ابطرح فكره وابغى التفاعل....ورونا شطارتكم يالمبدعين

[Princess]

لك حقٍ علي ياقدر
اني اجازيك بالصبر
اني اعيش دنيتي
راضيٍ طول العمر
ولو اثقلتني حيرتي
ولو اكتويت بنارالهجر
على شفاتي بسمتي
واخفي دموعك يالقهر

[اسير الهوى]

الفكرة الجديدة.. كلما حاول الانسان الابتعاد عن الهم جاه من جهة ثانية..

كلما حاولت انا انسى وادور للامل عنوان
اشوف الهم يجاريني واذكر كل اذى جروحي

شعورٍ يخنق انفاسي هجر وصد واحزان
وليلٍ مخاويٍ دربي ويساعدني على نوحي

كلما تشرق الشمس ابشر وابتسم فرحان
واكذب على نفسي واجاملها واغش روحي

لكن هذي اقداري اعيش بغصتي تعبان
ومهما قربت اسفاري زادت بالهوى قروحي

لها اكمال

[Princess]

افاا ما يمدي يا كفوفي تكفي الدمع من عيني
تجيني من دون ما اتوقع صفعه تجرحني و تبكيني
افاا ما يمدي بارق البسمه يحيي الشفه ويشفيني
يجي شبح الدمعه يلوعني يضيعني ويعذبني يكويني
افاا ما يمدي انسى واسلى بشي يفرحني ويسليني
الاقي شجني وهمي لاحقني من شمالي الى يميني

[القلب المرح]

آآه كل ماحاولت ابتعد عن همي
جتني هموم أعظم من سابقها
تعبت انا من كثر ذرف الدمعات
يارب احمي عبدك من هموم دنياه
ويسر قلبي للي هو اسعد من هموم دنياي

[اسير الهوى]

الجديد نقول عن ... هلوسة في الحب

مهلوسة اشعاري بحبك صرت اخربط الواحد ألف ..أ
مدري الفرة براسي لو بطني اللي يعورني

وكل ما مريت شارع على حبك الاقيه مرة مختلف
كل ذا من بعدك اللي سهرني وبهذلني

مادري وشفيني ياناس انا ادفع حسابٍ مو مستلف
هذا من سهم مغذور وبقلبي مصوبني

الله يولف قلوب عن الحب بعدت ومو راضية تأتلف
يصفيها ويحيها وعن كل البلا يبعدني

وسلامتكم

[Princess]

هههههه السالفه هلوسه .. طيب

ـ احبك..
ـ هااا..)))
ـ احم ..مين اللي قال .. انا ما قلت احبك..قلت ابي قربك..
ـ هااا )))
ـ لا تقول ..اني ما قلت طامعه بقربك ..قلت دربي دربك..
ــ هااا..)))
ــ ويش هالفال ابعدني ربي عن دربك..اقوول من قال هااا .. سمع
بس
.. قرب لي بهمس بأذنك..وبخبرك..
احبك..
ابي قربك..
ودربي .. هو دربك..
ــ

[اسير الهوى]

اميرة المرح

صياغة بروعة الابداع



اسمحي ان اهنئك وبدون مجاملة

فانت من يصعب التغلب عليه هنا بهذه الصفحة

ههههههه

[اسير الهوى]

هواجيس..

تعترم افاقي الفكرية..

تمززق احشائي..

عوالم تراثية..

لدي عينان..

عين تنظر هنا..

وعين تركتها محدقة هناك..

وردة نبتت بصحراء..

تحت اجواف ارضها..

حدائق مائية..

هكذا حروفي تصفصفت..

فيك بهواجيس خرافية..

[Princess]

تسلم خيي ياسر من ذوقك..

جديدنا .. ممممم
عطيته عنوان..

واثق على الطل .!!!

يدق التحيه ويسلم الواثق يظن محتويني
متى بيحس ويتفهم ترى ما فيني يكفيني
مثل جاهل ما يتعلم .. يجاكر وعلتي فيني
يظن انه بثقل دمه ظريف وجالس يسليني
ولو اقدر دست فبطنه ويحرم بعدها يجاريني


ودمتم بحفظ الرحمن

[اسير الهوى]

دعِ النظر وحتى الاشارة

فلستِ تمتلكِ علم الإدارة

انتِ هنا وانا هناك

ونحنُ مختلفين الإمارة

فلا تُتعبِ بالهم قلبكِ..

ووفرِ من جهدكِ..

واطفئي مع الهم سيجارة..

فقلبي ليس بلكِ

وانتِ لست ما أريد

وهذا الزمان

وهذه أقداره

وأُأكد لكِ

انكِ اخطئتي برميك السنارة

فتركيني عنكِ بعيدا

ولا تحتسبيني بدفاتركِ

فماعدت ارا فيكِ المراد

وهذا ما أُرد إقراره

وبالعامي

انطقي عني بعيد ورمي نفسك تحت اقرب كفر سيارة هههههه

[Princess]

هههههه حلوه سياره.. تريله اثقل واحسن


فتح عيونك زين وغسلها تراك لسا نايم..
ترى كاذب ومخدوع شعورك فيني واحساسك
واذا كنت تظن اني بموت فيك ولا بعد هايم
جدار يصحي ظنونك بعد ما تضربه براسك
اسمع بقولها بقسوه وخل يلومني اللايم..
انا مااجي مع دقة الإصبع صحي وسواسك
وماني بحبك غرقان وربي عالسطح عايم
اقول.. لا تشوف روحك وتصدق حكي هوجاسك

[اسير الهوى]

الموضوع الجديد..... الغرور على الفاضي..

علامك ايا المغرور بنفسك على الفاضي
اتوازن ترا الدنيا ماتبغاك متربعٍ فيها

وخل في بالك الكبر لله وانت ترا قاضي
ومايبقى غير تراب من فعايل مسويها

وبكرة تكون اسم مكتوب بلوحة الماضي
ترا ما يبقى بالدنيا من سقا من مساويها

انت من زينك كان تغتر علامك يالحاضي
انت مثل بلون تنتفخ وبإبرة تروح فيها

وسلامتكم

[روح البراءة]

بصراحه الموضوع مررررررررررررررررررررررررررررررررررررررررررررررررر رررررررره عجبني

وأتمنى أني أشارك وأطور من كتاباتي معاكم

تسلمين أموره على هالطرح الرائع

[روح البراءة]

هنا في دنياي وبين ناظري كل منهم يتباهى


هذا شخص يتباهى بماله وهذا شخص يتباهى بجماله

فيامن تتباهون خبالا

ستأتي صفعة الأيام تحولكم دون التباهي

[Princess]

ياهلا خيه رووح البراءه
من ذوقش يالغلا
ومشاركه حلووه
<< بس لبست نظاره شمسيه من لونها الجميل

يا مغتر حاسب على راسك المرفوع
ترى انا ولوحدي بجيب عاليه للواطي
ابي تعلم ان الغرور في شرعنا ممنووع
ومعك صدقني راح امنع اي تعامل وتعاطي
خليها في بالك كلمةٍ صداها حيل مسموع
ما تشغل بقلبي حتى كرسي فاضي لو احتياطي
لا تفكرني اعتب ترى العتب عنك مرفوع
واعقل كلامي زين ترى غرورك على الفاضي
لا تضحكني بهرجك ترى كبدي قامت تلوع
سواليفك بالنسبه لي مزعجه مثل قرقعة قواطي