ممكن ياشباب خدمة ؟؟؟؟؟؟

**دمعة المقهور** · 12-24-2006, 06:11 AM

هوآر يو شباب وصبايا -- الله يمسسيكم بالخير والكرامة وعساكم دوم بخير وسلامة ---

ممكن خدمة لوتسمحون -----

سمعتوا عن الدبلومات اللي صايرة بكلية المعلمين بالدمام للأولاد واللي طريقتها تكون --
بأن يدرس الشخص لمدة عامين دراسيين يدفع من خلالها 20000 الف ريال بالتقسيط وذلك 5000 عن كل ترم وإذا تفوق الطالب بالترم الأول يقومون ينزلونه للدراسة بأنتظام في كلية المعلمين ويدرس من خلالها ويتخرج ويصير مدرس حاسب ويعطونه مكافأة وطبعاً الدراسة بأول ترم تكون بالعصر من الساعة 4 إلى الساعة 9 مساء من السبت للثلاثاء والموضوع بجد عاجبني ونفسي أسجل فيه واودع أيام البطالة بدون شغل أودراسة بس -- وهنا حطنا الجمال 000 بعض ناس يقولون انهم حرامية مع أنهم تابعين لمءسسة التدريب المهني ولهم قسم خاص بكلية المعلمين ويوقولون كمان في ناس تأهلوا وتزلوهم منتطمين ولغوا عنهم الأقساط المتبقية واروا هم اللي يعطونهم -- ماأدري ودي أدش فيها بس متردد 00
ممكن حد منكم ينصحني تراني بجد ماني عارف وين الله احطني -- ولكم تحياتي وأتمنى التوفيق للجميع بس عاد لاتطولون علي -- ودمتم بحفظ الله 000

**Warm Heart** · 12-24-2006, 08:53 AM

أخوي دمعة المقهور

إذا انت عندك رغبة في الدراسة روح ولا تردد
انا عندي ابن عمتي أخذ الدبلوم وبعد التخرج
لقى اليه وظيفة والحين هو مدرس حاسب
وعدي صديق يدرس فيها بعد وجاب معدل
3.5 من 5.00 والحين يدرس فيها بانتظام
ويعطونه مكافآت بس اذا ما عندك رغبة
لاتروح. لانه اذا ماعندك رغبة ما راح تجد في
الدراسة ولا راح تجيب معدل يعني انك راح تدرس
الدبلوم على حسابك بس اذا عندك رغبة راح تجد
وتحصل على معدل قوي وتتحول إلى طالب منتظم

تحياتي لك وبالتوفيق