ابطرح فكره وابغى التفاعل....ورونا شطارتكم يالمبدعين

[Princess]

حلو وربي منكم هالتفاعل تسلمووا
اني اللحين العضو رقم 4
يللا موضوع جديد
الشكوى

ياليل ابشكي دخيلك خفف همومي ابي ارتاح من حزوني
ابي المس ضوا قلب حنين يدفي القلب واضلاعه
ابي اشتت حيرتك روحي وامسح دمعة عيوني
وانثر في زوايا الهمس شقا الخفاق واوجاعه

[سعيد درويش]

أبشكي بس لمين أشكي
لشخص قد سرق وقتي

خدعني بكلمة معسولة
وخلى النفس مقتولة

خسارة كنت أحسبه إنسان
يصون العشرة بالإحسان

[عاشقة أ*ح*م*د]

شكيت الهم والهم اشتكي عليا...

انا مادريت انه كذا قسى وقسوته كانت ليا...

تعذرت منه بس لمين اشكي باقي القضيه...

قضيه اتعبت قلبي ولا هانت عليا..

قلت خلاص اشكيها لرب البريه...

ربي يحلها ويقدر على الي يرضيا...

مشكور يا أميرة المرح والنفوس الزكيه الله يعطيكي

الف عافيه على الموضوع الرائع...

[نور الهدى]

الله يعطيك العافية اختي اميرة على الفكرة


وتسلمين عليها


تحياتي لج وللجميع الي امتعونا ببداعهم


اختكم ام محمد

[Princess]

الله يعافيكي خيتي ام محمد
ويسلمك من ذوقك والله
هاااااااااااااااااا
وينكم والا الفكره مهي عاجبتنكم
قلت اتركها شوي اشوف تفاعلكم بس افا.. ما تفاعلتوا
افا والله افا
مالي خاطر عندكم
اللحين المفروض العضو رقم 4 يطرح موضوع جديد ويورينا ابداعه فيه
مو كله اني اني اللي اطرح
دووووووووووووووووركم
بشوووف
والا شكلكم تبغوا تزعلوني
شجعواني عشان كل شوي اطلع لكم افكاار..اااخ
يالله ماعليه
الصبر مفتاح الفرج...
دمتم بحفظ الرحمن

[اسير الهوى]

(لاتزعلي.. او عن زعل الحبيب)

لا تغضبي..
فقلبي بالحب حواك..
وباعلى صوت..
يصرخ محبوبتي فداك..
لا تغضبي..
وستريني دائما بمرآك..
اين ما التفتي..
لا بل وبوسط حشاك..

(اميرة ماعلش انشغلت شوي بس الموضوع حلو وانا مهتم فيه مانسيته)

[بلاقيود]

ان زعلت بماي عيني اراضيك
كل شي ولاتزعل علي لحظة
اجرح جميع الناس ياروحي واداويك
يرضى على قلبي وجعله ميرضه

[اسير الهوى]

هدية قلبي ولو تبغيه خذيه والله عطية
بس كفي الزعل ومن دلعك خفي شويه
توديني وتجيبيني وبكيفك متسلية بيه
هدي ياعمري محنا جهال نلعب سويه

[Princess]

يسلموووووووووووووووو
على الحركتات هذي
يعطيك العافيه خيي بقية الله
خيو ياااسر
هلا وغلا
مشكور وما "تقصر" ركز خيي ..>>> ما تقصر خخخ
ما نسيت موضوعي هااا .. يسلمووو فيك الخير والله
ويسلمو على هالأبيات الحلوه
طيب دوري اللحين
عن وشوووو
مممممممم
طيب
عن الرضى بعد الزعل ههههههههه
من بعد الكلام الحلو الزعل زايل والعتب مرفوع
وزعلي ما صار الا من كثر معزتكم وغلاكم
والله لو مالكم خاطر عندي بين الضلوع
كان ما همني ازعل منكم والا اطلب رضاكم
لكم بين الحنايا رصيد عالي ومقام حيل مرفوع
سلوة روحي وبهجة نفسي يالغاليين معاكم

[اسير الهوى]

تسلمي اميرة كل شي ولا زعلك...هههااهههاا

ااغضب...
لاااا..كيف وهذه البسمة...
تجبر كبريائي وترضيني..
وهي اغلا ما املك..
وبها..
انسى كل همومي وما فيني..
بسمة..
ترضي غروري..
وتبعد الاسقام وتشفيني..
فياغاليتي..
اقسم عليك بالجبار..
منها ابداً لا تحرميني..

[شمعه تحترق]

لا ..
ماني زعلانه
ولاتشغل البال
صعب إني أزعل منك
يانور عيني
مردي أرجع لك
وفي كل الاحوال
ننسى الزعل
وبكل حب
تحتويني .

[أمير العاشقين]

كيف ازعل ياحبيب الروح وانا اتنفس هواكم
ما تدري يالغالي امير ما يقدر اليوم ينساكم
لاتظن الزعل ياحبيبي يرخص غلاااكم
انا مزعل منكم وهذا قلبي اليوم جاكم

ماادري ويش القصه ذخلت عرض وحطيت دولا

كيف السالفه مدري

فهميني أميره عشان اتواصل لو سمحتي

[Princess]

هههههههههههههههههههههه
هلا والله بخيي امير كل العاشقين
منور بهالطله
ويسلمووو لشموعه وياسر ايه كذا خليكم
تعجبوووني ياحلوكم وانتوا متفاعلين وياي
مممممممممم خيي امير ترى حنا نلعب لعبه بديت اني طرحت موضوع كل 3 اعضاء يوروني شطارتهم بكم بيت عنه والعضو رقم 4
يجي ويحط موضوع جديد وهكذا...
يعنو خيي انت رقم 4 هههههههه يعني موضوع جديد understood يالله منتظره تفاعل منك بعد ومنور هلا وغلا فيك
امممممممم خلني اطرح موضوع جديد... عن الشوق
مشتاقه لك.. شوق االغريب المضيع الأوطان
شوق الصحاري لسيل وادي
شوق الطفل المحروم من حب وحنان
شوق التايه لدليلٍ بدربه وحادي
ايه.. اشتاق لك يا اغلى انسان
ايه.. اشتاق لك يا روى عروقي وزادي
دمتم بحفظ الرحمن

[همسات وله]

وقفت على باب الاحبه انتظر نظره
وعاينت دورهم والدمع من عيوني انثره
وطافت على فكري صورهم وسيرتهم العطره
وغرد في حنايا قلبي حنين الوله والذكرى
وقلت ياربي الى متي اظل على بابهم انتظره

مع تحياتي لك اميرة الاحساس
والله لا يحرمنا من افكاركي المبدعه
اختك همسات وله

[أمير العاشقين]

كيف اعبر عن الشوق ياختي ويش اقول
والشوق في صدري ياختي كل ماجاه يطول
اااه ياختي الشوق ويش الشوق وشنهو اقول
كل ما وصفت الشوق راح ينقصني القول