة انرسمت على ملامح وجهي ..
كلمات التباريك .. والأمنيات الصادقة ..
باتت ألحانا .. تطرب مسامعي ..
فإليكما .. مهجتا قلبي .. وشمعتا حياتي ..
أمي وأبي .. أهدي إليكم نجاحي ..

إيلاااااف ..

[هنااا]

حقيقى الفكرة هايلة جداااا

وأن شاء الله بأشارك ويااكواا.

تحياتى لك

[Princess]

وين النااااس وين العاااالم.....
هااا..
وين الفرحاانين بالنجاااح
لايكوون ما نجحتوا بس , , فال الله ولا فالي
يللا ابغى نفرين بسرعه ينورونا ويكتبوا فرحتهم
وتسلمي ايلاف حبابه. والف الف مبروك على النجاح عقبال التسجيل والتخرج .. .
وهنااا .. كان اتحفتونا بمشاركه ويسلموو من ذوقكم


جاري الإنتظاار جميعا ..

دمتم بحفظ الرحمن

[القلب المرح]

فرحتنا هالليلة احلى فرحه
فرحة النجاح واخيرا تحققت امانينا
عم علينا الفرح والسرور
وصرنا ننتظر احلى تباريك من الودود
واهالينا يعيني على اهالينا
الفرحة بانت بدموع العيون
ودموعهم احلى هدية نجاحنا

[Princess]

كلوووش كلوووش
الف الصلاة والسلام عليك ياحبيب الله محمد...

اخيرا تحركتوا...

الف مبروك اخونا المرح ..

يللا باقي واحد...
يللا..
اني ما بكتب
ما اعرف اعبر بهالمواضيع...
<<<<<<<< ههههههههه اعتبروا هذا رد كان يرجع احد ويكتب مره ثانيه عن النجاح وان كتب ..
جاري الإنتظااار.... :)

[اسير الهوى]

متبارك يناجح وباعلى علامات
يالمقبل علينا باغلى هديــــــــة

دعوات ربي خالق السمـوات
الله يوفقك بدنيا هنيــــــــــــــة

والحين ريح وطول في لسبات
وكثر شخيرك وفكنا البليــــــة

وطلع وفرفر وعسكر في الطرقات
وتمتع بوقتك انت وهيـــــــــــــــــه

[Princess]

والحين ريح وطول في لسبات
وكثر شخيرك وفكنا البليــــــة


وطلع وفرفر وعسكر في الطرقات
وتمتع بوقتك انت وهيـــــــــــــــــه

هههههههههههههه

واخيرااا موضوع جديد......

جديدنا...

الرضا بالقدر والكتوب


قالوا القدر عيشته مكتوبه علينا
حلو كان او ممتلي بعيوب
قلت الصبر يارب على اللي فينا
صبر جميل بقاسي الدروب
شقينا وتعبنا وضاعت منا امانينا
بس نبتسم برضا للمكتوب
والله ان رحنا والا هربنا والا جينا
القدر وربي ما منه مهروب
مكتوب يا شقا وربي مكتوب علينا
مكتوب نعيشك لو قلبنا يذوب

[اسير الهوى]

ارضى بقدر ربي واقَبِل بالشــــــــــــــكر لايدين
وآمن بما اعطي مهتدي بقلب صــــــــــــــــــافي

احمد الله في الصلاه ودعو واقول آمـــــــــــــين
يارب الف مشكور ولو عشت بالفقر حــــــافي

بكل حال انا راضي ولو جيوبي فاضـــــــــــين
ولو اسكن بالعرا جوعان قلبي لربي مو مجافي

اللهم لك الحمد يالرازق من الجـــــــــــــــــــنبين
واذا ماشفت رزق قدامي اكيد تعطيني من خلافي